“ວັນທີ 18–24 ເດືອນກໍລະກົດ. ເອຊະຣາ 1; 3–7; ເນເຫມີຢາ 2; 4–6; 8: ‘ຂ້າພະເຈົ້າກຳລັງເຮັດວຽກທີ່ສຳຄັນ’” ຈົ່ງຕາມເຮົາມາ—ສຳລັບບຸກຄົນ ແລະ ຄອບຄົວ: ພຣະຄຳພີເດີມ 2022 (2021)

“ວັນທີ 18–24 ເດືອນກໍລະກົດ. ເອຊະຣາ 1; 3–7; ເນເຫມີຢາ 2; 4–6; 8,” ຈົ່ງຕາມເຮົາມາ—ສຳລັບບຸກຄົນ ແລະ ຄອບຄົວ: 2022

ຮູບພາບ

ພຣະວິຫານຂອງເຊຣຸບບາເບນ

ຮູບພາບພຣະວິຫານຂອງເຊຣຸບບາເບນ, ໂດຍ ແຊມ ລໍເລີ

ວັນທີ 18–24 ເດືອນກໍລະກົດ

ເອຊະຣາ 1; 3–7; ເນເຫມີຢາ 2; 4–6; 8

“ຂ້າພະເຈົ້າກຳລັງເຮັດວຽກທີ່ສຳຄັນ”

ປະທານເອຊະຣາ ແທັບ ເບັນສັນ ໄດ້ສິດສອນວ່າ, “ພຣະຄຳຂອງພຣະເຈົ້າ … ມີພະລັງທີ່ຈະປ້ອງກັນໄພ່ພົນ ແລະ ຫຸ້ມຫໍ່ເຂົາເຈົ້າດ້ວຍພຣະວິນຍານ ເພື່ອວ່າເຂົາເຈົ້າຈະຕ້ານທານກັບຄວາມຊົ່ວຮ້າຍໄດ້, ຍຶດໝັ້ນໃນສິ່ງທີ່ດີ, ແລະ ພົບຄວາມສຸກໃນຊີວິດນີ້” (Teachings of Presidents of the Church: Ezra Taft Benson [2014], 118).

ບັນທຶກຄວາມປະທັບໃຈຂອງທ່ານ

ປະຊາຊົນຊາວຢິວໄດ້ຖືກຈັບໄປເປັນຊະເລີຍຢູ່ໃນບາບີໂລນປະມານ 70 ປີ. ພວກເຂົາໄດ້ສູນເສຍນະຄອນເຢຣູຊາເລັມ ແລະ ພຣະວິຫານ, ແລະ ຫລາຍຄົນໄດ້ລືມຄຳໝັ້ນສັນຍາຂອງຕົນຕໍ່ກົດຂອງພຣະເຈົ້າ. ແຕ່ພຣະເຈົ້າບໍ່ໄດ້ລືມໄລພວກເຂົາ. ຕາມຈິງແລ້ວ, ພຣະອົງໄດ້ປະກາດຜ່ານທາງສາດສະດາຂອງພຣະອົງວ່າ, “ເຮົາຈະສະແດງຄວາມຫ່ວງໃຍຂອງເຮົາສຳລັບພວກເຈົ້າ ທັງຈະຮັກສາຄຳສັນຍາຂອງເຮົາທີ່ວ່າ ຈະນຳພວກເຈົ້າກັບຄືນມາສູ່ບ້ານເກີດເມືອງນອນ” (ເຢເຣມີຢາ 29:10). ຄຳທຳນາຍນີ້ເປັນຄວາມຈິງ, ພຣະຜູ້ເປັນເຈົ້າໄດ້ແປງທາງໃຫ້ຊາວຢິວເພື່ອກັບຄືນບ້ານ, ແລະ ພຣະອົງໄດ້ແຕ່ງຕັ້ງຜູ້ຮັບໃຊ້ຂອງພຣະອົງຂຶ້ນ ທີ່ໄດ້ບັນລຸ “ວຽກທີ່ສຳຄັນ” ສຳລັບຜູ້ຄົນຂອງພຣະອົງ (ເນເຫມີຢາ 6:3). ຜູ້ຮັບໃຊ້ເຫລົ່ານີ້ແມ່ນລວມທັງຜູ້ປົກຄອງຄົນໜຶ່ງຊື່ ເຊຣຸບບາເບນ, ຜູ້ດູແລການສ້າງບ້ານຂອງພຣະຜູ້ເປັນເຈົ້າຄືນໃໝ່; ເອຊະຣາ, ຜູ້ຊຶ່ງເປັນປະໂລຫິດ ແລະ ນັກຂຽນ ທີ່ໄດ້ຫັນຫົວໃຈຂອງຜູ້ຄົນກັບມາຫາກົດຂອງພຣະຜູ້ເປັນເຈົ້າ; ແລະ ເນເຫມີຢາ, ຜູ້ຊຶ່ງຕໍ່ມາໄດ້ເປັນຜູ້ປົກຄອງຊາວຢູດາ ທີ່ໄດ້ນຳພາການສ້າງກຳແພງອ້ອມນະຄອນເຢຣູຊາເລັມຄືນໃໝ່. ແນ່ນອນ, ພວກເພິ່ນໄດ້ປະເຊີນກັບການຕໍ່ຕ້ານ, ແຕ່ກໍໄດ້ຮັບຄວາມຊ່ວຍເຫລືອຈາກແຫລ່ງທີ່ບໍ່ຄາດຄິດນຳອີກ. ປະສົບການຂອງພວກເພິ່ນສາມາດໃຫ້ຄວາມຮູ້ ແລະ ດົນໃຈເຮົາ, ຍ້ອນວ່າເຮົາກໍຄືກັນ ກຳລັງເຮັດວຽກທີ່ສຳຄັນ. ແລະ ຄືກັນກັບພວກເພິ່ນ, ວຽກງານຂອງເຮົາມີສ່ວນກ່ຽວຂ້ອງກັບບ້ານຂອງພຣະຜູ້ເປັນເຈົ້າ, ກັບກົດຂອງພຣະຜູ້ເປັນເຈົ້າ, ແລະ ກັບການປົກປ້ອງທາງວິນຍານ ທີ່ເຮົາພົບເຫັນຢູ່ໃນພຣະອົງ.

ສຳລັບພາບລວມຂອງພຣະທຳເອຊະຣາ ແລະ ເນເຫມີຢາ, ໃຫ້ເບິ່ງ “Ezra” ແລະ “Nehemiah” ໃນ Bible Dictionary.

ຮູບພາບ

ຮູບເຄື່ອງໝາຍການສຶກສາສ່ວນຕົວ

ແນວຄິດສຳລັບການສຶກສາພຣະຄຳພີເປັນສ່ວນຕົວ

ເອຊະຣາ 1

ພຣະຜູ້ເປັນເຈົ້າດົນໃຈຜູ້ຄົນໃຫ້ບັນລຸຈຸດປະສົງຂອງພຣະອົງ.

ຫລັງຈາກເປີເຊຍໄດ້ຍຶດຄອງບາບີໂລນ, ກະສັດເປີເຊຍ, ຊື່ໄຊຣັດ, ໄດ້ຖືກດົນໃຈໂດຍພຣະຜູ້ເປັນເຈົ້າໃຫ້ສົ່ງຊາວຢິວກຸ່ມໜຶ່ງກັບຄືນໄປນະຄອນເຢຣູຊາເລັມ ເພື່ອສ້າງພຣະວິຫານຄືນໃໝ່. ຂະນະທີ່ທ່ານອ່ານ ເອຊະຣາ 1, ໃຫ້ສັງເກດເບິ່ງສິ່ງທີ່ໄຊຣັດເຕັມໃຈທີ່ຈະເຮັດເພື່ອສະໜັບສະໜູນຊາວຢິວ ໃນວຽກງານທີ່ສຳຄັນນີ້. ທ່ານເຫັນພຣະຜູ້ເປັນເຈົ້າທຳງານຜ່ານທາງຜູ້ຊາຍ ແລະ ຜູ້ຍິງ ທີ່ຢູ່ອ້ອມຮອບທ່ານ, ລວມທັງຜູ້ທີ່ບໍ່ໄດ້ເປັນສະມາຊິກຂອງສາດສະໜາຈັກຂອງພຣະອົງແນວໃດ? ສິ່ງນີ້ແນະນຳຫຍັງຕໍ່ທ່ານກ່ຽວກັບພຣະຜູ້ເປັນເຈົ້າ ແລະ ວຽກງານຂອງພຣະອົງ?

ເບິ່ງ ເອຊາຢາ 44:24–28 ນຳອີກ.

ເອຊະຣາ 3:8–13; 6:16–22

ພຣະວິຫານສາມາດນຳຄວາມສຸກມາໃຫ້ເຮົາ.

ເມື່ອຊາວບາບີໂລນໄດ້ເຂົ້າໂຈມຕີນະຄອນເຢຣູຊາເລັມ, ເຂົາເຈົ້າໄດ້ທຳລາຍພຣະວິຫານ ແລະ ໄດ້ເຜົາມັນຈົນໝົດກ້ຽງ (ເບິ່ງ 2 ກະສັດ 25:1–10; 2 ຂ່າວຄາວ 36:17–19). ທ່ານຄິດວ່າ ທ່ານຈະຮູ້ສຶກແນວໃດຖ້າຫາກທ່ານຢູ່ໃນທ່າມກາງຊາວຢິວທີ່ເຫັນສິ່ງນີ້ເກີດຂຶ້ນຕໍ່ໜ້າຕໍ່ຕາພວກເຂົາ? (ເບິ່ງ ເພງສັນລະເສີນ 137). ໃຫ້ສັງເກດເບິ່ງວ່າຊາວຢິວຮູ້ສຶກແນວໃດ, ຫລາຍທົດສະວັດຈາກນັ້ນ, ເມື່ອພວກເຂົາໄດ້ຖືກອະນຸຍາດໃຫ້ກັບຄືນໄປສ້າງພຣະວິຫານຄືນໃໝ່ (ເບິ່ງ ເອຊະຣາ 3:8–13; 6:16–22). ໃຫ້ໄຕ່ຕອງຄວາມຮູ້ສຶກຂອງທ່ານເອງກ່ຽວກັບພຣະວິຫານ. ເປັນຫຍັງພຣະວິຫານຈຶ່ງເປັນແຫລ່ງທີ່ໃຫ້ຄວາມສຸກ? ທ່ານຈະສະແດງຄວາມຮູ້ບຸນຄຸນຂອງທ່ານຕໍ່ພຣະຜູ້ເປັນເຈົ້າ ສຳລັບພຣະວິຫານແນວໃດ?

ສຳລັບຕົວຢ່າງໃນປະຈຸບັນຂອງຄວາມປິຕິຍິນດີ ໃນການສ້າງພຣະວິຫານ, ໃຫ້ເບິ່ງ ວິດີໂອ “Practice, Celebration, Dedication: Temple Blessings in El Salvador” ແລະ “The Laie Hawaii Temple Youth Cultural Celebration” (ChurchofJesusChrist.org).

ພຣະວິຫານສາມາດເປັນແຫລ່ງທີ່ໃຫ້ຄວາມສຸກໃນຊີວິດຂອງເຮົາໄດ້.

ເອຊະຣາ 4–6; ເນເຫມີຢາ 2; 4; 6

ເຮົາສາມາດຊ່ວຍເຮັດໃຫ້ວຽກງານຂອງພຣະເຈົ້າດຳເນີນໄປໜ້າ ເຖິງແມ່ນຈະມີການຕໍ່ຕ້ານກໍຕາມ.

ວຽກງານຂອງພຣະຜູ້ເປັນເຈົ້າຈະປະເຊີນກັບການຕໍ່ຕ້ານສະເໝີ, ແລະ ສິ່ງນີ້ກໍເປັນຄວາມຈິງໃນຄວາມພະຍາຍາມຂອງເຊຣຸບບາເບນ ແລະ ເນເຫມີຢາ. ໃນທັງສອງກໍລະນີ, “ພວກສັດຕູຂອງຊາວຢູດາ” (ເອຊະຣາ 4:1) ແມ່ນຊາວຊາມາເຣຍ—ລູກຫລານຂອງຊາວອິດສະຣາເອນ ຜູ້ໄດ້ປະສົມກັບຄົນຕ່າງຊາດ. ການອ່ານກ່ຽວກັບການຕໍ່ຕ້ານຂອງພວກເຂົາ ເລື່ອງການສ້າງພຣະວິຫານ (ເບິ່ງ ເອຊະຣາ 4–6) ອາດພາທ່ານໃຫ້ໄຕ່ຕອງວຽກງານຂອງພຣະເຈົ້າທີ່ປະເຊີນກັບການຕໍ່ຕ້ານໃນທຸກວັນນີ້ ແລະ ວິທີທີ່ເຮົາອາດຕອບຮັບ ເມື່ອມີການຕໍ່ຕ້ານເກີດຂຶ້ນ.

ຄ້າຍຄືກັນນີ້, ການອ່ານກ່ຽວກັບວຽກງານຂອງເນເຫມີຢາ ໃນການສ້ອມແປງກຳແພງນະຄອນເຢຣູຊາເລັມ (ເບິ່ງ ເນເຫມີຢາ 2; 4; 6) ອາດເຮັດໃຫ້ທ່ານສະທ້ອນຄິດເຖິງວຽກງານທີ່ພຣະເຈົ້າປະສົງໃຫ້ທ່ານເຮັດ. ທ່ານຮຽນຮູ້ຫຍັງແດ່ຈາກຕົວຢ່າງຂອງເນເຫມີຢາ?

ເບິ່ງ Dieter F. Uchtdorf, “We Are Doing a Great Work and Cannot Come Down,” Liahona, May 2009, 59–62 ນຳອີກ.

ເອຊະຣາ 7; ເນເຫມີຢາ 8

ເຮົາໄດ້ຮັບພອນເມື່ອເຮົາສຶກສາພຣະຄຳພີ.

ແມ່ນແຕ່ຫລັງຈາກພຣະວິຫານໄດ້ຖືກສ້າງຄືນໃໝ່ແລ້ວ, ແຕ່ຜູ້ຄົນຂອງນະຄອນເຢຣູຊາເລັມກໍຍັງດີ້ນລົນທາງວິນຍານຢູ່, ພາກສ່ວນໜຶ່ງເປັນຍ້ອນວ່າ, ເປັນເວລາຫລາຍລຸ້ນຄົນ, ພວກເຂົາບໍ່ສາມາດເຂົ້າເຖິງ “ໜັງສືກົດບັນຍັດຂອງໂມເຊ” (ເນເຫມີຢາ 8:1). ເອຊະຣາທີ່ເປັນນັກຂຽນ ໄດ້ຖືກອະນຸຍາດຈາກກະສັດເປີເຊຍ ໃຫ້ໄປນະຄອນເຢຣູຊາເລັມ, ບ່ອນທີ່ເພິ່ນໄດ້ນຳ “ໜັງສືກົດບັນຍັດອອກມາຍັງບ່ອນທີ່ປະຊາຊົນໄດ້ເຕົ້າໂຮມກັນ” (ເນເຫມີຢາ 8:2). ທ່ານຈະເຮັດຕາມຕົວຢ່າງຂອງເອຊະຣາ ດັ່ງທີ່ບັນຍາຍຢູ່ໃນ ເອຊະຣາ 7:10 ແນວໃດ? ຂະນະທີ່ທ່ານອ່ານ ເນເຫມີຢາ 8, ຊຶ່ງໃຫ້ເລື່ອງລາວກ່ຽວກັບຕອນທີ່ເອຊະຣາກຳລັງອ່ານກົດບັນຍັດຕໍ່ຜູ້ຄົນ, ທ່ານຄິດແນວໃດກ່ຽວກັບພະລັງຂອງພຣະຄຳຂອງພຣະເຈົ້າໃນຊີວິດຂອງທ່ານ?

ເບິ່ງ Teachings: Ezra Taft Benson, 115–24 ນຳອີກ.

ຮູບພາບ

ຮູບເຄື່ອງໝາຍການສຶກສາເປັນຄອບຄົວ

ແນວຄິດສຳລັບການສຶກສາພຣະຄຳພີເປັນຄອບຄົວ ແລະ ການສັງສັນໃນຕອນແລງ

ເອຊະຣາ 3:8–13; 6:16–22.ຊາວຢິວໄດ້ສະແດງຄວາມສຸກຂອງພວກເຂົາສຳລັບພຣະວິຫານ ຂະນະທີ່ມັນກຳລັງຖືກສ້າງຄືນໃໝ່ ແລະ ແລ້ວມັນໄດ້ຖືກອຸທິດຄືນໃໝ່ແນວໃດ? ເຮົາກຳລັງເຮັດສິ່ງໃດເພື່ອສະແດງເຖິງຄວາມສຸກຂອງເຮົາສຳລັບພຣະວິຫານ? ບາງທີຄອບຄົວຂອງທ່ານສາມາດເບິ່ງຮູບພຣະວິຫານ ແລະ ເວົ້າລົມກັນກ່ຽວກັບວິທີທີ່ພຣະວິຫານໄດ້ນຳຄວາມສຸກມາໃຫ້ພວກທ່ານແນວໃດ (ເບິ່ງ temples.ChurchofJesusChrist.org).

ເອຊະຣາ 7:6, 9–10, 27–28.ຫລາຍເທື່ອຢູ່ໃນຂໍ້ເຫລົ່ານີ້, ເອຊະຣາໄດ້ຂຽນວ່າ ພຣະຜູ້ເປັນເຈົ້າໄດ້ຊ່ວຍເຫລືອເພິ່ນ ຂະນະທີ່ເພິ່ນເດີນທາງໄປຫານະຄອນເຢຣູຊາເລັມ. ວະລີຂໍ້ນີ້ໝາຍຄວາມວ່າແນວໃດ? ເຮົາຮູ້ສຶກວ່າ ພຣະຜູ້ເປັນເຈົ້າໄດ້ຊ່ວຍເຫລືອເຮົາແນວໃດ? ບາງທີສະມາຊິກໃນຄອບຄົວສາມາດແບ່ງປັນຕົວຢ່າງຈາກຊີວິດຂອງເຂົາເຈົ້າ.

ເນເຫມີຢາ 2; 4; 6.ເລື່ອງລາວຂອງເນເຫມີຢາສາມາດດົນໃຈສະມາຊິກໃນຄອບຄົວ ເມື່ອເຂົາເຈົ້າປະເຊີນກັບການຕໍ່ຕ້ານ ຂະນະທີ່ເຂົາເຈົ້າເຮັດ “ວຽກທີ່ສຳຄັນ” (ເນເຫມີຢາ 6:3). ສະມາຊິກໃນຄອບຄົວສາມາດສ້າງກຳແພງດ້ວຍສິ່ງຂອງທີ່ພວກທ່ານມີຢູ່ໃນເຮືອນ ຂະນະທີ່ອ່ານຂໍ້ພຣະຄຳພີທີ່ສຳຄັນນຳກັນ (ດັ່ງເຊັ່ນ ເນເຫມີຢາ 2:17–20; 4:13–18; 6:1–3). ເຮົາຮຽນຮູ້ຫຍັງແດ່ຈາກເນເຫມີຢາກ່ຽວກັບການປະເຊີນໜ້າກັບການຕໍ່ຕ້ານ? ວຽກທີ່ສຳຄັນຢ່າງໃດແດ່ທີ່ພຣະຜູ້ເປັນເຈົ້າປະສົງໃຫ້ເຮົາເຮັດ? ພຣະຜູ້ເປັນເຈົ້າໄດ້ເພີ່ມຄວາມເຂັ້ມແຂງໃຫ້ແກ່ເຮົາເພື່ອເອົາຊະນະການຕໍ່ຕ້ານ ໃນວຽກງານນີ້ແນວໃດ?

ເນເຫມີຢາ 8:1–12.ໃນ ເນເຫມີຢາ 8, ເອຊະຣາໄດ້ອ່ານກົດຂອງໂມເຊໃຫ້ຜູ້ຄົນຟັງ ຜູ້ທີ່ຕື່ນເຕັ້ນທີ່ຈະໄດ້ຍິນພຣະຄຳຂອງພຣະເຈົ້າ. ການອ່ານ ຂໍ້ທີ 1–12 ສາມາດຊ່ວຍຄອບຄົວຂອງທ່ານໃຫ້ມີຄວາມຊື່ນຊົມກັບພຣະຄຳຂອງພຣະເຈົ້າຫລາຍຍິ່ງຂຶ້ນ. ຜູ້ຄົນໄດ້ຮູ້ສຶກແນວໃດກ່ຽວກັບກົດຂອງພຣະເຈົ້າ? ເຮົາຈະຊ່ວຍກັນໃຫ້ “ເຂົ້າໃຈກົດ” ແນວໃດ? (ຂໍ້ທີ 8).

ສຳລັບແນວຄິດເພີ່ມເຕີມກ່ຽວກັບການສິດສອນເດັກນ້ອຍ, ໃຫ້ເບິ່ງ ໂຄງຮ່າງຂອງອາທິດນີ້ ຢູ່ໃນ ຈົ່ງຕາມເຮົາມາ—ສຳລັບຊັ້ນປະຖົມໄວ.

ເພງແນະນຳ: “ພຣະເຈົ້າມອບພຣະວິຫານແກ່ເຮົາ,” ເພງສວດ ແລະ ເພງຂອງເດັກນ້ອຍ, 68.

ການປັບປຸງການສິດສອນຂອງເຮົາ

ແບ່ງປັນຂໍ້ພຣະຄຳພີກັບຄອບຄົວ. ລະຫວ່າງການສຶກສາພຣະຄຳພີເປັນຄອບຄົວ, ໃຫ້ປ່ອຍສະມາຊິກໃນຄອບຄົວໃຫ້ແບ່ງປັນຂໍ້ພຣະຄຳພີຈາກການສຶກສາສ່ວນຕົວ ທີ່ມີຄວາມໝາຍຕໍ່ເຂົາເຈົ້າໂດຍສະເພາະ.