Iesu o loo tu i totonu o ao

‘Aua Tou te Matata‘u, saunia e Michael Malm

13–19 Mati

Mataio 11–12; Luka 11

“O A‘u Foi E Malolo Ai Outou”

Na a‘oa‘o mai Elder Dallin H. Oaks: “O tusitusiga paia, o faaaliga ia o aso ua mavae, e le mafai ona malamalama i ai e aunoa ma le mafaufau matala i faaaliga o aso nei. … O le su‘esu‘e i tusitusiga paia e mafai ai e alii ma tama‘ita‘i ona maua faaaliga” (“Scripture Reading and Revelation,” Ensign, Jan. 1995, 7).

Tusi Faamaumau Ou Lagona Uuna‘i

I le tele o itu, na faia ai e le au Faresaio ma tusiupu le tapua‘i ia Ieova o se avega mamafa. Sa masani ona latou faamamafaina tulafono tamau nai lo upumoni e faavavau. O tulafono e uiga i le aso Sapati, lea sa tatau ona avea o se aso e malolo ai, sa avea ma se avega mamafa.

Ona, afio atu ai lea o Ieova i Ona lava tagata. Sa Ia aoaoina i latou o faamoemoega moni o tapuaiga e le ina ia fatu ai ni avega ae ia fai ma latou mapusaga. Sa Ia aoao atu ua tuuina mai e le Atua poloaiga, e aofia ai ma le poloaiga ia faamamalu le Sapati, ina ia le faasala ai i tatou ae ia manuia ai. Ioe, o le ala a le Atua e sa’o ma vaapiapi, ae na afio mai le Alii e folafola mai e le manaomia ona tatou savavali na’o i tatou. “Ina sau ia ia te a’u,” na Ia aioi mai ai. O Lana valaaulia, ia i latou uma o e e lagona “avega mamafa” mo soo se pogai lava o le, ia tu i Ona tafatafa, ia fusia i tatou lava ia te Ia, ma faataga o Ia e tausoa a tatou avega. O Lana folafolaga o le, “Ona maua lea e outou o le malologa mo outou agaga.” E faatusa atu i isi filifiliga—o le taumafai e faaauau toatasi po o le faalagolago i fofo a le lalolagi—o Lana “amo e avegofie, ma o [Lana] avega e mama ia.” (Mataio 11:28–30.)

aikona o suesuega faaletagata lava ia

Manatu mo Suesuega Faaletagata Lava Ia o Tusitusiga Paia

Mataio 11:28–30

O le a aumai e Iesu Keriso ia te au le malologa pe a ou faalagolago ia te Ia.

Tatou te tauaveina uma lava avega—o nisi e afua mai ia tatou lava agasala ma mea sese, o nisi e mafua i filifiliga a isi, ma o nisi e le ona o se isi ae ua na o se vaega lava o le olaga i le lalolagi. Tusa lava po o a mafuaaga o mea o tatou tauivi ai, ua augani mai Iesu ia te i tatou e o mai ia te Ia ina ia mafai ai ona Ia fesoasoani ia te i tatou e tauave a tatou avega ma maua ai se mapusaga (tagai foi Mosaea 24). Na aoao mai Elder David A. Bednar, “O le osia ma le tausia o feagaiga paia e tuufaatasia ai i tatou ma le Alii o Iesu Keriso” (“Tauave ma le Faigofie a Latou Avega,” Liahona, Me 2014, 88). Faatasi ai ma lenei mea i le mafaufau, mafaufau loloto i fesili e pei o lenei ina ia malamalama lelei ai i upu a le Faaola o loo i fuaiupu nei: “O faapefea e a’u feagaiga ona fesootai atu a’u i le, ma faatasi ma le Faaola?” O le a se mea e tatau ona ou faia e sau ai ia Keriso? O le a le tulaga e faigofie ai le amo a le Faaola ma mama ai Lana avega?

O a isi fesili e oo mai i lou mafaufau a o e faitau? Tusifaamaumau ma saili mo tali i le vaiaso lenei i tusitusiga paia ma upu a perofeta. E mafai ona e maua tali i nisi o fesili i le savali a Elder David A. Bednar o loo ta’ua i luga.

See also John A. McCune, “O Mai ia Keriso—Ola o ni Au Paia o Aso e Gata Ai,” Liahona, Me 2020, 36–38; Lawrence E. Corbridge, “O Le Ala,” Liahona, Nov. 2008, 34–36.

alii o loo tilotilo ifo i soo o loo savavali ui atu i le toga saito.

The Disciples Eat Wheat on the Sabbath(o le ausoo o loo aai i saito i le sapati), saunia e James Tissot

Mataio 12:1–13

“Faia o mea lelei i aso sapati.”

E tele itu e eseese ai aoaoga a le au Faresaio mai le Faaola, aemaise lava i le ala e faamamalu ai le aso Sapati. A o e faitau i le Mataio 12:1–13, atonu e te mafaufau pe o le a le lelei o le ogatasi o ou uiga ma faatinoga e faatatau i le Sapati ma aoaoga a le Faaola. Ina ia faia lenei mea, e mafai ona e mafaufau loloto i faamatalaga e pei o nei:

• “Ou te loto i le alofa, a e le o le taulaga” (fuaiupu 7; tagai Hosea 6:6).

• “Aua o le Atalii o le tagata, o le Alii lava ia o le sapat” (fuaiupu 8).

• “O lea e tatau ai ona agalelei i le sapati” (fuaiupu 12).

E faapefea e nei aoaoga ona faatosina ai le ala e te taulimaina ai le Sapati?

Tagai foi Mareko 2:23–3:5; Autu o le Talalelei, “Aso Sapati,” topics.ChurchofJesusChrist.org.

Mataio 12:34–37; Luka 11:33–44

O a’u upu ma faatinoga e atagia ai le mea o loo i lo’u loto.

O se tasi o faitioga autu a le Faaola i le au Faresaio o le, sa latou taumafai e faafoliga amiotonu ae o o latou faamoemoega sa le mama ia. A o e suesue i lapataiga a le Faaola i le au Farsaio i le Mataio 12:34–37 ma le Luka 11:33–44, mafaufau loloto i le fesootaiga i le va o o tatou loto ma a tatou amioga. O le a le uiga o le fuaitau “mea lelei ua teu i [le] loto” ia te oe? (Mataio 12:35). E faapefea ona tauamiotonu pe tausala i tatou e a tatou upu? (tagai Mataio 12:37). Faamata o le a le uiga o le, mo lou mata ia “lelei”? (Luka 11:34). Mafaufau loloto pe mafai faapefea ona e “malamalama uma” (Luka 11:36) e ala i le mana o le Faaola.

Tagai foi i le Alema 12:12–14; Mataupu Faavae ma Feagaiga 88:67–68.

aikona o suesuega faaleaiga

Manatu mo Suesuega Faaleaiga o Tusitusiga Paia ma Afiafi Faaleaiga

Mataio 11:28–30.E mafai ona e fesoasoani i lou aiga e vaai faalemafaufau i aoaoga a le Faaola o i nei fuaiupu i le feauauai lea e taumafai e toso se mea mamafa, muamua e i latou lava fesoasoani lea o nisi e toso. O a ni nai avega o tatou tauaveina? O le a le uiga o le tauaveina o le amo a Keriso i o tatou luga? O le ata o loo i le faaiuga o lenei otootoga e mafai ona fesoasoani ia te outou e faamalamalama ai le mea e ta’u o le amo.

Mataio 12:10–13.A o e faitau e uiga i le faamaloloina e Iesu o se tagata i le Sapati, e mafai ona talanoa le tou aiga i le ala tatou te “toe lelei” ai e ala i le Faaola. E mafai faapefea ona avea le Sapati ma se aso o le faamalologa mo i tatou?

O le musuia ai e faataitaiga a le Faaola i nei fuaiupu, e mafai ona fai e lou aiga se lisi o auala e mafai ona outou “agalelei i le sapati” (fuaiupu 12). Ia mautinoa e aofia ai avanoa e auauna atu ai i isi. E aoga foi le teu o le tou lisi ma tagai i ai i Aso Sa o lumanai.

Luka 11:33–36.Mafaufau loloto pe ono faapefea ona e aoaoina lou aiga i le uiga o le “malamalama uma” (fuaiupu 34, 36). Faamata o le a fesoasoani se lesona faitino? E mafai foi ona outou talanoa i auala e aumai ai le malamalama o le Faaola i o tatou olaga, i le aiga, ma le lalolagi. Mo manatu, tagai i le vitio “The Light That Shineth in Darkness,” ChurchofJesusChrist.org.

Luka 11:37–44.Atonu e mafai e lou aiga ona talanoa i nei fuaiupu ao fufulu faatasi ipu. E mafai ona tou talanoa i le pogai o le a avea ai o se manatu le lelei le fufulu na’o o tua o mea e pei o pesini ma iputi. Ona mafai lea ona e faatatau lenei mea i le manaomia ona amiotonu e le na’o o tatou faatinoga i fafo ae faapea foi i o tatou mafaufauga ma lagona i totonu.

Mo nisi manatu mo le aoaoina atu o le fanau, tagai i le otootoga o lenei vaiaso i le Sau, Mulimuli Mai ia te A’u—Mo le Peraimeri.

Viiga fautuaina: “E Malu ma Alofa Poloaiga a le Atua,” Viiga, nu. 66.

Faaleleia o Suesuega Faaletagata Lava Ia

Ia faifai pea. Atonu e i ai ni ou aso e foliga mai e sili atu ona faigata pe tau leai se aafiaga tele o le suesueina o tusitusiga paia. Aua le fiu gofie. Ae pei lava ona paleni ia tosi lanu samasama ma le lanu auro ma maua mai ai se faiva alofilima matagafoie naua, o le mea la lea, o lo tatou faia pea e le aunoa o nai mea iti faigofie, e mafai ona tulai mai ai taunuuga faaleagaga maoae” (“Ia Matua Maelega ma Mataufau i le Aiga,” Liahona, Nov. 2009, 20).

povi e lua o loo amo faatasi

“Ia outou amoina la’u amo, ma ia outou faaaoao ia te a’u; aua o a’u le agamalu ma le loto maulalo: ona maua lea e outou o le malologa mo outou agaga” (Mataio 11:28–29). Ata pue © iStockphoto.com/wbritten