UYesu ukhokhela izimvu

Come, Follow Me,[Uze, Undilandele ngu Scott Sumner

EyeDwarha 24–30

Hezekile 1–3; 33–34; 36–37; 47

“Ndininike uMoya Omtsha ngaphakathi Kwenu”

UHezekile wamenywa ukuba ngokufuziselayo “adle” ilizwi likaThixo-ukuzizalisa ngalo (bona Hezekile 2: 9–3: 3,10). Ungazigcwalisa njani ngelizwi likaThixo kule veki?

Bhala Iimvakalelo Zakho

UHezekile wayengumprofeti owayeselubhacweni. Ekunye namanye amaSirayeli, wathinjwa kwaye wathunyelwa eBhabheli kwiminyaka eliqela ngaphambi kokuba iYerusalem ide itshatyalaliswe. EYerusalem, uHezekile ngewayengumbingeleli okhonza etempileni. EBhabheli, wayephakathi “kubathinjwa” kwaye “ndahlala phantsi khona” (Hezekile 3:15), amakhulu eekhilomitha ukusuka etempileni kwaye enethemba elincinci lokubuyela kwindlu kaThixo ethandekayo. Ngenye imini uHezekile waba nombono. Wabona “ubuqaqawuli bukaYehova” (Hezekile 1:28)—hayi emva kwitempile yaseYerusalem kodwa apho eBhabheli phakathi kwabathinjiweyo. Inkohlakalo yaseJerusalem, wafunda, ukuba yayisele iqatsele kangangokuba ubukho bukaThixo babungasekho phaya (bona Hezekile 8–11; 33:21).

Omnye wemisebenzi kaHezekile yayikukulumkisa amaSirayeli ngeziphumo zokuvukela kwabo-isilumkiso esingazange simanyelwe. Kodwa bekukho okungakumbi kumyalezo kaHezekile: waprofetha wathi, nangona izinto zazimbi kangakanani, yayikhona indlela ebuyayo. Ukuba abantu bakaThixo bangasamkela isimemo “liveni ilizwi likaYehova” (Hezekile 37: 4). into eyayifile ingavuswa kwakhona. “Intliziyo elilitye” inokutshintshwa ibe “yintliziyo entsha” (Hezekile 36:26). INkosi yabaxelela, “[Mna] ndofaka umoya wam kuni,” “niphile” (Hezekile 37:14). Kwaye ngeentsuku zokugqibela, iNkosi iyakuseka itempile entsha neJerusalem entsha, igama lawo umzi kothiwa kususela kuloo mini, nguYehova-ekhona” (Hezekile 48:35).

umfanekiso wokuzifundela wedwa

Iingcebiso Zokuzifundela Izibhalo Wedwa

Hezekile 1–3

“Wathethe ke amazwi am.”

Ukufunda ngobizo lukaHezekile kubulungiseleli Hezekile 1–3 kunokukuqhubela ekubeni ucinge ngamathuba akunike wona uThixo ukuba “uthethe ngamazwi [aKhe]” kwabanye(Hezekile 3: 4). KuHezekile 2–3, qaphela amazwi aKhe enkuthazo kunye nemiyalelo eya kuHezekile. Nangona abantu obakhonzayo mhlawumbi bengenakuze babenobuvukeli mthetho njengabantu bakaHezekile, qaphela indlela amazwi kaThixo kuHezekile ayichaphazela ngayo indlela oyijonga ngayo inkonzo yakho eBandleni, ekhaya, nakwezinye iindawo.

Bona naye Hezekile 33:1–9; D.Todd Christofferson, “The Voice of Warning [],” Ensign or Liyahona, May 2017, 108–11.

Hezekile 33:10–19

INkosi ifuna ukuxolela.

“Ukuthi … nezono zethu ziphezu kwethu,” azibuza amaSirayeli athinjwayo, “singathini na ukuphila?” (Hezekile 33:10). Ukuphendula, iNkosi ibafundise iinyaniso ezibalulekileyo ngenguquko noxolelo. Le mibuzo inokukunceda ucinge nzulu ngezi nyaniso:

• Ucinga ukuba kuthetha ntoni ukuthi “ukholose ngobulungisa [bakho]”? Hezekile 33: 12–13).

• Ungathini kumntu oziva ukuba umntu olilungisa kunye nomntu okhohlakeleyo ochazwe ku Hezekile 33:12–19 abaphathwanga kakuhle? (bona kwakhona Mateyu 21:28–31; Luka 18: 9–14).

• Ngawaphi amabinzana owafumanayo kwezi kule miqolo anokukunceda ukuba uqonde ukuba kuthetha ukuthini ukuguquka? Loluphi ulwazi olongezelelekileyo olufumanayo kuHezekile 36: 26–27 kunye Alma 7:14–16?

Hezekile 34

INkosi indimema ukuba ndondle izimvu zayo.

Ku Hezekile 34, INkosi ibhekisa kwiinkokheli zabantu bayo “njengabelusi.” Njengokuba ufunda, qaphela ukuba esi sihloko sikucebisa ntoni malunga nokuba kuthetha ntoni ukuba yinkokeli. Zingoobani “izimvu” iNkosi efuna ukuba uzondle Ungawulandela njani umzekelo owamiselwa nguMsindisi njengomalusi? (bona imiqolo 11–31.

Bona kwakhona Yohane 21:15–17.

intlango noLwandle Olufileyo

UHezekile wabona embonweni umlambo uhamba uphuma etempileni uze uphilise uLwandle Olufileyo.

Hezekile 37

INkosi ihlanganisa uhlanganisela abantu bayo kwaye ibanike ubomi obutsha.

Ukuhlanganiselwa kukaSirayeli kubonisiwe kuHezekile 37 ngokusebenzisa iimpawu ezimbini. Njengoko ufunda ngelokuqala — amathambo afileyo abuyiselwa ebomini (bona imiqolo 1–14)—cingisisa ngoko ukufundayo ngokuhlanganiswa kukaSirayeli kumacala omabini esigqubuthelo (bona kwakhona Hezekile 36:24–30).

Uphawu lwesibini (bonaimiqolo 15–18) kubandakanya iintonga ezimbini, ezithi izifundiswa ezininzi zizichaze njengeebhodi zokubhala ezenziwe ngomthi ezidityaniswe ngehinjisi. Intonga kaYuda inokumela iBhayibhile (kuba uninzi lweBhayibhile lwalubhalwe yinzala kaYuda), kwaye intonga kaYosefu ingamela iNcwadi kaMormoni (ekubeni usapho lukaLehi lwaluyinzala kaYosefu waseYiphutha). Unoko engqondweni, le miqolo ikufundisa ntoni ngendima yezibhalo ekuhlanganisweni kukaSirayeli? Ingaba u2 Nifayi 3: 11–13 (isiprofetho malunga noJoseph Smith kunye neNcwadi kaMormoni) wongeza ntoni ekuqondeni kwakho?

Bona kwakhona 2 Nifayi 29:14“INcwadi kaMormoni Yaqokelela AmaSirayeli Athe saa” (umfanekiso bhanyabhanya, ChurchofJesusChrist.org).

umfanekiso wofundo losapho

Iingcebiso Zofundo Lwezibhalo Ezingcwele Zosapho kunye Nomhlangano Wangorhatya Wosapho

Hezekile 33:1–5Ukuzekelisa ezi vesi, elinye ilungu losapho linokuzenza “umlindi” ngokujonga ngefestile uxelele usapho lonke ukuba kwenzeka ntoni ngaphandle. Umprofeti wethu ophilayo ufana njani nomlindi kuthi?

Hezekile 33:15–16.Isifundisa ntoni le miqolo ngokuxolelwa esinokulufumana ngoYesu Krestu?

Hezekile 36:26–27Bonisa usapho lwakho amanye amatye njengoko nixoxa ngokuba kuthetha ukuthini ukuba “nentliziyo elilitye”. Bayeke bacebise amagama achaza “intliziyo entsha” kunye “nomoya omtsha” asinika wona uMsindisi (bona Mozaya 3:19; 5:2).

Hezekile 37:15–28Amalungu osapho anokufumana iintonga ezimbini aze abhale kwenye ekaYuda (iBhayibhile)kwaye kwenyeekaYosefu(iNcwadi kaMormoni) (bona imiqolo 16–19). Banokwabelana ngamabali okanye izibhalo ezingcwele ezivela kwiBhayibhile nakwiNcwadi kaMormoni ezibanceda bazive besondele kuMsindisi kwaye babe “ngabantu [baKhe]}” (umqolo 23).

Hezekile 47:1–12.Le miqolo ichaza umbono kaHezekile wamanzi ephuma etempileni aze aphilise uLwandle Olufileyo—ulwandle olunetyiwa kangangokuba iintlanzi nezityalo azinakuhlala kulo. Abantwana bangakonwabela ukuzoba umfanekiso walo mbono. Amele ntoni amanzi aphuma ebaleka etempileni? umfanekiso bhanyabhanya “And the River Will Grow [Kwaye Umlambo UyakuKhula],”ChurchofJesusChrist.org). Itempile isinceda njani ukusiphilisa? (bona Hezekile 47:8–9,11).

Ngeengcebiso ezithe vetshe malunga nokufundisa abantwana, isishwankathelo salevekikwi-Come, Follow Me—For Primary.

Ingoma ecetyiswayo: “Dear to the Heart of the Shepherd [Ubekekile kwiNtliziyo yoMalusi],” Amaculo,no.221.

Ukuphucula Ukufundisa Kwethu

Ungazami ukufundisa yonke into. Usenokungakwazi ukujonga yonke inyaniso ekuHezekile nosapho lwakho. Funa ukhokelo lokomoya ukumisela ukuba ujolise phi. (Bona Teaching in the Savior’s Way [Ukufundisa ngohlobo loMsindisi],7.

Umzekeliso womlambo ebaleka usuka etempileni

“Yabona, Kuphuma amanzi ngaphantsi kombundu womnyango wendlu leyo.… Kwaye Iphile yonke into ofike kuyo umlambo lowo” (Hezekile 47:1,9). Umfanekiso osetyenziswe phantsi kwemvume esuka shutterstock.com.