Josep in Egypt eo ilo kalbuuj

pija in Josep in Egypt eo ilo kalbuuj, jān Jeff Ward

M̧aaj 7–13

Jenesis 37–41

“Irooj ear pād ippān Josep”

Ilo am̧ riiti Jenesis 37–41, jar bwe Jetōb Kwojarjar eo enaaj jipan̄ eok lo ekōjkan an eoon in jeje ko rekwojarjar iookwaj mour eo am̧. Je jabdewōt kōļmenļo̧kjeņ ko kwōj būki.

Je En̄jake ko Rej Im̧we Eok

Jet iien men ko renana rej waļo̧k n̄an armej ro rem̧m̧an. Mour ej katakin kōj katak jab eo ilo alikkar, im kōn menin barāinwōt mour eo an Josep, ļeo nejin Jekab. E ekar rijolete bujen eo Anij ekar kōm̧m̧ane ippān ro jemān, bōtaab ļōm̧aro jein rekar dike im kar wia kake n̄an kōm̧akoko. Ekar makoko in kowaan m̧ool eo an ke kar kepaake jān lio pāleen Potipar im kōn menin kar kadeļo̧n̄e ilo kalbuuj. Eaar āinwōt bwe ilo an ļapļo̧k an tiljek, eļapļo̧k apan̄ ko ekar jelm̧ai. Bōtaab aolep apan̄ in ekar jab juon kakōļļe in jab errā eo an Anij. Ilo m̧ool, jān aolepān, “Irooj ear pād ippān” (Jenesis 39:3). Mour eo an Josep ekar juon waļo̧ktok eo an m̧ool in aorōk: Anij ejjamin naaj eļļo̧k kōj. “Ļoor Rilo̧mo̧o̧r eo ejjamin naaj kōm̧akūtļo̧k aolep mālijjon̄ ko ad,” Būreejtōn Dieter F. Uchtdorf ekar katakin. “Ijoke, enaaj kōm̧akūt mennin bōbrae ko kōtaam̧ im jipan̄ eo Jemedwōj Ilan̄ ekōņaan lewaj n̄an eok. Anij enaaj pād ippem̧” (“Jan̄nuwaade Kapijuknen eo Aō,” Liaona, Nob. 2017, 22).

pija ej bōk jikin ekkatak ippam̧ make

Ļōm̧ņak ko n̄an Ekkatak Jeje Ko Rekwojarjar Ippam̧ Make

Jenesis 37:1–28; 39; 41:9–45

“Jeova ear pād ippān Josep” ilo apan̄ eo an.

IIen im bar iien, men ko rem̧m̧an raar āinwōt ilo̧k jān Josep, bōtaab Irooj ejjan̄in kar. Ilo am̧ riiti bwebwenato eo an Josep, kejōkļo̧jeņ kōn kajjitōk ko āinwōt kein: Ta eo Josep ekar kōm̧m̧ane n̄an epaake wōt Irooj ilo iien mālijjon̄ ko an? Ekōjkan an kar Irooj “pād ippān”? (Jenesis 39:2–3, 21, 23).

Komaron̄ barāinwōt kajjitōk kain kajjitōk rōt in wōt kōn mour eo am̧. Ta kein kam̧ool eo em̧ōj am̧ kar loe me Irooj ekar jab eļļo̧k jān eok ilo iien mālijjon̄ ko am̧? Ļōmņak kōn ekōjkan am̧ maron̄ kwaļo̧k en̄jake ko am̧ ippān ro uwaan baam̧le im dik tak in epepen ko an ilju im jekļaj (lale 1 Nipai 5:14). Ta eo komaron̄ kōm̧m̧ane kiō n̄an kōpooj eok make n̄an pād wōt ilo tiljek n̄e kwoj jelm̧ae mālijjon̄ ko ilo ilju im jekļaj?

Lale barāinwōt Jon 14:18; Rom 8:28; Alma 36:3; Katak im Bujen Ko 121:7–8; D. Todd Christofferson, “Lan̄lōn̄ an Armej ro Rekwojarjar,” Liaona, Nob. 2019, 15–18.

Jenesis 37:5–11; 40; 41:1–38

Eļan̄n̄e ij tiljek, Irooj enaaj tōl im im̧we eō.

Elder David A. Bednar ekar katakin, “Revelesōn ko rej itok ilo elōn̄ wāween ko, ekoba, n̄an waanjon̄ak, ettōņak ko, visōn ko, bwebwenato ko ippān rikwōj meļan in lan̄ ro, im im̧we” (“The Spirit of Revelation,” Liaona, Māe 2011, 88). Irooj ekar kōjerbal ettōņak ko n̄an kwaļo̧k m̧ool ko n̄an Josep, chief butler eo im riiōk eo an Pero, im Pero. Irooj ekar barāinwōt kwaļo̧k n̄an Josep ekōjkan ukōt ettōņak ko. Ta eo komaron̄ ekkatak jān Jenesis 37:5–11; 40:5–8; 41:14–25, 37–38 kōn bōk im meļeļe revelesōn jān Anij? N̄an waanjon̄ak, ta eo komaron̄ ekkatak jān waanjon̄ak eo an Josep ke revelesōn eo ej āinwōt pen n̄an meļeļe? (lale Jenesis 40:8; 41:16).

Josep ilo kalbuuj ej ukōt ettōņak ko

Josep ej Ukōt Ettōņak ko an Butler eo im Riiōk eo, jān François Gérard

Kejōkļo̧kjeņ kōn ekōjkan an Irooj kwaļo̧k Ankilan n̄an kwe. Ta eo kwoj kōm̧m̧ane n̄an jerbale revelesōn eo Irooj ekar lewaj n̄an kwe? Ekōjkan am kappukōt elōn̄ļo̧k tōl jān E?

Lale barāinwōt Russell M. Nelson, “Revelesōn n̄an Kabun̄ eo, Revelesōn n̄an Mour ko Ad,” Liaona, Māe 2018, 93–96; Michelle Craig, “Maron̄ ilo Jetōb,” Liaona, Nob. 2019, 19–21.

Jenesis 38; 39:7–20

Kōn jipan̄ eo an Irooj, imaron̄ ilo̧k jān kapo.

N̄e kapo eok, waanjon̄ak eo an Josep emaron̄ kōketak im kōkajoor eok. Ilo am̧ riit kōn en̄jake eo an ilo Jenesis 39, kile men ko Josep ekar kōm̧m̧ani n̄an jum̧ae kapo. N̄an waanjon̄ok:

• Ekar “abwin” bōk em̧m̧an in jouj ko an lio pāleen Potibar (eoon 8).

• Ekar kile bwe jerawiwi enaaj kar kōmetak Anij im ro jet (eoon 8–9).

• Ekar “jab pokake” kapo eo, jekdo̧o̧n men̄e ekar wōnm̧aanļo̧k wōt “raan otemjej” (eoon 10).

• Ekar “joḷọk nuknuk … im ko, im diwōjļo̧k” (eoon 12).

Kōn waanjon̄ak eo an Josep ilo kōļmenļo̧kjeņ, ļōmņak in kōm̧m̧ane juon karōk n̄an joļo̧k im jum̧ae kapo. N̄an waanjon̄ak, komaron̄ ļōmņak kōn juon kapo eo kwoj jelm̧ae, je jekjek ko n̄an joļo̧k, im kōm̧m̧ane juon karōk n̄an pedped ioon Jemādwōj Ilan̄ n̄e kapo eo ej walōn̄tak (lale 2 Nipai 4:18, 27–33).

Kapo:

Jekjek ko n̄an joļo̧k:

Ļōmņak eo n̄an ņa mejļan:

Bwebwenato in kōn kajoor eo an Josep ke ekar jelm̧ae kapo ej kōm̧m̧an jān juon bwebwenato eo ekanooj in pen kōn ļeo jein Juda, loi ilo Jenesis 38. Ta eo jepta 37, 38, im 39, ippān doon, rej katakin eok kōn kien erreo?

Lale barāinwōt 1 Korint 10:13; 1 Nipai 15:23–24; 3 Nipai 18:17–18.

pija eo ej bōk jikin ekkatak an baam̧le

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

Jenesis 37.Eļan̄n̄e kwar juon iaan ļōm̧aro jein Josep, ta eo komaron̄ kar kōm̧m̧ane n̄an dāpij wōt ebanban eo am̧ jān kōm̧ōjņo̧ikļo̧k kadkad eo am̧ ippān? Ekōjkan an naaj kar jipan̄ kōj n̄an “kōnono aenōṃṃan” n̄an doon? (eoon 4).

Jenesis 39.Pija in alooj ko “The Refiner’s Fire” im “After the Storm” (ChurchofJesusChrist.org) rej kwaļo̧k en̄jake ko an armej ro me raar lo kajoor jān oktakļo̧k n̄an Irooj ilo iien mālijjon̄ ko aer. Bōlen kom̧ maron̄ alooje juon iaer im ekōnono kōn ta eo Josep emaron̄ in ba eļan̄n̄e ekar kōm̧m̧ane juon pija in alooj kōn en̄jake ko an. Kom̧ maron̄ al ippān doon“I’m Trying to Be Like Jesus” (Children’s Songbook, 78–79) im pukōt kalilōk eo baam̧le eo am̧ emaron̄ kwaļo̧ke ippān Josep ke ekar jelm̧ae mālijjon̄ ko an.

Jenesis 39:7–12.Riiti eoon kein emaron̄ letok juon iien em̧m̧an n̄an ekōnono kōn kien erreo ippān baam̧le am̧. Erkein jet iaan kein jipan̄ ko me emaron̄ jipan̄ ilo ekōnono in: Jekab 2:28; Alma 39:3–9; “Mour Erreo” (ilo N̄an Kōkajoorļo̧k Jodikdik ro [2011], 35–37); “Sexual Intimacy Is Sacred and Beautiful” (ilo Jipan̄ n̄an ro Jinen im Jemān [2019], AddressingPornography.ChurchofJesusChrist.org).

Jenesis 41:15–57.Ta eo jej ekkatak jān eoon kein kōn ekōjkan an Irooj kar kōjeraam̧m̧an armej in Egypt ro kōn Josep? Ta eo jemaron̄ ekkatak kōn m̧aanjabpopo n̄an iien idin̄ ko ilju im jekļaj? Ekōnono kōn ta eo jemaron̄ kōm̧m̧ane n̄an kōm̧anm̧anļo̧k m̧aanjabpopo āinwōt juon baam̧le? Kōn ļōmņak ko. lale Gospel Topics, “Emergency Preparedness,” topics.ChurchofJesusChrist.org.

Kōn elōn̄ļo̧k ļōmņak ko n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar kōtmene: “Jesus Is Our Loving Friend,” Children’s Songbook, 58.

Kōkōm̧anm̧anļo̧k Am̧ Ekkatak Ippam̧ Make

Keidi jeje ko rekwojarjar n̄an mour eo am̧ Ilo am̧ riit, ļōmņak kōn ekōjkan an bwebwenato ko im katak ko ilo jeje ko rekwojarjar jerbal ilo mour eo am̧. N̄an waanjon̄ak, ekōjkan an tiljek eo an Josep ilo Egypt maron̄ im̧we eok n̄an pād wōt ilo tiljek n̄an Irooj jekdo̧o̧ņ apan̄?

Ļōm̧aro jein Josep raar bōk kopā eo an.

Pija in an ļōm̧aro jein Josep bōk kopā eo an, jān Sam Lawlor