“Tebetembwa12–18. Itaia 13–14; 24–30; 35: ‘Te Mwakuri ae Kamiimi ae moan te Kamimi,’” Nakomai, Iriirai—Ibukiia Aomata n Tatabemaniia ao Utu: Te O Tetemanti 2022 (2021)

“Tebetembwa12–18. Itaia 13–14; 24–30; 35,” Nakomai, Iriirai–Ibukiia Aomata n Tatabemaniia ao Utu: 2022

Te Buakonikai ae Tabu, iroun Brent Borup

Tebetembwa 12–18

Itaia 13–14; 24–30;35

“Te Mwakuri ae Kamiimi ae moan te Kamimi”

Beretitenti BonnieH. E reirei Cordon, “Booki aika tabu a kabebetei ara iango, kakorakorai tamneira, kaekai ara titiraki, kakorakora ara onimaki iroun te Uea, ao e buokiira ni kabotoa ara iango Iaona” (“Onimakina te Uea n Nanom ni Kabanea,” Liahona, Meei 2017,7).

Korei Am Namakin

Teuana mai buakon bwaai ae tua te Uea bwa a na karaoia burabeti ni kauring baika a na riki imwiin karaoan te bure. N aia keiti burabeti n Te O Tetemanti, n taainako ao nanon aei bon tuangakiia taan tautaeka aika moan te korakora n abanuea aika a mwaaka bwa a riai n rairinanoia ke a na tiringaki. Bon te mwakuri ae kamamate, ma e bon aki maaku Itaia, ao ana kauring nakoia abanuea n ana bong—n raonaki ma Iteraera, Iuta, ao aaba ni katobibia—a bon ninikoria (taraa Itaia 13–23).

E ngae n anne, bon iai naba ana rongorongo ibukin te kantaninga. E ngae ngke abanuea ake a tia n taetae ni burabetiaki bwa a na tiringaki e bon roko iaoia abanuea aikai, Itaia e noora te tai ibukin kaokan bwai ao te manga kabouaki. Te Uea E kaoia Ana aomata bwa a na oki nako Ina. E na karaoa “e na riki n neinei … te tano ae korakora riringana, ao ena riki ni koburaken ran aonatano ae mauteretere” (Itaia 35:7). E na karaoa “te mwakuri ae kamimi ae moan te kamimi” (Itaia 29:14), ni kaoka nakon Iteraera kakabwaia ake E a tia ni berita nakoia. Ngkana tiaki Itaia ke temanna riki ae e maeka n te tai anne are e a tia ni maeka ao n noora te mwakuri ae kamimi aei. Ma ti noora kakoroan nanona n te kabane n te bong aei. Ni koauana, boni ngaira mwakorona!

Iango ibukin te Kamatebwai i bon Iroum ni Koroboki aika Tabu

Itaia 13:1–11, 19–22; 14:1–20

Abanuea n te aonaaba aika bubuaka ma aia tia tautaeka a na bwaka.

Itaia 13–14 e arana “rawawatan” (te rongorongo ibukin te taetae ni burabeti ibukin) Bwaburon (Itaia 13:1). N te taina te abanuea ae korakora ma ana tia tautaeka ae moan te korakora, n iangoana ao Bwaburon e atongaki bwa te rongorongo n taai ake ngkoa. Ngaia are bukin tera ngkai te rongorongo nakon Bwaburon e kakawaki nakoira n te bong aei? Ni koroboki aika tabu, Bwaburon bon kanikinaean te kainikatonga, bwain te aonaaba, ao te bure, ao n te bong aei ti katobibiaki man baikai ni kabane. Iangoa taekan te kanikina aei ngkai ko wareka Itaia 13:1–11, 19–22; 14:1–20. Ko kona ni iangoi titiraki n aron aikai:

A kanga ana kauring Itaia nakon Bwaburon n ti te arona nakon taetae ni burabeti ibukin te aonaaba imwaain Kauaokin te Tia Kamaiu? (taraa Itaia 13:1–11; Reirei ao Berita aika Tabu 45:26–42).
Tera aika ti te arona ake ko noori imarenan ana kainikatonga uean Bwaburon ao ana kainikatonga Tatan? (taraa Itaia 14:4–20; Mote 4:1–4). Tera te kauring ae ko kunea ibon iroum inanon kiibu aikai?
E kanga te Tia Kamaiu ni “motika rawam man rawawatam, ao man maakum”? (Itaia 14:3).

Iesu ni kunnikaina ae uraura — He Comes Again to Rule and Reign (E a Manga Oki n Tautaeka ao n Uea), Iroun MaryR. Sauer

Itaia 24:21–23; 25:6–8; 26:19; 28:16

Ana koroboki Itaia a anganai riki otau ibukin Iesu Kriso ao n iriiria.

Ana reirei Itaia n taainako ao e bon kaineti nakon ana mition te Tia Kamaiu, n raonaki ma Ana karea ni kamaiu, Mangautina, ao Kauaokina. Tera anuan Ana mwakuri ae roko n am iango ngkai ko wareki kiibu akana imwiina: Itaia 24:21–23; 25:6–8; 26:19; 28:16? Tera kibun taeka aika ko kunei are a kauringko iai ibukin te Tia Kamaiu?

Taraa naba Itaia 22:22–25.

Itaia 24:1–12; 28:7–8; 29:7–10; 30:8–14

Kitanan te koaua nanona rairaki nako mairoun te Uea ao Ana burabeti.

N kauring ibukin ibukin baika a na riki imwiin te rairaki nako mairoum te Uea ao ni kaitaraia Ana burabeti, Itaia e kabonganai kabootau aika a kakaokoro. N raonaki mai aikai bon te aonaaba ae akea kanoana (Itaia 24:1–12), rangaranga n te kamanging (Itaia 28:7–8), te baki ao te taka (Itaia 29:7–10), ao te oo ae uruakaki ke te mwangko (Itaia 30:8–14). Ni boboto iaon are ko warekia inanon kiibu aikai, bukin tera ngkai e kakawaki bwa ti na kawakin ara berita aika tabu? Iangoia tera ae ko karaoia n teimatoa ni koaua nakon te Uea ao Ana toro.

Taraa naba M.Russell Ballard, “Tiku inanon te Booti ao Kamatoai Baim!” Riaona, Nob. 2014, 89–92; Gospel Topics, “Apostasy,” topics.ChurchofJesusChrist.org.

Itaia29; 30:18–26;35

Te Uea e kona ni kaoki bwaai ni kabane ake a bua ke a uruaki.

Ngkana aomata ke te botanaomata a rairaki nako mairoun te Uea, e tangiria Tatan bwa ti na iangoia bwa mwiin te bwai ae na riki aki bitaki. E ngae n anne, Itaia e kabwarabwarai tabeua bwaai aika a kamimi ake e kona ni karaoi te Uea ngkana aomata a rairinanoia ao n rairaki nako Ina. Tera ae ko reiakinna mairoun Itaia 29:13–24; 30:18–26;35 ibukin te Uea, Ana tangira, ao Mwaakana?

Teuana te kawai are e kaota iai mwaakana te Uea inanon ara bong bon rinanon Kaokan Ana euangkerio. Itaia29 iai inanona tabeua kibun taeka are ti te arona ma baike a riki n tain Kaokan bwai. Ibukin te katooto:

Kabotaua Itaia 29:11–12 ma 2Nibwaai 27:6–26 ao Iotebwa Timiti—Rongorongo 1:63–65.
Kabotaua Itaia 29:13-14 ma 2Nibwaai 27:6–26 ao Iotebwa Timiti—Rongorongo 1:-19–65.
Kabotaua Itaia 29:18–24 ma iteranbaan ana Boki Moomon.

Tera iango ao namakin ake ko karekei ibukin Kaokan te euangkerio ngkai ko wareki kibun taeka aikai?

Taraa naba “The Restoration of the Fulness of the Gospel of Jesus Christ: A Bicentennial Proclamation to the World” (ChurchofJesusChrist.org).

Iango ibukin Kamatebwai ni Koroboki aika Tabu n te Utu ao te Bootaki n te Tairiki

Itaia 25:4–9.A tia am utu n namakina te kakabwaia n te nne ni katantan ae mano n tain te angibuaka ke te nuu ni bongin te kabuebue? (taraa te kibu4). Maroroakina taekan aei ngkai ko wareki kiibu aikai ao tabeua kabwarabwara ibukin te Uea ake a kuneaki n Itaia 25:4–9. Aekakira aron te Uea n aron bwaai aikai?

Itaia 25:8–9; 26:19.Ni kaota tamenin te Tia Kamaiu i Ketetemeane, iaon te kaibangaki, ao Imwiin Mangautina e kona ni buoka am utu n nora te reitaki imarenan kiibu aikai ao Iesu Kristo (taraa Bokin Tamnein te Euangkerio, nambwa. 56, 57, 58,59). Kaoa am utu n tibwaua bukin tera a “kimareirei n te maiu mai rouna” (Itaia 25:9).

Itaia 29:11–18.A kona kiibu aikai ni buoka am utu ni maroroakina te “mwakuri ae kamimi ae moan te kamimi” (te kibu14) ibukin Kaokan te euangkerio ao rokon ana Boki Moomon. Bukin tera ngkai bwaai aikai a kamimi ao moan te kamimi nakoira? Kaoia kaain am utu bwa a na kakaei bwaai inanon mweengam are a tei ibukin kakabwaia aika a kamimi ibukin Kaokan bwai.

Itaia35.A na bae ni kukurei am utu ni korotamnei n tamnein te mwakoro aei are e na buokiira ni mataata bwa e kanga Iesu Kristo ni katea Tion inanon ara bong. Tera ae ti reiakinna man taian katooto aikai? Tera ae ti kona ni karaoia n ibuobuoki n ana mwakuri te Atua?

Ibukin iango aika a mwaiti riki ibukin reireinakiia ataei, taraa te kamataata n te wiiki aei n Nakomai, Iriirai—Ibukin te Moanrinan.

Te anene ae katauaki: “N Tain te Tiburing ae Tikiraoi,” Aia Boki n Anene Ataei,88.

Kanakoraoan Ara Anga reirei

Kariaia ataei bwa a na kaoti bwaai ake a karaoi man aia kakauiango. Ngkana iai te bwai ae a karaoia ataei ae irekereke ma reirein te euangkerio, e buokiia ni kamataataia riki n te reirei. Kariaia bwa a na kateitei, korotamnei, kara, koroboki, ao ni karaoia. (Taraa Reirei n ana Kawai te Tia Kamaiu,25.)

Maria ao Ioane ngke a tara Iesu iaon te kaibangaki — “Noria, bon Atuara aei; ti kantaningaia, ao E na kamaiuira” (Itaia 25:9). James Tissot (French, 1836–1902). Te Aine, Nora Natim (Stabat Mater), 1886–1894. Opaque watercolor over graphite on gray wove paper, Tamnei: 11 11/16 x 6 in. (29.7 x 15.2 cm). Brooklyn Museum, Kabooaki man ana angamwane te botanaomata, 00.159.300