An Jisōs jutak ilo iju ko

Composite art jān Eric Johnsen: The Grand Council, jān Robert T. Barrett; star cluster courtesy of European Space Agency

Tijem̧ba 11–17

Revelesōn 6–14

“Raar Bōk Anjọ … Ioon Kōn Bōtōktōkin Lamb eo”

Ilo am̧ riiti Revelesōn 18–24, ļōmņak kōn ajri ro kwoj katakin. Jetōb Kwojarjar eo emaron̄ jipan̄ eok kalikkari m̧ool ko me renaaj ekkar n̄an er.

pija ej bōk jikin kwaļo̧k

Kajjitōk bwe ren Kwaļo̧k

Kwaļo̧k jet pija me enaaj jipan̄ ajri ro keememej men ko rekar ekkatak ilo m̧weo ak ilo Būraimere. Kajjitōk ippān ajri ro n̄an kwaļo̧k men ko rejeļā kōn pija ko.

pija ej bōk jikin katakin

Katakin Katak eo: Ajri ro Reddikļo̧k

Revelesōn 7:9, 13–14

Jisōs Kraist ej jipan̄ eō bar erreeo.

Jon ekar lo elōn̄ armej ro raar “kwaḷe im … kamouj nuknuk ko aer ilo bōtōktōkin Lamb eo ” (eoon 14). Ļōmņake elmen an visōn maron̄ jipan̄ ajri ro meļeļe aorōk eo n̄an erreeo kōn Pinmuur eo an Jisōs Kraist.

M̧akūtkūt ko Maron̄ Kōm̧m̧ani

• Kwaļo̧k n̄an ajri ro jet nuknuk mouj (ak jet pija) im pija in Jisōs. Riit Revelesōn 7:9, 13–14 n̄an ajri ro, im kajjitōk ippāer n̄an kwaļo̧k pija eo im nuknuk ko aolep iien rej ron̄ naan eo mouj. Kōmeļeļeiki bwe nuknuk mouj ej pinej jenkwan erreeo im kakeeemej kōj bwe Jisōs Kraist emaron̄ kōm̧m̧an bwe jān erreeo jān lijab ko ad.

• Kwaļo̧k n̄an ajri ro jidik m̧ōttan in nuknuk mouj ak jidik peba, im kōtļo̧k aer kattoone kōn jeje pen ak kattonone. Kōmeļeļeiki bwe n̄e jejjab pokake kien ko, emaron̄ āinwōt n̄e ettoonon nuknuk ko ad. Kwaļo̧k juon pijain Jisōs ilo Gethsamene (āinwōt Gospel Art Book, no. 56), likūt nuknuk eo ettoonon ak peba eo, im kwaļo̧k n̄an er men eo erreeo. Kam̧ool bwe Jisōs Kraist emaron̄ jipan̄ kōj bar erreeo.

• Al juon al kōn peptaij, āinwōt “When I Am Baptized” (Children’s Songbook, 103), im kam̧ool bwe Jisōs emaron̄ jipan̄ kōj bar erreeo n̄e jej peptaij.

Revelesōn 12:7–11

Iaar kwaļo̧k tōmak ilo Jisōs Kraist ilo mour eo m̧okta.

Ilo tariņae eo ilo lan̄, ajri ro nejin Anij rōtōmak rekar anjo̧ ioon Setan kōn “kōn naan in aer kōnnaan” n̄an kwaļo̧k tōmak ilo Jisōs Kraist (Revelesōn 12:11). Rej kōm̧m̧ane wōt n̄an rainin.

M̧akūtkūt ko Maron̄ Kōm̧m̧ani

• N̄an jipan̄ ajri ro meļeļe ta meļeļein n̄an ļoor waanjon̄ak an ro jet, kāālet juon ajri bwe en juon “ritōl,” im kajjitōk ippān ro jet n̄an ļoor e ak en kōm̧m̧ane jabdewōt men eo ej kōm̧m̧ane. Innām kōtļo̧k an ajri ro jet erom̧ ro rej tōl. Riiti Reveletōn 12:7–11 n̄an ajri ro im kōmeļeļeiki bwe m̧okta jān ad kar lo̧tak, jaar kāālet n̄an ļoor Jisōs im jab Setan.

• Al ippān doon juon al kōn mour eo m̧okta, āinwōt “I Lived in Heaven” ak “I Will Follow God’s Plan” (Children’s Songbook, 4, 164–65). Kajjitōk kajjitōk ko āinwōt, “Ta eo ekar waļo̧k ilan̄ m̧okta jān ad kar lo̧tak?” im “Ta eo jekar kālete n̄an kōm̧m̧ane?” (Bar lale “Introduction: Our Heavenly Father’s Plan” ilo Bwebwenato ko ilo Kalim̧m̧ur Ekāāl, 1–5, ak bitio in jipan̄ eo ilo ChurchofJesusChrist.org.)

Revelesōn 14:6–7

Gospel eo ekar jepļaaktok ilo tōre in ad.

Jon ekar je kōn enjeļ eo ekar bōktok “gospel ej indeeo” (Revelesōn 14:6). Kōnono Revelesōn 14:6–7 letok juon iien em̧m̧an n̄an am̧ kam̧ool kōn Jepļaaktok eo an gospel eo an Jisōs Kraist ilo tōre in ad.

M̧akūtkūt ko Maron̄ Kōm̧m̧ani

• Kwaļo̧k n̄an ajri ro juon pijain Moronai an kōnono n̄an Josep Smith ilo am riiti Revelesōn 14:6 (lale Gospel Art Book, no. 91). Kajjitōk ippān ajri ro n̄an kalikkar enjeļ eo ilo pija eo. Kwaļo̧k n̄an er kōn bwebwenatoin loļo̧k eo an Moronai (lale “Jebta 3: The Angel Moroni im the Gold Plates,” ilo Bwebwenatoin Katak im Bujen Ko, 13–17, ak bitio in jipan̄ eo ilo ChurchofJesusChrist.org).

• Kajjitōk ippān ajri ro n̄an ikkure kōn bwebwenatoin loļo̧k eo an Moronai n̄an ippān Josep Smith (lale Josep Smith—Bwebwenato 1:29–35). Jipan̄ er kwaļo̧k jet iaan kōjeraam̧m̧an ko me jej m̧ōņōņō kaki kōn wōt gospel eo an Jisōs Kraist em̧ōj an bar jepļaaktok. Kwaļo̧k naan in kam̧ool eo am̧ kōn Jepļaaktok eo.

pija ej bōk jikin katakin

Katakin Katak eo: Ajri ro Rerūttoļo̧k

Revelesōn 9:1–2

Gospel in emaron̄ jipan̄ eō anjo̧ ioon kapo.

Kamarok aḷ im mejatoto kōn baat ilo Revelesōn 9:2 emaron̄ āinwōt kapo ko (lale 1 Nipai 12:17).

M̧akūtkūt ko Maron̄ Kōm̧m̧ani

• Jin̄aik pijain aļ im juon kōdo̧ ekilmeej, im m̧wijiti. Kajjitōk ippāer n̄an riiti Revelesōn 9:2 im 1 Nipai 12:17 im je ioon kōdo̧ kilmeej eo ta baat eo ak marok eo ilo eoon kein. Likūt kōdo̧ eo ekilmeej ioon bo̧o̧t eo, im kajjitōk ippān ajri ro n̄an kōm̧m̧ane juon laajrak in kapo ko ajri ro rej iooni. Innām likūt aļ ioon bo̧o̧t eo im kajjitōk ippāer n̄an kōm̧m̧ane juon laajrak in kein jerbal ko an Jemedwōj Ilan̄ ekar litoki n̄an kōj n̄an anjo̧ ioon nana ko an laļin.

• Elmen ad maron̄ jipan̄ ro rejjab meļeļe kōn gospel in? N̄an jipan̄ ajri ro ļōmņak kōn kajjitōk in, kwaļo̧k m̧ōttan bitio eo “Choose the Light” (ChurchofJesusChrist.org), eļaptata lukwon bitio eo. Elmen ad āinwōt armej in eo ekar jipan̄ riaikwoj eo ilo tanōļ eo?

Revelesōn 12:7–11

Iaar kwaļo̧k tōmak ilo Jisōs Kraist ilo mour eo m̧okta.

Ajri ro kwoj katakin rej pād ioon laļin kōnke ewōr aer tōmak ilo Jisōs Kraist ilo mour eo m̧okta im kar kāālet n̄an ļoor E.

M̧akūtkūt ko Maron̄ Kōm̧m̧ani

• Riit ippān doon Revelesōn 12:7–11, im je naan ko ioon bo̧o̧t eo dragon, Tariņae ilo Lan̄, kadiwōjļo̧k, naan in kam̧ool, im Lamb. Kajjitōk ippān ajri ro n̄an kōmeļeiki eoon kein kōjerbal naan ko ioon bo̧o̧t. Ta eo jaar ekkatak kōn Jisōs Kraist (lamb) jān eoon kein? Ta eo jaar ekkatak kōn kāālet ko jaar kōm̧m̧ani ilo mour eo m̧okta?

• Ilo bo̧o̧t eo, kōm̧m̧ane juon kaļōm̧ im jeki M̧okta jān mour in, Mour in, im Jimor. Kepooj peba jiddik ko me rej kwaļo̧k m̧ool ko kōn mour eo m̧okta im kōn mour in, āinwōt Ewōr āinbwiniid, Ejjeļo̧k ānbwiniid, Jaar mour im̧aan mejen Anij, Jaar tariņae ippān Setan, Jej kōjerbal tōmak ilo Jisōs Kraist, im Jej ļoor karōk eo an Anij. Kōtļo̧k an ajri ro bōk kuņaer būki peba ko im kāālet ewōr wōt kaļōm̧ eo rej pād ie. Kwaļo̧k leke eo am̧ bwe ajri ro remaron̄ kwaļo̧k tōmak ilo Kraist.

Revelesōn 14:6–7

Āinwōt m̧ōttan Jepļaaktok in, gospel in enaaj kwaļo̧k n̄an aolep laļ.

Ajri ro kwoj katakin remaron̄ jipan̄ kwaļo̧k gospel in “kwaļo̧ōk e n̄an ro rej jokwe ioon laļ, im n̄an aolep kain armej, bwij, kajin, im aelōn̄” (Revelesōn 14:6).

M̧akūtkūt ko Maron̄ Kōm̧m̧ani

• Kajjitōk ippān ajri ro n̄an riiti Revelesōn 14:6–7 im je ioon bo̧o̧t naan ko jān eoon kein me raorōk n̄an er. Kajjitōk ippāer n̄an kwaļo̧k etke raar kāleti naan ak ennaan ko. Kōmeļeļeiki bwe eoon kein rej kōmeļeļe kōn Jepļaaktok eo an gospel in ilo tōre in ad. Kajjitōk ippāer elmen aer maron̄ bōk kuņaer ilo jerbal in n̄an kwaļo̧k gospel eo n̄an laļin.

• Kajjitōk ippān ajri ro n̄an riiti Revelesōn 14:7 im n̄an āliji naan ko ilo naan ko aer make kōn enjeļ n̄an laļin. Ak kajjitōk ippāer n̄an jin̄aik juon pija me ej pinej jenkwan ennaan eo an enjeļ eo. Ta eo jemaron̄ kwaļo̧k n̄an ro jet kōn gospel in an Jisōs Kraist?

pija ej bōk jikin ekkatak

Kōketak Ekkatak ilo M̧weo

Jipan̄ ajri ro je naan eo ak eoon eo me enaaj jipan̄ er keememej men ko rekar ekkatak ilo kūlaaj rainin. Kajjitōk ippāer n̄an kwaļo̧k ta eo rekar je n̄an ro ilo m̧weo ak kwaļo̧k ta eo rekar ekkatak.

Kōkm̧anm̧anļo̧k Ad Katakin

Kwaļo̧k katak eo kōn al. Al al ko ippān ajri ro remaron̄ kapen katak eo kwoj katakin jān jeje ko rekwojarjar. N̄an ļōmņak ko, lale “Using Music to Teach Doctrine” ilo jekjen taitōļ eo “Kōmeļeļe ko n̄an Iien Al eo im Būrookraam̧ eo an Ajri ro ilo Kweilo̧k in Kwojkwoj eo” ilo jem̧ļo̧kinļo̧k bok in katak in.

peij in m̧akūtkūt: gospel eo ekar jepļaaktok ilo tōre in ad