Bendisionan ni Melchizedek ni Abram, ni Walter Rane. Sagut ti artist

Nobiembre 6–12

Hebreo 7–13

“Ti Nangato a Saserdote kadagiti Nasayaat a Banag nga Umay”

Bayat ti panangbasam iti Hebreo 7–13, mabalin a makaawatka kadagiti impresion babaen ti Espiritu Santo. Ibilang dagiti wagas a mabalinmo nga isurat dagitoy; kas pagarigan, mabalinmo nga isurat dagitoy iti daytoy a balabala, kadagiti igid dagiti nasantuan a kasuratam, wenno iti maysa a kuaderno wenno journal.

Isuratmo dagiti Impresionmo

Uray dagiti napudno a Santo no dadduma agsagabada iti “pannakauy-uyaw ken ladladingit” a makadayyeg iti panagtalekda (kitaen iti Hebreo 10:32–38). Ammo ni Pablo a mapaspasaran dagiti napasurot a Judio iti Kristianismo ti nakaro a pannakaidadanes gapu iti baro a pammatida. Tapno mangparegtada nga agtalinaed a napudno kadagiti pammaneknekda, impalagipna kadakuada ti nabayagen a kannawidan dagiti napudno a mamati manipud iti bukodda a pakasaritaan: da Abel, Enoc, Noe, Abraham, Sara, Jose, Moises—“a kaadu dagiti saksi” a pudno ken napateg nga urayen dagiti kari ti (kitaen iti Hebreo 11; 12:1). Kukuayo met daytoy a kannawidan. Maibinglay daytoy a tawid ti pammati babaen dagiti amin a kumita ken “ni Jesus [kas] pangulo ken mangtungpal iti pammatitayo” (Hebreo 12:2). Gapu Kenkuana, tunggal oras nga iturongnatayo dagiti panagrigat nga “umadayo,” ngem intayo koma “umadani a buyogen ti puso a napudno, iti naan-anay a kinatalged ti pammati” (Hebreo 10:22, 38). Para kadatayo, kas kadagiti nagkauna a Santo, ni Jesucristo ti “nangato a saserdote dagiti naimbag a bambanag nga umayto” (Hebreo 9:11).

Dagiti Kapanunotan para iti Bukod a Panagadal iti Nasantuan a Kasuratan

Hebreo 7

Iturongnak ti Melchizedek Priesthood ken ni Jesucristo.

Iti sinigsiglo, nagbiag dagiti Judio babaen ti Levitical Priesthood, a naam-ammo pay a kas Aaronic Priesthood. Ngem babaen iti pakabuklan ti ebanghelio ni Jesucristo immay ti dakdakkel a Melchizedek Priesthood, a nangidiaya iti ad-adu pay a bendision. Ania ti masursurom maipapan iti Melchizedek Priesthood manipud iti Hebreo 7? Iti pananglaglagip a ti panggep daytoy a surat kas iti amin a nasantuan a kasuratan—ti mangbangon iti pammati ken ni Jesucristo, mabalinmo nga isurat dagiti binatog a mangipaneknek Kenkuana.

Dagitoy ti sumagmamano a pagarigan dagiti dadduma a kinapudno a mabalinmo a sapulen:

• Patarus ni Joseph Smith, Hebreo 7:3, 21: Kadagiti naordenan iti Melchizedek Priesthood “naaramid nga umasping iti Anak ti Dios” ken agtaeng a “[saserdote] iti agnanayon.”

• Hebreo 7:11: Ti Levitical Priesthood ket saan a mangidaton iti “kinaan-anay” ket ngarud sinukatan ti Melchizedek (kitaen iti Doktrina ken Katulagan 84:18–22).

• Hebreo 7:20–21: Maawat ti Melchizedek Priesthood babaen iti “sapata ken katulagan” (kitaen iti Doktrina ken Katulagan 84:33–44).

Ania dagiti bendision a naawatmo manipud iti Melchizedek Priesthood ken “kadagiti ordinansa iti daytoy”? (Doktrina ken Katulagan 84:20). Kasano a natulongannatayo ti Melchizedek Priesthood nga umasideg ken ni Cristo?

Kitaen met iti Alma 13:1–13; Doktrina ken Katulagan 121:36–46; Gospel Topics, “Melchizedek Priesthood,” topics.ChurchofJesusChrist.org; Pangiwanwan iti Nasantuan a Kasuratan,“Melchizedek,” scriptures.ChurchofJesusChrist.org; Russell M. Nelson, “Spiritual Treasures,” Liahona, Nob. 2019, 76–79; Dallin H. Oaks, “The Melchizedek Priesthood and the Keys,” Liahona, Mayo 2020, 69–72.

Hebreo 9; 10:1–22

Dagiti nagkauna ken kabaruanan nga ordinansa ti mangitudo ken ni Jesucristo.

Dagiti orihinal nga agbasbasa a Hebreo iti daytoy a surat ket malasinda unay ti nagkauna a tabernakulo ken dagiti ordinansa nga inladawan ni Pablo. Ngem adda dagiti di naan-anay a nangbigbig a ti panggep dagitoy nga ordinansa ket mangitudo iti pangsubbot a sakripisio ni Jesucristo.

Kadagiti panawen ti biblia, iti tinawen a nasantuan nga aldaw nga maawagan iti Aldaw ti Pannakasubbot, simrek ti maysa a nangato a saserdote iti kasantuan a lugar (wenno Kasantuan dagiti Nasantuan) iti templo iti Jerusalem ken nangidaton iti kalding wenno kordero a mangsubbot iti basbasol ti Israel.

Bayat ti panangbasam iti panangilawlawag ni Pablo kadagitoy nga ordinansa, sapulem dagiti simbolo ken pannursuro a makatulong kenka tapno nasaysayaat a maawatam ti pangsubbot a mision ti Mangisalakan.

Maigiddiat dagiti ordinansa a pakiramanantayo iti agdama manipud kadagiti ordinansa iti panawen ni Pablo, ngem agpada ti panggepda. Kasano a mangipaneknek kenka dagiti ordinansa ita maipapan ken ni Jesucristo?

Tapno masursuro ti ad-adu pay maipapan kadagiti nagkauna a seremonia a Judio ken ti simbolismoda, kitaen dagiti video a “The Tabernacle” and “Sacrifice and Sacrament” (ChurchofJesusChrist.org).

Hebreo 11

Kasapulan ti pammati ti panagtalek kadagiti kari ti Dios.

No idawat kenka ti maysa a tao a mangilawlawag iti kaipapanan ti pammati, ania koma ti isaom? Inusar ni Sister Anne C. Pingree, ti pagsasao manipud iti Hebreo 11 tapno mangted iti daytoy a kaipapanan ti pammati: “Ti naespirituan a kabaelan a maallukoy kadagiti kari a ‘makita iti adayo’ ngem mabalin a di magun-od iti daytoy a biag” (“Seeing the Promises Afar Off,” Liahona, Nob. 2003,14).

Ibilang ti panangparnuay iti bukodmo a panangilawlawag iti kaipapanan ti pammati bayat ti panangutobmo kadagiti kapanunotan iti Hebreo 11. Ania ti isuro dagiti pagwadan ti tattao a naagapad iti daytoy a kapitulo maipapan iti pammati? (Kitaen met iti Ether 12:6–22.)

Ania dagiti kari a makitam iti “adayo”? Kasano a maipakitam iti Apo a “naallukoyka kadakuada, ken inarakupmon ida? (Hebreo 11:13).

Kitaen met iti Alma 32:21, 26–43; Jeffrey R. Holland, “An High Priest of Good Things to Come,” Ensign, Nob. 1999, 36–38; Gospel Topics, “Faith in Jesus Christ,” topics.ChurchofJesusChrist.org.

Dagiti Kapanunotan para iti Sangapamiliaan a Panagadal iti Nasantuan a Kasuratan ken Home Evening

Hebreo 10:32–36.Ibilang ti panangawismo kadagiti miembro ti pamilia a mangibinglay kadagiti naespirituan a padasda idi nariknada ti “nalawagan” iti kinapudno. Kasano a makatulong kadatayo dagitoy a padas a “pagtalinaeden ngarud ti kompiansa[tayo]” kadagiti panawen ti pannubok wenno panagdudua?

Hebreo 11.Kasano a matulongam dagiti miembro ti pamiliam nga agsursuro manipud kadagiti napudno a pagwadan a nadakamat iti Hebreo 11? Mabalin a naragsak a payakem dagiti estoria ti sumagmamano kadagitoy a pagarigan. Mabalinmo nga irebyu ti sumagmamano kadagitoy nga estoria iti Dagiti Estoria iti Baro a Tulag. Wenno nalabit mabalin a paglilinnawagan ti pamiliam dagiti pagwadan ti sabali a napudno a tao nga ammom—agraman dagiti kapuonam, dagiti lider ti Simbaan, ken dagiti miembro ti komunidadmo. Mabalinyo pay ti agkansion iti maysa a kanta maipapan iti pammati, kas iti “Faith” (Children’s Songbook, 96).

Hebreo 12:2.Segun iti daytoy a bersikulo, apay a nagtallugod ni Jesus nga agibtur iti saem ken panagsagaba iti krus? Ania ti isuro daytoy kadatayo maipapan iti no kasano a makapagibturtayo kadagiti pannubok? Nangted ni Presidente Russell M. Nelson iti sumagmamano a makatulong a nalawag a pannakaammo ken pannakaawat iti daytoy a bersikulo ti mensahena “Joy and Spiritual Survival” (Liahona, Nob. 2016, 81–84).

Hebreo 12:5–11.Apay a dusaen ken aturennatayo ti Apo? Ania ti madlawtayo kadagitoy a bersikulo maipapan iti wagas a panangkita ti Apo iti pannusa? Kasano nga apektuan dagitoy a bersikulo ti wagas a panangted wenno panagawat iti pannusa?

Para iti ad-adu pay a kapanunotan para iti panangisuro kadagiti ubbing, kitaen iti balabala iti daytoy a lawas iti Umaykayo, Sumurot Kaniak—Para iti Primary.

Naisingasing a kanta: “Faith,” Children’s Songbook, 96.

Panangpadur-as iti Panangisurotayo

Agusar iti musika a mangawis iti Espiritu ken agsursuro iti doktrina. Kinuna ti Umuna a Panguluen, “Addaan ti musika kadagiti awan beddengna a bileg a manggunay [kadatayo] iti nain-indaklan nga espiritualidad” (First Presidency Preface,” Hymns,, x). Nalabit maysa a kanta maipapan iti pammati, a kas iti “True to the Faith” (Hymns, no. 254), ti mangsuplemento iti panaglilinnawag ti pamilia manipud iti Hebreo 11.

Insuro dagiti simbolo ken ordinansa ti nagkauna a templo maipanggep iti akem ni Jesucristo.