« 28 nō ’Ātopa–3 nō Novema. 1 ’e 2 Timoteo ; Tito ; Philemona : ‘’Ei ha’apa’ora’a rā ’oe nā tei fa’aro’o ra’ », Mai, pe’e mai—nō te ta’ata hō’ē ’e te ’utuāfare : Faufa’a ’Āpī 2019 (2019)
« 28 nō ’Ātopa–3 nō Novema. 1 ’e 2 Timoteo ; Tito ; Philemona », Mai, pe’e mai—nō te ta’ata hō’ē ’e te ’utuāfare : 2019
28 nō ’Ātopa–3 nō Novema
1 ’e 2 Timoteo ; Tito ; Philemona
« ’Ei ha’apa’ora’a rā ’oe nā tei fa’aro’o ra »
I te tahi taime e tauturu rahi te ravera’a i te tuatāpapara’a pāpa’ira’a mo’a ma te hō’ē ’aore rā rahi atu ā uira’a i te feurira’a. E ani i te Vārua ’ia arata’i ’ia ’outou i te mau pāhonora’a ’a rave ai ’outou i te tuatāpapara’a, ’e e pāpa’i i te fa’aurura’a ato’a e tae mai ia ’outou.
Pāpa’i i tō ’oe mau mana’o
I roto i te mau ’episetole tā Paulo i pāpa’i ia Timoteo, ia Tito ’e ia Philemona, tē fā’aō ra tātou i roto i te ’ā’au o te hō’ē tāvini a te Fatu. E mea ta’a ’ē teie i te mau ’episetole i te mau ’āmuira’a, ’ua pāpa’ihia te reira e te tahi nau ta’ata ta’a ’ē—e mau hoa rahi ’e e mau ’āpiti i roto i te ’ohipa a te Atua—’e mai te huru te tai’ora’a i te reira i te fa’aro’ora’a i te hō’ē paraparaura’a i roto e piti ta’ata. Tē ’ite ra tātou ia Paulo i te fa’aitoitora’a ia Timoteo ’e ia Tito, e piti ta’ata fa’atere ’āmuira’a, i roto i tā rāua ’ohipa tāvinira’a i te ’Ēkālesia. Tē ’ite ra tātou iāna i te tāparura’a i tōna hoa Philemona ’ia fa’a’ore i te hapa o te tahi melo feiā mo’a ’e ’ia rave maita’i iāna mai te hō’ē taea’e i roto i te ’evanelia. ’Aita te mau parau a Paulo i fa’ahiti-ta’a-’ē-hia nō tātou, ’e ’aita paha ’oia i mana’o ē, e rave rahi ta’ata tē tai’o i te reira ’āraua’e. Tē ’ite nei rā tātou i roto i teie mau ’episetole i te parau a’o ’e te fa’aitoitora’a nō tātou, ta’a ’ē noa atu tā tātou ’ohipa ta’a ’ē i roto i te tāvinira’a i te Mesia.
Mau mana’o nō tā ’oe iho tuatāpapara’a pāpa’ira’a mo’a
’O vai Timoteo ’e o Tito ?
’Ua tāvini Timoteo ’e o Tito nā muri ia Paulo i roto i te tahi o tōna mau tere misiōnare. I roto i tā rātou ’ohipa, ’ua noa’a mai tō Paulo fa’atura ’e te ti’aturi ia rāua. ’Ua pi’ihia Timoteo i muri mai ’ei ti’a fa’atere nō te ’Ēkālesia i Ephesia, ’e ’o Tito i Kereta. I roto i teie mau ’episetole, ’ua hōro’a Paulo i teie nā feiā fa’atere i te arata’ira’a ’e te fa’aitoitora’a nō ni’a i tā rāua mau hōpoi’a, mai te porora’a i te ’evanelia ’e te pi’ira’a i te mau ta’ata ’ei ’episekōpo.
’Ua pi’ihia te mau ’episekōpo nō te hōro’a i te arata’ira’a pae vārua i te mau melo o te pāroita.
Mai te mea e « ha’apa’ora’a [vau] nā tei fa’aro’o ra », e nehenehe tā’u e arata’i ia vetahi ’ē i te Fa’aora ’e i tāna ’evanelia.
E mea huru ’āpī Timoteo, ’ua ’ite rā Paulo ē, e nehenehe tāna e riro mai ’ei ti’a fa’atere rahi nō te ’Ēkālesia, noa atu ā tōna ’āpī. E aha te parau a’o tā Paulo i hōro’a ia Timoeto i roto i te 1 Timoteo 4:10–16 ? Nāhea teie parau a’o e tauturu ai ia ’oe ’ia arata’i ia vetahi ’ē i te Fa’aora ’e i tāna ’evanelia ?
Hi’o ato’a Alama 17:11.
« E ’ere ho’i i te ’ā’au taiā tā te Atua i hōro’a mai nō tātou, i te ’ā’au itoito rā, ’e te aroha, ’e te ha’apa’o maita’i ».
Tē mana’ohia ra ē, ’o te 2 Timoteo te ’episetole hope’a tā Paulo i pāpa’i, ’e e au ē, ’ua ’ite ’oia ’ua poto tōna taime i ni’a i te fenua nei (hi’o 2 Timoteo 4:6–8). ’Ia tai’o ’oe i teie ’episetole, e feruri i ni’a i te mana’o o Timoteo i te ’itera’a ē, fātata i te taime ’aita fa’ahou tōna ta’ata a’o ’e te ti’a fa’atere tāna i ti’aturi rahi. E aha tā Paulo i parau nō te fa’aitoito iāna ? E aha tā te mau parau a Paulo e ha’api’i nei nō ni’a i te fa’arurura’a i tā ’oe mau tāmatara’a ’e tō ’oe mata’u ?
E hōro’a te orara’a i te ’evanelia i te pāruru i te mau ’ati pae vārua o te mau mahana hope’a nei.
Tē ora nei tātou i roto i te « ’anotau hope’a » tā Paulo i fa’ahiti, ’e ’ua tae te tau nō te « ’ati rahi » (2 Timoteo 3:1). ’Ia tai’o ’oe i te 2 Timoteo 3, ’a pāpa’i i te mau ’ati o te mau mahana hope’a nei i fa’ahitihia (hi’o ato’a 1 Timoteo 4:1–3):
E nehenehe ānei tā ’oe e feruri i te tahi mau hi’ora’a nō teie mau ’ati i roto i te ao ’ati a’e ia ’oe—’aore rā i roto i tō ’oe iho orara’a ? Nāhea teie mau ’ati, mai te ta’ata i fa’ahitihia i roto i te ’īrava 6, e « fa’aō noa i roto i [tō ’outou] mau fare, e riro atura » ? E aha te parau a’o tā ’oe e ’ite ra i roto i te 2 Timoteo 3, ’e i te tahi ato’a mau vāhi o te ’episetole, ’o te nehenehe e pāruru ia ’oe ’e tō ’oe ’utuāfare i te mau ’ati pae vārua ? (hi’o, ’ei hi’ora’a, 1 Timoteo 1:3–11 ; 2 Timoteo 2:15–16 ; Tito 2:1–8).
’O vai Philemona ?
E ta’ata keresetiano ’o Philemona tei fa’afāriuhia i te ’evanelia e Paulo. E tītī tāna, ’o Onesimo, tei horo ’ē i te tītīra’a ’e ’ua fārerei ia Paulo ’e ’ua fa’afāriuhia i te ’evanelia. I roto i te hō’ē rata ia Philemona, ’ua fa’aitoito Paulo i tōna hoa ’ia fa’a’ore i te hapa a Onesimo ’e ’ia fāri’i ho’i iāna « ’eiaha rā ’ei tāvini, ’ia hau atu rā ’oia i te tāvini, ’ei taea’e here ra » (’īrava 16).
E fa’a’ore te feiā ’āpe’e i te Mesia i tā te tahi ’e te tahi hapa.
’Ua tupu a’enei ānei hō’ē taime ē, ’ua ’imi te tahi ta’ata i tā ’oe fa’aorera’a hapa ? E feruri i te reira taime ’a tai’o ai ’oe i te ’episetole a Philemona. E aha tā Paulo i ha’api’i ia Philemona nō ni’a i te tumu e ti’a ’ia fa’a’ore i te hapa a Onesimo ? E poro’i ānei nō ’oe i roto i teie ’episetole ?
Hi’o ato’a 1 Nephi 7:16–21 ; Mosia 26:30–31.
Mau mana’o nō tā te ’utuāfare tuatāpapara’a pāpa’ira’a mo’a ’e nō te pō ’utuāfare
’Ia tai’o ’outou i te mau pāpa’ira’a mo’a ’e te ’utuāfare, e nehenehe te Vārua e tauturu mai ’ia ’ite e aha te mau parau tumu e ha’afaufa’a ’e e ’āparau nō te pāhono i te mau hina’aro o te ’utuāfare. Teie te tahi mau mana’o :
Noa atu ē ’aita te tahi mau peu i roto i te parau a’o a Paulo nō te fāito ’ahu au nō te mau vahine i tano roa i tō tātou nei ’anotau, e nehenehe tātou pā’āto’a e ha’api’i mai nā roto i tāna a’o ’ia « fa’anehenehe ia [tātou]… ma te parau maita’i ». Penei a’e e au tō ’outou ’utuāfare ’ia fa’aineine i te hō’e fa’a’ite’itera’a ’ahu, ’e nā te mau melo o te ’utuāfare e ’ō’omo i te ’ahu ’aore rā te tahi tao’a fa’anehenehe ma te tahi parau maita’i i tāpa’ohia i ni’a iho. E aha te tahi mau ’ohipa maita’i tā tō ’outou ’utuāfare e nehenehe e rave i teie hepetoma ?
Nō te tauturu i te mau melo o tō ’outou ’utuāfare ’ia hina’aro ’ia riro « ’ei ha’apa’ora’a nō tei fa’aro’o ra », e ’ōpua i te ani ia rātou ’ia pāpa’i hōho’a nāhea te mau ta’ata i te rirora’a ’ei hi’ora’a maita’i nō rātou. Nāhea teie mau ta’ata i te fa’auru ia tātou ’ia pe’e ia Iesu Mesia ? E nehenehe e hōro’a i te tahi mau mana’o i roto i te poro’i a te peresideni Thomas S. Monson, « ’Ei hi’ora’a ’oe ’e ’ei māramarama » (Ensign ’aore rā Liahona, Novema 2015, 86–88).
Nō te aha ’outou e mana’o ai, « te nounou moni » ’ua riro ïa ’ei « tumu o te mau ’ino ato’a » ? E aha te ’ati nō te rōtahira’a i tō tātou orara’a i ni’a i te moni ? Nāhea tātou i te māuruuru i tō tātou mau ha’amaita’ira’a ?
’Ia au i teie mau ’īrava, e aha te mau ha’amaita’ira’a o te feiā e ’ite ’e e tuatāpapa i te mau pāpa’ira’a mo’a ? Penei a’e e nehenehe te mau melo o te ’utuāfare e fa’a’ite i te tahi mau ’īrava tā rātou i ’ite ē, ’o tei riro ’ei mea « faufa’a ».
E aha tā Paulo i hina’aro e rave nō Onesimo ? E aha te tū’atira’a i te mea tā te Fa’aora i rave nō tātou ma tōna iho hina’aro ? (hi’o ato’a 1 Timoteo 2:5–6 ; PH&PF 45:3–5). Nāhea tā tātou i te pe’e i te hi’ora’a o Paulo ’e te hi’ora’a o te Fa’aora ?
Nō te mau mana’o hau atu nō te ha’api’ira’a i te mau tamari’i, hi’o te arata’i ha’api’ira’a o teie hepetoma i roto Mai, pe’e mai—nō te Paraimere.
Haʼamaitaʼiraʼa i tā tātou haʼapiʼiraʼa
Ha’api’i i te ha’api’ira’a tumu pāpū ’e te ’ōhie. E mea nehenehe te ’evanelia i roto i tōna huru ’ōhie (hi’o PH&PF 133:57). ’Eiaha e tāmata i te fa’anavenave i tō ’outou ’utuāfare nā roto i te tahi ha’api’ira’a e tītau rahi i te fa’aineinra’a, e tūtava rā i te ha’api’i i te ha’api’ira’a tumu ateate ’e te ’ōhie (hi’o 1 Timoteo 1:3–7).
E tauturu te tuatāpapara’a i te parau a te Atua ia tātou ’ia vai pāruru i mua i te mau ’ati o te mau mahana hope’a nei.