“Ļōmņak ko Ļōmņaki: M̧weeo Im̧ōn Israel,” Itok, Ļoor Eō—N̄an Kajjojo Armej im Baam̧le ko: Kallim̧ur M̧okta 2022 (2021)
“Ļōmņak ko Ļōmņaki: M̧weeo Im̧ōn Israel:” Itok, Ļoor Eō—N̄an Kajjojo Armej im Baam̧le ko: 2022
Ļōmņak ko Ļōmņaki
M̧weeo Im̧ōn Israel
Ijoko ilo āne jem̧aden iturear in Canaan, Jekab eaar mijak in ioon ļeo jein, Iso. Āliktata in an Jekab kark lo Iso, emaron̄ 20 iiō m̧oktaļo̧k, Iso eaar kōņaan m̧an e. Jekab ekar oktaak aolepen bon̄on eo ilo āne jem̧aden, pukot kōjeraam̧m̧an jen Anij. Āinwōt juon tōprak in tōmak eo an Jekab, dim, im pen, Anij eaar uwaake jar eo an. Bon̄ōn eo ke etan Jekab ekar oktak n̄an Israel, juon āt meļeļein “ e mour ippān Anij” (Jenesis 32:28, footnote b; bar lale Jenesis 32:24–32).1
Epaake Reba Jabok, Jekab eaar bōk āt eo Israel.
En̄in ej āt eo jinointata Israel ej waļo̧k ilo Baibōļ, im ej juon āt me ej mour ilo aolepen bok in im ilo aolep bwebwenato. Jet iien tokālik āt eo eaar letok n̄an elōn̄ļo̧k jen juon em̧m̧aan. Israel ewōr 12 nejin ļaddik, im bwij ko aer kar jeļā kake “m̧weeo imōn Israel,” ak “bwijjin Israel,” ak “ro nejin Israel,” ak “ri Israel ro.”
Ilo aolep bwebwenato ko, ro nejin Israel raar dāpdep eļap n̄an bwij eo an jān juon iaan bwij ko jon̄oulruo an Israel. Bwij eo aer ekar m̧ōttan eo eaorōk ilo piktokin in kallim̧ur eo aer. Rijilōk Paul ekar kean̄ bwe ekar “jen bwijjin Benjamin” (Rom 11:1). Ke Liai ekar jilkinļo̧k ļōm̧aro nejin n̄an Jerusalem n̄an būki pileij brass ko, un eo kōnke pileij ko repād ie “juon menmenbwij in ro jemen” (1 Nipai 5:14; bar lale 1 Nipa 3:13). Liai eaar lo bwe ekar jen bwijjin Josep, im ro ineen raar meļeļe kōn aer iokļo̧k m̧weeo im̧ōn Israel kar juon kam̧ool eaorōk n̄an er ilo iiō ko rej itok (lale Alma 26:36; 3 Nipai 20:25).
Ilo Kabun̄ in rainin, komaron̄ ron̄ naaan in Israel āinwōt “aiintok eo an Israel.” Jej al kake “Dri Binmuur Israel,” ak “Hope of Israel,” im “Ye Elders of Israel.”2 Ilo jekjek kein, jejjab kōnono im al wōt kōn aelōn̄ in kiin̄ eo an Israel etto ak laļ eo raan kein kar ņaetan Israel. Ijoke, jej ba kōn ro em̧ōj aer aiintok doon jen aolepen laļin tok n̄an Kabun̄ in an Jisōs Kraist. Jej ba kōn armej ro rej mour ippān Anij, ro rej kappukot kōjeraam̧m̧an ko An, im ro, kōn peptaij, raar erom̧ armej in bujen ro An.
Kōjeraam̧m̧an in petriak eo am ej kwaļo̧k jemdoon eo am n̄an juon iaan ro bwijjin m̧weeo im̧ōn Israel. Ej juon m̧ōttan meļeļe eo ekaitoktoklimo kōn menmenbwij an baam̧le. Āinwōt juon m̧ōttan m̧weeo im̧ōn Israel meļeļe bwe ewōr juon am bujen jemjerā ippān Jemādwōj Ilan̄ im Jisōs Kraist. Meļeļein bwe kwe, āinwōt Ebream, naaj “jeraam̧m̧an” n̄an ro nejin Anij (Jenesis 12:2; Ebream 2:9–11). Meļeļein bwe, ilo naan ko an Piter, bwe “kom̧ epepen em̧ōj kāālōte, pris ro im irooj ro, ri aelōn̄ re kwōjarjar, armej ro an Anij wōt; bwe kom̧win kōnnaanōkļo̧k men ko rem̧m̧an an Eo e ar kūr kom̧ jān marok im n̄an ilowaan meram eo An” (1 Piter 2:9). Meļeļe bwe kwe kwoj juon eo “emour ippān Anij” ilo am kōjparok bujen ko Ippān.
Kōmeļeļein menmenbwij eo an Jekab, jen Keith L. Beavers