“8-14 Ogis. Ol Sam 2– 2; 8; 19–33; 40–46: ‘Hae God I Stap Lukaot gud long Mi Olsem We Mi Mi Sipsip blong Hem,’” Kam Folem Mi—Blong Wanwan Man, Woman mo Famli: OlTesteman 2022 (2021)
“8-14 Ogis. Jenesis 1–2; Moses 2–3; Ebraham 4–5,” Kam Folem Mi—Blong Wanwan Man, Woman mo Famli: 2022
Lod I Man blong Lukaotgud long Mi i kam Yongsung Kim, havenlight.com
8-14 Ogis
Ol Sam 1–2; 8; 19–33; 40; 46
“Hae God I Stap Lukaot gud long Mi Olsem We Mi Mi Sipsip blong Hem”
Yu no filim se bae yu no andastanem sam pat blong Ol Sam o ol prinsipol we oli jusum long aotlaen ia. Letem Spirit i lidim yu go long ol trutok ia we bae i helpem yu kam moa kolosap moa long Lod.
Raetemdaon Ol Filing mo Tingting blong Yu
Yumi no save stret se hu nao i raetem Ol Sam. Sam oli go long King Deved, be plante long olgeta, ol man we oli raetem oli no save nem blong ol. Yet afta we yu ridim Ol Sam, bae yu filim se yumi save hat blong olgeta we oli bin raetem Ol Sam, iven sapos yumi no save ol nem blong olgeta. Wanem nao yumi save, hem i we Ol Sam oli ol impoten pat blong wosip long Ol Man Isrel, mo yumi save we Sevya i tokbaot olgeta oltaem. Long Ol Sam, yumi kam blong andastanem moa sol blong ol pipol blong God blong bifo. Yumi luk hamas oli filim abaot God, wanem oli wari long hem, mo olsem wanem oli faenem pis. Olsem ol man blong bilif tedei, raon long wol, yumi stil yusum ol toktok ia long wosip blong yumi long God. Ol man we oli raet Ol Sam oli save olsem wanem blong oli go insaed long sol blong yumi mo oli faenem wan wei blong talemaot olsem wanem yumi fil abaot God, wanem yumi wari long hem, mo olsem wanem yumi faenem pis.
Blong gat wan bigfala lukluk long Buk blong Ol Sam, luk long “Psalms” insaed long Bible Dictionary.
Ol Aedia blong Skripja Stadi blong Yuwan
Ol Sam i tijim yumi blong yumi trastem Lod.
Bae yu luksave taem yu stap ridim Ol Sam hamas taem ol man blong raet ia oli soemaot fraet, harem nogud, bigfala wari. Ol filing olsem ia oli nomol, iven blong ol pipol we oli gat fet. Be wanem i mekem Ol Sam i gat insperesen i ol ansa we oli givim, we i tekem tu, ful tras long Lod. Tingting long ol mesej blong insperesen taem yu stap rid long Ol Sam 1; 23; 26–28; 46. Lukaotem ol samting ia, mo raetemdaon wanem yu faenemaot:
-
Invitesen blong trastem Lod:
-
Ol toktok we i tokbaot Lod:
-
Ol toktok we i tokbaot pis, paoa, mo ol narafala blesing we Hem i givim:
-
Ol toktok we i tokbaot olgeta we oli trastem Hem:
Ol Sam i poenem maen blong yumi long laef mo seves blong Jisas Kraes.
Sam long Ol Sam oli poenem i go long laef blong Jisas Kraes long wol ia. Ol Kristin insaed long taem blong Niu Testeman oli luk koneksen ia tu—eksampol, oli luksave long Ol Sam 2 wan refrens long jajmen blong Jisas Kraes long fored blong King Herod mo Ponjes Paelat (luk long Ol Wok 24–30). Tingting blong ridim Ol Sam 2 mo22 wetem Matiu 27:35–46; Luk 23:34–35, mo Jon 19: 23–24. Lukaotem ol koneksen bitwin ol toktok long ol sam ia mo laef blong Sevya, mo gohed blong lukaotem ol semfala koneksen ia taem yu stap stadi long ol Buk blong Ol Sam truaot long ol nekis wik we i stap kam.
Pikjarem se yu wan Jiu long taem blong Jisas we i save gud Ol Sam mo ol koneksen long laef blong Sevya. ?Olsem wanem nao save ia i wan blesing long yu?
Luk tu long Ol Sam 31:5; 34:20; 41:9; Luk 24:44; Hibrus 2:9–12.
“Oltaem hem i lavem man tumas, hem i kavremap evri ples raon long wol.”
Ridim Ol Sam 8; 19; mo 33 bae i save givim yu insperesen blong tingting long plante naesfala kriesen blong Lod. Luklukgud long ol tingting mo ol filing blong yu taem yu stap mekem ol samting ia. ?Olsem wanem nao kriesen blong Lod “i soemaot ol gudgudfala wok we God i mekem” long yu? (Ol Sam 19:1).
Ol toktok blong Lod oli gat paoa, i mekem “hat i stap glad.”
Long Ol Sam, ol toktok olsem testemoni, ol loa, komanmen, mo ol jajmen oli stap tokbaot toktok blong Lod. Kipim hemia long maen taem yu stap ridim Ol Sam 19:7–11. ?Wanem nao ol ves ia oli talem long yu abaot toktok blong Lod? ?Wanem nao Ol Sam 29 i tijim yu abaot voes blong Hem? Long ol eksperiens blong yu, ?olsem wanem nao toktok o voes blong Lod i majem ol samting ia?
Yumi mas klin mo klin evriwan blong go stap wetem Lod.
Blong go mo stap wetem Lod i nidim blong yu klin evriwan.
From we tempol long Jerusalem oli bildim long wan hil, toktok ia, “hil blong Hae God” (Ol Sam 24:3) i stap tokbaot tempol o blong gobak stap wetem God. ?Olsem wanem hemia i ademap moa save o i helpem yumi blong andastanem moa wanem we i stap long Ol Sam 24? ?Hem i minim wanem long yu blong “wan tingting we i klin mo laef blong hem i stret”? (Ol Sam 24:4).
?Wanem nao Ol Sam 26 mo 27 i tijim yu abaot haos blong Lod?
Luk tu long Ol Sam 15; David A. Bednar, “Clean Hands and a Pure Heart,” Liahona, Nov. 2007, 80–83.
Ol Aedia blong Famli Skripja Stadi mo Haos Naet
-
Ol Sam 22.Taem wan memba blong famli i stap ridim ol sam ia, ol narafalawan oli save lukaotem ol semmak samting long Matiu 27:35–46. Afta oli save serem abaot Jisas Kraes mo sakrifaes we Hem i mekem blong yumi.
-
Ol Sam 23.Ol Sam 23 i wan insperesen blong plante hym, olsem “The Lord Is My Shepherd” mo “The Lord My Pasture Will Prepare” (Hymns, namba 108, 109). Ating famli blong yu i save singsing wan long ol hym ia mo lukaotem ol toktok we, insaed long ol sam, maet bae i givim insperesen long ol toktok blong singsing ia. O maet oli glad blong dro ol pikja blong wan samting oli faenem long ol sam o hym mo letem ol memba blong famli i traem blong faenemaot ol ves ol toktok blong singsing ia we i go wetem ol pikja ia. ?Olsem wanem nao Sevya i olsem wan man blong lukaot long sipsip, long yumi?
-
Ol Sam 24:3–5.Blong talem strong olsem wanem i impoten blong gat klin han mo wan hat we i klin inaf, yu save rid long Ol Sam 24:3–5 taem ol memba blong famli oli stap wasem han. ?Wanem nao bae han blong ripresentem long sam ia? ?Wanem nao hat i ripresentem? ?Wanem nao yumi save mekem blong gat wan tingting we i klin mo laef blong hem i stret?
-
Ol Sam 30:5, 11.Ol Sam 30:5 i gat promes ia “maet man i harem nogud, i krae, be long moning, hem i save harem gud, i glad bakegen.” ?Hao nao Lod i tanem ol harem nogud blong yumi i go long fasin blong stap glad? Sam memba blong famli maet oli glad blong aktem wanem ves 11 i talem.
-
Ol Sam 33.Teknot se hamas taem toktok ia evriwan oli yusum long sam ia. ?Wanem nao yumi lanem abaot Lod long ol toktok ia we oli gohed blong ripitim, speseli long ol ves 13–15?
-
Ol Sam 46:10.Maet yu wantem mekem samting tugeta we i nidim blong ol memba blong famli i “stap kwaet.” ?Olsem wanem nao taem yumi stap kwaet i save helpem yumi kam blong save moa abaot God? ?Wanem nao ol janis we yumi gat blong save stap kwaet mo kam blong save God?
Blong gat moa tingting blong stap tijim ol pikinini, luk long aotlaen blong wik ia long Kam Folem Mi—Blong Praemeri.
Wan Singsing: “The Lord Is My Shepherd,” Hymns, no. 108.
Stap Kam Antap long Stadi blong Yuwan
Fasin blong krietem samting. Ol skripja olsem Ol Sam oltaem oli givim insperesen long pipol blong presem God long plante wei we oli krietem samting. Sapos yu filim blong soemaot lav blong yu tru long miusik, poem, pikja droing, o sam narafala wei, tekem aksen folem ol filing ia. Tingting blong serem wanem yu bin krietem blong helpem ol narafalawan blong bildim fet long Papa long Heven mo Jisas Kraes.
Gudfala Man blong Lukaot long Sipsip wetem Ol Sipsip blong Hem, i kam long Ken Spencer