Kosangisaka Miziki ya Bule na Boyekoli na Yo ya Nsango Malamu

Koyembaka banzembo ya Eteyelo ya bana mpe kantiki ekoki kopambola yo mpe libota na yo na balolenge ebele. Makanisi oyo ekoki kosunga yo osalela miziki ya bule ntango ozali kobunda mpo na koyekola mpe kosalela nsango malamu.

• Yekola mabongi ya malongi. Luka bosolo eteyami na nzembo ozali koyemba to koyoka. Yango ekoki kokamba masolo ya nsango malamu oyo etali bosolo yango mokolo mobimba. Yemba to yoka nzembo ya Eteyelo ya bana to ba kantiki oyo eteyi maye etali Yesu Klisto mpe nsango malamu na Ye. Sala keba na ndenge Molimo Mosantu atatolaka mpo na Mobikisi mpe nsango malamu na Ye.

• Koyeba nguya ya miziki. Koyembaka to koyokaka nzembo ya Eteyelo ya bana mpe bakantiki ekoki kozala lipamboli na ntango ya bosenga. Ndakisa, koyembaka loyembo ekoki kopesa kimia na mwana na ntango ya kolala, kotia esengo ntango libota na yo ezali kosala mosala elongo, kotelemisa moto ya pembeni moko oyo azali kobela, to kolendisa moto moko azali komitungisa.

• Bokabola boyebi. Bokabola mayele ya moto ye moko mpe ya libota oyo ekokani na maloba ya nzembo yango. Okoki lisusu kokabola masolo ya makomi oyo ekokani.

• Bokotisa libota na bino. Libota na yo ekoyekola mingi uta na nzembo soki bazali kosangana mobimba. Mpo na kosangisa bato ya libota, okoki kobengisa mwana moko ya mokolo kosalisa na kolakisaka nzembo na bandeko na ye ya mike to kobenga bana kolakisa libota loyembo moko bayekolaki na Eteyelo ya bana. Okoki lisusu kotika bato ya libota moko na moko na ntango na ye kokamba loyembo.

• Zala mokeli. Salela ndenge ekeseni mpo na koyekola miziki na libota. Ndakisa, okoki kosala makambo oyo ezali kokende nzela moko na maloba mpe maloba makomami na kati ya loyembo. To bokoki kosakana moto na moto na ngonga na ye na eteni moko ya loyembo ntango bato ya libota mosusu bazali komekaka koluka koyeba loyembo. Libota na yo ekoki kosepela koyembaka nzembo mbango mbango mpe na mingongo ekeseni. Aplikasio ya Gospel Library mpe Nsango Malamu mpo na Bana ezali na bilili mpe bavideo mingi oyo ekoki kosunga yo oyekola nzembo. Okoki kosola lisusu molongo ya miziki ya bule mpo na koyoka.

Mpo na kozwa makanisi mingi koleka tala milongo “Using Music to Teach Doctrine” andmpe “Helping Children Learn and Remember Primary Songs and Hymns,” ezwami na “Instructions for Singing Time and the Children’s Sacrament Meeting Presentation” na Yaka, Landa Ngai—Mpo na Eteyelo ya bana.