« ធនធានបន្ថែមទាំងឡាយ » ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ៖ ព្រះគម្ពីរសញ្ញាថ្មី ឆ្នាំ ២០២៣ ( ឆ្នាំ ២០២២ )
« ធនធានបន្ថែមទាំងឡាយ » ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ៖ ឆ្នាំ ២០២៣
ធនធានបន្ថែមទាំងឡាយ
ធនធានទាំងនេះអាចរកបាននៅក្នុងកម្មវិធីបណ្ណាល័យដំណឹងល្អ និងនៅលើគេហទំព័រ ChurchofJesusChrist.org ។
ទំនុកតម្កើង និង សៀវភៅចម្រៀងកុមារ
តន្ត្រីពិសិដ្ឋយាងអញ្ជើញព្រះវិញ្ញាណ ជួយយើងឲ្យទទួលអារម្មណ៍ពីសេចក្ដីស្រឡាញ់នៃព្រះ ហើយបង្រៀនគោលលទ្ធិតាមរបៀបមួយដែលងាយចងចាំ ។ បន្ថែមទៅលើការប្រើប្រាស់សៀវភៅ ទំនុកតម្កើង និង សៀវភៅចម្រៀងកុមារ ដែលបានបោះពុម្ពចេញជាសៀវភៅ នោះបងប្អូនអាចស្វែងរកវីដេអូ និងការថតជាសំឡេងនៃទំនុកតម្កើង និងចម្រៀងកុមារជាច្រើននៅលើគេហទំព័រ music.ChurchofJesusChrist.org និងនៅក្នុងកម្មវិធី Sacred Music និងកម្មវិធី Gospel Media ។
សៀវភៅសិក្សាថ្នាក់សិក្ខាសាលា និងថ្នាក់វិទ្យាស្ថាន
សៀវភៅសិក្សាថ្នាក់សិក្ខាសាលា និងថ្នាក់វិទ្យាស្ថាន ផ្ដល់ប្រវត្តិផ្ទៃរឿង និងការអត្ថាធិប្បាយខាងគោលលទ្ធិសម្រាប់គោលការណ៍ និងដំណើររឿងទាំងឡាយដែលមាននៅក្នុងព្រះគម្ពីរ ។
ទស្សនាវដ្តីសាសនាចក្រ
ទស្សនាវដ្ដី ប្រិយមិត្ត ដើម្បីកម្លាំងនៃយុវជន និង លីអាហូណា ផ្ដល់នូវដំណើររឿង និងសកម្មភាពនានាដែលអាចជួយបញ្ជាក់បន្ថែមលើគោលការណ៍ដែលបងប្អូនកំពុងបង្រៀនចេញពីសៀវភៅ ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ។
Gospel Topics
នៅលើ Gospel Topics ( នៅលើគេហទំព័រ topics.ChurchofJesusChrist.org ) បងប្អូនអាចស្វែងរកព័ត៌មានមូលដ្ឋានអំពីប្រធានបទដំណឹងល្អជាច្រើនប្រភេទ ជាមួយនឹងតំណនានាទៅកាន់ធនធានដែលមានអត្ថប្រយោជន៍ដូចជា សុន្ទរកថាដែលថ្លែងនៅក្នុងសន្និសីទទូទៅ អត្ថបទ បទគម្ពីរ និងវីដេអូនានាដែលទាក់ទងគ្នា ។ បងប្អូនក៏អាចរកឃើញ Gospel Topics Essays ផងដែរ ដែលផ្ដល់ជាព័ត៌មានស៊ីជម្រៅអំពីចម្ងល់ខាងគោលលទ្ធិ និងប្រវត្តិសាស្ដ្រទាំងឡាយ ក៏ដូចជាចម្លើយចំពោះសំណួរអំពីសាសនាចក្រ និងការបង្រៀនរបស់សាសនាចក្រ ។
ដំណើររឿងព្រះគម្ពីរសញ្ញាថ្មី
ដំណើររឿងព្រះគម្ពីរសញ្ញាថ្មី អាចជួយកុមារឲ្យរៀនគោលលទ្ធិ និងដំណើររឿងទាំងឡាយដែលមាននៅក្នុងព្រះគម្ពីរសញ្ញាថ្មី ។ បងប្អូនក៏អាចរកបានវីដេអូនៃដំណើររឿងទាំងនេះនៅក្នុងកម្មវិធីបណ្ណាល័យដំណឹងល្អ និងនៅលើគេហទំព័រ GospelMedia.ChurchofJesusChrist.org ផងដែរ ។
សៀវភៅផាត់ពណ៌ដំណើររឿងព្រះគម្ពីរ—ព្រះគម្ពីរសញ្ញាថ្មី
ធនធាននេះមាននូវទំព័រសកម្មភាពផាត់ពណ៌សប្បាយៗ ដែលបានរចនាឡើងដើម្បីធ្វើឲ្យការរៀនសូត្ររបស់កុមារពីព្រះគម្ពីរសញ្ញាថ្មីកាន់តែមានភាពប្រសើរឡើង ។
វីដេអូ និងគំនូរ
រូបគំនូរ វីដេអូ និងប្រព័ន្ធផ្សព្វផ្សាយផ្សេងទៀតអាចជួយគ្រួសាររបស់បងប្អូនឲ្យយល់អំពីគោលលទ្ធិ និងមើលឃើញអំពីដំណើររឿងដែលទាក់ទងទៅនឹងបទគម្ពីរ ។ សូមចូលទៅ Gospel Media នៅគេហទំព័រ GospelMedia.ChurchofJesusChrist.org ដើម្បីរុករកកម្រងធនធានប្រព័ន្ធផ្សព្វផ្សាយរបស់សាសនាចក្រ ។ Gospel Media ក៏មាននៅលើកម្មវិធីឧបករណ៍ចល័តផងដែរ ។ រូបភាពជាច្រើនដែលបងប្អូនអាចប្រើបានមាននៅក្នុង សៀវភៅរូបភាពដំណឹងល្អ ។
ការបង្រៀនតាមរបៀបរបស់ព្រះអង្គសង្គ្រោះ
សៀវភៅការបង្រៀនតាមរបៀបរបស់ព្រះអង្គសង្គ្រោះ អាចជួយបងប្អូនឲ្យរៀនសូត្រ ហើយអនុវត្តគោលការណ៍ទាំងឡាយនៃការបង្រៀនដូចជាព្រះគ្រីស្ទ ។