“Tijem̧ba 11–17. Revelesōn 6–14: ‘Raar Bōk Anjo̧ … Kōn Bōtōktōkin Lamb,’” Itok, Ļoor Eō—N̄an Kajjojo Armej im Baam̧le Ko: Kallim̧ur Ekāāl 2023 (2022)

“Tijem̧ba 11–17. Revelesōn 6–14,” Itok, Ļoor Eō—N̄an Kajjojo Armej im Baam̧le Ko: 2023

Pija

Jisōs ej jutak ilubwiljin iju ko

Composite art by Eric Johnson: The Grand Council, by Robert T. Barrett; star cluster courtesy of European Space Agency

Tijem̧ba 11–17

Revelesōn 6–14

“Raar Bōk Anjo̧ … Kōn Bōtōktōkin Lamb”

Būreejtōn Boyd K. Packer ekar kapilōk: “Eļan̄n̄e kajin eo an jeje ko rekwojarjar jinoin āinwōt kwo ruwamejet kaki, riit wōt jab bōjrak. Ejjab to kwonaaj kile aiboojoj eo im kajoor eo lo ilo peij ko” (“The Key to Spiritual Protection,” Liaona, Nob. 2013, 27).

Je En̄jake ko Rej Im̧we Eok

Pijaikļo̧k juon kōrā “ej bōro̧ro, im ej lam̧ōj ilo an en̄taan im metak bwe en keotak.” Kiiō pijaikiļo̧k “drakon e būrōrō im eļap, im ippān jiljilimjuon bōran im jon̄oul doon im ioon bōran jiljilimjuon pāllin” pād ilōn̄in bōran kōrā eo, kōttar “bwe n̄e em̧ōj an keotak en kan̄ nejin” (Revelesōn 12:2–4). N̄an meļeļe kōn eoon kein ilo revelesōn eo an Jon, keememej bwe pija kein rej bōk jikin Kabun̄ in im aelōn̄ in kiin̄ eo an Anij im kauwōtata ko me renej jelm̧ae. N̄an Armej ro Rekwojarjar ro rekar en̄jake eļap jum̧ae ko ilo tōre ko an Jon, ilo kalimjōkļo̧k ekar pen aer anjo̧ jān nana ko. Anjo̧ in emaron̄ bar pen n̄an loe ilo raan kein, n̄e ri kapo eo ej pād “tariņaek ro rem̧m̧an” im ewōr “bōk anjo̧ ioer … ioon aolep bwij, aelōn̄, kajin, im kain armej” (Revelesōn 13:7). Ak jem̧ļo̧kin revelesōn eo an Jon eaibojooj ilo an kwaļo̧k bwe em̧m̧an enaaj anjo̧ ioon nana. Babilon enaaj wōtļo̧k ak bun̄ Im Armej ro Rekwojarjar renaaj itok “jān en̄taan eo eļap” kōn nuknuk mouj ko—ejjab kōnke nuknuk ko aer rekar jab meer ak kōnke Armej ro Rekwojarjar renaaj “raar kwaļe im kamouj nuknuk ko aer ilo bōtōktōkin Lamb eo” (Revelesōn 7:14).

Pija

pija ej bōk jikin ekkatak an juon make

Ļōmņak ko n̄an Ekkatak Jeje Ko Rekwojarjar Ippam̧ Make

Revelesōn 6–11

Jon ekar lo elōn̄ men ko raar waļo̧k kōn bwebwenato eo an laļ in, eļaptata raan ko āliktata.

Ilo jebta kein kwonaaj riiti kōn juon bok ippān sil ko jiljilimjuon. Eļan̄n̄e kwoj bwilōn̄ kōn ta meļeļein, kwojjab make iaam. Rikanaan eo Josep Smith ekar bar kōm̧m̧ane. Irooj ekar kwaļo̧k n̄an Josep bwe bok in im sil ko an rej jutak kōn bwebwenato ko an laļ “ļamļam in wabanban,” kōn kajjojo sil ko rej bōk jikin juon taujin iiō ko (lale Katak im Bujen Ko 77:6–7). Kwomaron̄ itok limoum̧ n̄an jeļā bwe men ko rekar waļo̧k ilo sil ko emen jinoin rej itok ilo tukaduier ilo kōmeļeļe kōn visōn eo an Jon ilo eoon rualitōk (Revelesōn 6:1–8). Eoon ko tok jilu rej kōmeļeļeik silo eo kein kaļalem (eoon 9–11). Men ko rekar waļo̧k ilo sil ko ruo ālik rekar kabare eiten aolepen bok eo Revelesōn. Ilo bar jet naan, lukkun jibadbad eo kōn visōn eo an Jon ilo raan ko āliktata—raan kein. Ilo am̧ riiti, kejokļo̧kjeņ etke eaorōk bwe jen jeļā ta eo Jon ekar je kōn raan ko āliktata.

Ilo am̧ riiti kōn men ko Jon ekar kanaan kake, ļōmņak kōn elmakot kein im kajjitōk kein rej elaajrak:

Riiti Revelesōn 7 kōn jerbal in aiintok Israel ilo kōļmenļo̧kjeņ. Ta ļōmņak ko kwoj ļōmņaki kōn jerbal in? (bar lale Katak im Bujen Ko 77:8–11). Ta eo kwoj ekkatak jān eoon 13–17 kōn Jisōs Kraist im ro rej itok n̄an E?
Ta eo jebta ko 8; 9; im 11 katakin eok kōn men ko rekar waļo̧k ilo raan ko āliktata? (bar lale Katak im Bujen Ko 77:12–13, 15). Ekōjkan ad maron̄ kōppopo ilo mour in jetōb n̄an men kein rej waļo̧k?
Revelesōn 10 ej kwaļo̧k kōn juon bok me juon enjeļ ej leļo̧k n̄an Jon im kakien en n̄an m̧ōn̄ā. Ta eo menin ej jutak kake? (lale Katak im Bujen Ko 77:14).

Revelesōn 12–13

Tariņae eo Ilan̄ ej wōnm̧aanļo̧k wōt ioon laļ in.

Jejjab jeļā eļap kōn Tariņae eo Ilan̄, ak ewōr juon en̄jake ekajoor kōn kōmeļeļe in ekadu ilo Revelesōn 12:7–11. Ilo am̧ riiti eoon kein, pijaik eok make āinwōt m̧ōttan ļo̧k jab errā eo ilo mour eo m̧okta. Ta eo kwoj ekkatak kōn wāween an Setan anjo̧? (lale eoon 11).

Tariņae eo ekar jino ilo lan̄ im ej wōnm̧aanļo̧k wōt ioon laļ in, āinwōt an Setan pen wōt n̄an “tariņaek [ippān ro] ro rej kōjparok kien ko an Anij, im kōnnaan an Jisōs ippāer” (Revelesōn 12:17). Ta eo kwoj ekkatak jān Revelesōn 13 kōn wāween an wōnm̧anļo̧k wōt kōn tariņae eo rainin? How do “bōtōktōkin Lamb” and “naan in [am̧] kōnnaan” (Revelesōn 12:11) ej wōnm̧aanļo̧k wōt n̄an jipan̄ eok ilo tariņae in?

Bar lale 1 Nephi 14:12–14; Moroni 7:12–13; Moses 4:1–4; Katak im Bujen Ko 29:36–37; Gospel Topics, “War in Heaven,” topics.ChurchofJesusChrist.org.

Revelesōn 14:6–7

“Iar lo juon enjeļ … ippān gospel ej indeeo.”

Juon kakūrm̧ool ko an kannaan eo ilo eoon kein rej waļo̧k ke Moronai ekar waļo̧k n̄an Josep Smith im tōl e n̄an rekoot ko me ekar ukōti im publishi āinwōt Bok in Mormon. Bok in epād ie “gospel ej indeeo” me jej eddoiki n̄an kajeded e n̄an “ioon laļ, im n̄an aolep kain armej, bwij, kajin, im aelōn̄” (Revelesōn 14:6).

N̄an ekkatak kōn enjel ro jet ro rekar bōk koņaer ilo jepļaaktok eo an gospel eo indeeo Katak im Bujen Ko 13; 27:5–13; 110:11–16; 128:20–21.

Bar lale “The Restoration of the Fulness of the Gospel of Jesus Christ: A Bicentennial Proclamation to the World,” ChurchofJesusChrist.org.

Pija

pija eo ej bōk jikin ekkatak an baam̧le

Ļōmņak ko n̄an Ekkatak Jeje ko Rekwojarjar an Nokon in Jota an Baam̧le

Revelesōn 7:9, 13–15.Ta eo eoon kein remaron̄ katakin kōj kōn etke jej kaņōk nuknuk mouj n̄an peptaij im kain̄i ko ilo tampeļ?

Revelesōn 7:14–17Ļōmņak in karuwaineneik ro uwaan baam̧le eo n̄an kwaļo̧k en̄jake ko aer kōn kallim̧ur ko an Irooj ilo eoon kein. Ewi wāween an kallim̧ur ko An jipan̄ kōj n̄e jej pād ilo “great tribulation”? (eoon 14).

Revelesōn 12:7–11; 14:6.Jet uwaan baam̧le eo remaron̄ m̧ōņōņō in jin̄n̄āiki pija ko kōn visōn ko me rej kōmeļeļeiki ilo Revelesōn. N̄an waanjon̄ak, jin̄aik pija ko pedped wōt ioon Revelesōn 12 emaron̄ tōl n̄an kōmeļeļe ko kōn Tariņae eo Ilan̄ (lale eoon 7–11). Pija ko rej pedped ioon Revelesōn 14:6 emaron̄ tōl kōnono kō kōn Jepļaaktok eo an gospel eo.

Ālkin riiti Revelesōn 14:6 ippān doon, ļōmņak in kwaļo̧k pijaan enjeļ Moronai im enjeļ ro jet me rekar kōjepļaak tok gospel eo ilo raan kein (lale pija ko ilo jem̧lo̧kin laajrak in katak in). Bolen ro uwaan baam̧le eo emaron̄ bar kajjojo jibwe juon iaan pija ko im kwaļo̧k un ko rej kam̧m̧olool kaki me enjeļ ro rekar itok “having the everlasting gospel to preach unto [us].”

Revelesōn 12:11Emaron̄ ta meļeļein “naan in aer kōnnaan”? Ewi wāween an naan in kam̧ool ko ad kōn Jisōs Kraist jipan̄ kōj im ro jet eļļā ioon Setan?

Revelesōn 13:11–14.Ta ļōmņak ko me ro uwaan baam̧le eo am̧ ewōr ippāer kōn kidu eo enana? Ewi wāween jeļā im kōjekdo̧o̧n m̧on ko jej loi ilo laļ in rainin?

N̄an ļōmņak ko reļļapļo̧k ikkijeen katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “I Will Be Valiant,” Children’s Songbook, 162.

Kōkm̧anm̧anļo̧k Am̧ Make Ekkatak

Lin̄ūri naan ko an Anij. Būreejtōn Russell M. Nelson ekar katakin, “Lin̄ūri naan ko an Anij aolep raan eaorōk n̄an mour ilo jetōb, eļaptata ilo raan kein me eļapļo̧k jorrāān ko” (“Ron̄jake E,” Liaona, Māe 2020, 89). Ta meļeļein “lin̄ūri naan ko an Anij” n̄an eok?