Droini ni ibulubulu sa lala mai vei Maryna Kriuchenko

11–17 ni Epereli

Siganimate

“Ena Tilomi Mate ko Koya ena Qaqa”

Ni o wilika ka vakananuma vakatitobu na Veisorovaki ni iVakabula ena macawa oqo, vakasamataka mo vola na nomu vakasama kei na nanuma me baleta na Nona solibula ena nomu ivolaniveisiga se ena vanua sa vakarautaki tu ena ituvatuva oqo.

Vola na Veika o Uqeti Kina

Na bula nei Jisu Karisito “sa iusutu ni itukutuku ni kawatamata” (“Se Bula na Karisito: Nodra iVakadinadina na iApositolo,” ChurchofJesusChrist.org). Na cava na kena ibalebale oqo? Ena dua na tikina, sa kena ibalebale ni Nona bula na iVakabula ena vukea na nodra rawata na bula tawamudu na tamata kecega sa mai bula oti se o ira era na qai mai bula. O na kaya tale beka ga ni bula kei na ilesilesi i Jisu Karisito, ka yacova na nona tucaketale ena imatai ni Sigatabu ni Siganimate oya, e semata na tamata ni Kalou kecega ena itukutuku ni veigauna kece sara: O ira era a sucu ni bera na Karisito e ra a rai yani Vua ena vakabauta (raica na Jekope 4:4), kei ira era a sucu ni sa sucu oti o koya era raici Koya lesu ena vakabauta. Ni da wilika na italanoa ni Veiyalayalati Makawa kei na parofisai, eda sega ni bau raica na yacai Jisu Karisito, ia eda sa raica na ivakadinadina ni vakabauta kei na gagadre me baleta na nodra Dauveivueti kei na Mesaia vei ira na vakabauta makawa. O keda eda sa sureti me da nanumi Koya eda rawa ni vakila e dua na isema vata kei ira era sa nanamaki tiko ki Vua. E dina sara sa mai colata o Jisu Karisito “na noda caka cala kece sara” (Aisea 53:6; vakuri ena vosa kala), ka “ena vakabulai kece talega ena vukui Karisito” (1 Korinica 15:22; vakuri ena matanivola kala).

Vakasama ni Vuli iVolanikalou ni Tamata Yadua

Na Veiyalayalati Makawa e vakadinadinataka na nona isoro ni veivakaduavatataki na iVakabula.

E vuqa na itukutuku ena Veiyalayalati Makawa e dusia na nona cakacaka vakalotu kei na isoro ni veivakaduavatataki na iVakabula. Na ituvatuva e ra sa tuvai kina eso vei ira na malanivosa. Ni o wilika na veitikina oqo, na veivakauqeti cava e yaco mai vei iko me baleta na iVakabula?

Veiyalayalati Makawa	Veiyalayalati Vou
Veiyalayalati Makawa Sakaraia 9:9	Veiyalayalati Vou Maciu 21:1–11
Veiyalayalati Makawa Sakaraia 11:12–13	Veiyalayalati Vou Maciu 26:14–16
Veiyalayalati Makawa Aisea 53:4 .	Veiyalayalati Vou Maciu 8:16–17; 26:36–39
Veiyalayalati Makawa Aisea 53:7 .	Veiyalayalati Vou Marika 14:60–61
Veiyalayalati Makawa Na Same 22:16	Veiyalayalati Vou Joni 19:17–18; 20:25–27.
Veiyalayalati Makawa Na Same 22:18	Veiyalayalati Vou Maciu 27:35
Veiyalayalati Makawa Na Same 69:21	Veiyalayalati Vou Maciu 27:34, 48
Veiyalayalati Makawa Same 118:22	Veiyalayalati Vou Maciu 21:42
Veiyalayalati Makawa Aisea 53:9,12	Veiyalayalati Vou Maciu 27:57–60; Marika 15:27–28
Veiyalayalati Makawa Aisea 25:8	Veiyalayalati Vou Marika 16:1–6; Luke 24:6
Veiyalayalati Makawa Taniela 12:2	Veiyalayalati Vou Maciu 27:52–53

Na parofisai kei na ivakavuvuli me baleta na iVakabula e levu ka matata vinaka ena iVola i Momani. Vakasamataka na sala e vaqaqacotaki kina na nomu vakabauta ena veimalanivosa vakaoqo: 1 Nifai 11:31–33; 2 Nifai 25:13; Mosaia 3:2–11.

Au rawa ni kunea na vakacegu kei na marau mai na Veisorovaki ni iVakabula.

Ena taucoko ni gauna, o Jisu Karisito, mai na Nona isoro ni veivakaduavatataki, sa solia na sautu kei na reki vei ira kece era lako mai Vua (raica na Mosese 5:9–12). Vakasamataka mo vulica na ivolanikalou oqo ka vakadinadinataka na vakacegu kei na reki e solia o Koya, ia ni o kitaka tiko vakakina, vakasamataka na sala e rawa ni o ciqoma kina na vakacegu kei na marau e kauta mai o Koya: Same 16:8–11; 30:2–5; Aisea 12; 25:8–9; 40:28–31; Joni 14:27; 16:33; Alama 26:11–22.

Raica talega na Dallin H. Oaks, “Vaqaqacotaki ena Veisorovaki i Jisu Karisito,” Liaona, Nove. 2015, 61–64; Sharon Eubank, “Karisito: Na Rarama sa Cilava na Butobuto,” Liaona, Me 2019, 73–76; “Loloma i Jisu,” Sere ni Lotu, naba 110.

Gray Day Golgotha, (Siga Rarawa e Kolikoca), mai vei J. Kirk Richards

E na Nona Veisorovaki, sa tu vei Jisu Karisito na kaukauwa me vukei au meu vorata nai valavala ca, mate kei na malumalumu.

Ena ivolanikalou taucoko, era sa vakadinadinataka na parofita nei Jisu Karisito na kaukauwa me sereki keda mai na ivalavala ca kei na mate, me vukei keda me da vorata rawa kina na veivakatovolei kei na noda malumalumu. Sa vakavuna vakacava na Karisito na duidui ena nomu bula? Na cava e bibi kina vei iko o Koya? Vakasamataka vakatitobu na taro oqo ni ko wilika na veitikina oqo, ka vola na nomu vakasama kei na nanuma me baleta na iVakabula:

• Aisea 61:1–3

• Isikeli 36:26–28

• Maciu 11:28–30

• Luke 1:46–55

• Roma 8:35-39.

• Alama 7:10–13

• Alama 11:42–45

• Alama 58:11

• Moronai 10:32–33

• Vunau kei na Veiyalayalati 19:15–19

• Mosese 5:9–12

Raica talega na Walter F. González, “Na Liga ni iVakabula,” Liaona, Nove. 2019, 90–92.

Vakasama baleta na Vuli iVolanikalou Vakamatavuvale kei na Lotu Vakamatavuvale

Na Lako Yani 12:1–28.Ni o marautaka na Siganimate, e rawa ni railesuva nomu matavuvale na veika o sa vulica me baleta na Lakosivia ena itekivu ni vula oqo. Na cava na vuna e bibi sara kina ni a yaco na nona solibula na iVakabula veitaudonui kei na Lakosivia?

Me baleta e dua na ivakaleka ni veika a yaco ena iotioti ni macawa ni nona bula na iVakabula, raica na “Holy Week” ena ComeuntoChrist.org/2016/easter/easter-week. Na ivolanikalou me baleta na iotioti ni nona macawa na iVakabula, raica na “The Last Week: Atonement and Resurrection” ena Harmony of the Gospels (ena Bible appendix).

Aisea 53.Na wiliki ni parofisai me baleti Jisu Karisito ena Aisea 53 e rawa ni vukei ira na lewe ni matavuvale mera kila vakavinaka na nona isoro ni veivakaduavatataki na iVakabula. Na tikina se malanivosa cava eratou raica na nomu matavuvale ni mana vakalevu cake? Vakasamataka me dua na soqoni ni soli ivakadinadina vakamatavuvale mo dou wasea kina na nomudou dui ivakadinadina ni nona Veisorovaki na iVakabula.

“iVakadinadina Digitaki kei Karisito.”Na app ni Gospel Library kei na ChurchofJesusChrist.org e tu kina na vidio ka vakatokai na “iVakadinadina Digitaki kei Karisito,” ka ra wasea yadudua kina na lewe ni Mataveiliutaki Taumada kei na Kuoramu ni iApositolo Le Tinikarua na nona ivakadinadina kei Jisu Karisito. E rawa ni sarava na nomu matavuvale eso na vidio oqo ka veivosakitaka na veika o ni vulica baleti Jisu Karisito mai vei ira na Nona italai digitaki. Vakamatavuvale, dou veivosakitaka na sala eso e rawa ni o wasea kina na nomu ivakadinadina bula kei Karisito. Me kena ivakaraitaki, e rawa beka ni o sureta e dua me sokalou vata kei iko ena lotu ena Sigatabu ni Siganimate oqo.

Sere ni Lotu kei na sereNa sere kei na ivakatagi e dua na sala qaqa me da nanuma tiko kina na iVakabula ka sureta na Yalo ki na noda itikotiko. Na lewe ni matavuvale e rawa ni wasea ka lagata vata na sere ni Lotu se na sere me baleta na siga ni mate se baleti Jisu Karisito, me vaka na “Sa Tucake ko Jisu” (Serenilotu, naba 115) se “Ko Jisu Ni Sa Bula Tu” (iVolanisere na Lalai, 45). Me laurai eso tale na serenilotu se nodra sere na gonelalai, raica na ituvatuva vakaiulutaga ni Serenilotu kei na iVolanisere ni Gonelalai.

Me ikuri ni tukutuku ni vakavulici ni gone, raica na idusidusi ni macawa oqo ena Lako Mai, Mo Muri Au—Me Baleta na Lalai.

Sere vakaturi: “Ko Jisu Ni Sa Bula Tu” iVolanisere na Gonelalai, 45.

Vakatorocaketaki ni Noda Veivakavulici

Bulataka na kosipeli i Jisu Karisito. “Me da qasenivuli va-Karisito [ena nomu vale], e rairai na ka bibi duadua o rawa ni cakava oya mo bulataka na kosipeli ena yalomu taucoko. Oqo na sala e liu mo rawata kina na veitokani ni Yalo Tabu. E sega ni gadrevi mo vinaka taucoko, mo tovolea ga vagumatua—ka vakasaqara na veivosoti ena Veisorovaki ni iVakabula ena gauna ga o lutu kina” (Veivakavulici ena iVakarau ni iVakabula,13).

For This Purpose I Have Come, (E Nai Naki Oqo Kau Sa Lako Mai Kina), mai vei Yongsung Kim