Jesus in the Synagogue at Nazareth[Jisōs ej pād ilo Im̧ōn Kabun̄ eo ilo Nazareth, jān GregK. Olsen

Oktoba 3–9

Aiseia 58–66

“Rilo̧mo̧o̧r enaaj itok n̄an Zaion”

Ilo am ekatar Aiseia 58–66, ļōmņak kōn wāween an naan ko an Aiseia bōktok lan̄lōn̄ im kōjatdikdik kōn ilju im jekļaj.

Je En̄jake ko Rej Im̧we Eok

Jinoin ilo iien kwaļo̧k naan eo an An, Jisōs Kraist ekar loļo̧k juon jikin kweilo̧k ilo Nazareth, bukwōn eo ekar rūttoļo̧k ie. Ijeņ E ekar jutak im riit jān jeje ko rekwojarjar, kar kōpeļļo̧k bok in Aiseia, im riit ta eo jej kiiō jeļā āinwōt Aiseia 61:1–2. innem ekar kōjjeļā “Rainin naan ilo Jeje ilo e jejjet ilo lo̧jiln̄ōmi.” En̄in ekar juon iaan kean̄ ko ralikkar an Rilo̧mo̧o̧r ke E eo em̧ōj Kapiti, eo enaaj “kājmour ro e rup būrueir” im “kwaļo̧k kōtļo̧k n̄an ro rej mour wōt” (lale Luk 4:16–21). Eoon in ekar, ilo m̧ool, kūrm̧ool ilo raan eo. Im, āinwōt kanaan ko jet an Aiseia, ej wōnm̧aanļo̧k wōt ilo aer kūrm̧ool in raan kein. Rilo̧mo̧o̧r ej wōnm̧aanļo̧k wōt n̄an kōmour armej ro, ro erub buruōer ro rej itok n̄an E. Elōn̄ ro rej pād ilo kamakoko ro me rej aikuj bōktok n̄an er lo̧mo̧o̧r. Im ewōr juon ilju im jekļaj aibojooj n̄an kōppopo kōn—juon iien n̄e Irooj enaaj “kōm̧m̧an lan̄ ko rekāāl im laļ ekāāl” (Aiseia65:17) im “kōm̧m̧an bwe wānōk im nōbar ren eddekļo̧k im̧aan ro ri aelōn̄ otemjej.” (Aiseia61:11). Riiti Aiseia ej kōpeļļo̧k mejād n̄an ta eo Irooj ekar kadede kōm̧m̧an, ta eo Ej kōm̧m̧ani, im ta eo E enaaj kōm̧m̧ani n̄an armej ro An.

Ļōmņak ko n̄an Ekkatak Jeje Ko Rekwojarjar Ippam̧ Make

Aiseia 58:3–12

Jitlo̧k ej bōktok kōjeraam̧m̧an.

Eoon kein rej elmakote bwe n̄an elōn̄ ri Israel ro etto, jitlo̧k ekar lapļo̧k an āinwōt juon eddo jān juon kōjeraam̧m̧an. Elōn̄ iaad remaron̄ iookļo̧k en̄jake in ilo jet iien. Eļan̄n̄e kwonej kōņaan kappukot eļapļo̧k meļeļein im unin ilo am̧ jitlo̧k,, riiti Aiseia 58:3–12 n̄an kappukot uwaak ko an Irooj n̄an kajjitōk eo “Etke jej jitlo̧k?” Ilo en̄jake eo am̧, ewi wāween an jitlo̧k maron “jeļate korak in jero̧wiwi” im “jeļate ioon ine eo”? (Aiseia 58:6). Ewi wāween an jitlo̧k bōktok n̄an eok kōjeraam̧m̧an ko kar kōmeļeļeiki ilo Aiseia 58:8–12? Ewi wāween an Aiseia 58:3–12 jelōt wāween am̧ ļōmņak kōn jitlo̧k?

Ilo ennaan eo an “Is Not This the Fast That I Have Chosen?” (Liahona, May 2015, 22–25), Būreejtōn HenryB. Eyring ekar kwaļo̧k jejjo waanjon̄ak kōn wāween an armej ro kar jeram̧m̧an itok jān aer jitlo̧k im kōm̧m̧an menin joortak ko. Ewi wāween am̧ kar kam̧oole ejja kōjeraam̧m̧an ko wōt ilo mour eo am̧?

Bar lale Gospel Topics, “Fasting and Fast Offerings” (topics.ChurchofJesusChrist.org).

Aiseia 59:9–21; 61:1–3; 63:1–9

Jisōs Kraist Ej Aō RiLom̧or im RiPinmuur.

Ilo Aiseia 58–66 kwonaaj lo elōn̄ eoon ko kōn mijen in pinmuur eo an Jisōs Kraist. Erkein rej jet iaan waanjon̄ak, ippānļo̧k jet iaan kajjitōk ko n̄an jipan̄ eok kejokļo̧kjeņ kaki.

• Aiseia 59:9–21. Ewi wāween am̧ letok ilo tukaduin jekjek ko ilo jetōb an armej ro me kar kōmeļeļeikiilo eoon 9–15? Ta ko rej im̧we eok kōn kōmeļeļe ko an “intercessor” ilo eoon ko16–21 im bujen eo E ej kōm̧m̧ane ippān ro rej oktak tok n̄an E?

• Aiseia 61:1–3. Ewi wāween an Jisōs Kraist kar kōjeraam̧m̧an eok ilo wāween ko kar kōmeļeļeiki ilo eoon kein? Ta “naan ko rem̧m̧an” E ekar bōktok n̄an eok? Ewi wāween An kar lewaj aibojooj ilo jikin mān kuaraarko?

• Aiseia 63:7–9. Ta “lovingkindnesses of the Lord” kwomaron̄ kwaļo̧k? Ta en̄jake ko kōn Rilo̧mo̧o̧r me eoon kein rej im̧we ilo buruōm̧?

Ta eoon ko jet kōn Rilo̧mo̧o̧r kwoj lo ilo Aiseia 58–66?

Bar lale Mosaia 3:7; Katak im Bujen Ko133:46–53.

“Jeova enaaj kwe juon meram indeeo” (Aiseia 60:19). A Gift of Light[, jān Eva Timothy

Isaiah60; 62

“Jeova enaaj kwe juon meram indeeo”

Aiseia60 im62 ej kōnono kōn meram im marok, māj ko im loļo̧kjeņ, n̄an katakin kōn wāween an gospel eo an Jisōs Kraist naaj kōjeraam̧m̧an laļ in ilo raan ko āliktata. Kappukoti katak kein eļaptata ilo Aiseia 60:1–5, 19–20; 62:1–2. Ilo am̧ riiti jebta kein, kejōkļo̧kjeņ kōn wāween an Anij aiintok ajri ro Nejin jān maroklep n̄an meram eo An. Ta eddo eo am̧ ilo jerbal in?

Bar lale 1Nepai 22:3–12; 3Nepai18:24; Katak Im Bujen Ko 14:9; BonnieH. Cordon, “That They May See,” Liahona, May 2020, 78–80.

Aiseia 64:1–5; 65:17–25; 66

Wōn ro renaaj mour ioon laļin ilo iien Meļaniem̧?

Aiseia spoke of a day when “the former troubles are forgotten” (Isaiah 65:16). Ilo an kanaan in kar kakūrm̧ool jet iaan kanaan ko, ilo lukkuun m̧ool, raan eo ej itok—n̄e Jisōs Kraist enaaj jepļaaktok n̄an laļ in im ejaaj juon epepen in aeņōm̧m̧an im mour jim̧we ņae etan Millennium. Aiseia ekar kōmeļeļeik raan in ilju im jekļaj ilo Aiseia 64:1–5; 65:17–25; 66. Kile wāween an ekkā An kōjerbal naan ko āinwōt “m̧ōņōņōe” im “em̧ōņōņō.” Kejokļo̧kjeņ etke jepļaaktok eo an Rilo̧mo̧o̧r enaaj juon raan ekam̧ōņōņō n̄an eok. Ta eo jemaron̄ kōm̧m̧ane n̄an kōppopo n̄an itok eo An?

Bar lale Laajrak in Tōmak Ko 1:10; RussellM. Nelson, “The Future of the Church: Preparing the World for the Savior’s Second Coming,” Ensign, Epr. 2020, 13–17.

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

Aiseia 58:3–11.Ro uwaan baam̧le eo emaron̄ em̧m̧an aer meļeļe kōn ennaan eo an Aiseia kōn jitlo̧k eļan̄n̄e rej kōm̧m̧ane kain jitlo̧k in me rej kōmeļeļeiki ilo Aiseia 58:3–5 im kain jitlo̧k eo rej kōmeļeļeiki ilo Aiseia 58:6–8. Ewi wāween jemaron̄ kōm̧m̧an bwe jitlo̧k ko ad ren āinwōt “jitlo̧k [eo Anij ekar] kāālōte”? Ta kōjeram̧m̧an ko jekar loi itok jān jitlo̧k?

Aiseia 58:13–14.Ta oktak eo ikōtaan “kōm̧m̧an [ad] make kōņaan” im kappukot “lan̄lōn̄ … ilo Irooj” ilo raan in Jabōt? Ewi wāween ad maron̄ kōm̧man bwe Jabōt “juon raan Elan̄lōn̄”?

Aiseia 60:1–5.Ilo am̧ riiti Aiseia 60:1–3, ro uwaan baam̧le eo remaron̄ kajoe tōma ko n̄e eoon ko rej ba meram im kuni tōma ko n̄e eoon ko rej ba marok. Ewi wāween an gospel eo an Jisōs Kraist āinwōt juon meram n̄an kōj? Ta eo Aiseia ekar lo m̧okta ke naaj waļo̧k ilo an armej ro an Anij kwaļo̧k kōn meram in gospel eo? (lale Aiseia 60:3–5).

Isaiah 61:1–3.Ewi wāween an Rilo̧mo̧o̧r kakūrm̧ool kanaan kein ilo eoon kein? Kwomaron̄ karuwaineneik ro uwaan baam̧le eo n̄an kappukot pija ko pijaan Rilo̧mo̧o̧r me rej en̄jae bwe ej kōmeļeļeik m̧ōttan kein ilo mijen eo An (pija ko emaron̄ pād ilo māākijiin ko an Kabun̄ in ak ilo Gospel Art Book). Kwomaron̄ bar al juon al kōn wāween an Rilo̧mo̧o̧r kōjeraam̧m̧an kōj, āinwōt “I Feel My Savior’s Love” (Children’s Songbook, 74–75).

N̄an ļōmņak ko reļļapļo̧k kōn katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “When He Comes Again,” Children’s Songbook, 82–83.

Kōkm̧anm̧anļo̧k Am̧ Ekkatak Ippam̧ Make

Kepooj peļaak ko peļaakim. Peļaakid emaron̄ jelet maron̄ ko ad n̄an ekkatak. Kappukot jikin n̄an ekkatak jeje ko rekwojarjar ijo kwomaron̄ en̄jake im̧we eo an Jetōb. (Lale Teaching in the Savior’s Way, 15.)

“Kwōn jerkak, kwōn romaak; bwe am̧ meram E moottok, im aiboojoj in Irooj ear tak iom̧” (Aiseia 60:1). Light and Life, jān Mark Mabry