“Eprōļ 11–17. Ijtō: ‘E Enaaj Oran̄ļo̧k Mej ilo Anjo̧,’” Itok, Ļoor Eō—N̄an Kajjojo Armej im Baam̧le ko: Kallim̧ur M̧okta 2022 (2021)

“Eprōļ 11–17. Ijtō,” Itok, Ļoor Eō—N̄an Kajjojo Armej im Baam̧le ko: 2022

Pija

lōb eo ippān dekā eo kar kedepilļo̧k jān kōjām eo

pija in ļōb eo ejjeļo̧k kobban jān Maryna Kriuchenko

Eprōļ 11–17.

Ijtō

“E Enaaj Oran̄ļo̧k Mej ilo Anjo̧”

Ilo am riiti im kejōkļo̧kjeņ kōn Pinmuur eo an Rilo̧mo̧o̧r eo wiik in, ļōmņak in ļo̧o̧ke ļōmņak ko im en̄jake ko am̧ kōn en̄taan eo An ilo jōnōļ eo am̧ ak ilo jikin eo ejjeļo̧k kobban kar kōm̧m̧ane ilo unin tōl in.

Je En̄jake ko Rej Im̧we Eok

Mour eo an Jisōs Kraist “ej dilep in bwebwenat in armej otemjej” (“Kraist Eo Emour: Nan in Kamol an Dri Jilōk ro,” ChurchofJesusChrist.org). Ta meļeļe in men jab in? Jidik in, ej lukkuun meļeļe in bwe mour eo an Rilo̧mo̧o̧r eo ej jelet jem̧lo̧k eo indeeo an aolep armej me rekar mour ak renaaj mour. Komaron̄ barāinwōt ba bwe mour im mijen eo an Jisōs Kraist, ej ijo euteij tata ilo Jerkakpeje eo An ilo Jabōt in Ijtō eo, ej kobaik aolep armej ro an Anij ilo aolepān bwebwenato: ro me raar ļotak m̧okta jān Kraist me raar kijooror in lo E kōn tōmak (lale Jekab 4:4), im ro rej ļotak ālkin ta eo Ekar kōm̧m̧ane kōn tōmak. Āinwōt ad riiti ilo Kallim̧ur M̧okta bwebwenato ko im kanaan ko, jejjab lo āt eo Jisōs Kraist, bōtaab jej lo kein kam̧ool eo an tōmak eo an ritōmak ro etto ilo im jan̄inuwade eo kōn Messaia eo im Ripinmuur eo aer. Kōn menin kōj ro kar kajjitōk ippāer n̄an keememej E maron̄ en̄jake juon ekkejel ippān ro me raar reim̧aantļo̧k n̄an E. Bwe em̧ool Jisōs Kraist ekar ineek “jero̧wiwi ko ad otemjej” (Aiseia 53:6; italic ko kar kobaitok), im “ilo Kraist ro otemjej re naaj mour” (1 Korint 15:22; italic ko kar kobaiktok).

Pija

pija ej bōk jikin ekkatak ippam̧ make

Ļōm̧ņak ko n̄an Ekkatak Jeje Ko Rekwojarjar Ippam̧ Make

Kalim̧m̧ur M̧okta ej kam̧ool kōn en̄taan in pinmuur eo an Rilo̧mo̧o̧r eo.

Elōn̄ eoon ko ilo Kalim̧m̧ur M̧okta rej jitōn̄ļo̧k jerbal in karejar eo an Rilo̧mo̧o̧r eo im pinmuur in en̄taan eo. Tebōļ in itulaļ ej kōlaajrake jet iaan eoon kein. Ilo am̧ riiti eoon kein, ta en̄jak ko rej itok n̄an kwe kōn Rilo̧mo̧o̧r eo?

Kallim̧ur M̧okta	Kallim̧ur Ekāāl
Kallim̧ur M̧okta Zekaraia 9:9	Kallim̧ur Ekāāl Matu 21:1–11
Kallim̧ur M̧okta Zekaraia 11:12–13	Kallim̧ur Ekāāl Matu 26:14–16
Kallim̧ur M̧okta Aiseia 53:4	Kallim̧ur Ekāāl Matu 8:16–17; 26:36–39
Kallim̧ur M̧okta Aiseia 53:7	Kallim̧ur Ekāāl Mark 14:60–61
Kallim̧ur M̧okta Sam ko 22:16	Kallim̧ur Ekāāl Jon 19:17–18; 20:25–27
Kallim̧ur M̧okta Sam ko 22:18	Kallim̧ur Ekāāl Matu 27:35
Kallim̧ur M̧okta Sam ko 69:21	Kallim̧ur Ekāāl Matu 27:34, 48
Kallim̧ur M̧okta Sam ko 118:22	Kallim̧ur Ekāāl Matu 21:42
Kallim̧ur M̧okta Aiseia 53:9, 12	Kallim̧ur Ekāāl Matu 27:57–60; Mark 15:27–28
Kallim̧ur M̧okta Aiseia 25:8	Kallim̧ur Ekāāl Mark 16:1–6; Luk 24:6
Kallim̧ur M̧okta Daniel 12:2	Kallim̧ur Ekāāl Matu 27:52–53

Kanaan ko im katak ko kōn Rilo̧mo̧o̧r eo em̧ool rej ļapļo̧k aer lutōkleplep im alikkar ilo Bok in Mormon. Ļōmņak kōn ekōjkan an tōmak eo am̧ kar kōkajoorļo̧k jān eoon ko āinwōt kein: 1 Nipai 11:31–33; 2 Nipai 25:13; Mosaia 3:2–11.

Imaron̄ lo aenōm̧m̧an im lan̄lōn̄ kōn Pinmuur eo an Rilo̧mo̧o̧r eo.

Ilo aolep iien ko, Jisōs Kraist, kōn en̄taan in pinmuur eo An, ekar letok aenōm̧m̧an im lan̄lōn̄ n̄an aolep ro rej itok n̄an E (lale Moses 5:9–12). Ļōmņak in ekkatak eoon kein me rej kam̧ool kōn aenōm̧m̧an im lan̄lōn̄ eo Ej letok, im ilo am̧ kōm̧m̧ane, ļōmņak kōn ekōjkan am̧ maron̄ bōk aenōm̧m̧an im lan̄lōn̄ eo Ej bōktok: Sam ko 16:8–11; 30:2–5; Aiseia 12; 25:8–9; 40:28–31; Jon 14:27; 16:33; Alma 26:11–22.

Lale barāinwōt Dallin H. Oaks, “Kajoorļo̧k kōn Pinmuur eo an Jisōs Kraist,” Kweilo̧k eo Eļap, Nob. 2015, 61–64; Sharon Eubank, “Kraist: Meram eo Me ej Romaak ilo Marok,” Liaona, Māe 2019, 73–76; “Ij Lokjenaō,” Al Ko Al In Ajri, nō. 14.

Raan in Būrom̧ōj ilo Golgota, jān J. Kirk Richards

Kōn Pinmuur eo An, Jisōs Kraist ewōr an kajoor n̄an jipan̄ eō anjo̧ ioon jerawiwi, mej, mālijjon̄ ko, im m̧ōjņo̧ ko.

Ilo aolepān jeje ko rekwojarjar, rikanaan ro raar kam̧ool kōn kajoor eo an Jisōs Kraist n̄an kadiwōjļo̧k kōj jān jerawiwi im mej im n̄an jipan̄ kōj anjo̧ ioon mālijjon̄ ko im m̧ōjņo̧ ko ad. Ekōjkan an Kraist kar kōm̧m̧an oktak ilo mour eo am̧? Etke E ej aorōk n̄an kwe? Kejekļo̧kjeņ kōn kajjitōk kein ilo am̧ riiti eoon kein, im ļo̧o̧ki ļōmņak ko im en̄jake ko am̧ kōn Rilo̧mo̧o̧r eo.

Lale barāinwōt Walter F. González, “Un̄n̄ūr in Kōmour an Rilo̧mo̧o̧r,” Liaona, Nob. 2019, 90–92.

Pija

pija eo ej bōk jikin ekkatak an baam̧le

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

Exodus 12:1–28.Ilo ami keememe Ijtō, baam̧le eo am̧ emaron̄ etale ta eo kom̧ kar ekkatak kōn Kijone eo ilo jinoin allōn̄ in. Etke ej aorōk bwe en̄taan eo an Rilo̧mo̧o̧r eo en waļo̧k ilo ejja iien eo wōt an Kijone eo?

Kōn juon meļeļe ilo tukadu in kōn ta eo ekar waļo̧k ilo wiik eo ālik tata in mour eo an Rilo̧mo̧o̧r eo, lale “Holy Week” ilo ComeuntoChrist.org/2016/easter/easter-week. Kōn eoon ko kōn m̧akūtkūt ko an wiik eo ālik tata an Rilo̧mo̧o̧r eo, lale “The Last Week: Atonement and Resurrection” ilo Harmony of the Gospels (in the Bible appendix).

Aiseia 53.Riiti kanaan ko kōn Jisōs Kraist ilo Aiseia 53 emaron̄ jipan̄ ro uwaan baam̧le eo meļeļe en̄taan in pinmuur eo an Rilo̧mo̧o̧r eo. Ewi wōt eoon ko ak ennaan ko baam̧le eo am̧ ej loi rekajoor eļap tata? Ļōmņak in kōm̧m̧ane juon kweilo̧k in kwaļo̧k naan in kam̧ool an baam̧le eo me kom̧ij kwaļo̧k naan in kam̧ool ko an juon make kōn Pinmuur eo an Rilo̧mo̧o̧r eo.

“Special Witnesses of Christ.”Gospel Library app eo im ChurchofJesusChrist.org ewōr ie juon kōro̧ro in pija in alooj ko ņa etaer “Special Witnesses of Christ,” eo me kajjojo ro uwaan Būreejtōnji eo Kein Kajuon im Doulul eo an Jon̄oulruo Rijilōk ro rej kwaļo̧k kam̧ool eo an kōn Jisōs Kraist. Bōlen baam̧le eo am̧ emaron̄ alooje jet iaan pija in alooj kein im kōnono kōn ta eo rej ekkatak kōn Jisōs Kraist jān ro Rikarejeran kar kāālet er. Āinwōt juon baam̧le, kōnono kōn wāween ko kom̧ maron̄ kwaļo̧k kam̧ool eo am̧ kōn Kraist. N̄an waanjon̄ak, komaron̄ kajjitōk ippān juon n̄an kabun̄ jar ippam̧ ilo m̧ōn jar eo ilo Jabōt in Ijtōn eo.

Al in jar ko im al ko.Al in jar ej juon wāween ekajoor n̄an keememej Rilo̧mo̧o̧r eo im karuwaineneiktok Jetōb eo n̄an lowaan im̧ōko im̧ōd. Ro uwaan baam̧le eo remaron̄ kwaļo̧k im al ippān doon al in jar ko im al ko kōn Ijtō ak kōn Jisōs Kraist, ko āinwōt “Kraist, Iroioj Eo, Ear Jerkakbije Rainin” (Al ko Al in Ajri, nō. 40 ak “Did Jesus Really Live Again?” (Children’s Songbook, 64). N̄an pukōt al in jar ko jet ak al ko an ajri ro, lale ilo topical index eo an Hymns am Children’s Songbook.

Kōn elōn̄ļo̧k ļōmņak ko n̄an katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “Did Jesus Really Live Again?” Children’s Songbook, 64.

Kōkōm̧anm̧anļo̧k Ad Katakin

Mour kōn gospel eo an Jisōs Kraist. “N̄an erom juon rūkaki āinwōt Kraist [ilo m̧weo im̧ōm make], bōlen men eo eaorōk tata komaron̄ kōm̧m̧ane ej n̄an … mour kōn gospel eo kōn aolepān būruōm̧. … En̄in ej wāween eo an pedped in katak eo n̄an karbōb n̄an jemjerā eo an Jetōb Kwojarjar. Kwojjab aikuj in weppāān, baj niknik kajjieon̄—kappukōt jeorļo̧k bōd kōn Pinmuur eo an Rilo̧mo̧o̧r eo jabdewōt iien kwoj wōtlo̧k” (Teaching in the Savior’s Way, 13).