“Eberi 11–17. Itita: ‘E Ongaki te Mate i Rouna n Aki Toki,’” Nakomai, Iriirai—Ibukin te Moanrinan: Te O Tetemanti 2022 (2021)
“Eberi 11–17. Itita,” Nakomai, Iriirai—Ibukin te Moanrinan: 2022
Kamataata n tamnein te ruanimate ae akea kanoana iroun Maryna Kriuchenko
Eberi 11–17
Itita
“E Ongaki te Mate i Rouna n Aki Toki”
Ngkana ko katauraoi n anga reirei, iangoia bwa ko na kanga ni buokiia ataei ni karekea otaia ae mataata ao aia koaua n ana Mwakuri ni kamaiu Iesu Kristo.
Korei Am Namakin
Kaunga te Tibwatibwa
Tuangiia ataei te bwai ae a karaoia aia utu ni bukamarua te Itita. Tera ae a karaoia bwa aonga n uringa Mangautin Iesu Kristo?
Reirei te Reirei: Ataei aika a Uarereke
Iesu Kristo bon au Tia Kamaiu.
Tabatin te Itita bon te tai ae raoiroi n reireiniia ataei iaon Ana Mwakuri ni Kamiu te Tia Kamaiu i Ketetemwane ao Matena iaon te kaibangaki. Aio e kona ni buokiia n namakina ana tangira Iesu ibukiia.
Waaki ni Kakukurei aika Kona ni Karaoaki
-
Kaoti tamnein te Tia Kamaiu inanon te kamataata n te wiiki aei inanon Nakomai, Iriirai—Ibukiia Aomata n Tatabemaniia ao Utu ke tamnein ana anga karea te Tia Kamaiu riki tabeua (taraa Gospel Art Book, nambwa. 56, 57, 58), ao tuangiia ataei bwa ana tibwauaia ma ngkoe te bwai ae ataia ni bwaai aika a noori inanon tamnei. Tuangiia ataei taekan korakain Iesu i Ketetemwane ao iaon te kaibangaki (taraa Mataio 26:36–46; 27:35–50; Ruka 22:39–46; Ioane 19:16–30; “Mwakoro 51: Iesu E Korakai n te Onaroka are i Keketemwane,” inanon Karaki man te Nu Tetemanti, 129–32). Kaota am koaua ae iai nanon Iesu ni korakai ao ni mate ibukira bukina bwa E tangiriira. Kaoiia ataei bwa a na tibwaua te bwai ae a namakinna ibukin Iesu Kristo.
-
Wareka Ioane 10:9 nakoia ataei, ni katuruturua riki ana taeka Iesu “Ngai te mataroa.” Bukina bwa e karawawataaki Iesu ibukin ara bure, e mate, ao e a mangauti, E karaoia bwa ti na bane ngaira n tatabemanira nako ni kona ni manga maeka ma te Atua. Kabongana mataroan am kiratiruum n reirei ae Iesu ti tebo ma te mataroa n rin are e kairiira bwa ti na oki nakon Tamara are i Karawa.
-
Wareka Itaia 53:6 nakoia ataei, ao kaota tamnein ke korotamneian te tiibu. Kariaia temanna te ataei bwa e na katuka te tamnei ni koonan te ruu ae raroa. Kabwarabwara are ngkana ti karaoi rinerine aika bure, ti a tiotionako mairoun Tamara are i Karawa n aron te tibu ae bua kawaina. Ngkanne tuanga te ataei bwa e na uota rikaaki te tiibu, ao kaota am koaua bwa bukina ngkai e karawawataki ao e mate Iesu Kristo ibukira, E kona ni uotiira rikaaki nakon Tamara are i Karawa. (Ko na bae ni kaota tamnein Iesu te tia kawakin tiibu, n aron te tamnei 64 inanon te Gospel Art Book.)
-
Aneneia ma ataei te anene ibukin Iesu Kristo, n aron “I Feel My Savior’s Love” (Aia Boki n Anene Ataei, 74–75). Buokiia ni kinai aekan namakin n te rau ao te tangira ae a karekei ngke anene. Iangoi naba taeka n te anene aika a kabwarabwarai ana tangira te Tia Kamaiu. Ko na kanga n tibwaua Ana tangira ma tabeman?
E mate Iesu ao e a mangauti ibukiu.
Ko na kanga ni buokiia ataei n reirei bwa ibukin Mangautin Iesu Kristo, ngaira ao aomata aika ti tangiriia ti na bane ni mangauti n te bong teuana?
Gray Day Golgotha (Te Bong ae Kananokawaki i Korokota), iroun J. Kirk Richards
Waaki ni Kakukurei aika Kona ni Karaoaki
-
Tuangiia ataei maten Iesu ao Mangautina (taraa Mareko 15–16). Kabonganai tamnei n te kamataata n te wiiki aei, tamnei 57–60 inanon te Gospel Art Book, ke “Mwakoro 54: Jesus Is Risen” inanon Karaki n te O Tetemanti (iteraniba 139–44) ni buokiia ataei ni katamneia te karaki n aia iango.
-
Buokiia ataei bwa ana ataia ae te mangauti e nanonaki bwa imwiin matera ti na manga uti n akea tokina ma rabwatara aika kororaoi ao n aki manga mate. Tibwaua am koaua iaon te Mangauti, ao tuangiia ataei bwa ana mwakuri iaon te iteraniba n te waaki ni kakukurei n te wiiki aei. Kaoia ataei bwa ana kabongana n tibwauaia ma aia utu karakinan Mangautin Iesu.
-
Wareka Aramwa 40:23 nakoia ataei. Kaota baim nakoia inanon te raurau ni bai. Tuangiia bwa baim kanga ai aron te tamnei ao te raurau ni bai kanga ai aron te rabwata. Buta am raurau ni bai ni kaotia bwa ngkana ti mate, ao tamneira e na kitana rabwatara. Karina te raurau ni bai n tei ibukin te Mangauti.
-
Anenei kunan Manga Utin Iesu Kristo, n aron “Did Jesus Really Live Again?” ke “Jesus Has Risen” (Aia Boki n Anene Ataei, 64, 70). Kaota am koaua bwa mai iroun Iesu Kristo ao tina manga maiu ao ni karekei rabwatara aika kororaoi imwiin te mate.
Reirei te Reirei: Ataei aika a Ikawai Riki
E korakai Iesu ibukiu.
Ngkai ko kamatebwaia ana Mwakuri ni Kamaiu te Tia Kamaiu, iangoia raoi bwa ko na kanga ni buokiia ataei ni kaotaia bwa e na kanga te Tia Kamaiu ni kakabwaiaia ao ni kakorakoraia.
Waaki ni Kakukurei aika Kona ni Karaoaki
-
Kamaenakoia ataei inanon teniua te kurubu, ao anganiia kurubu teuana mai ibuakon mwakoro n taeka man koroboki aika tabu aikai: Itaia 53:4–12; Aramwa 7:11–13; ao Reirei ao Berita aika Tabu 19:16–19. Kaoia ataei bwa a na tarai taeka ao mwakoro n taeka ae a kabwarabwarai bwaai aika e rawawata iai Iesu Kristo. Tuangiia bwa a na korei aia reke iaon te burakibooti ao n tibwauaia bwa a kanga aia namakin ibukin Te Tia Kamaiu imwiin warekan koroboki aika tabu aikai.
-
Katauraoi beeba aika a uarereke. N iterana are teuana, korei kiibu man te O Tetemanti n taian taetae ni burabeti ibukin Iesu Kristo. N iterana are teuana, korei bwaai n ibuobuoki man te Nu Tetemant bwa a kanga ni koro bukin taetae ni burabeti aikai. (Te kamataata n te wiiki aei inanon Nakomai, Iriirai—Ibukiia Aomata n Tatabemaniia ao Utu a koreaki iai tabeua taian katooto.) Kaoia ataei bwa a na wareki kiibu ao ni kabotaui taian taetae ni burabeti ma aron koron bukiia.
-
Buokiia ataei bwa a na kamatenanoa te kateniua n taekan te onimaki. Tera ae reireiniira te koroboki ae tabu aei ibukin Ana Mwakuri ni Kamaiu Iesu Kristo ao ana babaire Tamara are i Karawa ibukiia Natina?
-
Titirakiniia ataei bwa a na kanga ni kabwarabwara nanon Ana Mwakuri ni Kamaiu Iesu Kristo nakoia tabemwaang. Kaungaia bwa a na kabonganai koroboki aika tabu, boki n anene, ke tamnei aika a katerea nanon ana mwakuri ni kamaiu te Tia Kamaiu nakoia. Ti kanga ni kakabwaiaki man ana Mwakuri ni Kamaiu te Tia Kamaiu?
Iesu e mate ao e a manga uti ibukiu.
Mangautin Iesu Kristo e kona n anganiira te kantaninga ae korakora ao te kimwareirei—riki ngkana ti rinanon te kaangaanga ibukin maten temanna raora ae tangiraki. Ko na kanga ni buokiia ataei ni kunea te rau inanon te Mangauti?
Waaki ni Kakukurei aika Kona ni Karaoaki
-
Katei tamnei 57–59 inanon te Gospel Art Book. Tuangiia ataei bwa a na kabotaui tamnei ma kibuntaeka aikai: Mataio 27:29–38; Mataio 27:59–60; ao Ioane 20:10–18. Ngkanne kaoia ataei bwa ana taekina karakinan maten Iesu, taunakina, ao te Mangauti n oin aia taeka.
-
Wareka Iobi 14:14 ma ataei. Kaoia ataei bwa ana tibwauaia bwa ana kanga ni kaekai ana titiraki Iobi. Buokiia ni kakaei kiibu ake a taekina iai koauan te Mangauti (taraa Kairi nakon Koroboki aika Tabu, “Te Mangauti,” scriptures.ChurchofJesusChrist.org).
-
Wareka Mote 1:39 ma ataei. Titirakiniia ngkana a ataa te kaokoro imarenan “te aki mamate” ao “te maiu ae akea tokina.” Kaoia bwa a na tarai aia reke n te moan barakarabe “Eternal Life” (Gospel Topics, topics.ChurchofJesusChrist.org). Antai ae na karekea te aki mamate? Tera ae kainnanoaki ibukin karekean te maiu ae akea tokina? Kaota am koaua bwa bwain tangira aika a kakawaki aikai a kona n reke ibukin Ana mwakuri ni kamaiu Iesu Kristo.
-
Ikotaki n anenea kunan te Itita ke anene n taromauri, n aron “He Sent His Son” (Aia Boki n Anene Ataei, 34–35) ke “E a Uti!” (Boki n Anene, nambwa. 199). Kaoia ataei bwa a na tibwauaa aia namakin ngkana a anenei kuuna aikai. Tera ae ti reiakinna man anene aikai iaon Tamara are i Karawa ao Iesu Kristo? Kaoia ataei bwa ana korei aia koaua ibukin te Tia Kamaiu aika a na tibwauai ni mwengaia ma aia utu.
Kaungaa te Kamatebwai n te Mweenga
Ni buokia ataei n tibwauaia ma aia utu te bwai ae a tia n reiakinna n te kiraati, kaungaiia bwa a na anenea te kuna ni mweengaia n te wiiki aio iaon ana mwakuri ni kamaiu Iesu Kristo.
Kanakoraoan Ara Anga reirei
Ataei a kona ni kinaa ana wirikiriki te Tamnei. Reireiniia ataei bwa namakin aika a karekei ngke a taekinna ke n anenea taekan Iesu Kristo ao Ana Euangkerio e roko man te Tamnei ae Raoiroi ao namakin aikai a kona ni karikirakei aia koaua.