“EyeKhala 11–17. 2 OoKumkani 17–25: ‘Wakholosa ngoYehova uThixo kaSirayeli,’” Uze, Undilandele—Eyabantu Ngabanye kunye Neentsapho: iTestamente eNdala 2022 (2021)
“EyeKhala 11–17. 2 OoKumkani 17–25,” Uze, Undilandele—Yabantu Ngabanye kunye Neentsapho: 2022
The Flight of the Prisoners, nguJames Tissot nabanye (Ukubaleka kwamabanjwa)
EyeKhala 11–17
2 OoKumkani 17–25
“Wakholosa ngoYehova uThixo kaSirayeli”
Xa uYosiya waweva amazwi asencwadini yomthetho, waphendula ngokholo. Ungaphendula njani ngokholo kule nto uyifundayo ku-2 OoKumkani 17-25?
Bhala Iimvakalelo Zakho
Ngaphandle kolungiselelo olunomtsalane lukamprofeti u-Elisha, ubumoya boBukumkani baseMantla bakwaSirayeli baye baqhubeka busihla. Ookumkani abangendawo babekhuthaza unqulo-zithixo, yaye kwakugquba imfazwe nowexuko. Ekugqibeleni uBukumkani baseAsiriya boyisa kwaye bazichithachitha izizwe ezilishumi zakwaSirayeli
Ngeli xesha, uBukumkani baseMazantsi bakwaYuda babungenzi kakuhle; unqulo-zithixo lwalugqugqisile nalapho. Kodwa phakathi kwako konke oku konakala ngokwasemoyeni, iingxelo zezibhalo zikhankanya ookumkani ababini abangamalungisa abathi, okwexeshana, babuyisela abantu babo eNkosini. Omnye wabo yayinguHezekiya. Ngexesha lokulawula kwakhe, ama-Asiriya, esanda kubuya kwimpumelelo yawo emantla, oyisa uninzi lwasemazantsi. Kodwa uHezekiya nabantu bakhe babonisa ukholo eNkosini, eyathi yahlangula iYerusalem ngendlela engummangaliso. Kamva, exesheni elithile emva kowexuko, uYosiya waqalisa ukulawula. Ephenjelelwe yinxalenye yokuphinda kufunyaniswe incwadi yomthetho, uYosiya wazisa iinguqu ezazivuselela ubomi benkolo yabantu bakhe abaninzi.
Yintoni esiyifundayo kula mabala mabini aqaqambileyo kwiminyaka emnyama kwimbali yakwaYuda? Phakathi kwezinye izinto, usenokucinga ngamandla okholo kunye nelizwi likaThixo ebomini bakho. NjengoSirayeli noYuda, sonke senza izigqibo ezilungileyo nezingalunganga. Kwaye xa sibona ukuba kufuneka iinguqu ebomini bethu, mhlawumbi imizekelo kaHezekiya noYosiya ingasikhuthaza ukuba “sikholose ngoYehova uThixo wethu” (2 OoKumkani 18:22).
Bona futhi 2 IziKronike 29–35; icandelo elithi “Iingcinga Zokugcinwa eNgqondweni” “UYesu Uya Kuthi kuSirayeli Wonke, ‘Hamba Siye Ekhaya.’”
Iingcebiso Zokuzifundela Izibhalo Wedwa
Ndingahlala ndinyanisekile eNkosini ngamaxesha anzima.
Uninzi lwethu lunawo amava acel‘ umngeni kukholo lwethu. KuHezekiya nabantu bakhe, elinye laloo maxesha lafika xa umkhosi waseAsiriya wahlasela elakwaYuda, watshabalalisa izixeko ezininzi, wasondela ngaseYerusalem. Njengoko ufunda 2 OoKumkani 18–19, yibanomfanekiso-ngqondweni wokokuba wawuhlala eYerusalem ngeli xesha. Umzekelo, ubusenokuziva njani xa ubungeva ungcikivo lwama-Asiriya njengoko kubhalwe kubo 2 OoKumkani 18:28–37 kunye 19:10–13? Yintoni oyifunda kwinto eyenziwa nguHezekiya ekuphenduleni? (bona 2 OoKumkani 19:1–7, 14–19). INkosi yamxhasa njani uHezekiya? (bona 2 OoKumkani 19:35–37). Cinga nzulu ngendlela Yena akomeleze ngayo kumaxesha anzima.
Usenokucinga nzulu ngenkcazo kaHezekiya ku-2 OoKumkani 18:5–7. Icebisa ntoni le miqolo malunga nokuba kwakutheni ukuze uHezekiya akwazi ukuhlala enyanisekile xa kwakufika imicelimngeni? Sinokuwulandela njani umzekelo wakhe?
Bona futhi 3 Nifayi 3–4.
Zonke izinto zisezandleni zeNkosi.
USenaribhe, ukumkani waseAsiriya, wayenesizathu esivakalayo sokukholelwa ukuba umkhosi wakhe wawuya kuyoyisa iYerusalem. I-Asiriya yayoyisile izizwe ezininzi, kuquka noSirayeli—kwakutheni ukuze iYerusalem yahluke? (bona 2 OoKumkani 17; 18:33–34; 19:11–13). Kodwa iNkosi yayinomyalezo kuSenaribhe, owanikwa ngomprofeti uIsaya, kwaye ubhaliwe kubo 2 OoKumkani 19:20–34. Ungawushwankathela njani lo myalezo? Zinyaniso zini ozifumanayo kule miqolo ezikunceda ukuba ube nokholo eNkosini nakwicebo laYo?
Bona futhi Hilamani 12:4–23; IMfundiso neMinqophiso 101:16.
Izibhalo ezingcwele zingayiguqulela intliziyo yam eNkosini.
Ingaba wakha waziva ngathi uswele nto ngokwasemoyeni? Mhlawumbi uvakalelwa kukuba ubudlelwano bakho noThixo bunokuba bomelele ngakumbi. Yintoni ekuncedileyo ukuba ubuyele kuYe? Cinga nzulu ngale mibuzo njengoko ufunda malunga nokuba uBukumkani bakwaYuda bawa njani eNkosini phantsi kukaKumkani uManase (bona 2 OoKumkani 21) nendlela uKumkani uYosiya awabanceda ngayo ukuba bazinikele kuYo kwakhona (bona 2 OoKumkani 22–23). Yintoni eyaphembelela uYosiya nabantu bakhe? Le ingxelo inokukukhuthaza ukuba uvuselele imbophelelo yakho “yokulandela uYehova … ngentliziyo [yakho] yonke nangomphefumlo [wakho] wonke” (2 OoKumkani 23: 3).
UMongameli uSpencer W. Kimball wacebisa ukuba ibali likaKumkani uYosiya “lelinye lamabali agqibeleleyo kuzo zonke izibhalo ezingcwele” (Teachings of Presidents of the Church: Spencer W. Kimball [2006], 62). Kutheni umhlawumbi uMongameli uKimball wayeziva ngolu hlobo? Yintoni oyifumana kumazwi kaMongameli uKimball, ngakumbi uphawulo lwakhe malunga noKumkani uYosiya, ethi ikuncede usebenzise 2 OoKumkani 22–23 ebomini bakho?
Bona futhi Alma 31:5.
Izibhalo ezingcwele zinganceda ukuguqula iintliziyo zethu zize eNkosini.
Iingcebiso Zofundo Lwezibhalo Zosapho kunye Nomhlangano Wangorhatya Wosapho
-
2 OoKumkani 19:14–19.Yintoni esinokuyifunda kumzekelo kaHezekiya enokusinceda xa sineengxaki okanye imibuzo enzima? INkosi iyiphendule njani imithandazo yethu yoncedo? Mhlawumbi ilungu ngalinye losapho lingenza into ukubonisa ekhaya ewakhumbuza ukuba aguqukele eNkosini.
-
2 OoKumkani 22:3–7.Abasebenzi abachazwa ku– 2 OoKumkani 22:3–7 babethenjiwe ngemali eyayisetyenziselwa ukwakha itempile “ngokuba basebenza benyanisekile” (umqolo 7). Emva kokufunda le miqolo, ungacela amalungu osapho ukuba akhankanye izinto abaziphathisiweyo. Singathembeka njani njengaba basebenzi kule miqolo?
-
2 OoKumkani 22:8–11, 19; 23:1–3.Yintoni esichazayo ngendlela uYosiya nabantu bakhe abasabela ngayo kwilizwi likaThixo? Siphendula njani kwilizwi likaThixo kwizibhalo? Amalungu osapho lwakho angabelana ngemihlathi yezibhalo ezingcwele okanye ngamabali athe akhulisa umnqweno wawo wokulandela uBawo waseZulwini kunye noYesu Krestu.
-
2 OoKumkani 23:25.Yintoni ebalaseleyo kuthi ngokuchazwa kukaYosiya kulo mqolo? Usapho lwakho lunokuzoba kwiintliziyo zephepha izinto olunokuzenza kule veki ukuguqukela eNkosini ngentliziyo yalo lonke.
Ngeengcebiso ezithe vetshe malunga nokufundisa abantwana, bona isishwankathelo saleveki kwi-Come, Follow Me—For Primary.
Iculo elicetyiswayo: “As I Search the Holy Scriptures,” Hymns, no. 277.
Ukuphucula Ukuzifundela Izibhalo Wedwa
Khangela amagama kunye namabinzana akhuthazayo. Njengoko ufunda, uMoya ungazisa amagama okanye amabinzana athile kwingqalasela yakho. Anokukuphembelela kwaye akukhuthaze; asenokubonakala ngathi abhalelwe wena.
Umzobo wombhali ozisa umsongo wezibhalo kuKumkani uYosiya, nguRobert T. Barrett