Lamb Jidikdik eo, jān Jenedy Paige

Tijem̧ba 18–24.

Kūrijm̧ōj

“Naan ko Rem̧m̧an kōn Lan̄lōn̄ Eļap”

Ļōmņak ilo am̧ kejokļo̧kjeņ kōn ļotak eo an Rilo̧mo̧o̧r im mijen eo an emaron̄ jipan̄ bōktok juon jetōb in aeņōm̧m̧an im kwojarjar n̄an iien Kūrijm̧ōj.

Je En̄jake ko Rej Im̧we Eok

Etke ļotak tok an juon nin̄nin̄ ej bōktok eļap lan̄lōn̄? Bolen kōnke juon nin̄nij ej kab ļotak emaron̄ juon kōkaļļe in kōjatdikdik. Ewōr juon men kōn juon mour ekāāl obrak kōn iien ko rem̧m̧an me ej karuwaineneik kōj n̄an kejokļo̧kjeņ kōn ta eo mour in emaron̄ kōm̧m̧an n̄an ajri eo im ta men ko rem̧m̧an emaron̄ kōttōpraki. Ejjan̄in kar m̧ool menin m̧ae iien ļotak eo an Nejin Anij, Jisōs Kraist. Ejjan̄in kar ļapļo̧k kōjatdikdik ilo juon ajri, im ejjan̄in kar wōr juon eo ej ļotak tok kōn eļap kallim̧ur.

Ke enjeļ eo ekar karuwaineneik ri lale sip ro n̄an kappukot nin̄nin̄ eo ej kab ļotak tok ilo juon nien m̧ōn̄ā an kidu, ekar bar leļo̧k n̄an er kōn ennaan eo kōn ajri eo. Ekar juon ennaan in kōjatdikdik—bwe ānbwinnin ekar itok n̄an laļ bwe en kakūrm̧ool juon mijen ekwojarjar. Rilale sip eo rekar kōm̧m̧ane ennaan ko aer “kabun̄bun̄ļo̧k … im ro otemjej rej ron̄jake re bwilōn̄ kōn men ko seperd raņ raar kōnono n̄ane er. A Meri ej dāpij men kein otemjej, im kōļmānļo̧kjeņ kaki ilo būruon” (Luk 2:17–19). Bolen enaaj kar em̧m̧an n̄an ļoor waanjon̄ak eo an Meri ilo Kūrijm̧ōj in: n̄an kejokļo̧kjeņ ilo buruōm̧ kōn men ko kwar ekkatak kōn Rilo̧mo̧o̧r ilo iiō in. Ewi wāween An kakūrm̧ool mijen eo An kōn lo̧mo̧o̧r ilo bwebwenato ko kwar riiti? Im eļapļo̧k an aorōk, wāween an mijen eo An kar ukōt mour eo am̧? Innem kwomaron̄ en̄jake im̧we n̄an ļoor waanjon̄ak eo an seperd ro: ewi wāween am̧ “kabun̄bun̄ļo̧k” ta eo Jisōs Kraist ekar kōm̧m̧an n̄an eok?

Ļōmņak ko n̄an Ekkatak Jeje Ko Rekwojarjar Ippam̧ Make

Matu 1:18–25; 2:1–12; Luk 1:26–38; 2:1–20

Jisōs Kraist eaar itok n̄an laļ bwe en ļotak ilubwiljid ioon laļ in.

Men̄e kwar riiti ak ron̄ bwebwenato in ļotak eo an Jisōs Kraist elōn̄ alen m̧okta, ekkatak kōn menin kōn ļōmņak in ilo kōļmenļo̧kjeņ: “Kūrijm̧0j ejjab n̄an kam̧ōņōņō wōt kōn wāween an Jisōs kar itok n̄an laļ in ak barāinwōt bar jeļā E bwe ej—ad Irooj im Rilo̧mo̧o̧r, Jisōs Kraist—im etke E ekar itok” (Craig C. Christensen, “The Fulness of the Story of Christmas” [First Presidency Christmas devotional, Dec. 4, 2016], broadcasts.ChurchofJesusChrist.org).

Ta eo kojeļā kake kōn wōn in Jisōs Kraist m̧okta jān An kar ļotak? (lale, n̄an waanjon̄ak, Jon 17:5; Mosaia 3:5; Katak im Bujen Ko 76:13–14, 20–24; Moses 4:2). Ewi wāween an jeļāļo̧kjeņ in jelet wāween am̧ en̄jake ke kwoj riiti kōn ļotak eo An?

Ta eo kwojeļā kake kōn wōn in Jisōs Kraist m̧okta jān An kar itok n̄an laļ in? (lale, n̄an waanjon̄ak, Luk 4:16–21; Joh 3:16–17; 3 Nipai 27:13–16; Katak im Bujen Ko 20:20–28). Ewi wāween an jeļāļo̧kjeņ in jelet wāween am̧ en̄jake kōn Rilo̧mo̧o̧r? Ewi wāween an jelet wāween am̧ mour?

Bar lale 2 Korint 8:9; Hibru 2:7–18; 1 Nipai 11:13–33; Alma 7:10–13; “The Nativity” (video), ChurchofJesusChrist.org.

1 Korint 15:21–26; Kolosse 1:12–22; 1 Pita 2:21–25

Jisōs Kraist eaar kakūrmool mijen eo An im kōm̧m̧an bwe jen maron̄ jolete mour indeeo.

Men̄e bwebwenato in ļotak eo an Kraist ekar jepooļ kōn elōn̄ menin bwilōn̄ ko, ļotak eo an ekar āinwōt ad ļotak eļan̄n̄e en kar jab kōn jerbal eo em̧m̧an me Ekar kadedeikļo̧k tokālik ilo mour eo An. Āinwōt an Būreejtōn Gordon B. Hinckley ba, “Nin̄nin̄ Jisōs in Betleem enaaj kar ak bar juon nin̄nin̄ n̄e ejjab kōn Kraist eo ekar pinmuur ilo Getsemane im Calvary, im m̧ool eo kōn An kar anjo̧ n̄an Jerkakpeje” (“The Wondrous and True Story of Christmas,” Ensign, Dec. 2000, 5).

Gethsemane, jān J. Kirk Richards

Mool ko an mijen eo ekwojarjar an Rilo̧mo̧o̧r im iakwe eo An ekajoor n̄an ro jet rej pād ilo aolepen Kallim̧ur Ekāāl. Ta eoon ko ak bwebwenato ko rej itok n̄an kōļmenļo̧kjeņ eo am̧? Kwomaron̄ lale ilo kein ekkatak in ak jān jōōņōļ in ekkatak eo am̧ im etake jet iaan im̧we ko kwoj rekooti. Kwomaron̄ bar riiti 1 Korint 15:21–26; Kolossse 1:12–22; 1 Pita 2:21–25 im kejokļo̧kjeņ kōn wāween an Rilo̧mo̧o̧r im jerbal eo An kar kōjeraam̧m̧an mour eo am̧. Ta eo en̄jake eo am̧ eo ej im̧we eok n̄an ukōt mour eo am̧? Ewi wāween am̧ kepaak eok n̄an kajoor eo an Rilo̧mo̧o̧r?

Ļōmņak ko n̄an Ekkatak Jeje ko Rekwojarjar an Nokon in Jota an Baam̧le

Matu 1:18–25; 2:1–12; Luk 1:26–38; 2:1–20.Ewi wāween am̧ kam̧ōņōņōik ļotak eo an Jisōs Kraist ippān baam̧le eo am̧? En̄rein rej jet iaan ļōmņak ko jejjo, ak kwomaron̄ bar kwaļo̧k ļōmņak ko am̧ make.

• Riiti im kōm̧m̧an arin jet iaan m̧ōttan ko ilo bwebwenato eo ippān doon.

• Alooje bitio eo “The Christ Child” (ChurchofJesusChrist.org).

• Lali jet iaan kein ekkatak ko ilo “Jesus Christ” collection in the Gospel Library, especially in the section titled “His Birth (Christmas).”

• Alooje juon Nokon in Kūrijm̧ōj an Būreejtōnji eo Kein Kajuon (broadcasts.ChurchofJesusChrist.org).

• Al al in Kūrijm̧ōj ko ippān doon, ak kālet ro rūtūriri ak ro m̧ōttad n̄an loļo̧k im al n̄an er (see Hymns, nos. 201–14).

• Kōm̧m̧an juon jerbal in jipan̄.

• Kajjitōk ippān ro uwaan baam̧le eo n̄an kappukot dipdikin meļeļe ko ilo bwebwenato me ej letok ļōmņak ko kōn ornaments im kainōknōk ko me remaron̄ kōm̧m̧an n̄an kakeememej er kōn Jisōs Kraist.

1 Korint 15:21–26; Kolosse 1:12–22; 1 Pita 2:21–25.Etke jej m̧ōņōņō bwe Jisōs Kraist ekar ļotak? Ta menin letok ko E ekar letok n̄an kōj? Ewi wāween ad kwaļo̧k n̄an E ad kam̧m̧olool? Baam̧le eo am̧ remaron̄ al juon al me ej katakin kōn mijen eo An, āinwōt“He Sent His Son” (Children’s Songbook, 34–35).

“Kraist Eo Emour: Nan in Kam̧ool An Dri Jiliōk ro.”Eļan̄n̄e kwokoņaan jipan̄ baam̧le eo am̧ mije wōt Rilo̧mo̧o̧r ilo iien kūrijm̧ōj, bolen kwomaron̄ joļo̧k jet iien n̄an riiti im ekkatak ippān doon “The Living Christ: The Testimony of the Apostles” (ChurchofJesusChrist.org). Bolen kwomaron̄ kakilōklōke eoon ko jān “The Living Christ” ak lale kōmeļeļe ko kōn mour eo an Rilo̧mo̧o̧r ilo Kallim̧ur Ekāāl me ej jipan̄ ennaan in ie. Kwomaron̄ bar karuwaineneik ro uwaan baam̧le eo n̄an je make naan in kam̧ool eo an kōn Jisōs Kraist, eļan̄n̄e kwoj en̄jake im̧we, riiti ļo̧k n̄an baam̧le eo.

N̄an meļeļe ko reļļapļo̧k ikkijeen katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “Once within a Lowly Stable,” Children’s Songbook, 41.

Kōkm̧anm̧anļo̧k Am̧ Ekkatak Ippam̧ Make

Kappukōt Jisōs Kraist. Eoon kein rej katakin kōj aolep men ko me rej kam̧ool kōn Jisōs Kraist (lale Moses 6:62–63), kōn menin jej aikuj kappukot E ilo aolep men. Ilo am̧ riiti jeje ko rekwojarjar, ļōmņak n̄an keememej ak kōkaļļeiki eoon ko me rej katakin eok kōn E. Bōk am̧ iien ilo raan ko me rej tōlļo̧k n̄an Kūrijm̧ōj n̄an lale men ko ipeļakūm̧ me rej kam̧ool kōn Jisōs Kraist.

Ļotak eo an Kraist, by Brian Call