“9–15 ni Sepiteba. 2 Korinica 1–7: ‘Mo Dou Veivinakati kei na Kalou’’’ Lako Mai, Mo Muri Au—Me Baleti Ira na Tamata Yadua kei na Matavuvale: Veiyalayalati Vou 2019 (2019)
“9–15 ni Sepiteba. 2 Korinica 1–7,” Lako Mai, Mo Muri Au—Me Baleti Ira na Tamata Yadua kei na Matavuvale: 2019
9–15 ni Sepiteba
2 Korinica 1–7
“Mo Dou Veivinakati kei na Kalou”
Ni o vulica na ivola i Paula vei ira na kai Koronica, vola eso nai vakavuvuli ni kosipeli o kunea ka vakasamataka vakatitobu o rawa ni bulataka vakacava ena nomu bula.
Vola na Veika o Vakauqeti Kina
Ena so na gauna, nida iliuliu ni Lotu, ena gadrevi kina meda kaya eso na ka dredre. E dina na veika oqo ena gauna i Paula me vaka ga ni dina talega nikua. E matata talega ni e dua na ivola e liu nei Paula vei ira na Yalosavasava e Korinica e oka talega kina na veicudruvi kei na vakamosi ni yalo. Ena ivola ka qai yaco me 2 Korinica, e tovolea me vakamacalataka o koya na cava e vakavuna nona vosa kaukauwa: “Sa rarawa vakalevu ka yaluma na lomaqu ni’u a vola vei kemudou, a sa vakawai vakalevu na mataqu; sa segai mo dou rarawa kina, ia mo dou kila ga ni sa levu sara na noqu loloma vei kemudou” (2 Korinica 2:4). Ni o sa ciqoma tiko na veivakadodonutaki mai vua e dua nai liuliu, ena veivuke mo kila ni sa vakauqeti mai na loloma Va-Karisito. Ena gauna e sega ni yaco tiko, kevaka eda sa rawa ni raici ira na tani ena loloma vakai Paula, ena rawarawa na noda sauma yani e dua na veivakayalolailalitaki ena sala e veiganiti. Me vaka ni o Elder Jeffrey R. Mo ni daulomana na malumalumu vakatamata—na nomu vakai-iko vakakina o ira na tamata era veiqaravi vata kei iko ena Lotu oqo ena nodra veiliutaki na tagane kei na yalewa tawasaumi vakayago. Vakavo ga vei koya na Luvena Daubau Ga, sai ira ga na tamata ivalavala ca ena cakacaka kina na Kalou mai na ivakatekivu ni gauna” (“Kemuni na Turaga, Au sa Vakabauta,” Ensign se Liaona Me 2013, 94).
Vakasama eso ni Vuli iVolanikalou Yadua
2 Korinica 1:3–7; 4:6–10, 17–18; 7:4–7
Na noqu vakatovolei e rawa ni veivakalougatataki.
Na levu ni nona vakatovolei o Paula ena gauna ni nona veiqaravi, e sega ni veivakakidacalataki ni a vola o koya me baleta na inaki kei na veivakalougatataki ni veivakatovolei. Vakasamataka eso na sala e rawa ni veivakalougatataki na veivakatovolei ni o wilika tiko na 2 Korinica 1:3–7; 4:6–10, 17–18; kei na 7:4–7. Me ivakaraitaki, e rawa ni o vakasamataka vakatitobu na “veivakacegui [vei iko] na nomudou vakararawataki kece” kei na nomu na rawa ni “veivakacegui ira rawa era sa rarawa” (2 Korinica 1:4). Se e rawa ni o vakanamata ki na rarama i Jisu Karisito “sa cila mai e lomai keitou,” ena gauna sara madaga e “sa buku na druadrua” ka “lomaocaoca” (2 Korinica 4:6–10).
Raica talega na Mosaia 24:13–17; iUlutaga Va-Kosipeli, “Adversity,” topics.lds.org.
Au ciqoma na veivakalougatataki ka vakalougatataki ira na tani ni’u vosoti ira.
E sega soti ni levu na ka eda kila me baleta na tamata e tukuna o Paula ena 2 Korinica 2:5–11—ni sa valavala ca ko koya (raica na tikina 5–6) ka vinakata o Paula me ra vosoti koya o ira na Yalosavasava (raica na tikina 7–8). Na cava eda dau sega ni rawa ni “vakadinadinataka [kina] na [noda] loloma” vua e dua e sa caka ca vei keda? (tikina 8). Vakacava e bureitaka na veivosoti vakamavoataki ira na tani kei keda? (raica na tikina 7, 10–11). Na cava e kena ibalebale ni noda sega ni veisereki ena veivosoti vei ira na tani ena solia vei “Setani … me rawai keda? (tikina 11).
Raica talega na Vunau kei na Veiyalayalati 64:9–11.
Ena Veisorovaki nei Jisu Karisito, ena rawa ni’u veivinakati kei na Kalou.
Vakalevu cake mai vua e dua tale, e kila vinaka tu o Paula ni dua e “buli vou.” E veisau mai na dauvakacacani ira na Lotu Va-Karisito ki na dua na qaqa ka dau tutaka na Karisito. E kila vinaka tu o koya ni o Jisu, “sega ni valavala ca,” ena rawa ni kauta tani vei keda nodai valavala ca ka solia vei keda Nona “yalosavasava,” ka vakalesui keda ena duavata kei na Kalou. Ni o wilika na veitikina oqo, vakasamataka mada na ibalebale ni veivinakati kei na dua tale na tamata. Ena vukei iko vakacava mo kila vinaka na ibalebale mo veivinakati kei na Kalou? Vakasamataka vakatitobu na cava beka ena rawa ni vakayawaki iko tiko mai vua na Kalou. Na cava e gadrevi mo cakava me rawa ni taucoko kina nomu veivinakati kei Koya?
Raica talega na 2 Nifai 10:23–25.
Na rarawa va-Kalou e veimuataki ki na veivutuni.
Eda sega ni dau vakasamataka na rarawa me ka vinaka, ia e tukuna o Paula me baleta na “rarawa sa vaka na loma ni kalou” e tiki bibi ni veivutuni. Na cava o vulica me baleta na rarawa vakalou mai na veika oqo? 2 Korinica 7:8–11; Alama 36:16–21; Momani 2:11–15; kei na Gospel Topics, “Repentance,” topics.lds.org. Ena gauna cava o sa bau vakila kina na rarawa sa vaka na loma ni kalou, na cava na kena irevurevu ena nomu bula?
Eso na Vakasama me baleta na Vuli iVolanikalou Vakavuvale kei na Lotu Vakavuvale ena Moniti
Ni o wilika na ivolanikalou kei na nomu vuvale, ena rawa ni vukei iko na Yalo mo kila na ivakavuvuli cava mo vakabibitaka ka veivosakitaka me rawa ni sotavi kina na gagadre ni nomu vuvale. Oqo eso na vakatutu:
Esa bau dua ena nomu vuvale e kerea e dua me vola e dua na ivola ni veivakaturi vei ira, me baleta e dua na ivola kerekere ni cakacaka se vuli? Kerei koya me wasea na veika e yaco kei na veika e volai tu ena ivola me baleti koya. E vakatavulica o Paula ni nodra bula na Yalosavasava e vaka tu na ivola ni veivakaturi ni kosipeli i Karisito mai vei Koya saraga, “sa sega ni volai ena wai ni volavola, sa volai ga ena Yalo ni Kalou bula.” Ni dou wilika vata na 2 Korinica 3:1–3 , mo dou qai veitalanoataka na sala cava e vaka kina na ivola ni veivakaturi ni kosipeli ni ra “sa kila ka wilika na tamata kecega.” Ena rawa ni vola na lewe ni vuvale yadua e dua na “ivola” me vakamacalataka esa ivakaraitaki vinaka vakacava ni tisaipeli i Jisu Karisito e dua tale na lewe ni matavuvale. E rawa ni ra wilika na nodra ivola vei ira na vo ni vuvale ka qai solia ki na lewe ni vuvale e volavola tiko kina. Na cava e bibi kina meda kila vakavinaka ni noda bula e “ivola i Karisito”?
Na cava na ibalebale ni ‘lako voli ena vakabauta, ka sega ga ena raica”? Na cava eda cakava tiko me vakaraitaka ni da vakabauta na veika eda sega ni rawa ni raica?
E rawa beka ni vakasamataka—se kunea—nomu matavuvale e dua na ivakaraitaki ni veika e lako curuma e dua na iwalewale ni veisau vakaitamera ka qai yaco me vakavoui sara me tamata vou? (raica na iyaloyalo e salavata kei na ituvatuva oqo). Na cava e vakavulica vei keda na ivakaraitaki eso oqo me baleta na veika e veisautaki keda kina na kosipeli i Jisu Karisito?
Mai na veitikina oqo na cava na kena ibalebale meda “italatala ni Kalou”?
Ena rawa vakacava meda vakamuria nai vakasala nei Paula, “Mo dou qai lako tani mai vei ira na [tawayalododonu], ka dou tawasei tu,” ka mo dou ivakaraitaki vinaka tikoga vei ira na wavoliti kemudou?
Me ikuri ni tukutuku ni vakavulici ni gone, raica na idusidusi ni macawa oqo ena Lako Mai, Mo Muri Au—Me Baleta na Lalai.
Vakatorocaketaki ni Noda Veivakavulici
Wasea nai naki ni lesoni e vakaibalebale. Eso nai vakavuvuli vakosipeli, me vaka na Veisorovaki, e rawa ni dredre na kena kilai. Vakasamataka mo vakayagataka na iyaloyalo kei na yaya eso me vukea nomu vuvale na nodra kila vakavinaka na ivakavuvuli ena ivolanikalou.
Ni da sa saumaki mai kina kosipeli i Karisito, na noda veiveisau esa rui bibi sara ka vakamacalataka o Paula ni da “sa buli vou” (2 Korinica 5:17).