Iesu ’e Maria

E aha ’oe i ’oto ai, e terā ra vahine ? nā Mark R.Pugh

27 nō Tiurai–2 nō ’Ātete

Alama 39-42

« Te rāve’a rahi ’oa’oa »

I muri a’e i te tuatāpapara’a nā roto i te pure i te Alama 39–42, e fa’anaho i te mau ’ohipara’a nō te tauturu i te mau tamari’i ’ia ’apo mai. E nehenehe ’outou e ’ite mai i te mau mana’o i roto i te mau ’ohipara’a i muri nei ’o te nehenehe e fa’atanohia i te mau huru fāito matahiti ato’a.

Pāpa’i i te mau mana’o e tae mai

ītona fa’a’itera’a

Tītau i te mana’o

E ani i te tamari’i tāta’itahi ’ia ti’a i ni’a ’e ’ia fa’a’ite mai i te hō’ē mea nō ni’a i te ’evanelia tāna i ’apo mai i te fare ’e ’aore rā, i te fare purera’a ’aita i maoro a’e nei.

ītona ha’api’ira’a

Ha’api’i i te ha’api’ira’a tumu : Mau tamari’i ’āpī

Alama 39:1, 10–11

E nehenehe au e riro ʼei hi’ora’a maita’i.

’Ua fa’aitoito o Alama ia Korianotona ’ia ’apo mai nā roto mai i te hi’ora’a maita’i o tōna mau taea’e ’e ’ua fa’aara ia Korianotona ’eiaha ’ia riro ’ei hi’ora’a ’ino nō vetahi ’ē.

Mau ’ohipa e nehenehe e rave

• E fa’ata’a ē, e nā taea’e o Sibelona ’e o Korianotona, ’e ’ua riro o Sibelona ’ei hi’ora’a maita’i nō Korianotona. E ani i te mau tamari’i ’ia fa’ahiti i teie uira’a nā muri iho ia ’outou : « E ’ere ānei ’oia e hi’ora’a maita’i nō ’oe ? » (Alama 39:1). E ani i te mau tamari’i ’ia ’āparau mai nō ni’a i te hō’ē ta’ata tei riro ’ei hi’ora’a maita’i nō rātou.

• E ha’uti i te hō’ē ha’uti ’e ’aore rā, e hīmene i te hō’ē hīmene i reira te mau tamari’i e pe’e ai ia ’outou, mai te « Do as I’m Doing » (Children’s Songbook,276). E vaiiho i te tamari’i tāta’itahi ’ia riro ’ei ta’ata fa’atere ’e ’aore rā, ’ei hi’ora’a, te tahi i muri mai i te tahi. E ani i te mau tamari’i nāhea rātou ’ia riro ’ei hi’ora’a maita’i nō te tahi ta’ata.

• Fa’a’ite i te mau hōho’a nō Iesu e rave ra i te mau ’ohipa maita’i, ’e e fa’ata’a ē, ’o ’oia tō tātou hi’ora’a maita’i hope. E fa’ata’a ē, e nehenehe tātou e riro ’ei mau hi’ora’a maita’i, mai ia Iesu . E ani i te mau tamari’i e pāpa’i hōho’a ia rātou iho e riro ra ’ei mau hi’ora’a maita’i.

Alama 39:9, 13

E nehenehe te Metua i te ao ra ’e o Iesu Mesia e tauturu iā’u ’ia fa’a’āfaro i tā’u mau hape.

Noa atu ē, ’aita i tītauhia i te mau tamari’i na’ina’i ’ia tātarahapa, ma te paraparaura’a ia rātou nō ni’a ia Korianotona, e tauturu ia rātou ’ia ha’amata i te hāro’aro’a e aha te aura’a o te tātarahapara’a.

Mau ’ohipa e nehenehe e rave

• Ma te ’ore e tomo i roto i te hu’ahu’ara’a o te nātura o tāna mau hara, e fa’ata’a ē, ’ua rave o Korianotona i te mā’itira’a hape. E aha tā tātou e nehenehe e parau nō te tauturu iāna ? E tai’o i te mau tamari’i i te mea tā Alama, te metua tāne o Korianotona, i parau atu iāna : « ’Ia tātarahapa ’oe, ’e ’ia fa’aru’e ’ē atu i tā ’oe mau hara » (Alama 39:9). E parau ia rātou ē, te aura’a o te « tātarahapa » ’oia ho’i, e ani tātou i te Metua i te ao ra ’e ia Iesu Mesia ’ia fa’a’ore mai i tā tātou mau hapa ’e ’ia tauturu mai ia tātou ’ia fa’a’āfaro i tā tātou mau hapehape ’e i muri iho, e tāmata tātou i te riro hau atu mai ia rāua ra te huru.

• E hōro’a i te hō’ē tamari’i hō’ē ’ohipa teiaha ’ia tāpe’a, ’a fa’ati’a ai ’outou i te hō’ē ’ā’amu nō ni’a i te hō’ē ta’ata tei rave i te ’ohipa ’ino ’e ’ua pe’ape’a ’oia. E parau i te mau tamari’i ē, e au terā tao’a mai te mau mana’o pe’ape’a e tupu mai i roto ia tātou ’ia rave ana’e tātou i te hō’ē hape. E rave mai i terā tao’a i te tamari’i ra, ’a fa’a’ite pāpū ai ’outou ē, e nehenehe te Metua i te ao ra ’e o Iesu Mesia e ’īriti ’ē atu i te teiaha, te mau mana’o pe’ape’a ’e e tauturu ia tātou ’ia fa’a’āfaro i tā tātou mau hape, ’ia tātarahapa ana’e tātou. E hīmene ’āmui i te hō’ē hīmene nō ni’a i te tātarahapa, mai te « Repentance » (Children’s Songbook,98).

Alama 40:23

E fa’ati’a-fa’ahou-hia vau.

E tauturu i te mau tamari’i ’ia tīa’i i te mahana e ti’afa’ahou mai ai rātou ’e tei herehia e rātou.

Mau ’ohipa e nehenehe e rave

• ’A tai’o ai ’outou i te Alama 40:23 ma te pūai, e vaiiho i te mau tamari’i ’ia fa’a’ohipa i te ’api ’ohipara’a nō teie hepetoma nō te tauturu ia rātou ’ia hi’o mana’o i te mau mea tā teie ’īrava e ha’api’i nei. ’A ani i te tamari’i tāta’itahi ’ia fa’a’ohipa i te ’api ’ohipara’a nō te ha’api’i i te tahi atu tamari’i e aha te ti’afa’ahoura’a.

• E fa’a’ite i te hō’ē hōho’a o te Fa’aora tei ti’afa’ahou, ’e e ha’api’i i te mau tamari’i i te hō’ē hīmene nō ni’a i te ti’afa’ahoura’a, mai te « Jésus est-il ressuscité ? » ’e ’aore rā, « ’Ua ti’a mai te Fatu » (Chants pour les enfants, 45; Te mau hīmene, nūmera 116). E fa’aea i terā ’e terā taime nō te fa’ata’a i te aura’a ’e te tātarara’a o te mau ta’o ’e te mau pereota.

• E ani i te mau tamari’i ē, ’ua pohe ānei te hō’ē ta’ata tā rātou i mātau. E fa’a’ite i tō ’outou ’itera’a pāpū ē, ’ia tae i te hō’ē mahana, e ti’afa’ahou mai taua ta’ata ra ’e te tahi atu mau ta’ata, maoti Iesu Mesia. Mai te mea e hina’arohia, ’a fa’a’ohipa i te ’api ’ohipara’a nō teie hepetoma nō te fa’ata’a i te aura’a o te parau ’ia ti’afa’ahou.

  Maria ʼe o Iesu

  Maria ’e te Fatu tei ti’afa’ahou, nā Harry Anderson.

ītona ha’api’ira’a

Ha’api’i i te ha’api’ira’a tumu : Mau tamari’i pa’ari

Alama 39:1, 10–11

E nehenehe au e riro ʼei hi’ora’a maita’i.

E nehenehe te parau a’o a Alama ia Korianotona e tauturu i te mau tamari’i ’ia hāro’aro’a i te faufa’a nō te pe’era’a ’e te rirora’a ’ei mau hi’ora’a maita’i.

Mau ’ohipa e nehenehe e rave

• E fa’ata’a ē, ’ua rave te tamaiti a Alama, o Korianotona, i te hō’ē hara rahi ’a poro haere ai ’oia i te ’evanelia. E tai’o ’e te mau tamari’i i te ’āfara’a hōpe’a o te Alama 39:11 ’e e ani ia rātou ’ia fa’aro’o e aha te ’ohipa tā te hara a Korianotona i fa’atupu i ni’a i te ’āti Zorama. Tauturu i te mau tamari’i ’ia feruri i te mau ta’ata ’o te riro i te fa’auruhia i tā rātou mau ’ohipa. Nāhea e ti’a ai ia rātou ’ia riro ’ei mau hi’ora’a maita’i nō teie mau ta’ata ?

• E tai’o ’āmui i te Alama 39:1. E mea nāhea te taea’e o Korianotona, ’o Siberona i te rirora’a ’ei hi’ora’a maita’i ? E ani i te mau tamari’i ’ia ’imi i te tahi atu ā mau pāhonora’a i teie uira’a i roto i te Alama 38:2–4. E fa’ati’a i te tahi mau hi’ora’a maita’i o tō ’outou orara’a, ’e e ani i te mau tamari’i ’ia nā reira ato’a.

• ’A hōpoi mai i te hō’ē moripata ’e ’aore rā, hō’ē hōho’a o te mahana, ’e e fa’aau i te māramarama i te mana o te hō’ē hi’ora’a parau-ti’a. Mai te māramarama o te hō’ē moripata ’e ’aore rā, o te mahana e nehenehe e tauturu ia tātou ’ia ’ite i te purūmu e tītauhia ia tātou ’ia pe’e, e fa’a’ite te hi’ora’a parau-ti’a ia tātou e aha te rave e ti’a ai ia tātou ’ia pe’e i te Metua i te ao ra. E fa’a’ite i te hō’ē ’itera’a, ’a tauturu ai te hi’ora’a maita’i o te hō’ē ta’ata ia ’outou. E aha tā te mau tamari’i e nehenehe e rave nō te riro ’ei hi’ora’a maita’i nō vetahi ? E fa’a’ite pāpū ē, o Iesu Mesia tō tātou hi’ora’a maita’i hope.

Alama 39:9–13

E nehenehe au e tātarahapa ’ia rave ana’e au i te hape.

Mai ia tātou pā’āto’a, e rave te mau tamari’i tā ’outou e ha’api’i nei i te hara ’e te mau hape. Nāhea ’outou ’ia fa’auru ia rātou « ’ia fa’aru’e ’ē atu i tā [rātou] mau hara » ’e ’ia tātarahapa ? (Alama 39:9).

Mau ’ohipa e nehenehe e rave

• E ani i te mau tamari’i ’ia fa’a’ite mai i te hō’ē ’itera’a ’a pēpē ai rātou i te hō’ē taime. E aha tā rātou i rave nō te tauturu ’ia fa’aorahia tō rātou pēpē ? E fa’ata’a ē, e ha’apēpē te hara i tō tātou vārua, e nehenehe rā te Fa’aora e fa’a’ora ia tātou mai te mea ē, e tātarahapa tātou.

• E ani i te mau tamari’i ’ia ’imi i te pereota « ’ia tātarahapa ’oe, ’e ’ia fa’aru’e ’ē atu i tā ’oe mau hara » i roto i te Alama 39:9, ’e e tauturu ia rātou ’ia hāro’aro’a i te aura’a o te mau ta’o « tātarahapa » ’e « fa’aru’e ’ē atu ». E fa’a’ite pāpū ē, e tupu te tātarahapa nā roto ia Iesu Mesia ’e tāna tāra’ehara. E tai’o ’āmui i te Alama 39:10–14 nō te ’imi i te tahi atu mau mea tā tātou e nehenehe e rave nō te tauturu ia tātou ’ia tātarahapa ’e ’ia ’ape i te hara.

Alama 40:6–7, 11–14, 21–23

I muri a’e i te pohe, e haere tō tātou vārua i te ao vārua e tae roa i te ti’afa’ahoura’a ’e i te ha’avāra’a.

E huru mau te uiuira’a, e aha te tupu nō tātou i muri a’e i tō tātou pohera’a. E nehenehe te mau parau a Alama e tauturu i te mau tamari’i ’ia ’ite i te mau pāhonora’a fa’auruhia.

Mau ’ohipa e nehenehe e rave

• Pāpa’i pohe, ao vārua, ti’afa’ahoura’a, ’e te ha’avāra’a i ni’a i te mau tuha’a ’api parau, ’e e tu’u i te reira i ni’a i te tāpura ’ere’ere ma te ’āno’i haere noa. E tauturu i te mau tamari’i ’ia hāro’aro’a e aha te aura’a o teie mau ta’o. E tai’o ’e te mau tamari’i Alama 40:6–7, 11–14, ’e 21–23 ’e e ani ia rātou ’ia tu’u i te mau ta’o i ni’a i te tāpura ’ere’ere i roto i te ’āna’ira’a mau i tō rātou tupura’a.

• Pāpa’i i ni’a i te tāpura ’ere’ere i te hō’ē tāpura uira’a o te nehenehe e pāhonohia nā Alama 40:6–7, 11–14, ’e 21–23, ’e e ani i te mau tamari’i ’ia fa’atū’ati i te uira’a tāta’itahi i ni’a i te mau ’īrava e pāhono ra i te reira. ’Ei hi’ora’a, e nehenehe te uira’a « E aha te huru o tō’u tino ’ia ti’afa’ahou mai au ? » e pāhonohia e Alama 40:23. Mai te mea e tītauhia, e fa’ata’a i te mau ta’o fifi i te mau tamari’i ’a tai’o ai rātou. E fa’aitoito i te mau tamari’i ’ia fa’a’ite mai, nō te aha rātou i māuruuru ai i te fa’anahora’a a te Metua i te ao ra.

ītona ’apora’a ha’api’ira’a

Fa’aitoito i te ha’api’ira’a mai i te fare

E fa’aitoito i te mau tamari’i ’ia ha’amāuruuru i te hō’ē melo o te ’utuāfare tei riro ’ei hi’ora’a maita’i nō rātou ’e ’ia feruri i te hō’ē rāve’a e nehenehe ai rātou e riro ’ei hi’ora’a maita’i i teie hepetoma.

Haʼamaitaʼiraʼa i tā tātou haʼapiʼiraʼa

Faʼaʼohipa i te mau ʼitetinūmera. « E ha’api’i maita’i a’e te rahira’a o te mau tamari’i (’e te feiā pa’ari ) ’ia fa’a’ohipa-ana’e-hia te mau ’itetino rau. E ’imi i te mau rāve’a nō te tauturu i te mau tamari’i ’ia fa’a’ohipa i tō rātou ’itetino nō te hi’o, te fa’aro’o, ’e te fāfāra’a, ’a ’apo mai ai rātou » (Te ha’api’ira’a mai tā te Fa’aora,25).

’api ’ohipara’a : E ti’afa’ahou mai au