Moses, Aaron, im Pero

Pijain Moses im Aaron ilo im̧ōn ekajet eo an Pero, jen Robert T. Barrett

M̧aaj 28–Eprōļ 3

Exodus 7–13

“Keememej Raan In, Raan eo Kom̧ Ar Diwōjtok Jān Ijipt”

Ilo am riit im kōļmenļo̧kjeņ Exodus 7–13, je im̧we ko me rej itok n̄an eok. Ilo am kōm̧m̧ane menin emakijkij, maron̄ eo am n̄an kile unoojdikdik ko an Jetōb Kwojarjar naaj eddōkļo̧k.

Je En̄jake ko Rej Im̧we Eok

Nan̄inmej ioon nan̄inmej ekar jelet Ijipt, ak Pero ekar m̧akoko in kōtļo̧k riIsrael ro. Im aaet Anij eaar wōnm̧aanļo̧k wōt im kwaļo̧k An kajoor im leļo̧k n̄an Pero iien em̧m̧an n̄an tōmak “bwe N̄a Irooj” im “ejjeļo̧k juon āinwōt N̄a, ilo aolepen laļ” (Exodus 7:5; 9:14). Ilo iien eo, Moses im riIsrael ro raar lo kōn men kein kōn kajoor eo an Anij kōn er. Em̧ool kōkaļļe kein rej wōnm̧aanļo̧k kar kapen tōmak eo aer ilo Anij im kar kōkajoorļo̧k aer kōņaan n̄an ļoor rikanaan eo an Anij. Innām, ālkin ratimjuon iien en̄taan eaar jako jen ri Israel ro, ekar kein kajon̄oul iien en̄taan—mej eo an m̧anje eo, ekoba m̧anje eo nejin Pero—me ekar āliktata kōjemļo̧k jipo̧kwe eo. Menin ekar jjejjet kōnke ilo kajjojo iien jetōbin jipo̧kwe, ewōr juon wōt iaļ n̄an rōļak. Jekdoon jabdewōt men jemaron̄ kar kajjieon̄i m̧oktaļo̧k, epād ippād āinwōt ro nejin Israel. Ej en̄taan eo wōt an Jisōs Kraist, Manje eo Moktata—bōtōktōkin Lam ejjeļo̧k ņotaan—me enaaj lo̧mo̧o̧ren kōj.

pija ej bōk jikin ekkatak ippam̧ make

Ļōm̧ņak ko n̄an Ekkatak Jeje Ko Rekwojarjar Ippam̧ Make

Exodus 7–11

Imaron̄ kālet n̄an kapidodoik būruwō.

Kōtmene bwee koban jum̧ae ankilaan Anij āinwōt kar Pero. Wōt, jej aolep bōk iien n̄e būruwōd rejjab pidodo n̄e reaikuj kar, kōn menin ewōr jet men n̄an ekkatak kōn kōm̧m̧an ko an Pero kar je ilo Exodus 7–10. Ilo am riit kōj en̄taan ko ilo jebta kein, ta eo eaorōk ilo uwaak eo an Pero? Kwoj ke kile jabdewōt pen bōro reiļo̧k wōt juon ilo kwe make? Kōļmenļo̧kjeņ ta eo kwoj ekkatak jān jebta kein kōn ta meļeļein bōk juon bōro epidodo.

Keememej bwe ilo Ukook eo an Josep Smith ilo Exodus 7:3, 13; 9:12; 10:1, 20, 27; 11:10 kalikkar bwe Irooj eaar jab kapen būruwōn Pero—Pero eaar make kapen būruwōn (lale footnote n̄an kajjojo eoon).

Ta eo kwoj ekkatak jān eoon kein ilaļ kōn kwaļo̧k juon bōro epidodo? 1 Nipai 2:16; Mosaia 3:19; Alma 24:7–8; 62:41; Ether 12:27.

Bar lale Michael T. Ringwood, “An Easiness and Willingness to Believe,” Liaona, Nov. 2009, 100–102.

Exodus 12:1–42

Kwojkwoj in Kijoone eo ej kōkaļļein Pinmuur eo an Jisōs Kraist.

Wāween eo wōt bwe riIsrael ro ren mour jen en̄taan eo kein kajon̄oul, ej kōmeļeļeik ilo Exodus 11:4–5, ekar n̄an ļoor kōmeļeļe ko Irooj eaar liļo̧k n̄an Moses ilo Exodus 12, juon imminene āinwōt Kwojkwoj in kijoone. Kwojkwoj in kijoone eo ej katakin kōj kōn kōkaļļe ko me Irooj eaar kadiwōjļo̧k riIsrael ro jān kōm̧akoko ilo Ijipt, E maron̄ bar kadiwōjļo̧k kōj jen kōm̧akoko in jerawiwi. Ta eo kwoj lo ilo kōmeļeļe ko im kōkaļļe ko an Kwojkwoj in Kōjota eo me ej kakeememej eok kōn Jisōs Kraist im Pinmuur eo An? Ta jerbal eo an kōkaļļe im kōmeļeļe kein n̄an kwe kōn ewi wāween bōk kōjeraam̧m̧an in Pinmuur eo An? N̄an waanjon̄ak, ta meļeļein likūt bōtōktōkin lam eo ioon kōjem ko? (eoon 7). Ta meļeļein n̄an kwe n̄an bōk “juuj ko ren pād ioon nemi, im jokon ilo peimi”? (eoon 11).

Bar lale Katak im Bujen ko 89:21.

armej ro rej bōk kwojkwoj eo

Kwojkwoj eo ej jipan̄ kōj kememej ad Rilo̧mo̧o̧ren, Jisōs Kraist.

Exodus 12:14–17, 24–27; 13:1–16

Kwojkwoj eo ej jipan̄ eō keememej aō rilo̧mo̧o̧ren ilo Jisōs Kraist.

Rilo̧mo̧o̧r ekar kōņaan bwe riIsrael ro ren aolep iien keememej bwe E eaar kadiwōjlo̧k er, men̄e ālkin jipo̧kwe eo aer rekar jino meļo̧kļo̧ke. En̄in unin An kar kakien er n̄an kōjparok Kwojkwoj in kijoone kajjojo iiō. Ilo am riit kōm̧eļeļe ko An ilo Exodus 12:14–17, 24–27; 13:1–16, ļōmņak kōn ta eo kwoj kōm̧m̧ane n̄an keememej an Anij kōjeraam̧m̧an eok. Elmen am maron̄ kōjparok keememej ilo “aolepen epepen ko am”? (lale Exodus 12:14, 26–27).

Ta āinjuon ko kwoj loi ikōtaan jibadbad ko an m̧ōn̄ā Kwojkwoj in kijoone eo im kwojkwoj eo? Elmen riiti kōn Kwojkwoj in kijoone eo kakeememej eo kōn kwojkwoj eo n̄an bōktok eļapļo̧k meļeļe kōn kain̄i in? Ļōmņak ta eo kwomaron̄ kōm̧m̧ane n̄an “iien otemjej keememej” Jisōs Kraist (Moronai 4:3; 5:2; bar lale Luk 22:7–8, 19–20).

Komaron̄ bar ļōmņake men ko jet Irooj ekōņaan bwee kwon keememeje; lale, n̄an waanjon̄ak, Hilamōn 5:6–12; Moronai 10:3; Katak im Bujen Ko 3:3–5, 10; 18:10; 52:40.

Bar lale Jon 6:54; “Always Remember Him” (video), ChurchofJesusChrist.org; “The Sacrament of the Lord’s Supper,” in Teachings of Presidents of the Church: Howard W. Hunter (2015), 197–206.

family study icon

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

Exodus 7–12Bōlen ālkin riit kōn en̄taan ko Irooj eaar jilkinļo̧k n̄an riIjipt ro āinwōt kōkaļļe ko kōn An kajoor, baam̧le eo am emaron̄ kwaļo̧k wāween ko Irooj ej kwaļo̧k An kajoor rainin.

Exodus 8:28, 32; 9:27–28, 34–35.Eoon kein remaron̄ jerbal n̄an jino juon ekōnono kōn aorōk eo n̄an kōjparok naan ko ad. Bōlen ro uwaan baam̧le eo remaron̄ kwaļo̧k en̄jake ko ke raar lo ro jet kōm̧m̧ani ta eo raar errā n̄an kōm̧m̧ani.

Exodus 12:1–42.Ālkin riit Exodus 12:1–42 ippān doon, komaron̄ je ioon jidik peba kōn men ko komaron̄ kōm̧m̧ani āinwōt juon baam̧le n̄an keememej Pinmuur eo an Jisōs Kraist. Kōn bōtōktōk in lam ko ioon kōjem ko (lale eoon 23) kar pinej jenkwan Rilo̧mo̧o̧r, komaron̄ likūt peba kein ipelakin juon kōjem in m̧weeo im̧ōm̧. Komaron̄ bar m̧ōn̄ā jet iaan m̧ōn̄ā ko jen Kwojkwoj in kijoone, āinwōt pilawā ejjab kauwe (petkōj ak tortila) ak mar (parsley ak hoseradish), im ekōnono elmen an Kwojkwoj in kijoone jipan̄ kōj keememej elmen an Anij kadiwōjļo̧k armej ro An. N̄an waanjon̄ak, pilawā ejjab kauwe ej kakeememej er bwe ejjeļo̧k juon iien kijeer pilawā eaar jab waļo̧k m̧okta jen aer etal jen jipo̧kwe. Mar ko rej kakeememj er kōn en̄taan in jipo̧kwe eo.

Exodus 12:14, 24–27.Bōlen komaron̄ etale eoon kein āinwōt juon baam̧le m̧okta jen kweilo̧k in kwojkwoj eo tok. Elmen an eoon kein eiokļo̧k kwojkwoj eo? Elmen ad maron̄ lukkuun kōm̧m̧n bwe kwojkwoj en juon “ememļo̧kjeņ” kōn ta eo Rilo̧mo̧o̧r ekar kōm̧m̧ane n̄an kōj?

N̄an elōn̄ļo̧k ļōmņak ko n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “In Memory of the Crucified,” Al, no. 190.

Kōkōm̧anm̧anļo̧k Ad Katakin

Kwaļo̧k mennin katak ko. Karuwaineneik ro uwaan baam̧le eo n̄an pukot menin katak ko me ejipan̄ er meļeļe pedped in katak ko ilo jeje ko rekwojarjar kwoj riiti. N̄an waanjon̄ak, kein ekkatak ko repidodo im repen emaron̄ jipan̄ ro uwaan baam̧le n̄an ekōnono oktak ko ikōtaan bōk juon bōro epidodo im juon bōro epen.

Hibru baam̧le ippān m̧ōn̄ā in Kwojkwoj in kijoone

Kōmeļeļe in Kwojkwoj in kijoone, jen Brian Call