“Mbudzi 27–Zvita 3. 1–3 Johane; Judasi: ‘Mwari Rudo,’” Huyai, Munditevere—Bhuku reVanhu Pachavo neMhuri: Testamente Itsva 2023 (2022)

“Mbudzi 27–Zvita 3. 1–3 Johane; Judasi,” Huyai, Munditevere—Bhuku reVanhu Pachavo neMhuri: 2023

Mufananidzo

Jesu Kristu achinyemwerera akagara navana vaduku vari kunyemwerera.

Perfect Love, [Rudo Rwakarurama), naDel Parson

Mbudzi 27–Zvita 3.

1–3 Johane; Judasi

“Rudo rwaMwari”.

Apo paunoverenga Mwadhi dzaJohane naJudasi, tsvaga kurudziro pamusoro pamataridziro aunokwanisa kuita rudo rwako kuna Mwari. Nyora pasi manzwiro aya uye ita chinhu paari.

Nyora Pasi Manzwiro Ako

Apo Johane naJudasi pavakanyora mwadhi dzavo, dzidziso dzakaora dzakanga dzatotanga kutungamirira Vatendi vakawanda murutsauko pachitendero. Vadzidzisi venhema vakawanda vaibvunza kana Jesu Kristu akanga azviratidza zvechokwadi “munyama” (ona, somuenzaniso, 1 Johane 4:1–3; 2 Johane 1:7). Chii chingakwanisa kuitwa nemutungamiri weChechi mumamiriro ezvinhu akadaro? MuApositora Johane akadavira nokugovera uchapupu hwake pachake hweMuponesi: “Uhu ndihwo uchapupu uhwo hwatinopa hweizvo zvakanga zviripo kubva pakutanga, zvatakanzwa, zvatakavona nameso edu, zvatakatarira, nezvatakabata namavoko edu, zveShoko reupenyu” (Dudziro yaJoseph Smith, 1 Johane 1:1 [muna 1 Johane 1:1, noti yepazasi a]). Uye zvino Johane akadzidzisa pamusoro porudo: Rudo rwaMwari kwatiri uye rudo rwatinofanira kuva narwo kwaVari nokuvana Vavo. Mushure mazvose, Johane aiva chapupu chaizvozvowo. Akanga anzwa iye pachake rudo rweMuponesi (ona Johane 13:23.; 20:2), uye aida kuti Vatendi vanzwe rudo rumwecheterwo. Uchapupu nedzidziso zvaJohane parudo zvinodikanwawo nhasi, apo rutendo muna Jesu Kristu parusingatendwi uye dzidziso dzenhema padzinowanda. Kuverenga mwadhi dzaJohane kunokwanisa kutibatsira kutarisana nenhamo dzanhasi neushingi, nokuti “hakuno kutya murudo; asi rudo, rwakakwana, runodzinga kutya” (1 John 4:18).

Mufananidzo

mufananidzo wekunzvera kwako wega

Mazano eKunzvera Magwaro Matsvene Kwako Wega

1 Johane; 2 Johane

Mwari chiedza, uye Mwari rudo.

Kana waifanira kusarudza shoko rimwechete kana maviri kutsanangura Mwari, aizova api? Mumwadhi dzake, Johane kazhinji aishandisa mashoko okuti “chiedza” uye “rudo” (ona, somuenzaniso, 1 Johane 1:5; 2:8–11; 3:16, 23–24; 4:7–21). Apo paunoverenga mwadhi dzokutanga mbiri dzaJohane, fungisisa nezvezviitiko izvo Johane zvaakava nazvo nechiedza uye rudo rweMuponesi. Somuenzaniso, funga pamusoro peizvo Johane zvaakadzidza kubva kudzidziso dzaJesu muna John 3:16–17; 12:35–36, 46; 15:9–14; 19:25–27. Unoona here dzimwe fanano pakati pedzidziso idzi uye izvo 1 Johane zvarinodzidzisa pamusoro pechiedza nerudo zvaMwari. Zvii zviitiko zvakakudzidzisa kuti Mwari chiedza uye rudo?

1 Johane 2–4; 2 Johane

“Kana tichidanana, Mwari vanogara matiri.”

Unozowanawo mashoko akaita “sakuva” uye “kugara” akadzokororwa nemumwadhi dzaJohane. Tsvaga mashoko aya, kunyanya apo paunoverenga 1 Johane 2–4 uye 2 Johane. Unofunga kuti zvinorevei “kuva” kana “kugara” muna Mwari nedzidziso Dzake? (ona 2 Johane 1: 9). Zvinorevei kwauri kuti Mwari “vave” kana “vagare” mauri?

1 Johane 2:24–3:3

Ndinokwanisa kuva saJesu Kristu.

Chinangwa chokuva saKristu chinomboratidzika here kuva chakanyanya kuoma kwauri? Funga pamusoro perairo inokurudzira yaJohane: “Vana vaduku, garai maari; kuti, kana achizovoneswa, tive nokusatya … [uye] tichafanana naye” (1 Johane 2:28; 3:2). Chii chaunowana muna 1 John 2:24–3:3 icho chinokupa chivimbo nenyaradzo semudzidzi waJesu Kristu? Apo paunonzvera mwadhi dzaJohane, tsvaga mimwe misimboti kana rairo izvo zvinokwanisa kukubatsira mukuedza kwako kunyanya kuva saKristu.

Onawo 1 Moronai 7:48; Dzidziso neZvibvumirano 88:67–68

1 Johane 4:12

“Hakuno munhu … wakambovona Mwari panguva ipi zvayo” here?

Dudziro yaJoseph Smith, 1 Johane 4:12 inotsanangura kuti “hakuna munhu akaona Mwari panguva ipi zvayo, kusara kwaavo vanotenda” (muna 1 John 6:46, noti a; onawo Johane 6:46; 3 Johane 1:11). Magwaro matsvene akanyorwa nguva dzakati wandei apo Mwari Baba paVakazviratidza kuvanhu vakatendeka, kusanganisira Johane pachake (ona Zvakazarurwa 4; onawo Mabasa AvaApositora 7:55–56; 1 Nifai 1:8; Dzidziso neZvibvumirano 76:23; Joseph Smith—Nhoroondo 1:16–17).

1 Johane 5

Apo pandinoshandisa rutendo muna Jesu Kristu uye ndozvarwa patsva, ndinokwanisa kukunda nyika.

Apo paunoverenga 1 Johane 5, tsvaga izvo zvatinofanira kuita kukunda nyika uye kuwana upenyu hwokusingaperi. Kukunda nyika kungataridzika sei muupenyu hwako?

Judasi 1

“[Zvivakei] imi pachenyu pakutenda kwenyu kutsvene-tsvene.”

Judasi 1:10–19 dzinodzidzisa chii pamusoro paavo vanorwisa Mwari nebasa Ravo? Chii chaunodzidza kubva mundima 20–25 pamusoro pamachengetero okuita rutendo rwako muna Jesu Kristu rwakasimba?

Mufananidzo

mufananidzo wekunzvera kwemhuri

Mazano ekuNzvera Magwaro Matsvene kweMhuri uye eNguva yeMhuri Pamba Manheru

1 Johane 2:8–11.Kubatsira mhuri yako kuti ifungisise pamusoro pedzidziso dzaJohane, unganai mumupanda une rima kuitira kuti nhengo dzemhuri dzigokwanisa kuona musiyano pakati pokufamba “murima” uye nokufamba “muchiedza.” Ruvengo runotikonzera sei kufamba murima uye nokugumburwa? Kudanana kunounza sei chiedza muupenyu hwedu?

1 VaKorinte 3:21–22.Chii mundima idzi chinowedzera “chivimbo” chatinacho muna Mwari uye mukwaniso yedu yokutambira mhinduro kuminamato yedu?

Kuchengeta mirairo yaMwari kunotibatsira kukunda nyika.

1 Johane 5:2–3.Kune mimwe mirairo here iyo yatinofunga kuti “inorema” kana kuti yakaoma kutevera? Rudo rwedu kuna Mwari runoshandura sei nzira yatinonzwa nayo pamusoro pemirairo Yavo?

3 Johane 1:4.Zvinorevei “kufamba muchokwadi”? Ungangotora mukana uyu kutaurira nhengo dzemhuri maonero awakavaita vachifamba muchokwadi uye wotaura pamusoro pemufaro uyo izvi zvaunokuunzira. Nhengo dzemhuri dzingangonakidzwa nokunyora kana kudhirowa pamusoro pezvokwadi zvavadzidza pamapepa akachekwa kuita setsoka uye woashandisa kuita nzira iyo mhuri yako painokwanisa kufamba napo pamwechete.

Judasi 1:3–4.Kune njodzi dzezvepamweya here idzo “dzakaverevera” muupenyu hwedu nemumhuri yedu? (Judasi 1:4). Tingatevera sei rairo yaJudasi “yokurwira kwazvo kutenda” uye kukunda njodzi idzi? (Judasi 1:3). Chii chatinokwanisa kuita kuti tiite chokwadi kuti “rugare, norudo, zviwanzwe” mumhuri yedu? (Judasi 1:2).

Kuti uwane mamwe mazano ekudzidzisa vana, ona chirongwa chevhiki ino chiri muHuyai, Munditevere—Bhuku reVana Vadiki.

Rumbo rwakapuwa: “Rudo Mumba,” Nziyo nedzeVana Vadiki, 86.

Kunatsurudza Kunzvera Kwako Wega

Wana Rudo rwaMwari Mutungamiri M. Russell Ballard vakadzidzisa kuti, “Vhangeri ivhangeri rerudo—rudo kuna Mwari uye rudo kune mumwe nemumwe wedu” (“God’s Love for His Children,” Ensign,,Chivabvu 1988, 59). Apo paunoverenga magwaro matsvene, nyora pasi umboo hwerudo rwaMwari.