Kōjakkōlkōl, jān Carl Heinrich Bloch

Eprōļ 10–16

Matu 15–17; Mark 7–9

“Kwe Ri Kraist”

Riit jān jeje ko rekwojarjar ej karuwainene tok Jetōb Kwojarjar ñan mour eo am̧ . Juon iaan mijen eo an aurōk an Jetōb Kwojarjar ej n̄an kam̧ool kōn Jisōs Kraist. Ilo am̧ riiti jeje ko rekwojarjar wiik in, mijeļo̧k n̄an en̄jake ko an jetōb me ej kōkajoor kam̧ool eo am̧ kōn Rilo̧mo̧o̧r.

Je En̄jake ko Rej Im̧we Eok

Menin bwilōn̄ ke bwe Parisi ro im Saddusi ro rekar akweļap bwe Jisōs en kwaļo̧k n̄an er “kakōḷḷe jān lañ”? Ta ejabwe kabwilōn̄lōn̄ ko rebun̄būn̄ E ekar kōm̧m̧ani? Akō katak ko An rekajoor ak jekjek ko rellōn̄ ekar kakūrm̧ool kanaan ko etto? Aer akweļap kar im̧we ejjab kōn an ejjeļo̧k kabwilōn̄lōn̄ ak kōn aer jab kōņaan “jeḷā kakōḷḷe ko” im erre kaki. (Lale Matu 16:1–4.)

Pita, āinwōt Parisi ro im Saddusi ro, kār kam̧ool kabwilōn̄lōn̄ ko an Rilo̧mo̧o̧r im kar ron̄ katak ko An. Ak naan in kam̧ool eo an Pita āliktata, “Kwe Ri Krasit, Nejin Anij e mour,” ekar jab itok jān jeļā kōn jeļā ko an ilo ānbwin—an “kanniōk im bōtōktōk.” Naan in kam̧ool eo kar kwaļo̧k jan e jān “Jemāmi eo ej pād ilan̄.” Revelesōn ej ejm̧aan eo Rilo̧mo̧o̧r ekar kalōk Kabun̄ eo An jem̧aan im kiiō—revelesōn jān aelōn̄ in lan̄ n̄an rijerbal ro An. Im en̄in ej ejm̧aan eo im jemaron̄ kalōk mour in āinwōt rikaļoor ko ad ie—revelesōn bwe Jisōs ej Ri Kraist eo im bwe rijerbal ro An rej kabwijer “ki ko ki in aelōñ in lan̄.” N̄e jej ekkal ioon pedped in, “kōjām ko an Hedis re jāmin anjọ [iood]” (Matu 16:15–19).

Ļōmņak ko n̄an Ekkatak Jeje Ko Rekwojarjar Ippam̧ Make

Matu 16:13–17

Juon naan in kam̧ool kōn Jisōs Kraist ej itok jān revelesōn.

Eļan̄n̄e Jisōs Kraist ekar kajjitōk ippān armej rainin, “Wōn Nejin armej, ilo an armej ba?” ta eo remaron̄ nej kar ba? Ekōjkan am̧ naaj kar uaak eļan̄n̄e Jisōs ekajjitōk ippom̧, “Wōn N̄a ilo ami ba?” (Lale Matu 16:13–15.)

Kejokļo̧kijeņ kōn naan in kam̧ool eo am̧ kōn Rilo̧mo̧o̧r im kōn wāween am̧ kar bōke. Ta eo kwoj ekkatak jān Matu 16:15–17 me emaron̄ kōkajoor e? Eļan̄n̄e kwoj kōņaan ekkatak eļapļo̧k kōn naan in kam̧ool im revelesōn an juon make, lale ilo eoon kein: Jon 15:26; 2 Nipai 31:17–18; Alma 5:45–48; im Katak im Bujen Ko 8:2–3.

Bar lale “President Nelson: Hear Him—Personal Revelation” (bitio), ChurchofJesusChrist.org.

Matu 16:13–19; 17:1–9; Mark 9:2–9

“Ki ko ki in aelōn̄ in lan̄” repād ioon laļ in rainin.

“Ki ko ki in aelōn̄ in lan̄” me Rilo̧mo̧o̧r ekar kallim̧ūr n̄an leļo̧k n̄an Pita rej priesthood ki ko (Matu 16:19). Ta ko kii ko an priesthood? Ej ke jej aikuji er? Kejo̧kļo̧kijen kōn kajjitōk kein ilo am̧ riit kōn kallim̧ūr eo an Rilo̧mo̧o̧r ilo Matu 16:13–19 im an kūrm̧ool Matu 17:1–9; Mark 9:2–9 (bar lale Ukok eo an Josep Smith, Mark 9:3 [ilo Mark 9:4, footnote a]).

Kein jipan̄ ko jet n̄an jipan̄ eok ekkatak kōn priesthood ki ko rekūtbuuj Katak im Bujen Ko 65:2; 107:18–20; 110:11–16; 128:9–11; “Keys of the Priesthood” in Guide to the Scriptures (scriptures.ChurchofJesusChrist.org); im katak eo an Elder Gary E. Stevenson “Where Are the Keys and Authority of the Priesthood?,” (Liaona, Māe 2016, 29–32). Ilo am̧ ekkatak kein jipan̄ kein, ļōmņak in kōm̧m̧ane juon laajrak in ta eo kwoj ekkatak kōn priesthood ki ko im kōjeram̧m̧an ko rej itok jān er. Etke kwoj ļōmņak juon ki ej juon kōkaļļe em̧m̧an n̄an jim̧we eo n̄an tōl jerbal in priesthood?

Bar lale Dallin H. Oaks, “Melkisedek Priesthood im Kii ko,” Liaona, Māe 2020, 69–72; Bible Dictionary, “Transfiguration, Mount of.”

Priesthood ki ko rej maron̄ eo n̄an tōl wāween kōjerbal priesthood eo.

Matu 17:14–21; Mark 9:14–29

Ilo kappukot tōmak eļapļo̧k, imaron̄ ijjinoe kōn tōmak eo ewōr ippa.

Juon jemān eo ekōnono kake ilo Matu 17 im Mark 9 ekar wōr unin n̄an an en̄jake pere bwe Irooj emaron̄ kar kōmour ļaddik eo nejin. Ekar kajjitōk ippān rijilōk ro an Jisōs n̄an kōmour ļaddik eo nejin, im rekar jab maron̄. Ak ke ekar kajjitōk ippān Rilo̧mo̧o̧r n̄an juon kabwilōn̄lōn̄, ekar kālet n̄an kwaļok tōmak. “Irooj, ij tōmak,” ekar ba. Innem, ilo an kile bwe tōmak eo an ekar jab wāppen, ekar kakkobaba, “Kwōn jipañ eō kōn aō jab tōmak.”

Ta eo Jetōb ej kaktakin eok ilo am̧ riit kōn kabwilōn̄lōn̄ in? Ekōjkan an kar Jemedwōj Ilan̄ jipan̄ eok kōļapļo̧k tōmak eo am̧? Ta eo komaron̄ kōm̧m̧ane n̄an ekkal ioon tōmak eo ewōr ippom̧ kadede? Bōlen komaron̄ kōm̧m̧ane juon laajrak in jeje ko rekwojarjar, katak ko jān kweiļo̧k eo eļap, ak en̄jake ko me rekar kōkajoorļok tōmak eo am̧.

Bar lale Jeffrey R. Holland, “Lord, I Believe,” Liaona, Māe 2013, 93–95.

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

Matu 15:7–9; Mark 7:6–7.Ta oktak eo ikōtaan kautiej Anij kōn tied, ak naan ko, im kautiej E kōn būruwōd?

Matu 15:17–20; Mark 7:18–23.Etke jej kōkm̧anm̧an kōn ta ko jej likūt ilo lon̄iid? Ekkar n̄an ta eo Jisōs ekar katakin ilo eoon kein, etke jej aikuj ļapļok ad kōkm̧anm̧an kōn ta eo ej diwōjtok jān lon̄iid—im diwōjtok jān būruwōd? Ekōjkan ad maron̄ dāpij erreo eo an būruwōd?

Matu 16:15–17.Ekōjkan an Anij kwaļo̧k n̄an kōj bwe Jisōs ej “Ri Kraist eo, eo Nejin Anij emour”? (eoon 16). Ekōjkan ad maron̄ kepooj kōj make n̄an bōk revelesōn in jān E?

Matu 16:13–19; 17:1–9.N̄an katakin ajri ro kōn priesthood ki ko, komaron̄ bwebwenato n̄an er kōn bwebwenato eo an Elder Gary E. Stevenson kōn an kar ļak wa eo waan jān e (lale bitio eo “Where Are the Keys?” ilo ChurchofJesusChrist.org). Komaron̄ kōtļo̧k bwe ajri ro ren kōjerbal ki ko n̄an kōpeļļo̧k m̧we, wa eo, ak ļak ko jet. Ļōmņak in kwaļo̧k juon pijaan Būreejtōn eo an Kabun̄ in im kam̧ool bwe e ej kabwijer aolep ki ko an priesthood, ejjeļo̧k oktak jān Pita.

Matu 17:20Rikanaan ro ewōr aer tōmak ilo Jisōs Kraist rekar likkuun kōm̧akūt tōl ko (lale Jekab 4:6; Moses 7:13). Bōtaab ilo m̧ool, ejjab kabwilōn̄lōn̄ eo in jej iakuji. Būreejtōn M. Russell Ballard ekar katakin: “Eļan̄n̄e ewōr ad tōmak an dik in wōt juon ine in mustard, Irooj emaron̄ jipan̄ kōj kōmakūt toļ ko an kabbweer im pere ilo jerbal ko im̧aad ilo ad jerbal ippān ajri ro nejin Anij, ekoba ro uwaan baam̧ļe, ro uwaan Kabun̄ in, im ro me rejjan̄in de uwaan Kabun̄ in” (“Menin Letok ko Raorōk jān Anij,” Liaona, Māe 2018, 10). Ta tōļ ko jet ilo mour ko ad me rej aikuj kōm̧akūti? Ekōjkan ad maron̄ kwaļo̧k ad tōmak ilo kajoor eo an Anij n̄an jipan̄ kōj joļo̧k tōl kein?

N̄an ļōmņak ko rellōn̄ļo̧k n̄an katakin ajri ro, lale laajrak eo an wiik in ilo Itok Ļoor Eō—N̄an Būraimere.

Al eo elmakote: “I Believe in Christ,” Hymns, no. 134.

Kōkōm̧anm̧anļo̧k Ad Katakin

Kōmakijkij koba ippān doon. Būreejtōn Henry B. Eyring eaar katakin: “Jab likjab kōn juon iien n̄an koba ippān ajri ro n̄an katak kōn katak eo an Jisōs Kraist. Kain iien rōt kein rekanooj jeja ilo keidi ippān kijejeto ko an rikejdāt eo” (“The Power of Teaching Doctrine,” Ensign, Māe 1999, 74).

Ri Kaki, I Ar Āñintok ñan Ippaṃ Nejū M̧aan, jān Walter Rane