Risamaria Eo Em̧m̧an, jān Dan Burr

Eprōļ 17–23

Matu 18; Luk 10

“Ta Men Eo I Naaj Kōm̧m̧ane, Bwe in Bōk Aō Jolōt Mour Indeeo?”

Ilo am̧ jar im riti im kejōkļo̧kjeņ kōn Matu 18 im Luk 10, wujlepļo̧k am̧ n̄an unoojdikdik ko an Jetōb Kwojarjar. Enaaj ba n̄an eok wāween an katak kein im bwebwenato ko iookwaj eok. Rekoote im̧we ko am̧ kwoj en̄jaki.

Rekoote Im̧we ko Am̧

N̄e kwoj kajjitōk ippān Irooj juon kajjitōk, kwomaron̄ bōk juon uwaak me kwar jab kōtmene. Wōn eo rūtūru? Jabdewōt eo ej aikuj jipan̄ im iakwe eo am̧. Wōn eo eļaptata ilo aelōn̄ in lan̄? Juon ajri. Ebwe ke n̄an jeorļo̧k an juon armej eo ej kōmetak en̄jake ko am̧ jiljilimjuon alen? Ejjab, kwoj aikuj jeorļo̧k bōd jiljilimjuonn̄oul alen jiljilimjuon. (Lale Luk 10:29–37; Matu 18:4, 21–22.) Uwaak ko jejjab kōtmeni jān Irooj emaron̄ kōm̧m̧an bwe jen ukōt wāween ad ļōmņak, en̄jake, im kōm̧m̧an. Eļan̄n̄e kwoj kappukot ankilaan Irooj kōnke kwolukkuun kōņaan ekkatak jān E, Irooj enaaj katakin eok wāween mour ilo juon wāween eo me ej tōlļo̧k eok n̄an Ippān.

Ļōmņak ko n̄an Ekkatak Jeje Ko Rekwojarjar Ippam̧ Make

Matu 18:21–35

Ij aikuj jeorļo̧k an ro jet bōd eļan̄n̄e ikōņaan bwe Irooj en jeorļo̧k aō bōd.

Elmakot eo an Pita ke emaron̄ jeorļo̧k an juon armej bōd jiljilimjuon alen emaron̄ ilo lale em̧m̧an, ak Jisōs ekar katakin kōn juon kien eutiejļo̧k. Uwaak eo an, “I jab ba n̄an eok n̄an jiljilimjuon alen, a n̄an jiljilimjuonn̄oul alen jiljilimjuon” (eoon 22), ekar katakin ejjab kōn ņamba ak ijjeļo̧kin n̄an ejaake juon m̧wil in jeorļo̧k bōd an Kraist. Ilo am̧ riiti būrabōļ eo an kōn ļeo e ban jeorļo̧k bōd, kejokļo̧kjeņ kōn iien ko kwar en̄jake tūriam̧o im jouj an Anij. Elōn̄ ke juon eo ej aikuj en̄jake tūriamo̧ im jouj jān eok?

Elder David E. Sorensen ekar letok kakkōl in eaorōk: “Men̄e jej jeorļo̧k bōd an juon ritūrūr eo ej kakinejnej ak kōmetak kōj, jej aikuj jerbal n̄an kalōk ilo em̧m̧an n̄an jān ad bar kinejnej ak metak bar juon aleni. … Jeorļo̧k bōd ejjab aikuj bwe jen kōtļo̧k ak aloke nana. … Ak jej jum̧ae ņae jerawiwi, jej aikuj jab kōtļo̧k bwe dike ak illu ren kajeikiiki ļōmņak ak kōm̧m̧an ko ad” (“Forgiveness Will Change Bitterness to Love,” Liahna, Māe 2003, 12).

Luk 10:1–20

Wōn ro rej Jiljilimjuōnn̄oul?

Ļoor juon jon̄an kar ejaake ilo tōre ko an Kallim̧ur M̧okta (lale Exodus 24:1; Bōnbōn 11:16), Jisōs Kraist kappeik jiljilimjuonn̄oul ro jet, n̄an kakobaba n̄an Rijilōk ro An Jon̄oulruo, n̄an kam̧ool kōn E, kajedeed gospel eo An, im jipan̄ E ilo jerbal in An. Jon̄ak in ej wōnm̧aanļo̧k wōt ilo Kabun̄ in me em̧ōj an jepļaaktok. Jiljilimjuonn̄oul ro kar kūr er n̄an jipan̄ Jon̄oul ro ilo mijen ko aer āinwōt rikam̧ool ro rejeņoļo̧k an Jisōs Kraist n̄an aolepen laļ in.

Bar laleo Katak im Bujen Ko 107:25–26, 33–34, 97.

Luk 10:25–37

N̄an bōk mour indeeo, ij aikuj iakwe Anij im iakwe ro rūtūrū āinwōt aō iakwe eō make.

Elukkun jipan̄ n̄an keememej bwe būrabōļ eo kōn Risamaria eo em̧m̧an kar wāween an Jisōs uwaake kajjitōk ko ruo: “a Men Eo I Naaj Kōm̧m̧ane, Bwe in Bōk Aō Jolōt Mour Indeeo?” im “Wōn eo rūtūrū?” (Luk 10:25, 29). Ilo am̧ riiti būrabōļ menin, likūt kajjitōk kein ilo ļōmņak eo am̧. Ta uwaak ko kwoj loi?

Ilo tōre ko an Jisōs, dike doon eo ikōtaan Riju im Risamaria ro ekar wōnm̧aanļo̧k wōt ium̧win elōn̄ iiō ko. Risamaria rekar bwijjin riJu ro rej mour ilo Samaria ro me rekar m̧areiki armej in ri aelōn̄ ko. Riju ro rekar en̄jake ke Risamaria ro rekar jino naan kōn aer kobaļo̧k ippān Riaelōn̄ ko im rekar jino marok. Riju ro rekkein etal m̧ael ko rettoļo̧k ilo iaļ ko aer n̄an kōjekdo̧o̧n aer etal ilo Samaria ļo̧k. (Bar lale Luk 9:52–54; 17:11–18; Jon 4:9; 8:48.)

Ilo am̧ ļōmņak, etke Rilo̧mo̧o̧r ekar kālet juon Risamaria, juon eo riJu rekar dike, āinwōt juon waanjon̄ak in tūriam̧o im iakwe juon eo rūtūrūr? Ta eo būrabōļ in ej im̧we eok n̄an kōm̧m̧ane?

Bar lale Mosaia 2:17; “Parable of the Good Samaritan” and “A Good Samaritan” (videos), ChurchofJesusChrist.org.

Luk 10:38–42

Jej kālet “paat eo em̧m̧an” ilo ad kōm̧m̧ane jokālet ko ad aolep raan me ej tōl n̄an mour indeeo.

Ilo Luk 10:38–42, Jisōs etūriam̧o ilo an karuwaineneik Martha n̄an ukōt wāween an ļōmņak kōn wāween an joļo̧k iien ko an. Ālkin kouti eoon kein, Sister Carol F. McConkie ekar katakin: “Eļan̄n̄e jej aikuj in armej eo rekwojarjar n̄an pojak n̄an bōk Rilo̧mo̧o̧r ilo itok eo An, jej aikuj jerkak im kōņak karmen ko ad raiboojoj. kōkwojarjar. Jej ke likūt iturejet phonk ko nejid, laajrak in men ko kōm̧m̧ani, im men ko wujwaan mour in? Jar, ekkatak, im ron̄jake naan in Anij ej kinaak tok An jeo̧rļo̧k im iakwe in kemour n̄an jetōb ko ad. Jen bōk ad iien n̄an erom kwojarjar, bwe jān maron̄ obrak kōn An kwojarjar Jetōb in kokwojarjar” (“Kwojarjar Eo Eaiboojoj,” Liaona, Māe 2017, 11). Kwomaron̄ kōņaan etale wāween am̧ joļo̧k iien ko am̧—barāinwōt ilo men ko rem̧m̧an. Elōn̄ ke men eļapļo̧k an “menin aikuj” (eoon 42) me eļapļo̧k tokjeņ an m̧wil eo am̧?

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

Matu18:1–11.Etke Jisōs ekōņaan bwe jen āinwōt juon ajri jidikdik? Ta m̧wil ko ippān ajri ro me jemaron̄ kōļapļo̧k n̄an erom̧ āinwōt Kraist? (lale Mosaia 3:19).

Jisōs ej kōņaan bwe rikaļoor ro An ren erom̧ ajri ro reddik.

Matu 18:15.Ewi wāween ad mour kōn kapilōk in ilo Matu 18:15 n̄an jem̧jerā eo an baam̧le eo ad? Ewi wāween, ilo ad kōm̧m̧ane menin, kōjeram̧m̧an baam̧le ko ad?

Matu18:21–35.Ta eo būrabōļ in ej katakin kōj kōn Jisōs Kraist? Ta meļeļein katakin kōj kōn wāween kōm̧m̧an n̄an doon?

Luk 10:25–37.Ro uwaan baam̧le eo rej lan̄lōn̄ ilo aer kanōk nuknuk in tieta ko im tieta kōn būrabōļ in. Ewi wāween ad jet iien āinwōt armej ro roktak ilo būrabōļ eo? How is the Savior like the good Samaritan? Ewi wāween ad maron̄ erom̧ ri Samaria eo em̧m̧an?

Remaron̄ bar al ippān doon juon al in jar ak al ko an ajri ro me rej rie m̧ool ko ilo būrabōļ in. Juon waanjon̄ak ej “Lord, I Would Follow Thee” (Hymns, no. 220), ak elōn̄ ko jet. Ro uwaan baam̧le ro remaron̄ lan̄lōn̄ ilo aer kappukot al in jar ak al ko im kōmeļeļeiki wāween an iookļo̧k būrabōļ eo.

Luk 10:38–42.Elukkun ke pen n̄an kajejjet men ko an jetōb ilo jikejuuļ eo an baam̧le eo am̧? Bwebwenato in Meri im Marth remaron̄ im̧we juon ko̧o̧njeļ an baam̧le ak nokon in jota an baam̧le kōn wāween n̄an kōkm̧anm̧anļo̧k menin. Āinwōt juon baam̧le, kwomaron̄ kōm̧m̧ane juon laajrak in wāween ko n̄an kālet “ājinkōj eo em̧m̧an” (Luk 10:42).

N̄an ļōmņak ko reļļapļo̧k ikkijeen katakin ajri, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “Jesus Said Love Everyone,” Children’s Songbook, 61.

Kōkōm̧anm̧anļo̧k Ad Katakin

Kalōk juon mejatoto eo em̧m̧an. Wāween an ro uwaan baam̧le en̄jake kōn im kōm̧man n̄an doon emaron̄ lukkuun kabwilōn̄lōn̄ aer im̧we jetōb eo ilo m̧weo im̧ōm̧i. Jipan̄ aolep ro uwaan baam̧le eo kōm̧m̧ane ijoko koņaer n̄an kalōk juon jikin jokwe eo eļap iakwe ie im kautiej bwe aolep armej remaron̄ kwaļo̧k en̄jake ko aer, kajjitōk ko, im naan in kam̧ool ko. (Lale Teaching in the Savior’s Way,15

Kraist ilo Mweo Mōn Meri im Martha, jān Walter Rane