an ļaam̧ jijet ioon ujooj

Tijem̧ba 4–10

Revelesōn 1–5

“Aibojooj, im Kajoor, N̄an … Ļaam̧ eo Indeeo”

Bok in Revelesōn emaron̄ pen n̄an ajri ro n̄an meļeļe, ak ebar pād ie katak eo eaorōk me em̧m̧an im pidodo.

pija ej bōk jikin kwaļo̧k

Kajjitōk bwe ren Kwaļo̧k

Kajjitōk ippān ajri ro n̄an kwaļo̧k ta en̄jake eo aer n̄e ren kar lo Jisōs Kraist ilo juon visōs Kajjitōk ippāer n̄an kwaļo̧k jabdewōt men rejeļā kake kōn visōn eo an Jon kōn Jisōs ilo bok in Revelesōn.

pija ej bōk jikin katakin

Katakin Katak eo: Ajri ro Reddikļo̧k

Revelesōn 1:20

Imaron̄ kōromaak meram eo an Rilo̧mo̧o̧r.

Ilo Revelesōn 1:20, Rilo̧mo̧o̧r ekar keidi Kabun̄ eo An n̄an jikin ļaam̧ ko. Jipan̄ ajri ro meļeļe bwe remaron̄ kwaļo̧k romaak an Rilo̧mo̧o̧r jān mour kake katak ko An.

M̧akūtkūt ko Maron̄ Kōm̧m̧ani

• Kwaļo̧k n̄an ajri ro pija in kain meram ko reoktak, āinwōt jikin tōm̧a, juon kāāntōļ, im aļ. Ilo am̧ riit “jiljilimjuon jikin ļaam̧ ko rej jiljilimjuon eklejia” (Revelesōn 1:20), kajjitōk ippān ajri ro n̄an pijaiki meram eo ej kōnono kake ilo eoon in. Jipan̄ ajri ro kōnono elmen ad, āinwōt membōr in Kabun̄ eo an Jisōs, maron̄ juon meram in kāāntōļ—n̄an waanjon̄ak, n̄e jej kōm̧m̧ani men ko rem̧m̧an n̄an ro jet.

• Al juon al kōn meram n̄an ro jet, āinwōt “Jesus Wants Me for a Sunbeam” (Children’s Songbook, 60–61). Kwaļo̧k wāween ko kwaar lo an ajri ro mour kake gospel in an Jisōs Kraist im n̄an meram n̄an ro ipeļakier. Kwaļo̧k elmen n̄an kōmeram ro jet kar jipan̄ eok en̄jake epaakeļo̧k Jemedwōj Ilan̄ im Jisōs Kraist.

Revelesōn 3:20

Imaron̄ karuwaineneik Jisōs Kraist n̄an mour eo aō.

An Jisōs jutak ilo kōjem im kōlļaļ emaron̄ jipan̄ ajri ro meļeļe bwe E ekōņaan bwe jān epaakeļo̧k E.

M̧akūtkūt ko Maron̄ Kōm̧m̧ani

• Ilo am riiti Revelesōn 3:20, kwaļo̧k pija eo an Rilo̧mo̧o̧r ilo kōjem eo jān laajrak eo an wiik in ilo Itok, Ļoor Eō—N̄an Kajjojo Armej im Baam̧le Ko. Kajjitōk ippān ajri ro n̄an antoone n̄e Jisōs en akr kōlaļļaļ ilo kōjem in m̧oko im̧weer. Kajjitōk ippāer n̄an ļōmņake ta eo ren kōm̧m̧ane.

• Kajjitōk ippān ajri ro n̄an kwaļo̧k n̄an eok kōn iien ko n̄e rekar kōttar an juon atin loļo̧k m̧weo im̧weer wōn eo ren kar kijerjer in loe. Ta iien kōttar eo enkar āinwōt kōttar an armej eo kōllaļļaļ ilo kōjem eo? N̄e jej kar jab kōdeļo̧n̄tok armej eo? Riit Revelesōn 3:20, im kōtļo̧k an ajri ro bōk kuņaer kotak juon pijain Jisōs im katen wōt n̄e ej kōļaļļaļ ilo kōjem eo. Ro jet uwaan kūlaaj eo remaron̄ katen wōt n̄e rej kōpeļļo̧k kōjem eo. Ta eo jemaron̄ kōm̧m̧ane n̄an kōtļo̧k an Jisōs epaake kōj, men̄e jejjab lo E?

Revelesōn 5:1–10

Jisōs Kraist ej make wōt erreeo bwe en aō Rilo̧mo̧o̧r.

Jon ekar ekkatak jān visōn eo an bwe Jisōs Kraist wōt (en juon ļaam̧) maron̄ ad Rilo̧mo̧o̧r im kakūrm̧ool karōk eo an Jemed (jān bok eo em̧ōj sili).

M̧akūtkūt ko Maron̄ Kōm̧m̧ani

• M̧okta jān kūlaaj, rāpe n̄ūon kape in Gospel Art Book kōjerbal peba ak to aidik. Kōjerbal jejjo̧ naan ko raorōk jān Revelesōn 5:1–10, kōmeļeļeiki visōn eo Jon ekar loe. Kwaļo̧k n̄an ajri ro bok eo, im kwaļo̧k n̄an er ke juon wōt iaļ n̄an kōpeļļo̧k bok eo ej n̄an lale pijain Jisōs me kwaar ņooje ilo ruum̧ eo. N̄e rej loe pija eo, kōpeļļo̧k bok eo im kwalo̧k n̄an ajri ro jet iaan pija ko ilo bok eo me ej pinej jenkwan kōjeraam̧m̧an ko rej pād kōn wōt Pinmuur eo an Jisōs Kraist (āinwōt tampeļ, peptaij, im baam̧le ko). Kam̧ool bwe Rilo̧mo̧o̧r wōt eo eo emaron̄ kapidodoik aolep men.

• Kōmeļeļeiki bwe visōn eo kar kōmeļeļeiki ilo Revelesōn 5:1–10, im kajjitōk ippān ajri ro n̄an ikkure kōn an Jon im ro jet kar en̄jake ilo m̧ōttan ko roktak ilo visōn in. N̄an waanjon̄ak, remaron̄ katen wōt n̄e rej jan̄ ilo an juon kōpeļļo̧k bok eo, ak remaron̄ m̧ōņōņō n̄e Rilo̧mo̧o̧r ej kōpeļļo̧ke.

pija ej bōk jikin katakin

Katakin Katak eo: Ajri ro Rerūttoļo̧k

Revelesōn 3:5, 12–21

N̄e ij wujļepļo̧k n̄an gospel eo an Rilo̧mo̧o̧r, inaaj bōk kōjeraam̧m̧an ko reļļap ilo lan̄.

Ta meļeļein n̄an eok “māāņāņ jiddik, im jab pio̧ ak bwil”? Ļōmņaki wāween ko n̄an jipan̄ ajri ro bwe ren māāņāņ—bwe ren wujlepļo̧k aer n̄an Rilo̧mo̧o̧r im gospel eo An.

M̧akūtkūt ko Maron̄ Kōm̧m̧ani

• Riit ippān doon Revelesōn 3:5, 12, 21, im kōmeļeļeiki aolep naan ko me ajri ro remaron̄ jab jeļā. Ta meļeļein “anjo̧ ioon”? Kajjitōk ippān ajri ro n̄an jin̄ak juon kōjeraam̧m̧an kar kallim̧ur ilo eoon kein im kwaļo̧ke ilo kūlaaj.

• Riit ippān doon Revelesōn 3:15–16. Kajjitōk ippān ajri ro n̄an kōnono kōn men ko relukkuun in aorōk kōjerbali ak lan̄lōn̄ n̄e rejjab bwiļ (āinwōt juub) ak (āinwōt ice cream) n̄e ej m̧ōlo̧. Elmen an māņāāņ kabōjrak kōj jān kōjeraam̧m̧an ko an Rilo̧mo̧o̧r kar kallim̧ur ilo eoon 5, 12, im 21?

• Ilo bo̧o̧t eo, je māņāāņ, ippān bar naan ko jet, āinwōt pen bōro, oktak, ak bajjōk. Kōjerbal naan ko n̄an jipan̄ ajri ro meļeļe etke Irooj ejjab kōņaan bwe jān māņāāņ. Ta naan ko jemaron̄ ļōmņaki n̄an kōmeļeļeik wāween An kōņaan bwe jān āinwōt? Kwaļo̧k etke kwoj kōņaan lukkuun wujlepļo̧k n̄an Rilo̧mo̧o̧r, im kajjitōk ippān ajri ro n̄an kwaļo̧k ļōmņak ko aer.

Revelesōn 3:20

Imaron̄ kāālet bwe Jisōs Kraist en m̧ōttan mour e aō.

Elmen am̧ maron̄ jipan̄ ajri ro kwoj katakin kōpeļļo̧k būruweer im mour kōn kajoor im im̧we eo an Jisōs Kraist?

M̧akūtkūt ko Maron̄ Kōm̧m̧ani

• Ilo am riiti Revelesōn 3:20, kwaļo̧k pija eo an Rilo̧mo̧o̧r ilo kōjem eo jān laajrak eo an wiik in ilo Itok, Ļoor Eō—N̄an Kajjojo Armej im Baam̧le Ko. N̄an jipan̄ ajri ro jin̄a jān pija eo, kajjitōk ippāer n̄an jerbal ilo kurup ko n̄an uwaaki kajjitōk ko āinwōt kein: Etke kwoj ļōmņak Jisōs ej kōļaļļaļ ilo kōjem eo? Etke ejjeļo̧k jikin kōpeļļo̧k ilo ņam̧ōjin kōjem eo? Ta meļeļein n̄an kōtļo̧k bwe Jisōs en pād ilo mour ko ad?

• Kajjitōk ippān ajri ro n̄an je ioon bo̧o̧t eo wāween ko roktak n̄an “kōpeļļo̧k kōjem eo” n̄an Jisōs. Jet waanjon̄ak ko emaron̄ jerbal n̄an ro jet, riiti jeje ko rekwojarjar, kōjparok bujen ko jaar kōm̧m̧ani ilo peptaij, im bōk kwojkwoj eo.

Revelesōn 5:1–10

Jisōs Kraist ej make wōt erreeo bwe en aō Rilo̧mo̧o̧r.

Visiōn eo kar kōmeļeļeiki ilo Revelesōn 5 kwaļo̧k bwe Jisōs ej make wōt erreeo im maron̄ kōm̧m̧ane Pinmuur eo n̄an lo̧mo̧o̧ren kōj jān jerawiwi.

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an kwaļo̧k juon tōre ke rekar aikuj jipan̄ ro jet n̄an kōm̧m̧ane men eo rejjab maron̄ kōm̧m̧ane kōn er make. Kajjitōk ippāer n̄an riiti Revelesōn 5:1–10 im lale ta menin aikuj eo bwe en dedeļo̧k bwe armej eo wōt en (kōmeļeļeik bwe Ļaam̧ eo ej Jisōs Kraist im bok eo ej pinej jenkwan karōk eo an Anij). Ta eo Jisōs ekar kōm̧m̧ane n̄an kōj me ejjeļo̧k juon enaaj kar kōm̧m̧ane?

• Kajjitōk ippān ajri ro n̄an pukōt juon al ak ajri ro rej al kam̧ool kōn Jisōs Kraist (āinwōt “Beautiful Savior,” Children’s Songbook, 62–63). Ta eo naan ko an al in rej kwaļo̧k kōn Jisōs Kraist? Elmen an al in āinwōt al in nōbar kōn Jisōs Kraist ilo Revelesōn 5:9–10?

pija ej bōk jikin ekkatak

Kōketak Ekkatak ilo M̧weo

Kajjitōk ippān ajri ro n̄an kwaļo̧k n̄an baam̧le ko aer wāween ko remaron̄ bōktok im̧we eo an Rilo̧mo̧o̧r n̄an m̧oko im̧weer.

Kōkm̧anm̧anļo̧k Ad Katakin

Rōjan̄ n̄an kautiej. Wāween eo eaorōk n̄an kautiej ej ļōmņak kōn Jemedwōj Ilan̄ im Jisōs Kraist. Komaron̄ kakeememej er n̄an kautiej ilo aer al mera im ak in̄ūrn̄ūri juon al ak kwaļo̧k juon pija in Jisōs.

peij in m̧akūtkūt: Imaron̄ karuwaineneik tok Jisōs Kraist n̄an mour e aō