Սարրան մանուկ Իսահակին գրկած

Սարրան և Իսահակը, ըստ Սքոթ Սնուի

Փետրվար 14-20-ը

Ծննդոց 18-23

«Եհովայի համար դժուար բան կա՞յ արդեոք»

Ուսումնասիրեք Գործք 18-23և գրի առեք ձեր տպավորությունները: Դուք կարող եք օգտագործել այս համառոտ շարադրանքի գաղափարները, որոնք կօգնեն ձեզ ուսումնասիրել այս գլուխները, և գուցե նաև ոգեշնչվեք սուրբ գրություններում այլ ուղերձներ որոնել, որոնք Տերը հատուկ ձեզ համար է պահել:

Գրի առեք ձեր տպավորությունները

Աստծո ծրագրի նպատակներից մեկն այս մահկանացու փորձառության համար մեզ «ստուգելն է», որպեսզի «տեսնի, թե արդյոք [մենք] կանենք ամենը, ինչ Տերը՝ [մեր] Աստվածը, կպատվիրի [մեզ]» (Աբրահամ 3․25)։ Արդյոք Աբրահամն ինքը կապացուցի, որ հավատարիմ է: Արդյո՞ք նա կշարունակի հավատք տածել մեծ սերնդի Աստծո խոստմանը, նույնիսկ, երբ նա և Սարրան դեռ անզավակ էին իրենց ծեր հասակում: Եվ երբ Իսահակը ծնվեց, Աբրահամի հավատքը կդիմանա՞ր արդյոք աներևակայելի հրամանին՝ զոհաբերել հենց իր որդուն, ում միջոցով Աստված խոստացել էր իրականացնել այդ ուխտը: Աբրահամն իսկապես ապացուցեց, որ հավատարիմ էր: Աբրահամը վստահեց Աստծուն, իսկ Աստված վստահեց Աբրահամին: Ծննդոց 18–23-ում, մենք գտնում ենք պատմություններ Աբրահամի և այլոց կյանքի մասին, որոնք կարող են հուշել, որ մտածենք Աստծո խոստումներին հավատալու մեր սեփական ունակության մասին, փախչել ամբարշտությունից և երբեք հետ չնայել, և անկախ զոհաբերությունից ՝ վստահել Աստծուն:

անհատական ուսումնասիրության պատկերակ

Գաղափարներ սուրբ գրությունների անհատական ուսումնասիրության համար

Ծննդոց 18. 9-14, 21.1–7

Տերը կատարում է Իր խոստումները Իր իսկ ժամանակին

Տերը հավատարիմներին փառահեղ խոստումներ է տվել, բայց երբեմն մեր կյանքի հանգամանքները կարող են ստիպել մեզ մտածել, թե այդ խոստումներն ինչպես է հնարավոր իրականացնել: Գուցե Աբրահամը և Սարրան երբեմն այդպես են զգացել: Ի՞նչ եք սովորում նրանց փորձառություններից: Օգտակար կլինի սկսել ձեր ուսումնասիրությունը` վերանայելով, թե ինչ էր Տերը խոստացել Աբրահամին Ծննդոց 17.4, 15–22: Ինչպե՞ս արձագանքեցին Աբրահամն ու Սարրան (տես նաև Ջոզեֆ Սմիթ թարգմանություն 17.23 [ Ծննդոց 17.17, ծանոթություն բ], Ծննդոց 18.9–12): Տերն ինչպե՞ս պատասխանեց, որ օգներ նրանց ավելի մեծ հավատք ունենալ Իր խոստումների հանդեպ:(տես Ծննդոց 18.14):

Ի՞նչ եք գտնում այդ հատվածներում, որոնք կառուցում են ձեր հավատքը: Ձեր կամ մեկ ուրիշի կյանքում ի՞նչ փորձառություններ են ամրապնդել ձեր հավատքը, որ Տերը կկատարի ձեզ տրված խոստումները Իր իսկ ժամանակին և ձևով:

Տես նաև Վարդապետություն և Ուխտեր 88․68։

Ծննդոց 19.12–29

Տերը պատվիրում է մեզ «փախչել»ամբարշտությունից

Դուք ի՞նչ դասեր եք սովորում ամբարշտությունից «փախչելու» մասին, երբ կարդում եք Ղովտի և նրա ընտանիքի մասին: Օրինակ՝ ի՞նչն է տպավորում ձեզ, թե հրեշտակներն ինչ ասացին և արեցին, որ օգնեն Ղովտին և նրա ընտանիքին փախչել կործանումից (տես Ծննդոց 19.12–17): Ինչպե՞ս է Տերն օգնում ձեզ և ձեր ընտանիքին «փախչել» կամ պաշտպանություն գտնել աշխարհում առկա չարի ազդեցություններից:

Սոդոմի և Գոմորի մեղքերի մասին ավելին իմանալու համար, տես Եզեկիել 16.49–50 և Հուդա 1․7–8։

Տես նաև Ջոզեֆ Սմիթի Թարգմանություն, Ծննդոց 19․9-15 (Bible appendix):

Պատկերազարդում` Ղովտը և նրա ընտանիքը փախչում են Սոդոմից և Գոմորից

Փախուստ Սոդոմից և Գոմորից, Ջուլիուս Շնոր ֆոն Քարոլսֆելդ

Ծննդոց 19.26

Ի՞նչ սխալ գործեց Ղովտի կինը

Երեց Ջեֆրի Ռ. Հոլլանդն ուսուցանել է.

«Ակնհայտորեն սխալը, որը կատարեց Ղովտի կինը, այն չէր, որ նա պարզապես հետ նայեց. իր սրտի խորքում նա ցանկանում էր հետ գնալ: Թվում է, թե նույնիսկ այն ժամանակ, երբ նրանք քաղաքի սահմաններից դուրս էին, նա արդեն կարոտում էր այն, ինչ Սոդոմն ու Գոմորն էին մատուցել իրեն: … Նա հավատք չուներ: Նա կասկածեց, որ Տերը կարող էր իրեն ավելի լավ բան տալ, քան ինքն արդեն ուներ։ …

Բոլոր սերունդների [մարդկանց] ես կոչ եմ անում, «Հիշեք Ղովտի կնոջը» [Ղուկաս 17.32]: Հավատքն ապագայի համար է: Հավատքը կառուցվում է անցյալում, բայց երբեք չի տենչում մնալ այնտեղ: Հավատքը վստահում է, որ Աստված մեծ բաներ ունի պահած մեզանից յուրաքանչյուրի համար, և որ Քրիստոսն իսկապես «[գալիք] բարիքների քահանայապետն է» (Եբրայեցիս 9.11)» («The Best Is Yet to Be,” Ensign, Jan. 2010, 24, 27):

Ծննդոց 22․1-19

Իսահակին զոհաբերելու Աբրահամի պատրաստակամությունը Աստծո և Նրա Որդու նմանությունն է:

Մենք չգիտենք բոլոր պատճառները, թե ինչու Աստված պատվիրեց Աբրահամին որպես զոհ մատուցել Իսահակին, սակայն մենք իսկապես գիտենք, որ դա Աստծո հանդեպ նրա հավատքի ստուգարքն էր: (տես Ծննդոց 22.12–19): Կարդալով Ծննդոց 22․1-19-ը, ի՞նչ եք սովորում Աբրահամի փորձառությունից:

Իր որդուն զոհաբերելու Աբրահամի պատրաստակամությունը «նմանությունն է Աստծո և Նրա Միածին Որդու» (Հակոբ 4.5): Երբ խորհում եք այն նմանությունների մասին, որոնք կան Աբրահամի փորձության և Հայր Աստծո կողմից Իր Որդուն մեզ համար որպես զոհաբերություն մատուցելու միջև, ի՞նչ եք զգում ձեր Երկնային Հոր հանդեպ:

Կան նաև նմանություններ Իսահակի և Փրկիչի միջև: Մտածեք կրկին ընթերցել Ծննդոց 22.1–19-ը՝ փնտրելով այդպիսի իրավիճակներ:

Տես նաև “Akedah (The Binding)” (video), ChurchofJesusChrist.org:

family study icon

Գաղափարներ սուրբ գրությունների ընտանեկան ուսումնասիրության և ընտանեկան երեկոյի համար

Ծննդոց 18.14Կա՞ն արդյոք պատմություններ սուրբ գրություններից, ձեր ընտանեկան պատմությունից, կամ ձեր սեփական կյանքից, որոնցով կարող եք կիսվել, և որոնք ձեզ սովորեցրել են, որ չկա ոչինչ, որ խիստ դժվար լինի Տիրոջ համար:

Ծննդոց 18.16–33Այս ուսմունքներից ի՞նչ ենք իմանում Աբրահամի բնավորության մասին։ Ինչպե՞ս կարող ենք հետևել Նրա օրինակին: (Sես նաև Ալմա 10.22–23:)

Ծննդոց 19.15–17Այդ հատվածները կարող են օգնել ձեր ընտանիքի անդամներին պատրաստվել այն դեպքերի համար, երբ նրանք պետք է «փախչեն» ամբարիշտ իրավիճակներից: Ինչպիսի՞ն կարող են լինել այդ իրավիճակները: Օրինակ, դուք կարող եք քննարկում ծավալել անպատշաճ զանգվածային լրատվամիջոցների կամ բամբասելու գայթակղության մասին: Ինչպե՞ս կարող ենք փախչել նման իրավիճակներից:

Ծննդոց 21․9-20:Ինչպիսի՞ տպավորություն ստացավ ձեր ընտանիքն այն մասին, թե ինչպես Աստված վերաբերվեց Հագարի և Իսմայելի հետ, երբ Սարրան ու Աբրահամը նրանց դուրս հանեցին:

Ծննդոց 22․1-14Ինչպե՞ս կարող եք օգնել ձեր ընտանիքին տեսնել հետևյալ իրադարձությունների միջև կապը. Աբրահամին տրված Աստծո պատվերով Իսահակի զոհաբերության և Փրկիչի քավիչ զոհաբերության միջև կապը: Դուք կարող եք ցույց տալ Աբրահամի և Իսահակի ու Խաչելության նկարները (տես «Աբրահամն ու Իսահակը», Հին Կտակարանի պատմություններ) գրքում, մինչ ընտանիքի անդամները քննարկում են նմանությունները, որ նրանք տեսնում են այդ իրադարձությունների միջև: Դուք կարող եք նաև երգել որևէ երգ Փրկիչի զոհաբերության մասին, ինչպես օրինակ՝ «Նա ուղարկեց Իր Որդուն» (Երեխաների երգարան, 20), և փնտրել արտահայտություններ, որոնք նկարագրում են Փրկիչի զոհաբերությունը:

Ի՞նչ է մեզ խնդրվել զոհաբերել՝ որպես ընտանիք: Ինչպե՞ս են այդ զոհաբերությունները մեզ ավելի մոտեցնում Աստծուն։

Երեխաներին ուսուցանելու լրացուցիչ գաղափարների համար տես այս շաբաթվա համառոտ շարադրանքը Եկ, հետևիր ինձ. Երեխաների Միության համարձեռնարկից:

Առաջարկվող երգ. “Home Can Be a Heaven on Earth,” Hymns, no. 187։

Բարելավել անհատական ուսումնասիրությունը

Լսեք Հոգուն։ Ուշադրություն դարձրեք ձեր մտքերին ու զգացմունքներին, նույնիսկ, եթե դրանք կապված չեն ձեր կարդացած նյութի հետ: Այդ տպավորությունները կարող են լինել հենց այն բաները, որոնք Տերը կամենում է, որ դուք իմանաք:

Աբրահամն ու Իսահակը քայլելիս

Աբրահամն ու Իսահակը, ըստ Ջեֆ Վորդի