17–23 Jiyè

Travay 10–15

“Pawòl Bondye a te grandi epi l te miltipliye“

Li Travay 10–15 atantivman, pandan w ap kite tan pou Lespri a enspire w panse ak santiman. Kisa w ka aprann nan chapit sa yo?

Ekri enpresyon ou

Pandan travay pastoral mòtèl Li, Jezikri te souvan defye ansyen tradisyon ak kwayans pèp la. Li pat sispann apre L te fin monte nan syèl la, pandan L t ap kontinye gide Legliz Li a atravè revelasyon. Paregzanp, pandan lavi Jezi, disip li yo te preche levanjil la bay kèk grenn Juif sèlman. Men, tousuit apre Sovè a te fin mouri epi Pyè te vin pwofèt Legliz la, Jezikri te revele Pyè ke moman an te rive pou levanjil la te preche pou moun ki pa t Juif yo. Ide pou pataje levanjil la avèk Janti yo pa sitèlman etonan pou nou jodia, konsa, ki leson istwa sa a gen pou nou? Petèt, yon leson, sèke nan ni Legliz ansyen ak modèn nan, yon Sovè ki emab ap dirije dirijan Li chwazi yo (gade nan Amòs 3:7; Doktrin ak Alyans 1:38). Revelasyon k ap kontinye se yon karakteristik esansyèl vrè Legliz vivan Jezikri a. Menmjan avèk Pyè, nou dwe dispoze pou n aksepte revelasyon k ap kontinye epi viv “selon tout pawòl ki soti nan bouch Bondye” (Lik 4:4), ansanm avèk“tout sa [l] te revele, ak tout sa l ap revele kounyea” ak “anpil gwo bagay enpòtan” li gen pou l revele “konsènan Wayòm Bondye a” (Atik Lafwa 1:9).

Ide pou Etid Ekriti Pèsonèl

Travay 10

”Bondye pa rejte pèsonn.”

Pandan dè jenerasyon, Juif yo te kwè ke fè pati “posterite Abraram,” oubyen pou yon moun se desandan dirèk Abram, sa te vledi ke moun sa a Bondye te aksepte (chwazi) li (gade Lik 3:8). Yo te konsidere tout lòt moun kòm Janti “impur” ke Bondye pa t aksepte. Nan Travay 10la, kisa Senyè a te anseye Pyè osijè moun li “aksepte”? (Travay 10:35). Ki prèv ou jwenn nan chapit sa a ki fè w konnen Kònèy t ap mennen yon lavi dwat ki te akseptab devan Senyè a? Medite sou kisa deklarasyon sa a vle di ke “Bondye pa rejte pèsonn” (vèsè 34; gade tou nan 1 Nefi 17:35). Poukisa li enpòtan pou w konnen konsènan verite sa a?

Menmjan avèk Juif yo ki te gade moun ki pa t desandan Abraram yo mal yo, èske ou janm konn twouve w ap fè sipozisyon mechan oubyen mal enfòme osijè yon moun ki diferan avèk ou? Kijan w ka simonte tandans sa a? Sa ta enteresan si w ta eseye yon senp aktivite pandan pwochen jou yo: Chak fwa w rankontre yon moun, eseye panse nan tèt ou: “Moun sa a se yon pitit Bondye.“ Pandan w ap fè sa a, ki chanjman ou remake nan fason w panse sou lòt moun ak nan relasyon w avèk yo?

Gade tou nan 1 Samyèl 16:7; 2 Nefi 26:13, 33; Russell M. Nelson, “Kite Bondye gen viktwa,” Lyawona, Nov. 2020, 92–95; “Revelasyon Pyè pou l pote levanjil la bay Janti yo” (video), ChurchofJesusChrist.org.

Travay 10; 11:1–18;15

Pè Selès la anseye m liy apre liy atravè revelasyon.

Lè Pyè te fè vizyon yo dekri nan Travay 10la, li te mal pou konprann ni toudabò epi li te “doute kisa [l] te vledi” (vèsè 17). Men, Senyè a te bay l yon pi gwo konpreyansyon paske l te chèche li. Lè w ap li Travay 10, 11, ak 15la, gade kijan Pyè te vin plis konprann vizyon l lan atravè letan. Kijan w te chèche ak resevwa plis konpreyansyon nan men Bondye lè w te gen kesyon?

Travay 10, 11, ak 15 rakonte sitiyasyon kote Senyè a te dirije sèvitè li atravè revelasyon. Sa ka ede tou si w ta ekri kisa w jwenn konsènan revelasyon pandan w ap li chapit sa yo. Nan ki fason Lespri a pale avèk ou?

Gade tou nan Sijè Levanjil yo, “Revelasyon,” topics.ChurchofJesusChrist.org; Quentin L. Cook, “Benediksyon Revelasyon K ap kontinye pou Pwofèt ak Revelasyon Pèsonèl pou Gide Lavi Nou,” Lyawona, Me 2020, 96–100; “The Jerusalem Conference” (video), ChurchofJesusChrist.org.

Travay 11:26

Mwen se yon kretyen paske m kwè nan Jezikri epi m ap suiv Li.

Kisa k enpòtan nan rele yon moun Kretyen? (gade Travay 11:26). Kisa sa vle di pou ou lè moun konnen w kòm Kretyen? Reflechi sou siyifikasyon non moun. Paregzanp, kisa siyati w vle di pou ou? Poukisa non Legliz la enpòtan pou ou? (gade nan Doktrin al Alyans 115:4). Kisa sa vle di pou ou pou w pran non Jezikri sou ou nan alyans? (gade nan Doktrin ak Alyans 20:77).

Gade tou nan Mozya 5:7–15; Alma 46:13–15; 3 Nefi 27:3–8; Russell M. Nelson, “Non Kòrèk Legliz la,” Lyawona, Nov. 2018, 87–90.

Ide pou Etid Ekriti Familyal ak Sware Familyal

Travay 10:17, 20.Èske nou konn gen eksperyans spirityèl epi nan apre nou doute de sa nou te santi a oubyen de sa nou te aprann nan? Ki konsèy nou youn ka bay lòt ki ta ka ede nou simonte dout nou yo? (Gade nan Neil L. Andersen, “Souvni Spirityèl ki Defini,” Lyawona, Me 2020, 18–22.)

Travay 10:34–35.Kouman w ka anseye fanmi w ke “Bondye pa rejte pèsonn”? Travay 10:35). Petèt ou ta ka ekspoze foto moun ki gen diferan sosyete al kilti pandan fanmi w ap li vèsè sa yo. Kouman verite ki nan vèsè sa yo ta dwe enliyanse aksyon nou? (gade nan, paregzanp, “I’ll Walk with You” [Chant pour les enfants, 140–41]).

Travay 12:1–17.Fanmi w yo ta ka jwe wòl istwa Pyè yo te jete nan prizon an ak manm Legliz ki rasanble ansanm epi k ap priye pou li. Ki lè w te beni akoz lapriyè? Èske gen yon moun fanmi w santi l enspire pou l priye pou moun, tankou yon dirijan Legliz la oubyen yon moun li renmen. Kisa sa vle di priye “san rete”? (Travay 12:5; gade tou nan Alma 34:27).

Yo delivre Pyè nan prizon, A. L. Noakes

Travay 14.Pandan w ap li chapit sa a ansanm, kèk nan manm fanm yo ta ka pran nòt benediksyon ki vin jwenn disip yo ak Legliz la. Lòt manm nan fanmi an ta ka note opozisyon ak tribilasyon disip yo te eskperimante. Poukisa Bondye pèmèt bagay difisil rive moun ki jis?

Travay 15:1–21.Vèsè sa yo dekri yon dezagreman nan Legliz la konsènan lwa Moyiz la, si moun ki konvèti yo te bezwen kenbe l, ansanm avèk sikonsizyon an. Kisa Apot yo te fè konsènan dezagreman sa a? Kisa nou ka aprann nan egzanp sa a sou fason dirijan Legliz yo dirije travay Legliz la?

Pou plis ide pou anseye timoun yo, gade plan leson semèn sa a nan Vini, Suiv Mwen—Pou Primè a.

Chan ki sijere: “Je viens vers toi,” Chants pour les enfants, 78.

Amelyore ansèyman nou

Fè yon desen. Foto ka ede manm fanmi yo vizyalize ansèyman ak istwa nan ekriti yo. Ou ta ka envite manm fanmi yo pou yo desine foto bagay w ap li yo, tankou vizyon Pyè a nan Travay 10.

Eksperyans Pyè ak Kònelis la demontre ke “Bondye pa refize pèsonn” (Travay 10:34).