Aokati 29–Tebetembwa4

Taeka n Rabakau 1–4; 15–16; 22; 31; Te Minita 1–3; 11–12

“Makan Iehova Bon Moan Reken te Ataibwai”

Iangoia e kanga aron am kamatebwai n Taeka n Rabakau ao te Minita ni kona ni buokiko ni “katanimaia taningam iai nakon te rabakau, ma n raira nanom nakon te ataibwai” (Taeka n Rabakau 2:2).

Korei Am Namakin

N te moan mwakoro n ana boki Taeka n Rabakau, ti kunei taeka aikai: “Naitu, kona ongo n ana reirei tamam, ao tai kaki ana tua tinam” (Taeka n Rabakau 1:8). Taeka n Rabakau e kona n nooraki bwa bwariko n taeka ni wanawana mairoun te karo ae tatangira, are oin raoi ana rongorongo bon te kakabwaia n te rau ao te maiuraoi are e roko irouia ake a ukoukora te rabakau —riki aekakin taeka ni wanawana ake e anga Iehova. Ma Taeka n Rabakau e rimwiiaki n ana boki Te Minita, are e tara n taekina, “E aki beebete.” Te Tia Kabwarabwara e taekinna n Te Minita are e noraki bwa e “anga nano[na] bwa e na ata te rabakau” ma e teimatoa ni karekea “uruan te tamnei” ao “te maraki ae bati” (Te Minita 1:17–18). N aro aika a mwaiti, te boki e titiraki, “E kona raoi nanona n te aonaaba ike bwaai ni kabane a taraa n aki boongana, aki teimaan,, ao aki koaua?”

Ma e ngae n anne, ngkai booki aika uoua a taraa te maiu man taratara aika a kakaokoro, a reirei te koaua aika ti te arona. Te Minita e taeknna: “Ongo te aba baikai ni kabane: maka te Atua, ao tou mwin ana tua; ba bon anne kabanean te aro ae riai irouia aomata” (Te Minita 12:13). Aio te reirei ae titebo are e kuneaki rinanon Taeka n Rabakau: “Ko na onimakina Iehova n nanom ni kabanea. … Tai bakanrabakau I matam; Ko na maka Iehova” (Taeka n Rabakau 3:5,7). E aki taraaki bwa aekakira te maiu, e ngae ngke e taraa ni kaminonano ao n aki barongaaki, e tamaroa riki n tainako ngkana ti onimakina te Uea Iesu Kristo.

Ni kakimototoan booki aikai, taraa “Taeka n Rabakau, bookof” ao “Te Minita” n te Rikitinari n te Baibara.

Iango ibukin te Kamatebwai i bon Iroum ni Koroboki aika Tabu

Taeka n Rabakau 1–4; 15–16

“Katanimaia taningam iai nakon te rabakau.”

Bokin Taeka n Rabakau e kaonaki n iango ao taeka n wanawana. Iangoia ni mwakena te taeka “wisdom” ao taeka ake a irekereke, n aron “knowledge” ao “understanding,” ngkana ko kunei inanon mwakoro 1–4 ao 15–16. A kanga kiibu aikai n roota aron am iango ibukin te ataibwai? Ni boboto iaon are ko kunea, kona kanga ni kabwarabwara te wanawana are “e anga te Uea”? (Taeka n Rabakau 2:6). Iangoia bwa ko kanga n ukoukora ana ibuobuoki te Uea n riki “rabakau nanona” (Taeka n Rabakau 16:21). Tera te kakabwaia ae e reke man wanawanan te Atua?

Taraa naba Taeka n Rabakau 8–9; Mataio 7:24–27; 25:1–13.

Taeka n Rabakau 1:7; 2:5; 16:6; 31:30; Te Minita 12:13

Tera “maakakin te Uea”?

Unimwaane DavidA. E kabwarabwara Bednar: “Tiaki n ai aron maaku n te aonaaba are e karika te kauring ao te nakonnano, maakakin te Atua e karika te rau, mweengaraoi, ao raunnano. … [E] karekea te namakin n te nano ae korakora n te karine, karinerine, ao te tabeaianga nakon te Uea Iesu Kristo, ongeaba nakon Ana tua, ao te kakantaninga nakon te Kabanea ni Motikitaeka ao te momotiraoi ni Baina. … Makakin te Atua e tatangira ao Onimakinana” (“Therefore They Hushed Their Fears,” Riaona, Meei 2015, 48–49).

Taraa naba Taekan Rabakau 8:13.

Taeka n Rabakau4

“Iangoa kaeta kawaini waem.”

Taeka n Rabakau4 e kabwarabwara te ataibwai ao te etieti n aron “nakonakom” ke te “kawai” (taraa naba Taeka n Rabakau 3:5–6). Ngkai ko wareka te mwakoro aei, ko kona naba ni kunei mwakoro n taeka ake a buokiko n iangoa “kawaini waem” (kibu26) ao aron mwanekam ni kairiko ni kaniiko riki nakon te Uea. Te katooto, tera ae e reirei kiibu 11–12 ao 18–19 iaon kakabwaia n irakin te kawai ae eti? Tera ae e nanonaki kibu26 ao27 iroum?

Taraa naba 2Nibwaai 31:18–21.

Taeka n Rabakau 15:1–2, 4, 18,28; 16:24–32

“E raira nako te un te kaeka ae nimamanei.”

Tabeua taeka n rabakau n mwakoro15 ao16 e kona ni kaunga arom n reitaki ma tabeman, riki naake ko tangiriia. Te katooto, iangoi taai aika onoti ngke ko kona ni kabongana “te kaeka ae nimamanei” nakon “taeka aika kananomaraki” (Taeka n Rabakau 15:1). E kanga te reirei n Taeka n Rabakau 16:24–32 ni buokiko n iangoa te taeka are ko kabongana?

Iangoa te taeka ni wanawana mairoun Unimwaane W.Craig Zwick: “Te ‘kaeka ae nimamanei’ iai inanona kaeka ae iai bukina—taeka aika tinea te un man te nano ae nanorinano. E aki nanonaki bwa ti aki kona n taekina raoi te taeka ke ni boraraoi iaon koauan te reirei. Taeka ake a matoatoa inanon rongorongo a kona ni kabebeteaki n te tamnei” (“What Are You Thinking?” Riaona, Meei 2014,42).

Ai Antai ae E Kona ni Kunea te Aine ae Riai?II, iroun Louise Parker

Taeka n Rabakau 31:10–31

“E na kamoamoaki te aine ae e mamaka Iehova.”

Taeka n Rabakau 31:10–31 e kabwarabwara “te aine ae riai,” ke te aine ae korakora, konabwai, ao e kaira te nano. Ko na bae ni kataia ni kauarerekea n oin am taeka bwaai ake a taekinaki ni kiibu aikai ake a taekinaki ibukina. Tera tabeua anuana aika ko kona ni kabotau iai?

Te Minita 1–3;12

Te maiu n rabwata e aki teimaan.

Bukin tera e kakawaki iroum bwa kona uringnga anne n te aonaaba aei, n aron Te Minita 1–2 te taetae ni matoatoa, bon “te kainikatonga” (ke aki teimatoa ao n angin te tai e aki kakaawaki)? Tera ae ko kunea n te mwakoro12 are e anga kakaawakin te maiu ae akea tokina?

Iango ibukin Kamatebwai ni Koroboki aika Tabu n te Utu ao te Bootaki n te Tairiki

Taeka n Rabakau.Am utu a kona ni kukukrei ni karaoi oin aia “boki n Taeka n Rabakau”—karekean reirei aika wanawana man koroboki aika tabu ao mairouia burabeti ni boong aika kaitira.

Taeka n Rabakau 1:7; 2:5; 16:6; Te Minita 12:13–14.Ni buokiia kaini te utu bwa a na ota n Taeka n Rabakau 1:7; 2:5; 16:6; Te Minita 12:13, e kona n ibuobuoki ni karinakin te taeka ae maaku ma taeka n aron karinerine, tangira, ke ongotaeka (taraa naba Ebera 12:28). E kanga aron aei n roota aron ara iango ibukin kibu aikai? Ti na kanga ni kaotia bwa ti maaka te Uea?

Taeka n Rabakau 3:5–7.Ni buokiia kain te utu bwa a na katamneia bwa tera ae e reirei iaona kiibu aikai, ko kona ni kaoia bwa a na raraa te bwai teuana ae matoa ao n aki kona ni kamwaingingaki, n aron te oo. Imwiina a kona ni kataia n raraa te bwai teuana ae aki matoa, n aron te kai n iaaki. Bukin tera ti riai n “akimwiokoa oin [ara] ataibwai”? Tina kanga ni kaotia bwa ti onimakina Iesu Kristo ma nanora ni kabane?

Taeka n Rabakau 15:1–2,18; 16:24,32.A kanga ara taeka n roota te tamnei inanon mweengara? Tao a kona kain te utu ni kataneiai n anga “te kaeka ae nimamannei” nakon “taeka aika matoatoa” ao ni kataia ni kabongana te bwai are a reiakinna n aia reitaki imarenaia. Te anene n aron “Kindness Begins with Me” (Aia Boki n Anene Ataei,145) e kona n ibuobuoki ni kamatoa te reirei aei.

Ibukin iango aika a mwaiti riki ibukiia ataei, taraa te kamataata n te wiiki aei n Nakomai, Iriirai—Ibukin te Moanrinan.

Te anene ae tamaroa: “Where Love Is,” Aia Boki n Anene Ataei, 138–39.

Kanakoraoan Am Kamatebwai I Bon Iroum

Taeka ni koroboki aika a tabu e kaineti nakoira ni kabane. Tabeua kibuntaeka n koroboki aika a tabu e kaineti tii nakoia mwaane ke ti nakoia aine (n aron Taeka n Rabakau 3:13; 31:10). N angiin te tai, e ngae n anne, reirei ni kibuntaeka aikai e kaineti nakoia aomata nako.

“Ko na ataia n nakonakom ni kabane, ao E na kaeti kawaim” (Taekan Rabakau 3:6). He Leadeth Me, iroun Yongsung Kim, havenlight.com