wheat repojak n̄an m̧adm̧ōd

M̧aaj 20–26

Matu 13; Luk 8; 13

“Eo Ewōr Lo̧jiln̄in, En Ron̄jake”

Ilo am̧ riiti Matu 13 im Luk 8; 13, ļōmņak kōn wāween am̧ naaj kōpooj eok make n̄an “ron̄jake” im kam̧m̧olool kōn katak ko an Rilo̧mo̧o̧r ilo būrabōļ kein. Ta eo kwonaaj kōm̧m̧ane n̄an mour kōn katak kein ilo mour eo am̧?

Je En̄jake ko Rej Im̧we Eok

Jet iaan katak ko eļap kein kakeememej an Rilo̧mo̧o̧r rekar itok ilo nememein bwebwenato ko ņa etaer būrabōļ. Men kein reļļap ļo̧k jān bwebwenato ko rekadu ko rekabwūlōn̄lōn̄ kōn men ko ak m̧akūtkūt me ekkā ad jelm̧aeiki. Repād ie m̧ool ko rekabwūlōn̄lōn̄ kōn aelōn̄ in kiin̄ an Anij n̄an ro me rekar pojak ilo mour in jetōb. Juon iaan barabōļ ko jinointata me kar je ilo Kallim̧ur Ekāāl—barabōļ eo kōn ekkat ine (lale Matu 13:3–23)—ej karuwaineneik kōj n̄an etale jon̄ak ad bōk n̄an mour kōn naan ko an Anij. “Bwe jabdewōt eo enaaj bōk,” Jisōs ekar ba, “naaj leļo̧k n̄an e eļapļo̧k” (Ukok eo an Josep Smith, Matu 13:10 [ilo Matu 13:12, footnote a]). Kōn menin ilo ad kōbpopo n̄an ekkatak kōn būrabōļ ko an Rilo̧mo̧o̧r—ak jabdewōt katak ko An—juon jikin em̧m̧an n̄an ijjino ej n̄an etale bōro im lale eļan̄n̄e jej kwaļo̧k kōn naan an Anij “bwidej em̧m̧an” (Matu 13:8) n̄an eddōkļo̧k, ebbōl, kilepļo̧k im kalle me enaaj ļapļo̧k an kōjeraam̧m̧an kōj im baam̧le ko ad.

pija ej bōk jikin ekkatak an juon make

Ļōmņak ko n̄an Ekkatak Jeje Ko Rekwojarjar Ippam̧ Make

Matu 13:3–23; Luk 8:4–15; 13:6–9

Būruō ej aikuj pojak n̄an bōk naan an Anij.

Etke jet iien būruōd rej bōk m̧ool eo, ilo iien ko jet me jej jelm̧ae kapo n̄an anjo̧ jān e? Riiti būrabōļ eo kōn ekkat ine emaron̄ letok juon iien em̧m̧an n̄an ļōmņak kōn wāween eo em̧m̧an kwoj bōk m̧ool jān Irooj. Emaron̄ lukkuun jipan̄ n̄an keidi eoon ko 3–8 ilo Matu 13 ippān ukook eo kar letok ilo eoon ko 18–23. Ta eo komaron̄ kōm̧m̧ane n̄an kōpooj “bwidej em̧m̧an” ilo kwe make? Ta eo jet iaan “kalōklōk ko” me ej dāpij eok jān am̧ lukkuun ron̄jake im ļoor naan an Anij? Ewi wāween am̧ anjo̧ jān “kalōklōk ko”?

Ekkatak eo am̧ ilo būrabōļ in emaron̄ bar jelet wāween am̧ riiti būrabōļ eo ilo Luk 13:6–9. Ta eo “leir” me Irooj ej kappukot e jān kōj? Ewi wāween ad naajdik bwidej ko jen maron̄ “kalle leir”?

Bar lale Mosaia 2:9; Alma 12:10–11; 32:28–43; Dallin H. Oaks, “Barabōļ eo kōn Ekkat Ine,” Liaona, Māe 2015, 32–35.

Matu 13:24–35, 44–52; Luk 13:18–21

Būrabōļ eo an Jisōs ej jipan̄ eō meļeļe kōn eddōkļo̧k im mejen kajjik eo an Kabun̄ eo An.

Rikanaan Josep Smith ekar katakin bwe barabōļ ko ilo Matu 13 ej kōmeļeļeiki eddōkļo̧k eo im mejen kajjik eo an Kabun̄ in ilo raan ko āliktata. Kwomaron̄ etale naan ko an Rikanaan eo ilo Teachings of Presidents of the Church: Joseph Smith (2007), 293–303, ilo am̧ ļōmņak kōn barabōļ ko rej ellaajrak me ej katakin eok kōn Kabun̄ eo an Irooj:

• Wheat im tāō ko (13:24–30, 36–43)

• Ine eo (13:31–32)

• Yeast (13:33)

• Mweiuk ilo jikin kallip im bōōr eo eļap wōņāān (13:44–46)

• Ok in eo̧n̄ōd (13:47–50)

• Aļap (13:52)

Ālkin am̧ kejokļo̧kjeņ kōn barabōļ kein, ta eo kwar en̄jake ej im̧we eok n̄an kōm̧m̧ane n̄an bōk eļapļo̧k koņaam ilo jerbal eo ilo Kabun̄ eo an Kraist ilo raan ko āliktata?

Bar lale Guide to the Scriptures, “Kingdom of God or Kingdom of Heaven,” “Parable,” scriptures.ChurchofJesusChrist.org.

bōōr

Gospel eo an Jisōs Kraist ej juon “bōōr eo eļap wōņāān” (Matu 13:46).

Matu 13:24–30, 36–43

Armej ro rem̧m̧an rej aikuj eddōk ilubwiljin ro renana m̧ae jem̧ļo̧kin laļ in.

Juon wāween n̄an ekkatak būrabōļ in ej n̄an jin̄n̄aiki juon pija im kōkaļļeiki kōn ukook eo ilo Matu 13:36–43 im Katak im Bujen Ko 86:1–7. Juon tāō ej juon “ujooj eo e paijin, eo me, m̧ae iien eitok n̄an lo̧jiln̄id, ej āinwōt wheat” (Bible Dictionary, “Tares”). Ta m̧ool ko ilo būrabōļ in me ej im̧we eok n̄an m̧ool wōt jekdo̧o̧n nana ko ilo laļ in?

Luk 8:1–3

Ilo wāween ta “jet kōrā ro” jipan̄ Rilo̧mo̧o̧r?

Rikaļoor kōrā ro rekar etetal ippān Jisōs im Jon̄oulruo ro, ekkatka jān [Jisōs] ilo mour in jetōb im jerbal n̄an E ilo iien ko rekadu. … N̄an kōļapļo̧k ikkijeen pād jerbal in kwaļo̧k naan an Kraist—ennaan eo ekam̧ōņōņō an gospel eo An im kōjeraam̧m̧an ko an kajoor in kōmour eo An—kōrā rein rekar jerbal n̄an E, leļo̧k menin ko m̧weier im wūjlepļo̧k” (Daughters in My Kingdom [2017], 4). Kōrā ro rekar ļoor Rilo̧mo̧o̧r rekar bar kwaļo̧k naan in kam̧ool ko aer rekajoor kōn E, “Jet Kōrā ro,” Liaona, Māe 2017, 12–15).

pija eo ej bōk jikin ekkatak an baam̧le

Ļōmņak ko n̄an Ekkatak Jeje ko Rekwojarjar an Nokon in Jota an Baam̧le

Matu 13.Ilo an ro uwaan baam̧le eo am̧ riiti būrabōļ ko an Rilo̧mo̧o̧r, remaron̄ m̧ōņōņō ilo aer ļōmņak kōn būrabōļ ko aer make me rej katakin ejja m̧ool ko wōt kōn aelōn̄ in lan̄ (Kabun̄ in), kōjerbal object ko ak jekjek ko me rej āinwōt kein.

Matu 13:3–23; Luk 8:4–15.Ālkin riit barabōļ eo kōn ekkat ine ippān doon, baam̧le eo am̧ emaron̄ kōmeļeļeiki kajjitōk kein: Ta eo jemaron̄ kōm̧m̧ane bwe “bwidej” (buruōd) “re dekāke” ak “koutam̧weik” naan eo? Ewi wāween ad maron̄ jeļā bwe bwidej eo em̧m̧an im em̧m̧an an kalle?

Eļan̄n̄e ewōr nejim ajri ro reddikļo̧k ilo baam̧le eo am̧, emaron̄ kalimomo n̄an karuwaineneik ro uwaan baam̧le eo n̄an kōm̧m̧an arin ilo wāween ko raoktak n̄an kōpooj buruōd n̄an ron̄jake naan ko an Anij ilo an ro jet uwaan baam̧le eo kwaļo̧k ta eo rej kōm̧m̧ane.

Matu 13:13–16.Ewi wāween am̧ jipan̄ ro uwaan baam̧le eo am̧ meļeļe kōn aorōk in m̧ōņōņō in bōk ak eo̧ron̄ naan ko an Kraist? N̄an kōmeļeļe “lo̧jiln̄ier [me] rej ron̄ jam̧ōn,” kwomaron̄ penej lojin̄in juon uwaan baam̧le eo ilo am̧ kadikdikk riiti Matu 13:13–16. Ewi jon̄an an ro uwaan baam̧le eo kar meļeļe jān eoon ko? Ta wāween ko me jemaron̄ kōpelļo̧k mejād, lojiln̄ūd, im buruōer n̄an naan ko an Anij?

Matu 13:44–46.Ta eo me ruo em̧m̧aan ilo būrabōļ kein rej juon wōt kake? Men ko jet jej aikuj kōm̧m̧an āinwōt kajjojo ak āinwōt juon baam̧le n̄an likūt aelōn̄ in kiin̄ an Anij ilo mour ko ad?

Luk 13:11–17.Elōn̄ ke ro uwaan baam̧le eo rekar kwaļo̧k en̄jake ko me ekar kōm̧m̧an bwe ren en̄jake ke remaron̄ jabt “ļōn̄aj [er make] lōn̄ļo̧k”? Jejeļā ke kōn juon eo ej en̄jake wāween in? Ewi wāween ad jipan̄? Ewi wāween an Rilo̧mo̧o̧r “kōrōlļo̧k” kōj jān kaen̄tanaan ko ad?

N̄an ļōmņak ko reļļapļo̧k ikkijeen katakin ajri ro, lale unin tōl eo an wiik in ilo Itok, Ļoor Eō—N̄an Būraimere

Al eo kar elmakote: “We Are Sowing,” Hymns, no. 216.

Kōkōm̧anm̧anļo̧k Ad Katakin

Kakilōklōke juon eoon. Kālet juon eoon in jeje ko rekwojarjar me eļap an ļap meļeļein n̄an baam̧le eo am̧, im kakilōklōke ippān doon. Elder Richard G. Scott ekar katakin, “Kakilōklōke juon eoon ej erom̧ juon m̧ōttad indeeo me ejjab m̧ōjņo̧ļo̧k kōn tōre in iien” (“The Power of Scripture,” Liaona, Nob. 2011, 6).

em̧m̧aan eo ej katōk ine ko

Būrabōļ eo kōn Ekkat Ine, jān George Soper