Eprōļ 3–9

Ijtō

“O Mej, Ewi Am̧ Anjo̧?”

Ilo am̧ riiti naan in kam̧ool ko kōn Jerkakpeje eo an Rilo̧mo̧o̧r ilo unin tōl in, jeik en̄jaake ko im im̧we kwoj bōk jān Jetōb Kwojarjar.

Je En̄jake ko Rej Im̧we Eok

Ilo week āliktata in mour eo an Rilo̧mo̧o̧r, elōn̄ uwaan ri Jew ro ipeļaakin rekar bōk koņaer ilo iminene in m̧akūtkūt ko in Kijoone eo. Rekar kōpooj m̧ōn̄ā ko, al al ko, im kuk ippān doon n̄an kakkeememej e iien eo ro im̧ōn Israel rekar anjo̧ jān kōm̧akoko ippān armej in Ijipt ro. Baam̧le ko rekar ron̄jake bwebwenato eo kōn enjel in ko̧kkure eo ekar eļļā ioon m̧oko im̧ōn ro nukier etto me rekar kōkaļļāik kōjem ko aer kōn bōtōktōk in lamb. Ilubwilijin iien kam̧ōņōņōņō kein reļļap kōn kōkaļļe in anjo̧, jejjo wōt rekar jeļā bwe Jisōs Kraist, Lamb an Anij, ekar itōņ kanjo̧iki er jān kōm̧akoko in jerawiwi im mej. Ak aaet, ewōr ro rekar kile Jisōs āinwōt Messaia in kallim̧ūr eo aer, Rikaanjo eo aer indeeo. Jān iien eo m̧aanļo̧k, rikaļoor ro an Jisōs Krait rekar kwaļo̧k kam̧ool n̄an laļ in “bwe Kraist ear mej kōn jerọwiwi ko ad … ; m ar kalbwin E, im Ear jerkakpeje ilo raan kein ka jilu” (1 Korint 15:3–4).

Ļōmņak ko n̄an Ekkatak Jeje Ko Rekwojarjar Ippam̧ Make

Matu 21–28

Jisōs Kraist ekar kōrōļo̧k eō jān jerawiwi im mej, kōkajoor eō ilo m̧ōjņo̧ ko aer, im kainōm̧m̧an eō ilo māllijon̄ ko aō.

Juon wāween n̄an mijeļo̧k kōjeram̧m̧an ko an Pinmuur eo an Rilo̧mo̧o̧r ilo wiik in ej n̄an joļo̧k iien kajjojo raan n̄an riit kōn wiik in mour eo an Rilo̧mo̧o̧r āliktata (juon jikejuuļ in iien riit emaron̄ āinwōt in). Tao eo kwoj loe ilo jepta kein me remaron̄ jipan̄ eok en̄jake iakwe eo an Rilo̧mo̧o̧r? Kejokļo̧kijeņ kōn jepta kein rej katakin eok kōn wāween An maron̄ kaanjo̧ik eok jān jerawiwi, mej, māllijon̄, im m̧ōjņo̧ ko. Ekōjkan am̧ kōjerbal tōmak ilo kajoor in kejparok eo An?

• Jabōt: Deļo̧n̄ļo̧k eo an eļap n̄an Jerusalem (Matu 21:6–11)

• Mande : Karreoik tam̧peļ eo (Matu 21:12–16)

• Juje: Kwaļo̧k ilo Jerusalem (Matu 21–23)

• Wōnje: Kar kwaļo̧k m̧aanļo̧k wōt (Matu 24–25)

• Taije: Kijoone eo im en̄taan eo an Kraist ilo Jikin Kallūb Gethsemane (Matu 26)

• Bōļaide: Malijjon̄ eo, Dōbwāāl eo, im Kallūb eo (Matu 27:1–61)

• Jādede: Ānbwinin Kraist ej babu ilo lōb eo (Matu 27:62–66) ak E ej kwaļo̧k naan ilo laļ an jetōb (Katak im Bujen Ko 138)

• Jabōt: Walōn̄lo̧k eo im waļokļo̧k eo an Jisōs Kraist n̄an rikaļoor ro An (Matu 28:1–10)

Bar lale Easter.ComeuntoChrist.org.

Dōbwāāl, jān Louise Parker

Matu 28:1–10; Luk 24:13–35; Jon 20:19–29; 1 Korint 15:1–8, 55

Elōn̄ rikam̧ool ro rekar kam̧ool kōn Jerkakpeje eo an Jisōs Kraist.

Pijaikļo̧k eo wāween kar n̄an an rikaļoor ro an lale aer kajirere kōn Jisōs, bōd aer kōm̧m̧an n̄ane, im dōbwāāl e. Rekar bōk kam̧ool kōn kajoor eo An, en̄jake kam̧ool kōn katak ko An, im kar wōr aer tōmak bwe E ekar Nejin Anij. Loe an Mej aikuj kar kōm̧m̧an an rikaļoor ro An en̄jake būrom̧ōj im pok ilo aer jab meļeļe. Ak ejjab to rekar erom̧ rikam̧ool ro kōn juon kabwilōn̄lōn̄ eļap in Jerkakpeje eo An.

Ta eo komaron̄ ekkatak jān bwebwenato kein kōn ro rekar kam̧oole Jerkakpeje eo an Rilo̧mo̧o̧r? Kōkaļļeik ak jeik en̄jake kein an kajojo armej ren ilo Matu 28:1–10; Luk 24:13–35; Jon 20:19–29; im 1 Korint 15:1–8, 55. (Rikam̧ool ro jet an Kraist eo em̧ōj an jerkakpeje maron̄ loe ilo 3 Nipai 11; Mormon 1:15; Ether 12:38–39; Katak im Bujen Ko 76:19–24; 110:1–10; im Josep Smith—Bwebwenato 1:15–17.) Ta eo ekōketak eok kōn naan in kam̧ool ko an rikam̧ool rein? Ālikin Jerkakpeje eo an Rilo̧mo̧o̧r, ro jet rekar jerkakpeje im waļo̧k n̄an elōn̄ (lale Matu 27:52–53; 3 Nipai 23:9). Ekōjkan an tōmak eo am̧ ilo Rilo̧mo̧o̧r im kallim̧ūr in jerkakpeje eo jelōt wāween am̧ mour?

Bar lale “Jesus Is Resurrected,” “The Risen Lord Appears to the Apostles,” “Blessed Are They That Have Not Seen, im Yet Have Believed” (bitio ko), ChurchofJesusChrist.org.

1 Pita 1:3–11

Jisōs Kraist ej letok n̄an eō kōjatdikdik im lan̄lōn̄.

Ta naan ko ak enaan ko ilo 1 Pita 1:3–11 ej lewaj kōjatdikdik kōn Jisōs Kraist? N̄āāt eo kwar en̄jake kōjatdikdik in?

Elder Gerrit W. Gong ekar kam̧ool bwe Pinmuur eo “ej letok kōjatdikdik n̄an ro me rekar ajikkuk; ro me rekar jab maron̄ in loļo̧kjeņ, ron̄, ak etetal; ak ro me rekar jako kōn nan̄inmej, nan̄inmej in kōmālij, ak m̧ōjņo̧ ko jet. Ej lo kōj. Ej kōm̧m̧an bwe jān juon wōt. … [Barāinwōt,] kōnke ‘Anij make Eaar pinmuur kōn jero̧wiwi ko an laļ’ [Alma 42:15], … E emaron̄, kōn tūriam̧o, jipan̄ kōj ekkar n̄an m̧ōjņo̧ ko ad. … Jej ukweļok im kōm̧m̧ane aolep men jej aikujin kōm̧m̧ane. Ej jepooļ kōj indeeo ‘ilo pein iakwe eo An’ [2 Nipai 1:15]” (“Hosanna and Hallelujah—The Living Jesus Christ: The Heart of Restoration and Easter,” Liaona, Māe 2020, 54).

Bar lale Alma 27:28; 36:1–24; 3 Nipai 9:11–17; Moronai 7:40–41.

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

ComeuntoChrist.org.Easter.ComeuntoChrist.org ewōr ie juon laajrak in iien im kōmeļeļe kōn ta eo ekar waļo̧k kajjojo raan ko ilo wiik eo āliktata in mour eo an Rilo̧mo̧o̧r. Kajjojo raan ilo week in, baam̧le eo am̧ emaron̄ lale kōmeļeļe kein n̄an lale ta eo (lale laajrak eo kar elmakot e ilo “Ideas for Personal Scripture Study” ituilōn̄).

Hymns im Children’s Songbook.Ļōmņak in al al ko ippān doon kōn Pinmuur im Jerkakpeje eo an Rilo̧mo̧o̧r eo ilo wiik in, koba jet iaan al ko kwojjab lukkuun jeļā kaki. (Lale index in unin kōnono ko in Hymns ak Children’s Songbook, um̧win unin kōnono eo “Atonement,” “Easter,” ak “Resurrection.”) N̄an jipan̄ uwaan baam̧le eo ekkatak al ko, komaron̄ kwaļo̧k pija ko rej iookļo̧k e naan ko.

Kakkobaba ko in “Jisōs Kraist” ilo Gospel Library.Kakkobaba in taitōļ ko ilo Gospel Library “Jesus Christ” ekūtbuuj bitio ko, pija ko, im al ko me remaron̄ jipan̄ baam̧le eo am̧ kam̧ōņōņōik raan in Jerkakpeje an Rilo̧mo̧o̧r ilo Ijtō in.

“Kraist Eo Emour: Nan In Kam̧ool An Dri Jiliōk ro.”Āinwōt juon baam̧le, riiti “The Living Christ: The Testimony of the Apostles” (ChurchofJesusChrist.org). Kajjitōk ippān kajjojo uwaan baam̧le eo n̄an kālet juon enaan in Ijtō jān naan in kam̧ool in n̄an kwaļo̧k ippān ro jet. N̄an waanjon̄ak, komaron̄ kōm̧m̧ani pija poster ko n̄an likūti ilo social media, ilo m̧aan kōjām eo am̧, ak ilo juon m̧weo im̧ōm̧.

N̄an ļōmņak ko reļļapļo̧k n̄an katakin ajri ro, lale unin tōl eo an wiik in ilo Itok Ļoor Eō—N̄an Būraimere.

Al eo kar kāālōte: “Jesus Has Risen,” Children’s Songbook,, 70.

Kōkōm̧anm̧anļo̧k Ekkatak Ippem̧ Make

Kōm̧m̧ani menin kōttōbar ko maron̄ kōttōbraki. Joļo̧k men̄e jet minit ko juon raan ekkatak jeje ko rekwojarjar emaron̄ kōjeraam̧m̧an mour eo am̧. Jōke n̄an ekkatak kajjojo raan, kappukot juon wāween n̄an kakkemeemej eok make kōn kōttōpar in am̧, im kōm̧m̧ane ijo koņaam̧ em̧m̧antata n̄an wōnm̧aanļo̧k kake. N̄e komeļo̧kļo̧k, jab ebbweer. Bar jinoe juon alen.

Gethsemane, jān Adam Abram