Jisōs ippān kōrā eo ekar okjak n̄an laļ

N̄a I Jab Liaakeļo̧k Eok, jān Eva Koleva Timothy

Eprōļ 24–30

Jon 7–10

“N̄a Seperd Eṃṃan”

Ilo am̧ riiti Jon 7–10, komaron̄ bōk im̧we ko jān Jetōb Kwojarjar kōn pedped in katak ko ilo jebta kein. Je en̄jake ko rej im̧we eok n̄an jipan̄ eok kōm̧m̧ane juon karōk n̄an kōm̧m̧ani.

Je En̄jake ko Rej Im̧we Eok

Men̄e Jisōs Kraist ekar itok n̄an boktok “aenōm̧m̧an [im] ioon laļ ippān armej raņ” (Luk 2:14), ekar wōr “armej rej jepel jān doon kōn E” (Jon 7:43). Armej ro rekar pād im loe iien kein reļļap ekar oktak aer jim̧ōr ļōmņak kōn wōn kar Jisōs. Jet rekar ba, “E armej eṃṃan,” bar jet re ba, “Ej kejebwābweik armej raņ” (Jon 7:12). Ke Ekar kōmour juon em̧m̧aan epilo ilo raan in Jabōt, jet rekar akweļap, “Armej in e jab jān Anij, bwe E jab lale Jabōt,” ilo an ro jet kajjitōk, “Ekōjkan an armej ri jerọwiwi kōṃanṃan kakōḷḷe ko āinwōt in?” (Jon 9:16). Aaet, jekdoon ļōmņak ko repok, ro rekar kappukot m̧ool eo ekar kile kajoor eo ilo naan ko An “Ejjeḷọk armej ear kōnono āinwōt armej in” (Jon 7:46). Ke ri Jew ro rekar kajjitōk ippān Jisōs n̄an “kōnnaanōk kōm alikkar” eļan̄n̄e E kar Kraist eo: “Aō sip rej ron̄jake ainikiō,” Ekar ba, “im I jeḷā er, im rej ḷoor Eō” (Jon 10:24, 27).

pija ej bōk jikin ekkatak an juon make

Ļōmņak ko n̄an Ekkatak Jeje Ko Rekwojarjar Ippam̧ Make

Jon 7:14–17

Ilo aō mour kōn m̧ool ko kar katakin jān Jisōs Kraist, inaaj jeļā bwe rej m̧ool.

Ri Jew ro rekar bwilōn̄ bwe eļap men ko Jisōs ekar jeļā, kōnke kar jab katakin E (lale eoon 15)—aaet em̧ool, ejjab ilo jekjek ko rekar iminene kaki. Ilo uwaak eo an Jisōs, Ekar katakin juon jekjek eo oktak n̄an jeļā m̧ool eo me eppeļo̧k n̄an aolep, mekarta jon̄an jeļāļo̧kijeņ ak jekjek in mour ko aer. Ekkar n̄an Jon 7:14–17, ekōjkan am̧ maron̄ itok n̄an jeļā bwe katak eo Jisōs ekar katakin ej m̧ool? Ekōjkan an menin jipan̄ eok ejaake naan in kam̧ool eo am̧ kōn gospel in?

Jon 8:2–11

Tūriam̧o eo an Rilo̧mo̧o̧r ej peļļo̧k n̄an aolep.

Ke ekar ekōnono kōn ekkeijel eo an Rilo̧mo̧o̧r ippān kōrā eo kar liakeļo̧k kōn ko̧kkure kien erreo, Elder Dale G Renlund ekar ba: “Em̧ool, Rilo̧mo̧o̧r ekar jab kōmālim ko̧kkure kien erreo. Ak Eaar jab barāinwōt liaakļo̧k kōrā eo. Eaar rōjan̄ e bwe en kōkm̧anm̧an mour eo an. Eaar kijerjer in oktak kōn tūriam̧o̧ im jouj eo An. Ukok eo an Josep Smith in Baibōļ eo ej kallikar tōprak in kar juon rikaļoor: ‘Im kōrā eo ekar kaiboojoj Anij jān awa eo, im tōmak ilo etan’ [lale Jon 8:11, footnote c]” (“Our Good Shepherd,” Liaona, Māe 2017, 30).

N̄āāt eo kwar bōk en̄jake eo āinwōt kōrā in, bōk turiam̧o ijjelo̧kin kaje jān Rilo̧mo̧o̧r? N̄eet eo kwar āinwōt scribe ro im Parisi ro, ņa ruon im ekajet e ro jet men̄e ejjeļo̧k ruom̧? (lale Jon 8:7). Ta eo komaron̄ ekkatak jān wāween an Rilo̧mo̧o̧r ekkeijel ippān scribe ro im Parisi ro im kōrā eo kar jibwe an ko̧kkure kien erreo? Ta eo kwoj ekkatak kōn an Rilo̧mo̧o̧r jeorļo̧k bōd ilo am̧ riiti eoon kein?

Bar lale “Go and Sin No More” (pija in alooj), ChurchofJesusChrist.org.

Jon 9

Eļan̄n̄e ewōr ad tōmak, Anij emaron̄ kwaļo̧k E make ilo en̄taan ko ad.

Ta eo Jon 9:1–3 ej katakin eok kōn māllijon̄ ko im en̄taan ko an mour? Ilo am̧ riiti Jon 9, kejokļo̧kijeņ kōn wāween an “jerbal ko an Anij [kar] kōm̧m̧an bwe ren waļo̧k” Ekōjkar aer kar waļo̧k ilo mour eo am̧—ekoba ilo iien ko reppen n̄an eok?

Jon 10:1–30

Jisōs Kraist ej Jabōt eo Em̧m̧an.

Men̄e kwojjab likun jeļā eļap kōn wāween lale sip im seperd, riit Jon 10, ijo Rilo̧mo̧o̧r ej ba, “N̄a Seperd Em̧m̧an,” emaron̄ katakin eok men ko rem̧ool kōn E. N̄an kappukot m̧ool kein, kappukot naan ko me rej kōmeļeļeik ta eo juon seperd em̧m̧an ej āinwōt innem ļōmņak kōn wāween an naan ko ekkar n̄an Rilo̧mo̧o̧r. Itulaļ ej jet waanjon̄o̧k ko:

• Eoon 3: “Ej kūr sip ko an kōn etaer, im tōl ḷọk er.”

• Eoon 11: E “ej leḷọk an mour kōn sip ko.”

• Eoon 16: “Renaaj juon wōt bwij, im juon seperd.”

Erkein jet kakkobaba in kajjitōk ko n̄an jipan̄ eok kejokļo̧kijeņ kōn jepta in: Ekōjkan an Jisōs āinwōt juon kōjem? (lale eoon ko 7–9). Ekōjkan An kar lewaj n̄an eok “mour … mour, bōk elōñ”? (eoon 10). N̄āāt eo kwar en̄jake bwe E ejeļā kōn eok make? (lale eoon 14). Ekōjkan am̧ kile ainikien Seperd Em̧m̧an? (lale eoon 27).

Bar lale Sam Ko 23; Ezekiel 34; Alma 5:37–39; 3 Nipai 15:21–16:5; Gerrit W. Gong, “Seperd Em̧m̧an, Ļaam̧ an Anij,” Liaona, Māe 2019, 97–101.

pija eo ej bōk jikin ekkatak an baam̧le

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

Jon 7:24.N̄an jipan̄ baam̧le eo am̧ meļeļe kōn katak eo an Jisōs ilo Jon 7:24, komaron̄ kwaļo̧k n̄an er juon men me āinwōt juon wōt ilo tulikin ak oktak lowaan. Ak ro uwaan baam̧le eo emaron̄ kwaļo̧k en̄jake ko aer me rej katakin er n̄an jab ekajet jān jekjek ko rej waļo̧k itulik. Komaron̄ barāinwōt kōlaajrake men ko rem̧m̧an ewōr ippān kajjojo uwaan baam̧le eo me armej rejjab maron̄ loi (bar lale 1 Samuel 16:7; Thomas S. Monson, “See Others as They Māe Become,” Liaona, Nob. 2012, 68–71).

Jon 8:31–36.Ta meļeļein n̄an erom̧ juon “karejeran devil”? (bar lale Moroni 7:11). Ta m̧ool ko kar katakin jān Jisōs me remaron̄ kōm̧m̧an bwe jān anjo̧?

Kraist ej kōmour juon em̧m̧aan epilo

Jisōs Kemour Ripilo eo, jān Carl Heinrich Bloch

Jon 9.Ekōjkan am̧ maron̄ jipan̄ baam̧le eo am̧ pijaikļo̧k bwebwenato in an Jisōs kōmour em̧m̧aan eo epilo ilo Jon 9? Kom emaron̄ kōm̧m̧ane im arin bwebwenato ippān doon ak kwaļok bitio eo “Jesus Heals a Man Born Blind” (ChurchofJesusChrist.org). Kōm̧m̧an iien n̄an kabōjrak bwebwenato eo bwe ro uwaan baam̧le eo am̧ ren riiti eoon ko rekkar jān Jon 9. Kajjitōk ippāer n̄an jeik jabdewōt katak ko rej katak jān bwebwenato eo, ko āinwōt ta meļeļein n̄an erom̧ rioktak tok n̄an gospel in an Jisōs Kraist.

Jon 10:1–18, 27–29.N̄an kakobaik ro uwaan baam̧le eo ilo ekkatak kōn wanjon̄ak in seperd em̧m̧an, kajjitōk ippāer kajjojo n̄an jin̄aik juon pija in juon iaan men kein: juon riko̧o̧t, juon kōjem, juon seperd, ak juon rijerbal, juon kidu wolf, im juon sip. Kajjitōk ippāer n̄an riiti Jon 10:1–18, 27–29, innem ekōnono ippān doon āinwōt juon baam̧le kōn ta eo Rilo̧mo̧o̧r ej katakin kōn men ko rekar jin̄n̄aiki.

N̄an ļōmņak ko reļļōn̄ļo̧k n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “The Lord Is My Shepherd,” Hymns,no. 108.

Kōkm̧anm̧anļo̧k Am̧ Ekkatak Ippam̧ Make

Kappukōt naan ko im eoon ko reim̧we. Ilo am̧ riit, Jetōb emaron̄ boktok n̄an ļōmņak eo am̧ naan ko ak enaan ko me rej im̧we im kōketak eok ak maron̄ loe bwe kar jeiki n̄an eok make. Ļōmņak in kōm̧m̧an noot in jabdwōt naan ak enaan ko rej im̧we eok ilo Jon 7–10.

Kraist ippān juon lamb

Jab Bar Jōbwābwe, jān Greg K. Olsen