nin̄nin̄ ļotak

Lamb eo Edik, jān Jenedy Paige

Tijem̧ba 18–24

Kūrijm̧ōj

“Naan ko Rem̧m̧an kōn Lan̄lōn̄ Eļap”

Katak in ej juon iien em̧m̧an n̄an jipan̄ ajri ro kwoj katakin kememe ļotak eo an Rilo̧mo̧o̧r, mour, im mijen eo ilo iien Kūrijm̧ōj. Dāpij wōt ilo kōļmenļo̧kjeņ ilo am kōppopo n̄an katakin.

pija ej bōk jikin kwaļo̧k

Kajjitōk bwe ren Kwaļo̧k

Kwaļo̧k pija eo ilo laajrak eo an wiik in ilo Itok, Ļoor Eō—N̄an Kajjojo Armej im Baam̧le Ko, im kajjitōk ippān ajri ro n̄an kwaļo̧k ta eo rejeļā kōn ļotak eo an Rilo̧mo̧o̧r.

pija ej bōk jikin katakin

Katakin Katak eo: Ajri ro Reddikļo̧k

Matu 2:1–12; Luk 2:1–14

Jisōs ekar itok n̄an laļin āinwōt juon nin̄nin̄.

Em̧m̧an ippān ajri ro bwebwenatoin ļotak eo an Jisōs Kraist. Ta katak ko rem̧ool kwoj loi ilo bwebwenato in me kwoj en̄jake ajri ro reaikuj meļeļeiki?

M̧akūtkūt ko Maron̄ Kōm̧m̧ani

• Riti Luk 2:1–14 n̄an ajri ro, ak kōmeļeļeik men ko ilo eoon kein ilo “Jebta 5:Jesus Christ Is Born” (ilo Bwebwenato ko ilo Kalim̧m̧ur Ekāāl, 13–15, ak bitio in jipan̄ eo ilo ChurchofJesusChrist.org). Kajjitōk ippān ajri ro n̄an jin̄aiki men ko im kōjerbali ilo pija ko n̄an kwaļo̧k bwebwenato eo ippāer make. Etke jej kam̧moolol bwe Jisōs ekar ļotak?

• Kajjitōk ippān ajri ro n̄an kwaļo̧k n̄an eok bwebwenato in Rimāletlet ro raar ļoor iju eo an pukōt Jisōs. N̄e rej aikuj jipan̄ n̄an keememej bwebwenato in, lale Matu 2:1–12 ak “Jebta 7: The Wise Men” (ilo Bwebwenato ko ilo Kalim̧m̧ur Ekāāl, 18, ak bitio in jipan̄ eo ilo ChurchofJesusChrist.org). Nooj pijain Jisōs ilo ruum̧ eo. Jian̄iki ak m̧wijitilok peba iju eo im kotake mejatoto. Kajjitōk ippān ajri ro n̄an katen wōt n̄e er rimāletlet ro rekar bōkļo̧k menin leļo̧k ko, im tōl er ipeļakin ruum̧ eo n̄an pukōt Jisōs. Jipan̄ ajri ro ļōmņak kōn jet iaan menin leļo̧k ko me jemaron̄ leļo̧k n̄an Jisōs.

• Al jejjo̧ al in Kūrijm̧ōj ak al ippān ajri ro Hymns, nos. 201–14; Children’s Songbook, 34–54). Kajjitōk ippāer n̄an kwaļo̧k men ko al eo ej kwaļo̧ki me rej en̄jake ke raorōk n̄an jeļā.

Jisōs ej bukwelōlō ilo Jikin Kallib Gethsemane

Gethsemane,, jān J. Kirk Richards

Jon 3:16

Jisōs Kraist ekar kapidodoiki bwe in bar mour ippān Jemedwōj Ilan̄ juon raan.

Ajri ro kwoj katakin remeļeļe ke etke Jisōs Kraist ekar itok n̄an laļin? Bōk jidik iien n̄an kōļmenļo̧kjeņ ta eo Rilo̧mo̧o̧r ekar kōm̧m̧ane n̄an kwe make im elmen am̧ maron̄ jipan̄ ajri ro meļeļe ta eo E ekar kōm̧m̧an n̄an er.

M̧akūtkūt ko Maron̄ Kōm̧m̧ani

• Bōktok juon menin leļo̧k em̧ōj rāpe n̄an kūlaaj eo ippān juon pijain Jisōs Kraist ilowaan. Kaddepe juon tāāk ippān “Jon 3:16” je ioon, im kwaļo̧k n̄an ajri ro bwe ej juon kulu kōn ta menin leļo̧k eo. Riit Jon 3:16 ippān ajri ro, im kajjitōk ippāer n̄an kajjidede ta menin leļo̧k eo im kōpeļļo̧ke. Etke Anij ekar jilkintok Nejin?

• Jipan̄ ajri ro kadedeļo̧k jentōj in: “Jisōs Kraist ekar itok n̄an laļin n̄an .” Innām kwaļo̧k pija ko rekkar n̄an en̄taan in pinmuur eo an Rilo̧mo̧o̧r Gospel Art Book, nos. 56–59), im kwaļo̧k jidik kōn iien kein reļļap. Kwomaron̄ bar al juon al kōn etke Jisōs ekar itok n̄an laļin “E ekar jilkintok Nejin” (Children’s Songbook, 34–35). Kwaļo̧k am̧ naan in kam̧ool kōn Jisōs Kraist im Ta eo ekar kōm̧m̧ane n̄an eok.

pija ej bōk jikin katakin

Katakin Katak eo: Ajri ro Rerūttoļo̧k

Matu 1:18–25; 2:1–12; Luk 1:26–38; 2:1–20

Jisōs Kraist ekar itok n̄an laļin āinwōt juon nin̄nin̄.

Elmen am̧ maron̄ jipan̄ ajri ro mije Jisōs Kraist ilo Kūrijm̧ōj?

M̧akūtkūt ko Maron̄ Kōm̧m̧ani

• Kajjitōk ippān juon iaan ajri ro n̄an riiti jet iaan iien ko rekkar n̄an ļotak eo an Rilo̧mo̧o̧r Matu 1:18–25; 2:1–12; Luk 1:26–38; 2:1–20). Kajjitōk ippān ajri ro jet n̄an bōk kuņaer jin̄aiki pija ko ioon bo̧o̧t eo kōn ta eo eoon ko rej kōmeļeļeiki. Ta eo bwebwenato kein rej katakin kōj kōn Jisōs Kraist?

• Kajjitōk ippān ajri ro n̄an je ioon jet peba men ko remaron̄ kōm̧m̧ani n̄an jipan̄ er mije wōt Rilo̧mo̧o̧r ilo jijen in Kūrijm̧ōj. (Remaron̄ lale bitio eo “Good Tidings of Great Joy: The Birth of Jesus Christ” on ChurchofJesusChrist.org.) Kajjitōk ippāer n̄an kwaļo̧k ta eo rekar je. Rōjan̄ ajri ro n̄an bōk peba eo n̄an m̧weo im jerbale ippān baam̧le ko aer kakkobaba ko rekar aje ioon peba eo.

• Al al in Kūrijm̧ōj ko kōn Rilo̧mo̧o̧r (lale Children’s Songbook, 34–54; Hymns, nos. 201–14), im kajjitōk ippān ajri ro n̄an kwaļo̧k ļain ak naan eo em̧m̧an ippāer jān al eo.

Jon 3:16

Jisōs Kraist ekar kapidodoiki bwe in bar mour ippān Jemedwōj Ilan̄ juon raan.

Elmen am̧ maron̄ jipan̄ ajri ro lale ta eo rekar ekkatak ilo iiō in im meļeļe etke rej aikuji Jisōs Kraist ilo mour ko aer?

M̧akūtkūt ko Maron̄ Kōm̧m̧ani

• Ļabōļe jidik peba Wōn eo Jisōs Kraist? im eo juon Etke E ekar itok n̄an laļin? im kaddāpi ilo dipin kūlaajruum̧ eo. Kajjitōk ippān kajjojo ajri n̄an riiti juon iaan eoon kein ilaļ: Matu 16:15–16; Jon 3:16; 1 Nipai 10:4; Mosaia 3:8; Alma 7:10–13; 3 Nipai 27:14–15. Kajjitōk ippāer n̄an lali uwaak ko, ilo jeje ko rekwojarjar rej riiti, n̄an kajjitōk ko ruo ilo waaļ eo. Kajjitōk ippāer n̄an je uwaak ko aer im kaddāpi n̄an wo̧o̧ļ eo n̄an kajjitōk eo ekkar. Ekōjkan ad maron̄ kwaļo̧k kam̧m̧oolol eo ad kōn ta eo Jisōs Kraist eaar kōm̧m̧ane n̄an kōj?

• Kajjitōk ippān ajri ro n̄an kōlaajraki ioon bo̧o̧t eo aolep etan ak taitōļ ko an Jisōs me remaron̄ ļōmņaki (lale Baibōļ Tikjinede eo, “Christ, names of”). Ta āt kein rej katakin kōj kōn Jisōs Kraist im mijen eo An? Etke jej aikuji Jisōs Kraist ilo mour ko ad? N̄an jipan̄ uwaaki kajjitōk in, kwaļo̧k bitio eo “Why We Need a Savior—A Christmas Message about Our Savior Jesus Christ” (ChurchofJesusChrist.org).

pija ej bōk jikin ekkatak

Kōketak Ekkatak ilo M̧weo

Rōjan̄ ajri ro n̄an pukōte diktata juon wāween n̄an jerbal n̄an ro jet ak itok epaake Jisōs Kraist ilo Kūrijm̧ōj in.

Kōkm̧anm̧anļo̧k Ad Katakin

Kajjitōk ippān ajri ro n̄anr kwaļo̧k ta eo rej ekkatak. Ajri ro remaron̄ bōk juon kajoor eļap n̄an em̧m̧an ilo baam̧le ko aer. Rōjan̄ ajri ro kwoj katakin n̄an kwaļo̧k n̄an baam̧le ko aer men ko rekar ekkatak ilo Būraimere. (Lale Teaching in the Savior’s Way, 30.)

peij in m̧akūtkūt: Jisōs Kraist ekar itok n̄an laļin āinwōt juon nin̄nin̄