“Disyembre 25–31. Pinadayag 15–22: ‘Ang Magamadaugon Makapanag-iya Niining Maong Panulundon,’” Dali, Sunod Kanako—Alang sa mga Indibidwal ug mga Pamilya: Bag-ong Tugon 2023 (2022)
“Disyembre 25–31. Pinadayag 15–22,” Dali, Sunod Kanako—Alang sa mga Indibidwal ug mga Pamilya: 2023
The City Eternal [Ang Mahangturong Siyudad], ni Keith Larson
Disyembre 25–31
Pinadayag 15–22
“Ang Magamadaugon Makapanag-iya Niining Maong Panulundon”
Usahay ang labing dakong babag sa pagtuon mao ang atong pagpakaaron-ingnon nga kita wala manginahanglan sa pagkat-on––nga kita makamao na. Samtang ikaw nagbasa sa mga kasulatan, ablihi ang imong hunahuna ngadto sa bag-ong mga panabot nga ang Ginoo buot mohatag kanimo.
I-rekord ang Imong mga Panghunahuna
Sa imong mahinumdoman, ang basahon sa Pinadayag nagsugod nga ang Manluluwas nagpadayag sa Iyang Kaugalingon nga mao “ang Alfa ug ang Omega” (Pinadayag 1:8). Haom, kini nagtapos sa samang mga pulong: “Ako mao … ang Alfa ug ang Omega” (Pinadayag 22:13). Apan unsa ang kahulogan niana? Ang sinugdanan ug ang kataposan sa unsa? Ang basahon sa Pinadayag gamhanang nagpamatuod nga si Jesukristo mao ang sinugdanan ug ang kataposan sa tanan—sa halangdon, malukpanon nga drama sa tawhanong pagpakabuhi ug kaluwasan. Siya mao “ang gipatay nga Kordero sa wala pa ang pagkatukod sa kalibotan” (Pinadayag 13:8). Ug Siya mao ang Hari sa mga hari kinsa nagdala sa kataposan sa pagkadaotan, kagul-anan, ug gani sa kamatayon mismo ug nagpasiuna sa “usa ka bag-ong langit ug usa ka bag-ong yuta” (Pinadayag 21:1).
Gani sa wala pa kining bag-ong langit ug bag-ong yuta moabot, adunay daghan alang kanato nga pagabuntugon: mga epedemik, mga gubat, nagdagsang nga pagkadaotan––tanan diin ang Pinadayag tataw nga naghulagway. Apan si Jesukristo uban kanato atol niini nga bahin usab. Siya mao ang “masidlak nga bitoon sa kabuntagon” nga nagsidlak diha sa mangitngit nga kalangitan isip usa ka saad nga ang kaadlawon umaabot sa dili madugay (Pinadayag 22:16). Ug kini umaabot sa dili madugay. Siya umaabot. Bisan og Siya nagdapit kanato, “Umari kanako” (Mateo 11:28), Siya moduol usab kanato. “Ako moabot sa labing madali,” Siya nagpahayag. Ug uban sa paglaom ug hugot nga pagtuo nga gihimong putli diha sa mga kalayo sa ulahing adlaw nga kasakit, kami nagtubag, “Umanhi ka na, Ginoong Jesus” (Pinadayag 22:20).
Mga Ideya alang sa Personal nga Pagtuon sa Kasulatan
Ang Ginoo nagdapit kanako sa paglayas sa Babilonia ug sa pagpanunod sa “balaang siyudad.”
Human makasaksi sa pagkagun-ob ug sa mga katalagman sa kataposang mga adlaw, nakita ni Juan ang umaabot nga adlaw nga mahimong ilangkob sa pahayag sa Ginoo “Tan-awa, ginabag-o ko ang tanang mga butang” (Pinadayag 21:5). Usa ka paagi sa pagsabot kon unsa ang gipasabot niana mao ang pagpalahi sa paghulagway ni Juan sa Babelonia, ang simbolo sa pagkakalibotanon ug sa pagkadaotan (tan-awa sa Pinadayag 16–18), uban sa iyang paghulagway sa bag-ong Jerusalem, nagsimbolo sa celestial nga himaya diha sa presensya sa Dios (tan-awa sa Pinadayag 21–22). Ang tsart sa ubos mahimong motabang kanimo:
|
Babelonia |
Bag-ong Jerusalem |
|---|---|
Babelonia | Bag-ong Jerusalem |
Babelonia | Bag-ong Jerusalem |
Babelonia | Bag-ong Jerusalem |
Babelonia | Bag-ong Jerusalem |
Babelonia | Bag-ong Jerusalem |
Unsay lain nga mga kalainan ang imong nakita?
Mahimo usab nimong palandungon kon unsa ang kahulogan alang kanimo ang “pagguwa sa” Babelonia (Pinadayag 18:4). Unsa ang imong makaplagan sa Pinadayag 21–22 nga nagdasig kanimo sa pagbuhat sa mao?
The Last Judgement [Ang Kataposang Paghukom], ni John Scott
Ang tanang mga anak sa Dios pagahukman gikan sa basahon sa kinabuhi.
Pananglitan usa ka tagsulat motanyag nga mosulat og usa ka basahon mahitungod sa imong kinabuhi. Unsa nga mga detalye o mga kasinatian ang imong gusto nga iapil? Kon ikaw nasayod nga ang imong umaabot nga mga lihok i-rekord usab, sa unsang paagi nimo ipahimutang ang imong kinabuhi sa lahi nga paagi? Hunahunaa kini samtang magbasa ka sa Pinadayag 20:12–15. Unsa ang imong gilauman nga isulat mahitungod kanimo diha sa basahon sa kinabuhi? Unsaon nimo sa paghulagway ang tahas sa Manluluwas diha sa imong basahon sa kinabuhi? Sa imong opinyon, nganong importante nga kini gitawag og “ang basahon sa kinabuhi sa Kordero”? (Pinadayag 21:27).
Kon ang hunahuna nga magbarog sa atubangan sa Dios aron pagahukman dili sayon alang kanimo, hunahunaa ang pagbasa sa Pinadayag 21:1–4. Nagpasabot ngadto niini nga mga bersikulo, si Elder Dieter F. Uchtdorf nag-ingon:
“Kanang Adlaw sa Paghukom mahimong usa ka adlaw sa kalooy ug gugma—usa ka adlaw diin ang masub-anong mga kasingkasing mahupay, diin ang mga luha sa kasubo mailisan og mga luha sa pasalamat, diin ang tanan mahimong husto. Oo, adunay hilabihan nga kasubo tungod sa sala. Oo, magmahay kita ug gani masubo tungod sa atong mga sayop, sa atong mga kabuang, ug sa atong kagahi og ulo nga maoy hinungdan nga mawad-an kita sa mga oportunidad alang sa mas nindot nga kaugmaon.
Apan masaligon ako nga dili lamang kita matagbaw sa paghukom sa Dios; matingala usab kita ug mapuno sa Iyang walay kinutoban nga grasya, kalooy, kamanggihatagon, ug gugma alang kanato, nga Iyang mga anak.” (“O Unsa Kamahinungdanon sa Laraw sa Atong Dios!,” Liahona, Nob. 2016, 21).
Sa unsang paagi kini nakaapekto sa imong paglantaw sa Kataposang Paghukom? Unsa nga mga kamatuoran ang nagdasig kanimo sa pag-usab sa imong kinabuhi?
Tan-awa usab sa Giya ngadto sa mga Kasulatan, “Basahon sa kinabuhi.”
Kini ba nga mga bersikulo nagpasabot nga wala nay laing ikadugang nga kasulatan gawas sa Biblia?
Ang pipila ka tawo mikutlo sa Pinadayag 22:18–19 isip usa ka rason sa pagsalikway sa Basahon ni Mormon ug ubang mga kasulatan sa ulahing mga adlaw. Makakaplag ka og tubag ngadto niini nga pagsupak diha sa mensahe ni Elder Jeffrey R. Holland “Ang Akong mga Pulong … Dili Gayod Mohunong” (Liahona, Mayo 2008, 91–94).
Mga Ideya alang sa Pamilya nga Pagtuon sa Kasulatan ug Home Evening
-
Pinadayag 15:2–4.Samtang ang imong pamilya naghisgot niini nga mga bersikulo, nga nagpasabot ngadto sa “ang awit ni Moises” ug “ang awit sa Kordero,” mahimong imong basahon ang awit ni Moises sa Exodo 15:1–19, uban sa laing mga awit nga ginganlan diha sa mga kasulatan, sama sa Doktrina ug mga Pakigsaad 84:98–102. Ngano kaha nga kadtong kinsa nakakuha sa “kadaogan ibabaw sa mapintas nga mananap” (Pinadayag 15:2) giganahan og kanta sa mga awit sama niini? Tingali ang imong pamilya makakanta og usa ka himno o awit sa mga bata sa pagdayeg.
-
Pinadayag 19:7–9.Tingali ang imong pamilya makatan-aw sa mga litrato sa kasal gikan sa inyong kasaysayan sa pamilya o mosulti mahitungod sa usa ka panahon nga ang imong pamilya mitambong og usa ka pagsaulog sa kasal. Ngano nga ang kaminyoon usa ka maayong pagtandi alang sa pakigsaad sa Ginoo uban sa Iyang Simbahan? (Tan-awa usab sa Mateo 22:1–14.)
-
Pinadayag 20:2–3.Sa unsa nga paagi nga ang 1 Nephi 22:26 nagtabang kanato sa pagsabot kon unsay gipasabot nga si Satanas “pagagapuson”?
-
Pinadayag 22:1–4.Unsa ang gipasabot sa pagbaton sa ngalan sa Manluluwas “diha sa [atong] mga agtang”? (Pinadayag 22:4; tan-awa usab sa Exodo 28:36–38; Mosiah 5:7–9; Alma 5:14; Moroni 4:3; Doktrina ug mga Pakigsaad 109:22; David A. Bednar, “Madungganon nga Paghupot og usa ka Pangalan ug Katungdanan,” Liahona, Mayo 2009, 97–100).
Alang sa dugang nga mga ideya sa pagtudlo sa mga bata, tan-awa sa latid karon nga semana sa Dali, Sunod Kanako—Alang sa Primary.
Gisugyot nga awit: “Kon Siya Moanhi Pag-usab,” Songbook sa mga Bata,, 146.
Pagpalambo sa Atong Pagtudlo
I-follow up ang mga pagdapit sa paglihok. “Kon ikaw mo follow up sa pagdapit sa paglihok, imong gipakita sa [mga sakop sa imong pamilya] nga nagpakabana ka mahitungod kanila ug sa unsang paagi ang ebanghelyo nagpanalangin sa ilang mga kinabuhi. Imo usab silang gihatagan og mga oportunidad sa pagpakigbahin sa ilang mga kasinatian” (Pagtudlo sumala sa Pamaagi sa Manluluwas, 35).
Kristo nagsul-ob og pula nga kupo nga naglingkod sa puti nga kabayo.