“Abril 11–17. Paskua ti Panagungar: ‘Alimonennanto ni Patay iti Balligi,’” Umaykayo, Sumurot Kaniak—Para Kadagiti Indibidual ken Pamilia: Daan a Tulag 2022 (2021)
“Abril 11–17. Paskua ti Panagungar,” Umaykayo, Sumurot Kaniak—Para kadagiti Indibidual ken Pamilia: 2022
Ladawan ti awan nagyanna a tanem ni Maryna Kriuchenko
Abril 11–17
Paskua ti Panagungar
“Alimonennanto ni Patay iti Balligi”
Bayat ti panangbasam ken panangutobmo iti Pannubbot ti Mangisalakan iti daytoy a lawas, ibilangmo ti panangisurat kadagiti kapanunotam ken riknam maipapan iti sakripisiona iti journalmo wenno iti espasio a naited iti daytoy a balabala.
Isuratmo dagiti Impresionmo
Ti biag ni Jesucristo “ti kangrunaan iti amin a pakasaritaan” (“Ti Sibibiag a Cristo: Ti Pammaneknek dagiti Apostol,” ChurchofJesusChrist.org). Ania ti kaipapanan dayta? Kas paset, awan duadua a kayatna a sawen a ti biag ti Mangisalakan ti mangimpluensia iti agnanayon a pagtungpalan ti tunggal tao a nagbiag wenno agbiagto. Mabalinmo pay nga isao a ti biag ken mision ni Jesucristo, a nagtungpal iti Panagungarna iti dayta umuna a Domingo ti Paskua ti Panagungar, manginaig iti amin a tao ti Dios iti unos ti pakasaritaan: Dagiti nayanak sakbay ni Cristo ket nangpasungad Kenkuana nga addaan pammati (kitaen iti Jacob 4:4), ken dagiti nayanak kalpasanna ket nanglagip Kenkuana nga addaan pammati. Bayat ti panangbasatayo kadagiti pakaammuan ken pammadto iti Daan a Tulag, ditayo makita ti nagan ni Jesucristo, ngem makitatayo ti pakakitaan ti pammati dagiti nagkauna a namati iti panagtarigagayda iti Mesias ken Mannubbotda. Isu a datayo a naawis a manglagip Kenkuana makariknatayo iti pagnaigan kadagiti nangpasungad Kenkuana. Gapu ta sipupudno nga imbaklay ni Cristo “ti kinadakestayo amin” (Isaias 53:6; nainayon dagiti nagiray a balikas), ken “ken ni Cristo mabiagdanto amin ” (1 Taga Corinto 15:22; nainayon dagiti nagiray a balikas).
Dagiti Kapanunotan para iti Bukod a Panagadal iti Nasantuan a Kasuratan
Paneknekan ti Daan a Tulag ti pangsubbot a sakripisio ti Mangisalakan.
Adu a binatog iti Daan a Tulag ti mangitudo iti panagministro ken pangsubbot a sakripisio ti Mangisalakan. Nailista iti tsart iti baba ti sumagmamano kadagitoy a binatog. Bayat ti panangbasam kadagitoy a bersikulo, ania dagiti impresion nga umay kenka maipapan iti Mangisalakan?
Daan a Tulag |
Baro a Tulag |
---|---|
Daan a Tulag | Baro a Tulag |
Daan a Tulag | Baro a Tulag |
Daan a Tulag | Baro a Tulag |
Daan a Tulag | Baro a Tulag |
Daan a Tulag | Baro a Tulag |
Daan a Tulag | Baro a Tulag |
Daan a Tulag | Baro a Tulag |
Daan a Tulag | Baro a Tulag |
Daan a Tulag | Baro a Tulag |
Daan a Tulag | Baro a Tulag |
Daan a Tulag | Baro a Tulag |
Ad-adu ken nalawlawag pay dagiti pammadto ken pannursuro maipapan iti Mangisalakan iti Libro ni Mormon. Ibilangmo no kasano a pinapigsa ti pammatim dagiti binatog kas kadagitoy: 1 Nephi 11:31–33; 2 Nephi 25:13; Mosiah 3:2–11.
Masarakak ti talna ken rag-o babaen ti Pannubbot ti Mangisalakan.
Iti unos ti panawen, ni Jesucristo, babaen ti pangsubbot a sakripisiona, nangidiaya iti talna ken rag-o iti amin nga umasideg Kenkuana (kitaen iti Moises 5:9–12). Ibilang ti panangadal kadagiti sumaganad a nasantuan a kasuratan a mangipaneknek iti talna ken rag-o nga idiayana, ken no aramidem, panunotem no kasano a makaawatka iti talna ken rag-o nga isangbayna: Salmo 16:8–11; 30:2–5; Isaias 12; 25:8–9; 40:28–31; Juan 14:27; 16:33; Alma 26:11–22.
Kitaen met iti Dallin H. Oaks, “Strengthened by the Atonement of Jesus Christ,” Liahona, Nob. 2015, 61–64; Sharon Eubank, “Christ: The Light That Shines in Darkness,” Liahona, Mayo 2019, 73–76; “I Stand All Amazed,” Hymns, num. 193.
Grey Day Golgotha, ni J. Kirk Richards
Babaen ti Pannubbotna, addaan pannakabalin ni Jesuscristo a makatulong kaniak a mangparmek iti basol, ipapatay, dagiti pannubok, ken dagiti pagkapsutan.
Iti intero a nasantuan a kasuratan, pinaneknekan dagiti propeta maipapan iti pannakabalin ni Jesucristo a mangispal kadatayo manipud iti basol ken ipapatay ken mangtulong kadatayo a mangparmek kadagiti pannubok ken pagkapsutantayo. Kasano a nakaaramid iti pagdumaan iti biagmo ni Jesucristo? Apay a napateg Isuna kenka? Utobem dagitoy a saludsod bayat ti panangbasam kadagitoy a bersikulo, ket isuratmo dagiti kapanunotan ken riknam maipapan iti Mangisalakan:
Kitaen met iti Walter F. González, “The Savior’s Touch,” Liahona, Nob. 2019, 90–92.
Dagiti Kapanunotan para iti Sangapamiliaan a Panagadal iti Nasantuan a Kasuratan ken Home Evening
-
Exodo 12:1–28.Bayat ti panangrambakyo iti Paskua ti Panagungar, mabalin nga irebyu ti pamiliam no ania ti nasursuroyo maipapan iti Fiesta ti Paskua iti nasapsapa iti daytoy a bulan. Apay a napateg a napasamak ti sakripisio ti Mangisalakan iti isu met laeng a kanito a napasamak ti Fiesta ti Paskua?
Para iti pakagupgopan ti napasamak kabayatan ti maudi a lawas ti biag ti Mangisalakan, kitaen iti “Holy Week” iti ComeuntoChrist.org/2016/easter/easter-week. Para kadagiti nasantuan a kasuratan maipapan kadagiti pasamak ti maudi a lawas ti Mangisalakan “The Last Week: Atonement and Resurrection” iti Harmony of the Gospels (iti Bible appendix).
-
Isaias 53.Ti panangbasa kadagiti pammadto maipapan ken ni Jesucristo iti Isaias 53 ti makatulong kadagiti miembro ti pamilia a makaawat iti pangsubbot a sakripisio ti Mangisalakan. Ania dagiti bersikulo ken ragup ti balikas a masarakan ti pamiliam a naipagpangruna a nabileg? Ibilang ti maaddaan iti miting ti panagpaneknek ti pamilia a pangibinglayanyo kadagiti bukod a pammaneknekyo maipapan iti Pannubbot ti Mangisalakan.
-
“Dagiti Naisangsangayan a Saksi ni Cristo.”Ti Gospel Library app ken ChurchofJesusChrist.org addaan iti koleksion kadagiti video a naawagan iti “Special Witnesses of Christ,” a nangibinglayan ti tunggal miembro ti Umuna a Panguluen ken ti Korum dagiti Sangapulo-ket-dua nga Apostol iti pammaneknekna maipapan ken ni Jesucristo. Nalabit a mabalin a buyaen ti pamiliam ti sumagmamano kadagitoy a video ken pagsasaritaan no ania ti masursuroyo maipapan ken ni Jesucristo manipud kadagiti napili a katulonganna. Kas maysa a pamilia, pagsasaritaan maipapan kadagiti wagas a pangibinglayanyo iti pammaneknekyo ken ni Cristo. Kas pagarigan, mabalinmo nga awisen ti maysa a tao a makikuyog kenka a mapan iti simbaan iti daytoy a Domingo ti Paskua ti Panagungar.
-
Dagiti himno ken kanta.Ti musika ket nabileg a wagas tapno manglagip iti Mangisalakan ken mangawis iti Espiritu kadagiti pagtaengantayo. Mabalin dagiti miembro ti pamilia ti mangibinglay ken sangkamaysa nga agkanta kadagiti himno wenno kanta maipapan iti Paskua ti Panagungar wenno maipapan ken ni Jesucristo, kas iti “Christ the Lord Is Risen Today” (Hymns, num. 200) wenno “Did Jesus Really Live Again?” (Children’s Songbook, 64). Tapno mangsarak iti dadduma pay a himno wenno kanta dagiti ubbbing, sapulen iti topical index ti Hymns ken Children’s Songbook.
Para kadagiti dadduma pay a kapanunotan iti panangisuro kadagiti ubbing, kitaen iti balabala iti daytoy a lawas iti Umaykayo, Sumurot Kaniak—Para iti Primary.
Naisingasing a kanta: “Did Jesus Really Live Again?” Children’s Songbook, 64.
Panangpadur-as iti Panangisurotayo
Agbiag iti ebanghelio ni Jesucristo. Tapno agbalin a maysa a mannursuro a kas ken ni Cristo [iti pagtaenganyo], nalabit a ti kapatgan a banag a maaramidmo ket … agbiagka iti ebanghelio iti amin a pusom. … Daytoy ti kangrunaan a wagas tapno maikari iti panangkadkadua ti Espiritu Santo. Saanmo a kasapulan ti agbalin a perpekto, sipapasnek laeng nga ikarigatam—ken agkiddaw iti pammakawan no nagbiddutka babaen ti Pannubbot ti Mangisalakan” (Panangisuro iti Wagas ti Mangisalakan,13).
Daytoy ti Gapu nga Immayak, ni Yongsung Kim