Jisōs Kraist ej iakiakweik armej ro ilo Itok eo An Kein Karuo

The City Eternal, jān Keith Larson

Tijem̧ba 25–31

Revelesōn 15–22

“Eo ej Bōk Anjọ Enaaj Jolōt Men Kein”

Ilo am kōppopo n̄an katakin, lale en̄jake ko am̧ n̄an ekkatak Revelesōn 15–22 personally or with your family. Ta eo ekar jikrōktok ippa? Ta im̧we ko kwar bōke? Keememej bwe aolep m̧akūtkūt kein rej pād ilo laajrak eo emaron̄ okoktak n̄an jabdewōt iiō an ajri ro.

pija ej bōk jikin kwaļo̧k

Kajjitōk bwe ren Kwaļo̧k

Kajitōk ippān ajri ro n̄an kwaļo̧k etke rekōņaan bar mour ippān Jemedwōj Ilan̄. Aolepen katak eo, jipan̄ er pukōt men ko remaron̄ kōm̧m̧ani n̄an kōppopo n̄an jepļaaktok eo An.

pija ej bōk jikin katakin

Katakin Katak eo: Ajri ro Reddikļo̧k

Revelesōn 15:2–4

Imaron̄ nōbar Anij ilo al.

Ro Rekwojarjar me Jon ekar kōmeļeļeiki ilo Revelesōn 15:2–4 raar al al in nōbar n̄an Anij ilo em̧m̧an eo An. Ta al in nōbar ko jemaron̄ jipan̄ ajri ro kwaļo̧k aer iakwe n̄an Jemedwōj Ilan̄ im Jisōs Kraist?

M̧akūtkūt ko Maron̄ Kōm̧m̧ani

• Ilo am̧ riit eļaaj m̧ōttan ko ilo Revelesōn 15:2–4, kajjitōk ippān ajri ro n̄an kōm̧m̧an arin im kōtōnn̄e rej kōjan̄e juon harp ak rej tōl juon kuwaer. Ekōjkan ad en̄jake n̄e jej al kōn Jisōs?

• Kajjitōk ippān ajri ro n̄an kwaļo̧k al ko em̧m̧an ippāer kōn Jemedwōj Ilan̄ im Jisōs Kraist. Al jejjo̧ al ippān doon, im jipan̄ ajri ro meļeļe ta eo al ko rej katakin kōj kake Jemedwōj Ilan̄ im Rilo̧mo̧o̧r.

Revelesōn 19:7

Imaron̄ kōppopo n̄an Itok eo Kein Karuo an Jisōs Kraist n̄an kāālet men eo ejim̧we.

Elmen am̧ maron̄ jipan̄ ajri ro meļeļe bwe Itok eo Kein Karuo enaaj juon iien lan̄lōn̄ n̄an kōj n̄e jej ļoor kien ko an Jisōs?

M̧akūtkūt ko Maron̄ Kōm̧m̧ani

• Kajjitōk ippān ajri ro eļan̄n̄e raar lo an juon iien kar kōm̧are. Ekar ewi jekjek in? Etke armej ro rej m̧ōņōņō ilo juon iien m̧are? Kwaļo̧k pijain Itok eo an Rilo̧mo̧o̧r Kein Karuo ilo laajrak eo an wiik in ilo Itok, Ļoor Eō—N̄an Kajjojo Armej im Baam̧le Ko, im riiti Revelesōn 19:7. Kōmeļeļeiki bwe “pālele in Lamb” eo ej pinej jenkwan Itok eo Kein Karuo an Jisōs Kraist. Etke jenaaj lan̄lōn̄ n̄e Rilo̧mo̧o̧r enaaj bar itok? Jipan̄ ajri ro keidi lan̄lōn̄ an juon iien m̧are im lan̄lōn̄ n̄an jepļaaktok eo an Rilo̧mo̧o̧r.

• Kwaļo̧k n̄an ajri ro etke kwoj reim̧aanļo̧k n̄an Itok eo Kein Karuo an Jisōs. Al juon al kōn Itok eo Kein Karuo an Rilo̧mo̧o̧r eo, eo āinwōt “When He Comes Again” (Children’s Songbook,, 82–83).

• Kajjitōk ippān ajri ro n̄an kwaļo̧k ta eo rej kōm̧m̧ane n̄an pojak n̄an jar Jabōt. Etke jej kōm̧m̧ane men kein m̧okta jān ad itok n̄an jar? Etke jej aikuj kōppopo n̄an Itok eo Kein Karuo an Kraist? Ilo peij in m̧akūtkūt eo an wiik in, kōtļo̧k bwe ajri ro ren kōm̧m̧ane ta eo remaron̄ kōppopo n̄an Itok eo Kein Karuo.

Revelesōn 21:1, 3–4, 22–27; 22:1–2

Jemedwōj Ilan̄ ekōņaan bwe in mour Ippān ilo aelōn̄ in selestial.

Ilo jebta ko ruo in Revelesōn, Jon ekar kōjerbal kajin eo n̄an kōmeļeļeiki aiboojoj en aļ me ro ritōmak renaaj m̧ōņōņōiki.

M̧akūtkūt ko Maron̄ Kōm̧m̧ani

• Jipan̄ ajri ro jin̄aiki wōjke eo kōmeļeļeiki ilo Revelesōn 22:2 ioon bo̧o̧t eo. Kōmeļeļeik bwe wōjke in ej wōjke in mour, im ej pinej jenkwan iakwe eo an Anij (lale 1 Nipai 11:21–22). Leļo̧k n̄an ajri ro jidik peba āinwōt wōjke, im kajjitōk ippāer n̄an jin̄aiki ioon peba eo men ko me rejipan̄ er en̄jake iakwe eo an Jemedwōj Ilan̄. Kōmeļeļeiki bwe ro rej iakwe im pokake Jemedwōj Ilan̄ renaaj mour Ippān ilo aelōn̄ in selestial.

• Kwaļo̧k n̄an ajri ro pija ko ak kōmeļeļe ko bwe Jon ekar kōjerbal aelōn̄ in selestial (lale Revelesōn 21:1, 3–4, 22–27; 22:1–2), im kajjitōk ippān ajri ro n̄an jin̄aiki pija in men kein.

• Al ippān doon juon al me ej kwaļo̧k elmen ad maron̄ kōppopo n̄an jepļaaktok n̄an im̧aan mejen Anij, āinwōt “I Will Follow God’s Plan” (Children’s Songbook, 164–65). Kajjitōk ippān ajri ro n̄an kalikkar ta eo remaron̄ kōm̧m̧ane n̄an bar mor ippān Jemedwōj Ilan̄.

pija ej bōk jikin katakin

Katakin Katak eo: Ajri ro Rerūttoļo̧k

Revelesōn 19:7–8

Imaron̄ kōppopo n̄an Itok eo Kein Karuo an Jisōs Kraist ilo aō kāālet men eo ejim̧we.

Elme am̧ maron̄ jipan̄ ajri ro kwoj katakin meļeļe bwe Itok eo Kein Karuo an Jisōs Kraist enaaj juon iien m̧ōņōņō n̄an ro rōwānōk?

M̧akūtkūt ko Maron̄ Kōm̧m̧ani

• Riit ippān doon Revelesōn 19:7–8, im jipan̄ ajri ro meļeļe kōkaļļe kein ilo eoon kein—m̧are eo ej Itok eo Kein Karuo an Rilo̧mo̧o̧r, Ļaam̧ eo ej Rilo̧mo̧o̧r, im Kōrā eo pālele ej Kabun̄ eo (ak kōj aolep). Ta men ko jemaron̄ kōm̧m̧ani n̄an kōppopo n̄an bar itok eo an Rilo̧mo̧o̧r?

• Etale im kakkilōklōke Laajrak in Tōmak ko 1:10 ippān ajri ro. Kōmeļeļeiki bwe laajrak in tōmak in ekalimomo, aiboojoj ko me renaaj waļo̧k n̄e Jisōs enaaj bar itok. Kwaļo̧k the picture of Jesus’s Second Coming ilo Itok, Ļoor Eō—N̄an Kajjojo Armej im Baam̧le Ko, im kajjitōk ippān ajri ro n̄an jin̄aiki ta eo rej ļōmņak elmen naaj Itok eo Kein Karuo an Jisōs.

Revelesōn 20:12–13

Anij enaaj ekajet eō.

Kōj aolep naaj juon raan jutak im̧aan Anij n̄an ekajet. Kwomaron̄ jipan̄ ajri ro meļeļe bwe ekajet eo An enaaj em̧m̧an, jejjet, im tiriam̧o.

M̧akūtkūt ko Maron̄ Kōm̧m̧ani

• Je ioon bo̧o̧t eo Enaaj Elmen Raan in Ekajet eo? Kajjitōk ippān ajri n̄an lali uwaak ko n̄an kajjitōk in ilo Revelesōn 20:12–13 im ilo “Ekajet, Āliktata” ilo Unit Tōl ko n̄an Jeje ko Rekwojarjar (scriptures.ChurchofJesusChrist.org). Ta eo Rilo̧mo̧o̧r ekar kōm̧m̧ane bwe Raan Ekajet eo en juon raan elem̧ōņōņō? (lale Laajrak in Tōmak ko 1:3–4). Ta eo jemar?on̄ kōm̧m̧ane bwe en juon raan elem̧ōņōņō n̄an kōj

  Jisōs ippān armej ro ilo meram ilo tuwanbwimaron̄in Pein im armej ro ilo marok ilo taunmiin̄in.

  Ekajet eo Āliktata, jān John Scott

• Bōktok juon bok in jeje me ej pinej jenkwan “bok in mour” (Revelesōn 20:12), me komaron̄ je jet iaan mour ĀinwōtKraist im jerbal ko rem̧m̧an ippān ajri ro ilo kūlaaj eo am̧. Riit n̄an ajri men ko kwar je, im kajitōk ippāer n̄an kōnono kake mour Āinwōt Kraist raar loi ippān doon. Kwaļo̧k naan in kam̧ool eo am̧ bwe Jisōs Kraist ej jipan̄ kōj erom̧ eļapļo̧k āinwōt E n̄an letok juon iaļ bwe jen ukweļo̧k im anjo̧ jān jerawiwi ko.

Revelesō 21:1, 3–4, 22–27; 22:1–2, 17

Jemedwōj Ilan̄ ekōņaan bwe in mour Ippān ilo aelōn̄ in selestial.

Ilo am riiti kōmeļeļe eo an Jon kōn aiboojoj eo an seeletial ilo Revelesōn 21–22, Ta eo ejuktok ippam̧? Ta am̧ en̄jake n̄an kwaļo̧k n̄an ajri ro kwoj katakin?

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an lali eoon kein ilaļ n̄an naan ko ak eoon ko me Jon ekar kōjerbali n̄an kōmeļeļeik aiboojoj eo an seletial: Revelesōn 21:1, 3–4, 22–27; 22:1–2. Kōtļo̧k bwe ren kāālet men ko ilo eoon kein me remaron̄ kōņaan jin̄aiki. Innām remaron̄ kōnono kōn jin̄n̄a ko aer ilo kūlaaj eo. Kōketak er n̄an kwaļo̧k jin̄n̄a ko aer ippān baam̧le ko aer ilo m̧ōko.

• Riit ippān doon Revelesōn 22:17, im kōmeļeļeiki bwe lieo ekar ba “Itok” ej Kabun̄ eo. Wōn eo, āinwōt ro uwaan Kabun̄ eo, maron̄ kōņaan kūrtok ro jet n̄an “itok” n̄an? (lale Moronai 10:30–33). Ta eo ro ipeļaakid rej “maro” kake? Ta jet iaan wāween ko rem̧m̧an n̄an kūrtok armej ro n̄an “itok”?

pija ej bōk jikin ekkatak

Kōketak Ekkatak ilo M̧weo

Jipan̄ ajri ro kōppopo n̄an riiti Bok in Mormon iiō in tok im kajjitōk ippāer n̄an kajjitōk ippān juon uwaan baam̧le n̄an kwaļo̧k juon eoon em̧m̧an ak bwebwenato jān Bok in Mormon.

Kōkōm̧anm̧anļo̧k Ad Katakin

Katakin ajri ro n̄an je im̧we ko rej en̄jake. N̄e ajri ro remaron̄ ekkatak kōn iminene in je im̧we ko, enaaj jipan̄ er kile im ļoor Jetōb. Remaron̄ ļo̧o̧ke im̧we ko jān kōkaļļeik jeje ko rekwojarjar, jin̄aik pija ko, ak kōm̧m̧ani men ko rej je reļem waan ilo jōnōļ eo. (Lale Teaching in the Savior’s Way, 30.)

peij in m̧akūtkūt: Jisōs Kraist enaaj bar itok