« ថ្ងៃទី ២១–២៧ ខែ កុម្ភៈ ។ លោកុប្បត្តិ ២៤–២៧ ៖ សេចក្តីសញ្ញាត្រូវបានរំឭកសារជាថ្មី » ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ៖ ព្រះគម្ពីរសញ្ញាចាស់ ឆ្នាំ ២០២២ ( ឆ្នាំ ២០២១ )

« ថ្ងៃទី ២១–២៧ ខែ កុម្ភៈ ។ លោកុប្បត្តិ ២៤–២៧ » ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ៖ ឆ្នាំ ២០២២

រូបភាព

រេបិកា

រូបភាព រេបិកា ដោយ ឌីលីន ម៉ាស្ស

ថ្ងៃទី ២១–២៧ ខែ កុម្ភៈ

លោកុប្បត្តិ ២៤–២៧

សេចក្តីសញ្ញាត្រូវបានរំឭកសារជាថ្មី

កាលណាអ្នកអាន លោកុប្បត្តិ ២៤–២៧ សូមយកចិត្តទុកដាក់លើការយល់ដឹងខាងវិញ្ញាណដែលអ្នកទទួលបាន ។ សូមអធិស្ឋានដើម្បីស្គាល់គោលការណ៍ទាំងឡាយដែលអ្នករកឃើញដែលទាក់ទងទៅនឹងជីវិតរបស់អ្នក ។

កត់ត្រាចំណាប់អារម្មណ៍របស់អ្នក

សេចក្តីសញ្ញារបស់ព្រះជាមួយអ័ប្រាហាំរួមមានទាំងការសន្យាដែលថា តាមរយៈអ័ប្រាហាំ និងកូនចៅលោក « អស់ទាំងគ្រួសារនៅលើផែនដីនឹងបានពរ » ( អ័ប្រាហាំ ២:១១ ) ។ នោះពុំមែនជាសេចក្តីសន្យាដែលអាចបំពេញនៅក្នុងមួយជំនាន់បាននោះទេ ៖ តាមរបៀបជាច្រើន ព្រះគម្ពីរប៊ីបគឺជាដំណើររឿងដែលព្រះកំពុងបំពេញសេចក្តីសន្យារបស់ទ្រង់ជាបន្តបន្ទាប់ ។ ហើយទ្រង់បានចាប់ផ្តើមដោយការរំឭកសារឡើងវិញនូវសេចក្តីសញ្ញារបស់ទ្រង់ជាមួយក្រុមគ្រួសារអ៊ីសាក និងរេបិកា ។ តាមរយៈបទពិសោធន៍របស់ពួកគាត់ យើងបានរៀនអ្វីមួយអំពីការធ្វើជាផ្នែកមួយនៃសេចក្តីសញ្ញានេះ ។ គំរូរបស់ពួកគាត់បង្រៀនយើងអំពីការមានចិត្តល្អ អំណត់ និងទុកចិត្តលើពរជ័យដែលបានសន្យារបស់ទ្រង់ ។ ហើយយើងរៀនថា វាមានតម្លៃគ្រប់គ្រាន់ដើម្បីបោះបង់ចោល « សំឡ » ខាងលោកិយ ( លោកុប្បត្តិ ២៥:៣០ ) ដើម្បីទទួលបានពរជ័យរបស់ព្រះសម្រាប់ខ្លួនយើង និងកូនចៅជំនាន់ក្រោយរបស់យើង ។

រូបភាព

រូបសញ្ញាការសិក្សាផ្ទាល់ខ្លួន

គំនិតយោបល់ផ្សេងៗសម្រាប់ការសិក្សាព្រះគម្ពីរផ្ទាល់ខ្លួន

លោកុប្បត្តិ ២៤

អាពាហ៍ពិពាហ៍គឺចាំបាច់ណាស់ចំពោះផែនការដ៏នៅអស់កល្បជានិច្ចរបស់ព្រះ ។

នៅសព្វថ្ងៃនេះ មនុស្សជាច្រើនធ្វើឲ្យអាពាហ៍ពិពាហ៍មិនសូវសំខាន់ ឬថែមទាំងគិតថាវាជាបន្ទុកផងដែរ ។ អ័ប្រាហាំ មានទស្សនវិស័យខុសគ្នា—ចំពោះលោក អាពាហ៍ពិពាហ៍នៃកូនប្រុសរបស់លោក អ៊ីសាក គឺសំខាន់បំផុត ។ ហេតុអ្វីអ្នកគិតថាវាមានសារៈសំខាន់ចំពោះលោកខ្លាំងម្ល៉េះ ? នៅពេលអ្នកអាន លោកុប្បត្តិ ២៤ សូមគិតអំពីសារៈសំខាន់នៃអាពាហ៍ពិពាហ៍ចំពោះផែនការនៃសេចក្តីសង្រ្គោះរបស់ព្រះ ។ អ្នកអាចអានផងដែរនូវសារលិខិតរបស់អែលឌើរ ឌី ថត គ្រីស្តូហ្វឺសិន « Why Marriage, Why Family » ( Liahona ខែ ឧសភា ឆ្នាំ ២០១៥ ទំព័រ ៥០–៥៣ ) ហើយសូមពិចារណាពីមូលហេតុ « ក្រុមគ្រួសារដែលបង្កើតឡើងដោយអាពាហ៍ពិពាហ៍រវាងបុរស និងស្រ្តីគឺជាការរៀបចំមួយដ៏ប្រសើរបំផុតសម្រាប់ផែនការរបស់ព្រះដើម្បីចម្រើន » ( ទំព័រ ៥២ ) ។

សំណួរដូចខាងក្រោមអាចជួយអ្នកពិចារណាគោលការណ៍សំខាន់ៗផ្សេងទៀតនៅក្នុងជំពូកនេះ ៖

លោកុប្បត្តិ ២៤:១–១៤ ។ តើអ័ប្រាហាំ និងពួកបាវបម្រើលោកបានធ្វើអ្វីដើម្បីរួមញ្ចូលទ្រង់នៅក្នុងការខិតខំរកប្រពន្ធឲ្យអ៊ីសាក ?

លោកុប្បត្តិ ២៤:១៥–២៨, ៥៥–៦០ ។ តើរេបិកាមានគុណសម្បត្តិអ្វីខ្លះដែលអ្នកចង់ធ្វើតាម ?

តើការយល់ដឹងអ្វីខ្លះដែលអ្នករកឃើញ ?

សូមមើលផងដែរ គោលលទ្ធិ និង សេចក្តីសញ្ញា ១៣១:១–៤; « ក្រុមគ្រួសារ ៖ សេចក្តីប្រកាសដល់ពិភពលោក » ChurchofJesusChrist.org ។

លោកុប្បត្តិ ២៥:២៩–៣៤

ខ្ញុំអាចជ្រើសរើសរវាងការពេញចិត្តភ្លាមៗ និងវត្ថុដែលមានតម្លៃជាង ។

នៅក្នុងវប្បធម៌របស់អ័ប្រាហាំ កូនប្រុសច្បងនៅក្នុងក្រុមគ្រួសារជាធម្មតាបានទទួលតំណែងជាភាពដឹកនាំ និងអភ័យឯកសិទ្ធិ ដែលហៅថា មរដកនៃបងច្បង ។ កូនប្រុសច្បងទទួលបានមរតកច្រើនពីឪពុកម្តាយរបស់ខ្លួន ព្រមជាមួយនឹងទំនួលខុសត្រូវដ៏ធំសម្រាប់ការថែរក្សាក្រុមគ្រួសារទាំងអស់ ។

នៅពេលអ្នកអាន លោកុប្បត្តិ ២៥:២៩–៣៤ សូមពិចារណាពីមូលហេតុ អេសាវ អាចសុខចិត្តលះបង់មរដកនៃបងច្បងរបស់ខ្លួនជាថ្នូរដូរនឹងអាហារមួយពេល ។ តើមេរៀនអ្វីដែលអ្នករកឃើញថាខ្លួនឯងត្រូវនឹងដំណើររឿងនេះ ? ឧទាហរណ៍ តើមាន « សំឡ » ណាដែលបំបែកអារម្មណ៍អ្នកពីពរជ័យដែលមានតម្លៃចំពោះអ្នកបំផុតដែរឬទេ ? តើអ្នកកំពុងធ្វើអ្វីដែលផ្តោតយកចិត្តទុកដាក់ និងមានអំណរគុណចំពោះពរជ័យទាំងនេះ ?

សូមមើលផងដែរ ម៉ាថាយ ៦:១៩–៣៣; នីហ្វៃទី ២ ៩:៥១; អិម រ័សុល បាឡឺដ « What Matters Most Is What Lasts Longest » Liahona ខែ វិច្ឆិកា ឆ្នាំ ២០០៥ ទំព័រ ៤១–៤៤ ។

លោកុប្បត្តិ ២៦:១–៥

សេចក្តីសញ្ញាអ័ប្រាហាំត្រូវបានរំឭកសារជាថ្មីតាមរយៈអ៊ីសាក ។

សេចក្តីសញ្ញាដែលព្រះបានធ្វើជាមួយអ័ប្រាហាំ គឺក្នុងគោលបំណងដើម្បីបន្តដល់ជំនាន់ជាច្រើនទៀត ដើម្បីឲ្យកេរ្តិ៍ដំណែលរបស់អ័ប្រាហាំ និងសារ៉ានៃការរក្សាសេចក្តីសញ្ញានឹងត្រូវបន្តស្នងដល់អ៊ីសាក យ៉ាកុប និងស្រ្តី និងបុរសដែលស្មោះត្រង់ដទៃទៀតស្ថិតក្នុងចំណោមកូនចៅរបស់ពួកគាត់ ។ នៅពេលអ្នកអាន លោកុប្បត្តិ ២៦:១–៥ សូមរកមើលពរជ័យមួយចំនួននៃសេចក្តីសញ្ញាដែលព្រះទ្រង់បានលើកឡើង ។ តើអ្នកបានរៀនអ្វីខ្លះអំពីព្រះនៅក្នុងខគម្ពីរទាំងនេះ ?

លោកុប្បត្តិ ២៦:១៨–២៥, ៣២–៣៣

ព្រះយេស៊ូវគ្រីស្ទគឺជាអណ្តូងទឹករស់ ។

អ្នកអាចសម្គាល់ឃើញថា អណ្តូង និងប្រភពទឹកផ្សេងទៀតដើរតួយ៉ាងសំខាន់នៅក្នុងដំណើររឿងជាច្រើននៃព្រះគម្ពីរសញ្ញាចាស់ ។ នេះវាមិនគួរឲ្យភ្ញាក់ផ្អើលទេ ពីព្រោះដំណើររឿងនេះភាគច្រើនបានកើតឡើងនៅក្នុងទីកន្លែងស្ងួតហួតហែង ។ នៅពេលអ្នកអាន លោកុប្បត្តិ ២៦ អំពីអណ្តូងទឹករបស់អ៊ីសាក សូមសញ្ជឹងគិតពីអ្វីដែលទឹកតំណាងឲ្យនៅក្នុងខគម្ពីរនេះ ។ តើការយល់ដឹងអ្វី ដែលអ្នករកឃើញអំពីអណ្តូងទឹកខាងវិញ្ញាណ « ទឹករស់ » ? ( សូមមើលផងដែរ យ៉ូហាន ៤:១០–១៥ ) ។ តើអ្នកអាចជីកអណ្តូងទឹកខាងវិញ្ញាណនៅក្នុងជីវិតរបស់អ្នកយ៉ាងដូចម្តេច ? តើព្រះអង្គសង្រ្គោះដូចជាទឹករស់សម្រាប់អ្នកយ៉ាងដូចម្តេច ? សូមកត់សម្គាល់ថា ភីលីស្ទីន « បានលុប » អណ្តូងទឹក « សូមមើល លោកុប្បត្តិ ២៦:១៨ ) ។ តើមានអ្វីផ្សេងទៀតនៅក្នុងជីវិតរបស់អ្នកដែលកំពុងលុបអណ្តូងទឹកនៃទឹករស់របស់អ្នកដែរឬទេ ?

អណ្តូងទឹកមួយនៅបៀរសេបាពីបុរាណគឺជាកន្លែងដែល អ័ប្រាហាំ និងអ៊ីសាកបានជីកអណ្តូងទឹកនោះ ។

លោកុប្បត្តិ ២៧

តើរេបិកា និងយ៉ាកុបខុសដែរឬទេដែលបញ្ឆោតអ៊ីសាក ?

យើងពុំដឹងពីមូលហេតុនៅពីក្រោយវិធីសាស្ត្រដែលរេបិកា និង យ៉ាកុប បានប្រើដើម្បីទទួលពរជ័យសម្រាប់យ៉ាកុបនោះឡើយ ។ វាមានអត្ថប្រយោជន៍ដើម្បីចងចាំថា ព្រះគម្ពីរសញ្ញាចាស់ដែលយើងមានសព្វថ្ងៃគឺមិនពេញលេញនោះទេ ( សូមមើល ម៉ូសេ ១:២៣, ៤១ ) ។ អាចមានព័ត៌មានបាត់បង់ពីកំណត់ត្រាដើមដែលអាចពន្យល់ពីអ្វីដែលធ្វើឲ្យយើងច្របូកច្របល់ ។ ទោះជាយ៉ាងណាក៏ដោយ យើងពុំដឹងពីព្រះទ័យរបស់ព្រះចំពោះយ៉ាកុប ក្នុងការទទួលពរជ័យមកពី អ៊ីសាក ដោយសារតែរេបិកា ទទួលវិវរណៈថា យ៉ាកុប គឺត្រូវគ្រប់គ្រងលើ អេសាវ ( សូមមើល លោកុប្បត្តិ ២៥:២៣ ) ។ បន្ទាប់ពី អ៊ីសាក បានទទួលស្គាល់ថា គាត់បានប្រសិទ្ធពរជ័យឲ្យយ៉ាកុប មិនមែនជា អេសាវ គាត់បានបញ្ជាក់ថា យ៉ាកុប « នឹងបានពរមែន » ( លោកុប្បត្តិ ២៧:៣៣ )—ដោយប្រាប់ថា ព្រះទ័យរបស់ព្រះនឹងត្រូវបានសម្រេច ។

រូបភាព

រូបសញ្ញាការសិក្សាជាគ្រួសារ

គំនិតយោបល់សម្រាប់ការសិក្សាព្រះគម្ពីរជាគ្រួសារ និងរាត្រីជួបជុំក្រុមគ្រួសារ

លោកុប្បត្តិ ២៤:២–៤, ៣២–៤៨ ។អ័ប្រាហាំ បានសុំឲ្យបាវបម្រើដែលទុកចិត្តទៅរកប្រពន្ធឲ្យអ៊ីសាក ហើយបាវបម្រើនោះបានចុះសេចក្តីសញ្ញាជាមួយអ័ប្រាហាំ ថាគាត់នឹងទៅធ្វើតាម ។ តើអ្នកបម្រើរបស់អ័ប្រាហាំ បង្ហាញភាពស្មោះត្រង់នៅក្នុងការរក្សាសេចក្តីសញ្ញារបស់គាត់យ៉ាងដូចម្តេច ? តើយើងអាចធ្វើតាមគំរូរបស់គាត់យ៉ាងដូចម្ដេច ?

លោកុប្បត្តិ ២៤:១៥–២៨, ៥៥–៦០ ។ក្រុមគ្រួសាររបស់អ្នកអាចមើលនៅក្នុងខគម្ពីរទាំងនេះចំពោះបុគ្គលិកលក្ខណៈដែលធ្វើឲ្យរេបិកា ក្លាយជាដៃគូដ៏ស័ក្តិសមសម្រាប់ភាពអស់កល្បជានិច្ចចំពោះអ៊ីសាក ។ សូមលើកទឹកចិត្តសមាជិកគ្រួសារឲ្យជ្រើសរើសបុគ្គលិកលក្ខណៈទាំងនេះដែលពួកគេមានអារម្មណ៍ថាពួកគេគួរតែអភវិឌ្ឍ ។

លោកុប្បត្តិ ២៥:១៩–៣៤; ២៧ ។ដើម្បីមើលដំណើររឿងនៃរបៀបដែលមរដកនៃបងច្បងរបស់អេសាវ និងពរជ័យដែលបានមកដល់យ៉ាកុបជំនួសវិញ អ្នកអាចសរសេរប្រយោគចេញពី « យ៉ាកុប និងអេសាវ » ( នៅក្នុង ដំណើររឿងព្រះគម្ពីរសញ្ញាចាស់ ) នៅលើបន្ទះក្រដាសផ្សេងៗគ្នា ។ សមាជិកគ្រួសារអាចធ្វើការជាមួយគ្នាដើម្បីដាក់ប្រយោគឲ្យត្រូវតាមលំដាប់លំដោយ ។

នៅពេលអ្នកពិភាក្សាពីរឿងអេសាវ លក់មរដកនៃបងច្បងរបស់គាត់ អ្នកក៏អាចនិយាយអំពីបញ្ហាដែលសំខាន់បំផុតចំពោះក្រុមគ្រួសាររបស់អ្នក ដូចជាទំនាក់ទំនងរបស់អ្នកជាមួយព្រះវរបិតាសួគ៌ និងព្រះយេស៊ូវ គ្រីស្ទ ។ ប្រហែលជាសមាជិកគ្រួសារអាចស្វែងរកវត្ថុ ឬរូបភាពដែលតំណាងឲ្យអ្វីដែលពួកគេគិតថាមានតម្លៃដ៏នៅអស់កល្បជានិច្ច ។ សូមឲ្យពួកគេពន្យល់ពីមូលហេតុដែលពួកគេបានជ្រើសរើសអ្វីទាំងនោះ ។

លោកុប្បត្តិ ២៦:៣–៥ ។ដើម្បីជួយក្រុមគ្រួសាររបស់អ្នកយល់ពីសេចក្តីសញ្ញាអ័ប្រាហាំ អ្នកអាចអញ្ជើញពួកគេឲ្យស្វែងរកសេចក្តីសន្យាដែលបានពិពណ៌នានៅក្នុងខគម្ពីរទាំងនេះ ។ ហេតុអ្វីវាមានសារៈសំខាន់ចំពោះយើងដើម្បីដឹងអំពីសេចក្តីសន្យាទាំងនេះនៅសព្វថ្ងៃនេះ ? ( សូមមើល គំនិតដើម្បីពិចារណា ៖ សេចក្តីសញ្ញា » នៅក្នុងធនធានទាំងនេះ ) ។

លោកុប្បត្តិ ២៦:១៨–២៥, ៣២–៣៣ ។ហេតុអ្វីអណ្តូងទឹកមានសារៈសំខាន់ ? ហេតុអ្វីព្រះយេស៊ូវ គ្រីស្ទ ដូចជាអណ្តូងទឹក ?

សម្រាប់គំនិតបន្ថែមសម្រាប់ការបង្រៀនដល់កុមារ សូមមើល គម្រោងមេរៀនប្រចាំសប្ដាហ៍នេះ នៅក្នុងសៀវភៅ ចូរមកតាមខ្ញុំ—សម្រាប់ថ្នាក់បឋមសិក្សា ។

ចម្រៀងដែលបានស្នើ ៖ « ជ្រើសផ្លូវត្រូវ » ទំនុកតម្កើង ល.រ ១៤៨ ។

ការកែលម្អដល់ការសិក្សាផ្ទាល់ខ្លួន

ទន្ទេញខគម្ពីរ ។ អែលឌើរ រីឆាដ ជី ស្កត បានបង្រៀនថា « ការទន្ទេញបទគម្ពីរបានក្លាយជាមិត្តសំឡាញ់ដែលតស៊ូ មិនចេះចុះចាញ់ជាមួយពេលវេលាដែលកន្លងទៅឡើយ » ( « The Power of Scripture » Liahona ខែ វិច្ឆិកា ឆ្នាំ ២០១១ ទំព័រ ៦ ) ។