“Eberi 10–16. Mataio 15–17; Mareko 7–9: ‘Bon Te Kristo Ngkoe ,’” Nakomai, Iriirai–Ibukiia Aomata n Tatabemaniia ao Utu: Te O Tetemanti 2023 (2022)

“Eberi 10–16. Mataio 15–17; Mareko 7–9,” Nakomai, Iriirai—Ibukiia Aomata n Tatabemaniia ao Utu: 2023

Tamnei

Onikakin Kristo

Te Onikaki, iroun Carl Heinrich Bloch

Eberi 10–16

Mataio 15–17; Mareko 7–9

“Bon te Kristo Ngkoe”

Warekan koroboki aka tabu e kaoa te Tamnei ae Raoiroi nakon maium. Teuana ana mition ae kakawaki te Tamnei ae Raoiroi bon kakoauan Iesu Kristo. Ngkana ko wareki koroboki aika tabu n te wiiki aei, taraa raoi te namakin n tamnei are e kakorakora am kakoaua iroun te Tia Kamaiu.

Korei Am Namakin

E aki kamiimi ae Baritaio ao Tarukaio a kairoroa Iesu bwa e na kaota nakoia “te kanikina mai karawa”? Aki tau mwaitin Ana kakai aika a rang ataaki? Ao tera aron Ana reirei aika moan te mwaaka ke kawai aika mwaiti are E kakoroi bukin taetae ni burabeti? Aia kairoro e bon aki kairaki man akean te kanikina ma man akean nanoia ni “kinaa raoi taian kanikina” ao ni kariaia. (Taraa Mataio 16:1–4.)

Betero, n aroia Baritaio ao Tarukaio, a kakoaua ana kakai te Tia Kamaiu ao n ongo Ana reirei. Ma ana kakoaua Betero ae itiaki raoi, “Bon te Kristo Ngkoe, are Natin te Atua ae maiu,” e aki roko rinanon arona n rabwata—“irikona ao rarana.” Ana koaua e bon kaotaki nakoina iroun “Tamara are i karawa.” Kaotioti bon te bwaa are te Tia Kamaiu e katea iaona Ana Ekaretia ngkai ao n aki toki—te kaotioti mai karawa nakon Ana toro. Ao aio te bwaa are ti kona ni katea iaona ara onimaki ni koaua—kaotioti bwa Iesu bon te Kristo ao bwa Ana toro a taua “kiingin te abanuea.” Ngkana ti kateitei iaon te bwaa aei, “mataroan moone e na aki kataea ana kai[iaora]” (Mataio 16:15–19).

Tamnei

te aikaon ibukin te kamatebwai i bon iroum

Iango ibukin te Kamatebwai i bon Iroum ni Koroboki aika Tabu

Mataio 16:13–17

Te kakoaua iroun Iesu Krito e roko man te kaotioti.

Ngkana Iesus Kristo e titirakiniia aomata n te bong aei,“Antai ae a taku aomata bwa antai Natin te Aomata ae ngai?” tera ae ana konaa n taekinna? Ko na kanga ni kaeka ngkana e titirakiniko Iesu, ”Kam taku bwa antai Ngai?” (Taraa Mataio 16:13–15.)

Iangoa raoi am kakoaua iroun te Tia Kamaiu ao ko na kanga ni karekea. Tera ae ko reiakinna man Mataio 16:15–17 are e kona ni kakorakoraki? Ngkana ko tangiria n reiakina riki taekan te kakoaua ao kaotioti i bon iroum, ukori koroboki aika tabu aikai: Ioane 15:26; 2 Nibwaai 31:17–18; Aramwa 5:45–48; ao Reirei ao Berita aika Tabu 8:2–3.

Taraa naba “Beretitenti Nelson: Hear Him—Personal Revelation” (video), ChurchofJesusChrist.org.

Mataio 16:13–19; 17:1–9; Mareko 9:2–9

“Kiingin abanuean karawa” e mena iaon te aba n te bong aei.

“Kiingin abanuean karawa” are berita te Tia Kamaiu n angan Betero bon kiingin te nakoanibonga (Mataio 16:19). Tera kingin te nakoanibonga? Bukin tera ti kainanoia? Iangoi raoi titiraki aikai ngkana ko wareka taekan ana berita te Tia Kamaiu ni Mataio 16:13–19 ao koron bukina ni Mataio 17:1–9; Mareko 9:2–9 (taraa naba Ana Rairairi Iotebwa Timiti, Mareko 9:3 [ni Mareko 9:4, ake a taraaki inano a]).

Tabeua booki n ibuobuoki aika ana buokiko n reiakina taekan kiingin te nakoanibong ni ikotaki ma aikai Reirei ao berita aika Tabu 65:2; 107:18–20; 110:11–16; 128:9–11; “Kiingin te Nakoanibonga” inanon Kairi nakon Koroboki aika tabu (scriptures.ChurchofJesusChrist.org); ao ana rongorongo Unimwaane Gary E. Stevenson “Where Are the Keys and Authority of the Priesthood?,” (Riaona, Meei 2016, 29–32). Ngkai ko kamatebwai booki n ibuobuoki aikai, ingoia ni karinani bwa tera ae ko reiakinna n taekan kiingi n te nakoanibonga ao kakabwaia ake a na roko mai iai. Bukin tera ko iangoia bwa te kiing bon te kanikina ae tamaroai ao n eti ni kaira mwakurin te nakoanibong?

Taraa naba Dallin H. Oaks, “The Melchizedek Priesthood and the Keys,” Riaona, Meei 2020, 69–72; Bible Dictionary, “Te Onikaki iaon te Maunga.”

Kiing n te Nakoanibonga bon te kariaiakaki ni kaira kabonganaan te nakoanibonga.

Mataio 17:14–21; Mareko 9:14–29

Ngkana ukeran te onimaki ae korakora, I kona ni moanna ma te onimaki ae Irou.

Te karo e taekinna n Mataio 17 ao Mareko 9 iai bukina n ana namakin n aki kakoaua bwa Iesu e na kona ni kamaiua natina te mwaane. E a tia ni butiia ana reirei Iesu ni kataia ni kamaiua natina te mwaane, ma a aki kona. Me ngke e bubutia te Tia Kamaiu ibukin te kakai, e rineia ni karekea te onimaki. “Te Uea, I kakoauaa,” e taku. Ngkanne, n ataakina bwa ana onimaki e aki kororaoi, e reitia, “Buokai ni kakorakora au onimaki ae karako.”

Tera ae e reireinira te Tamnei ngkai ko wareka taekan te kakai aei? E kangara te Tama are i Karawa ni buokiko ni karikirakea am onimaki? Tera ae ko kona ni karaoia ni kateitei iaon te onimaki are ko a kaman karekea? Tao ko na kona ni karinanii koroboki aika tabu, rongorongo man te maungatabu, ke taneiai are a tia ni kakorakora am onimaki.

Taraa naba Jeffrey R. Holland, “Lord, I Believe,” Riaona, Meei 2013, 93–95.

Tamnei

te aikaon ibukin te kamatebwai n te utu

Iango ibukin Kamatebwai ni Koroboki aika Tabu n te Utu ao te Bootaki n te Tairiki

Mataio 15:7–9; Mareko 7:6–7.Tera te kaokoro imarenan karinean te Atua ma matanriara, ke ara taeka, ao karineana ma nanora?

Mataio 15:17–20; Mareko 7:18–23.Bukin tera ti na taraia raoi bwa tera ake ti na karinii inanon wiira? Boboto iaon baike e reirei Iesu ni kiibu aikai, bukin tera ti na rang taraia raoi bwa tera ae ti na kaotinako mai wiira—ao n otinako mai nanora? Ti na kangaa ni kawakin nanora bwa ana itiaki?

Mataio 16:15–17.E kanga te Atua ni kaotia nakoira bwa Iesu bon “te Kristo, are Natin te Atua are e maiu”? (kibu 16). Ti na kanga ni katauraoira bwa ti karekea te kaotioti aei mai Irouna?

Mataio 16:13–19; 17:1–9.N reireiniia ataei taekan kiing n te nakoanibonga, ko kona ni karakina ana karaki Unimwaane Gary E. Stevenson ngke e roka ana kaa ao e aaki konaa n rin (taraa te witeo “Where Are the Keys?” n ChurchofJesusChrist.org). Ko kona n tuangiia ataei kabonganakin taian kiing ni kauka te auti, te kaa, ke tabeua rooka. Iangoia ni kaota tamnein te Beretitenti n te Ekaretia ao ni kakoaua bwa e taui ni kabane kiingn te nakoanibonga, n aron ae karaoia Betero.

Mataio 17:20.Burabeti ma aia onimaki iroun Kristo a kamwaing taian maunga (taraa Iakobwa 4:6; Mote 7:13). Ma n angin te tai, anne tiaki te kakai ae ti kainnanoi. Beretitenti M. Russell Ballard e reirei: “Ngkana iai ara onimaki ae uarereke n aron uaan te mwakeke, e kona te Uea ni buokiira ni kamwaing maungan te kataaki n te bwarannano ao ara nanououa n ara beku aika imwaaira ngkai ti beku ma natin te Atua, n raonaki ma kaain ara utu, ao naake a tuai kaaina te Ekaretia” (“Precious Gifts from God,” Riaona, Meei 2018, 10). Tera tabeua maunga inanon maiura ake a kainanoa kamwaingakiia? Ti na kanga ni kaota te onimaki ni mwaakan te Atua ni buokiira ni kamwaingi maunga aikai?

Ibukin iango riki tabeua ibukin reireinakiia ataei, taraa te kamataata n te wiiki aei n Nakomai, Iriirai—Ibukin te Moanrinan.

Anene ae rineaki: “I Believe in Christ,” Anene n Taromauri, nambwa 134.

Kanakoraoan Ara Angareirei

Ikoikotaki n tainako. Beretitenti Henry B. Eyring e reirei: “Tai kabwakaa te tai n ikotiia ataei ni kabane n reiakin ana reirei Iesu Kristo. Taai aikai aki bati n rereke ni kabotauaki ma aia mwakuri ara kairiribai” (“The Power of Teaching Doctrine,” Ensign,, Meei 1999, 74).