Kamataatan tamnein te ruanimate ae akea kanoana iroun Maryna Kriuchenko

Eberi 11–17

Itita

“E Ongaki te Mate irouna n Aki Toki”

Ngkai ko wareka rongorongona ao n iangoa ana Mwakuri ni Kamaiu te Tia Kamaiu n te wiiki aei, iangoia bwa kona korea am iango ao am namakin ibukin Ana anganano n am tienoo ke n te tabo ae mwaawa are e katauraoaki aei.

Korea Am Namakin

Maiun Iesu Kristo “e boboto iaon rongorongoia aomata ni kabane ake rimoa” (“The Living Christ: The Testimony of the Apostles,” ChurchofJesusChrist.org). Tera ae nanonaki n anne? Ni mwakorona, e bon kananonaaki bwa maiun te Tia Kamaiu e roota tokin kawaia aomata nako ni maiuia ae akea tokina naake a tia ni maiu ke naake a na maiu rimwi. Ko kona naba n taekinna bwa maiun ao ana mition Iesu Kristo, e kamimitongaki ni Manga Utina n te moan Tabati n te Itita, e reitiia ana aomata te Atua ni kabane rinanon rongorongon te aonaaba: Naake a kaman bungiaki imwain Kristo a kariaria Rokona ma te onimaki (taraa Iakobwa 4:4), ao naake a bungiaki imwiina a tanrikaaki ma te onimaki. Ngkai ti wareka rongorongon te O Tetemanti ao taetae ni burabeti, ti aki kona n noora aran Iesu Kristo, ma ti noori kakoaua iaon aia onimaki taan kakoaua n tai ake rimoa n aia ingainga nakon te Metia ao te Tia Kabooia. Ngaia are ngaira ake ti kaoaki bwa tina uringnga ti kona n namakina te reitaki ma naake a ingainga nakoina. Bwa te koaua Iesu Kristo e a tia ni katokai “iaona ara bure ni kabane” (Itaia 53:6; a kairaki kairara), ao “inanon Kristo ni kabane a na bane ni kamaiuaki” (1 I-Korinto 15:22; kairaki kairara).

Iango ibukin te Kamatebwai i bon Iroum ni Koroboki aika Tabu

Te O Tetemanti e kakoaua n ana karea ni kamaiu te Tia Kamaiu.

A mwaiti kiibu n te O Tetemanti ake a kaota ana mwakuri n ibuobuoki te Tia Kamaiu ao ana karea ni kamaiu. Te taibora ae i nano a karinani tabeua kiibu aikai. Ngkana ko wareki kiibu aikai, tera te namakin ae roko iroum ibukin te Tia Kamaiu?

Te O Tetemanti	Te Nu Tetemanti
Te O Tetemanti Takaria 9:9	Te Nu Tetemanti Mataio 21:1–11
Te O Tetemanti Takaria 11:12–13	Te Nu Tetemanti Mataio 26:14–16
Te O Tetemanti Itaia 53:4	Te Nu Tetemanti Mataio 8:16–17; 26:36–39
Te O Tetemanti Itaia 53:7	Te Nu Tetemanti Mareko 14:60–61
Te O Tetemanti Taian Areru 22:16	Te Nu Tetemanti Ioane 19:17–18; 20:25–27
Te O Tetemanti Taian Areru 22:18	Te Nu Tetemanti Mataio 27:35
Te O Tetemanti Taian Areru 69:21	Te Nu Tetemanti Mataio 27:34, 48
Te O Tetemanti Taian Areru 118:22	Te Nu Tetemanti Mataio 21:42
Te O Tetemanti Itaia 53:9, 12	Te Nu Tetemanti Mataio 27:57–60; Mareko 15:27–28
Te O Tetemanti Itaia 25:8	Te Nu Tetemanti Mareko 16:1–6; Ruka 24:6
Te O Tetemanti Taniera 12:2	Te Nu Tetemanti Mataio 27:52–53

Taetae ni burabeti ao reirei ibukin te Tia Kamaiu a rangi ni mwaiti riki ao ni matata inanon ana Boki Moomon. Iangoia e kanga am onimaki ni kakorakoraki man kiibu n aron aikai: 1 Nibwaai 11:31–33; 2 Nibwaai 25:13; Motiaea 3:2–11.

I kona ni kunea te rau ao te kimwareirei rinanon ana Mwakuri ni Kamaiu te Tia Kamaiu.

Rinanon te tai, Iesu Kristo, rinanon Ana karea ni kamaiu, e a tia n anga te rau ao te kimwareirei nakoia ni kabane ake a roko Nakoina (taraa Mote 5:9–12). Iangoia ni kamatebwaia koroboki aikai ake a kakoaua n te rau ao te kimwareirei are E anga, ao ngkai ko karaoia, iangoia bwa kona kanga ni karekea te rau ao te kimwareirei are E uotia: Taian Areru 16:8–11; 30:2–5; Itaia 12; 25:8–9; 40:28–31; Ioane 14:27; 16:33; Aramwa 26:11–22.

Taraa naba Dallin H. Oaks, “Kakorakoraki man Ana Mwakuri ni Kamaiu Iesu Kristo,” Liahona, Nov. 2015, 61–64; Sharon Eubank, “Christ: The Light That Shines in Darkness,” Liahona, May 2019, 73–76; “I Stand All Amazed,” Anene n Taromauri, nambwa 193.

Te Bong ae Mabubu Korokota, iroun J. Kirk Richards

Rinanona Ana Mwakuri ni Kamaiu, Iesu Kristo iai mwaakana ni buokai n tokanikai iaon te bure, te mate, te kataaki, ao mamara n aekaia nako.

Rinanon nako koroboki aika a tabu, burabeti a tia ni kakoaua ni mwaakan Kristo ni kamaeura man te bure ao te mate ao ni buokiira n tokanikai iaon kataakira ao mamaarara. E kanga ni karaoa te bitaki inanon maium Kristo? Bukin tera E kakaawaki iroum? Iangoi titiraki aikai ngkai ko wareki kiibu aikai, ao korea am iango ao am namakin iaon te Tia Kamaiu:

• Itaia 61:1–3

• Etekiera 36:26–28

• Mataio 11:28–30

• Ruka 1:46–55

• I-Rom 8:35–39

• Aramwa 7:10–13

• Aramwa 11:42–45

• Aramwa 58:11

• Moronaai 10:32–33

• Reirei ao Berita aika Tabu 19:15–19

• Mote 5:9–12

Taraa naba Walter F. González, “Ana Kamaiu te Tia Kamaiu,” Liahona, Nov. 2019, 90–92.

Iango ibukin Kamatebwai ni Koroboki aika Tabu n te Utu ao te Bootaki n te Tairiki

Te Otinako 12:1–28.Ngkai ko bukamarua te Itita, am utu a kona n rinanona te bwai are ko reiakinna n taekan te Toa are te Riao ni moantaai n te namwakaina aei. Bukin tera e kakaawaki bwa ana angakarea te Tia Kamaiu e riki n tain naba te Toa are te Riao?

Ibukin taekana ae kimototo n te bwai are e riki n te kabanea ni wiiki ni maiun te Tia Kamaiu, taraa “Holy Week” n ComeuntoChrist.org/2016/easter/easter-week. Ibukin koroboki aika a tabu n taekan te bwai are e riki n ana kabanea ni wiiki te Tia Kamaiu, taraa “The Last Week: Atonement and Resurrection” in Harmony of the Gospels (in the Bible appendix).

Itaia 53.Warekakin taetae ni burabeti ibukin Iesu Kristo n Itaia 53 e kona ni buokiia kain te utu ni matata n ana anganano ni kamaiu te Tia Kamaiu. Kibu raa ke kibutaeka raa ae a kunea kain am utu bwa e mwaaka riki? Iangoia ni karaoa te bootaki ni kaoti koaua n te utu are ko kona iai n tibwa am kakoaua iaon ana Mwakuri ni Kamaiu te Tia Kamaiu.

“Taan Kakoaua Aika Onoti Ibukin Kristo.”Te Gospel Library app ao ChurchofJesusChrist.org iai witeo aika a mwaiti inanona ae aranaki bwa “Special Witnesses of Christ,” are kain te Moan Beretitentii ao Kooram n Abotoro ake Tengaun ma Uoman a tibwa iai aia kakoaua Aika Onoti Ibukin Iesu Kristo. Tao a kona am utu ni mataku n tabeua witeo ao maroro iaon te bwai are ko reiakinna n taekan iesu Kristo mairouia Ana toro aika rineaki. N te utu, maroro iaon kawai ake ko kona n tibwa iai am kakoaua iroun Kristo. Te katoto, ko kona ni kaoa temanna bwa e na nebonebo mangkoe n te umwantabu n Tabatin te Itita aei.

Kuna n taromauri ao anene.Te katangitang bon te kawai ae mwakaroiroi n uringa te Tia Kamaiu ao ni kaoa te Tamnei inanon mweengara. Kain te utu a kona n tibwatibwa ao n ikotaki n anenei kuna n taromauri ke kunan te Itita ke taekan Iesu Kristo, n aron “Christ the Lord Is Risen Today” (Anene n Taromauri, nambwa 200) ke “Did Jesus Really Live Again?” (Aia Boki n Anene Ataei, 64). Ni kakaai kuna tabeua ke aia anene ataei, tara te intekiti iaon atuun reirei n Anene n Taromauri ao Aia Boki n Anene Ataei.

Ibukin riki iango ibukin reiakinaia ataei, taraa te kamataata n te wiiki aei inanon Nakomai, Iriirai—Ibukin te Moanrinan.

Kuna are rineaki: “Did Jesus Really Live Again?” Aia Boki n Anene Ataei, 64.

Katamaroan Ara Anga Reirei

Maiuakinan ana euangkerio Iesu Kristo. “N riki bwa te tia reirei ni katotongan Kristo [ni mweengam], tao te bwai ae moan te kakaawaki are ko kona ni karaoia bon… maiuakinan te euangkerio ma nanom ni kabane. … Aio te kabanea n tamaroa ni kawai ae tau ibukin ana iraorao te Tamnei ae Raoiroi. E aki kantaningaaki bwa kona kororaoi, ti kataia n nanomatoa—ao ukoukora kabwaraan am bure rinanon Ana Mwakuri ni Kamaiu te Tia Kamaiu n te tai are ko tatanako iai” (Reirei n ana Kawai te Tia Kamaiu, 13).

Ma Ngaia Aio Bukin Ae I Roko Iai, iroun Yongsung Kim