rikanaan eo ej kōnono n̄an em̧m̧aan ro

Jeremaia, jān Walter Rane

Oktoba 10–16

Jeremaia 1–3; 7; 16–18; 20

“M̧okta Jān Aō kar Kōm̧anm̧an Eok ilo Lo̧jien Jinōm̧, Iar Jeļā Eok”

Elder DavidA. “Rikaenōm̧m̧an” Ej juon iaan wāween ij ron̄ ainikien [Irooj] ej ilo jeje ko rekwojarjar. Jeje ko rekwojarjar kar rekooti m̧okta ainikein Irooj” (“‘Ron̄jake E’ ilo Buruōm̧ im ilo Kōļmenļo̧kjeņ eo Am̧,” ChurchofJesusChrist.org).

Je En̄jake ko Rej Im̧we Eok

Kar jinoin, Jeremaia ekar jab ļōmņak enaaj erom̧ juon rikanaan em̧m̧an. “Lo, Ijjab jeļā kōnnaan,” ekar ekar m̧akoko ke Irooj ekar jino kūr e (Jeremaia 1:6). Irooj ekar bar kam̧ool n̄an e, “em̧ōj Aō likūt naan ko Aō ilo lo̧n̄iim” (eoon9). Jeremaia ekar en̄jake bwe ekar juon “ajri” eo ejjeļo̧k an jeļā im imminene(eoon6), ak Irooj ekar kōmeļeļe bwe eļapļo̧k an pojak jān jon̄an eo ej ļōmņak—kar kapit e n̄an kūr in m̧okta ļo̧k jān an kar ļotak (lale eoon5). Kōn menin Jeremaia ekar joļo̧k mijak ok an im bōk kūr eo. Ekar kakkōļ kiin̄ im pris ro an Jerusalmen bwe aer moņe mejān armej kōn aer kwojarjar eban lo̧mo̧o̧ren er jān kakkure ko. “Ajri” eo ekar ļōmņak ekar jab maron̄ kōnnaan ekar en̄jake naan eo an Anij “ilo [būrūōn] āinwōt juon kijeek e urur” im ekar jab maron̄ ikōn̄ (Jeremaia 20:9).

Bwebwnato in Jeremaia ej barāinwōt juon ad bwebwenato. Anij ekar jeļā kōn kōj, barāinwōt, m̧okta jen ad kar ļotak tok im kar kōpooj kōj n̄an kōm̧m̧ane jerbal eo An ilo laļ in. Ilubwiljin men ko jet, ko me rej jerbal ekoba juon men Jeremaia ekar lo m̧oktaļo̧k: aiintok armej ro an Anij, juon ilo̧k juon, n̄an “an̄inļo̧k [er] n̄an Zaion” (Jeremaia 3:14). Im em̧ool eļan̄n̄e jej jab lukkuun jeļā n̄an kōm̧m̧ane ak ba “kwōn jab mijak…; bwe N̄a Ij ippam̧, Irooj ej ba” (Jeremaia 1:8,19).

Kōn juon tukaduin kōmeļeļe kōn bok in Jeremaia, lale “Jeremiah” ilo Bible Dictionary eo.

pija ej bōk jikin ekkatak an juon make

Ļōmņak ko n̄an Ekkatak Jeje Ko Rekwojarjar Ippam̧ Make

Jeremaia 1:4–19; 7:1–7; 20:8–10

Rikanaan ro kar kūr n̄an kōnono kōņ naan ko an Irooj

Ilo am̧ riiti Jeremaia 1:4–19 kōn kūr eo an n̄an erom̧ juon rikanaan, kejōkļo̧kjeņ kōn eddo ko an rikanaan ro ilo mour eo am̧. Ta eo kwoj ekkatak kōn rikanaan ro jān naan ko an Irooj n̄an Jeremaia? (lale Jeremaia 7:1–7). Kwaļo̧k naan eo an Jeremaia ekkā aer jum̧aeiki ak makoko kake (lale Jeremaia 20:8,10). Ta eo kwoj ekkatak jān naan ko an Jeremaia ilo Jeremaia 20:9? Likūt ļōmņak kein ilo kōļmenļo̧kjeņ ilo aolepān iien am̧ ekkatak jān katak ko an Jeremaia. Ta eo kwoj loe ilo katak kein me rej im̧we eok n̄an ļoor rikanaan ro ad ilo raan ko āliktata?

Jeremaia 1:5

Anij ekar jeļā kajjieō m̧okta jān aō kar ļotak.

M̧okta jān an kar Jeremaia ļotak, Anij ekar jeļā kajjien im ekar kālet e, ak kapit e m̧okta jān an kar ļotak, n̄an kakūrm̧ool juon mijen eo ejeņoļo̧k ilo laļ in (lale Jeremaia 1:5). Etke kwoj ļōmņak eaorōk n̄an Jeremaia n̄an jeļā menin?

Anij ekar bar jeļā kajjiem̧ m̧okta jān am̧ kar ļotak im kar kapit eok n̄an eddo ko rejeņoļo̧k (lale Alma 13:1–4; Katak im Bujen Ko 138:53–56; Ebream 3:22–23). Ta oktak eo jeļāļo̧kjeņ in emaron̄ kōm̧m̧ane ilo mour eo am̧? Eļan̄n̄e ewōr juon am̧ kōjeraam̧m̧an an petriak, ļōmņak in riit n̄an ekkatak eļapļo̧k kake im kajjitōk ippān Anij wāween n̄an kōttōprak ta eo E ekar kapit eok n̄an kōm̧m̧ane.

Bar lale Gospel Topics, “Foreordination,” “Premortality,” topics.ChurchofJesusChrist.org.

armej eo ej jutak iturin nien dān ak aiboj (nien aiboj) eo

Armej in Israel eo etto kar kōjerbal nien dān ak nien aiboj eo n̄an kakkon dān.

Jeremaia2; 7

“Rekar ilo̧k jān Eō unin dān ko re mour.

Ilo laļ ko me ejjeļo̧k dān ie ijo Riisrael ro rekar jokwe ie, armej rekar kakkoņ dān ium̧win laļ etan nien dān ko. Etke ebbōk dān jān juon unin dān em̧m̧anļo̧k jān pedped ioon nien dān ko? Ta meļeļe n̄an kōjooļ “unin dān ko re mour”? Ta eo kwoj ļōmņak rej “nien dān ko rerup” me kōnono kaki ilo Jeremaia 2:13 remaron̄ jutak kaki? Ilo am̧ riiti Jeremaia2 im7, kile wāween an armej ro kōjooļ unin dān ko re mour an Irooj, im ļōmņak kōn wāween am̧ bōk dān ko re mour ilo mour eo am̧.

Jeremaia7 ej n̄an ro rekar deļon̄e “kōjem̧ in m̧ōn Irooj … bwe kom̧win kabun̄ n̄an Irooj” (Jeremaia 7:2). Aaet jekdo̧o̧n paaktok in wūjlepļo̧k in, rekar būrom̧ōj kōn jerawiwi ko aer reļļap (lale eoon ko 2–11). Ta ennaan eo kwoj en̄jake Irooj emaron̄ kar kōpooje n̄an eok ilo eoon ko 21–23?

Jeremaia 3:14–18; 16:14–21

Irooj enaaj aiintok armej ro An.

Ke Jeremaia ekar kanaan kōn aiintok doon im ejepelōklōk eo an Israel, ekar ba enaaj em̧m̧anļo̧k im ļap an aorōk ijjeļo̧k diwōjļo̧k eo an Ijpt (lale Jeremaia 16:14–15). Ilo ejja jetōb in wōt, Būreejtōn RussellM. Nelson ekar ba: “Kar jilkintok eok n̄an laļ in ilo iien eo ejejjet … n̄an jipan̄ aiintok Israel. Ejjeļo̧k jabdewōt men ej bōk jikin ilo laļ in kiiō me eļapļo̧k an aorōk ijjeļo̧kin [aiintok doon in]. … Aiintok doon in ej aikuj wōr an aolep men ko n̄an eok” (RussellM. Nelson im WendyW. Nelson, “Hope of Israel” [worldwide youth devotional, June3, 2018], supplement to the New Era im Ensign, Aug. 2018,12, ChurchofJesusChrist.org).

Ilo am̧ ekkatak Jeremaia 3:14–18; 16:14–21, ta eo ej im̧we eok kōn aiintok doon eo an armej ro ilo raan ko āliktata? Ta ko eoon kein rej elmakoti kōn aiintok doon ko rej bōk jikier? Ta en̄jake ak ļōmņak ko jet kwoj loi ilo aolepān ennaan eo an Būreejtōn Nelson me ej waļo̧k ilo naan in ilōn̄?

pija eo ej bōk jikin ekkatak an baam̧le

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

Jeremia 1:5Kwomaron̄ kōjerbal eoon in n̄an kōnono kōn mour eo ad ippān Jemedwōj Ilan̄ m̧okta jān ad kar ļotak tok. Kein jipan̄ ko āinwōt “I Lived in Heaven” (Children’s Songbook,4) im “Introduction: Our Heavenly Father’s Plan” (in New Testament Stories, 1–5) emaron̄ jipan̄. Ilo ad jeļā kōn mour eo m̧okta ewi wāween an jelet wāween ad mour ilo mour in?

Jeremaia 2:13; 17:13–14.N̄an jipan̄ ro uwaan baam̧le eo lo eoon kein, kwomaron̄ kwaļo̧k kōmeļeļe ko kōn ta eo ej waļo̧k n̄e jej likūt dān ko ilo juon kantainōr erub ak ettaļ. Ta eo “unin dān ko re mour” im “nien dān ko re rub” remaron̄ jutak kaki? (Jeremaia 2:13). Ewi wāween ad idaak jān unin dān ko re mour an Irooj?

Jeremaia16:16.Būreejtōn RussellM. Nelson ekar keidi rien̄od im rikakidudu ro ilo eoon in n̄an mijenede ro ilo raan ko āliktata (lale “The Gathering of Scattered Israel,” Ensign or Liahona, Nov. 2006,81). Ro uwaan baam̧le eo remaron̄ “kakidudu” kōn m̧weiuk ak men ko ipeļaakin m̧weo im kōnono kōn wāween am̧ maron̄ jipan̄ “en̄od” im “kakiduduki” tok Israel eo ejepelōklōk.

Jeremaia 18:1–6.N̄an lale eoon kein, komaron̄ kōnono ak kwaļo̧k wāween kōm̧m̧an pottery. Ta ennaan eo an Irooj n̄an Riisrael ilo Jeremaia 18:1–6? Ta eo meļeļein n̄an erom̧ kle ilo pein Irooj? (bar lale Aiseia 64:8). N̄an bwebwenato ko jet me rej keidi n̄an kōj n̄an kle in kōm̧m̧an pottery, lale Elder RichardJ. Ennaan eo an Maynes “The Joy of Living a Christ-Centered Life” (Ensign ak Liahona, Nov. 2015, 27–30).

N̄an ļōmņak ko reļļapļo̧k kōn katakin ajri ro, lale laajrak eo an wiik in ilo Itok, Ļoor Eō—N̄an Būraimere.

Al eo kar elmakote: “Israel, Israel, God Is Calling,” Hymns, no.7.

Kōkm̧anm̧anļo̧k Ad Katakin

Kōjerbal bwebwenato ko. Rilo̧mo̧or emakijkij an kōn katakin ilo an kōjerbal bwebwenato ko. Ļōmņak kōn bwebwenato ko jān mour eo am̧ make me emaron̄ kōm̧m̧an bwe juon pedped in gospel en kūrm̧ool. (Lale Teaching in the Savior’s Way, 22.)

kle ilo ioon kein kōm̧m̧an kle eo

“Lo, āinwōt kle ilo pein ri kōm̧m̧an jāpe, āindein kom̧ ilo peiū, m̧ōn Israel” (Jeremaia 18:6).