Ekar Kūr E kōn Eta, jān Micheal Malm

Jānwōde 11–17

Katak im Bujen Ko 2; Josep Smith—Bwebwenato 1:27–65

“Būruōn ro Nejier Renaaj Oktakļo̧k n̄an ro Jemāer”

Jino kōppopo eo am̧ kōn riiti Katak im Bujen Ko 2 im Josep Smith—Bwebwenato 1:27–65. Ļōmņak ko ilo laajrak in emaron̄ jipan̄ eok katakin m̧ool ko ilo eoon kein.

Je En̄jake ko Rej Im̧we Eok

Kajjitōk bwe ren Kwaļo̧k

Komaron̄ jino kūlaaj eo kōn kajjitōk ippān ajri ro bwe ren kwaļo̧k ta eo rejeļā kōn lo̧ļo̧k eo an Moronai n̄an ippān Josep Smith.

Katakin Katak ko: Ajri ro Reddikļo̧k

Josep Smith—Bwebwenato 1:27–54

Jemedwōj Ilan̄ eaar kūr Josep Smith n̄an jipan̄ E kōmm̧ane jerbal eo An.

Kam̧oolol eo an ajri ro kōn Rikanaan Josep Smith emaron̄ m̧wilaļ ļo̧k ilo aaer ekkatak kake jerbal eo Anij eaar kūr bwe en kōm̧m̧an.

M̧akūtkūt ko Maron̄ Kōm̧m̧ani

• Kwaļo̧k juon pija in an Moronai lo̧ļo̧k Josep Smith (lale Gospel Art Book, no. 91). Kajjitōk ippān ajri ro bwe ren jitōn̄i ta ko rej kili ilo pija eo. Kōkaduik meļeļe in bwebwenato in lo̧ļo̧k eo an Moronai n̄an ippān Josep Smith. N̄e mennin aikuj, lale Josep Smith—Bwebwenato 1:27–54 im “Jepta 3: Enjeļ Moronai im Pileij Ko̧o̧ļ ko” (Bwebwenato ko an Katak im Bujen Ko, 13–17). Kajjitōk ippān ajri ro bwe ren arin Josep Smith ilo jet iaan mōttan bwebwenato eo ilo aaer nukwij peier āinwōt n̄e rej jar, im arin aaer talōn̄e Toļ Kumura, im ko jet.

• Riiti Josep Smith—Bwebwenato 1:33 im kajjitōk bwe ajri ro ren jutak n̄e rej ron̄ naan in “eaar wōr an Anij jerbal n̄an n̄a bwe in kōm̧m̧an.” Ta eo Anij eaar kōņaan bwe Josep en kōm̧m̧an? Ta eo Ej kajjitōk bwe jen kōm̧m̧an? Kōtļo̧k bwe ajri ro ren jin̄a pija in ta ko Anij ekōņaan bwe ren kōm̧man, āinwōt jar, jerbal in jipan̄, ak riiti jeje ko rekwojarjar.

Katak im Bujen Ko 2

Elisha eaar leļo̧k n̄an Josep Smith kajoor eo n̄an liāp e baam̧le ko n̄an indeeo.

Ekkatak kōn kajooor in liāp eo kar kōjepļaktok n̄an Josep Smith emaron̄ jipan̄ ajri ro kam̧m̧oolol kōn kōjeraam̧m̧an ko an baam̧le indeeo.

M̧akūtkūt ko Maron̄ Kōm̧m̧ani

• Jipan̄ ajri ro ba etan “Ilaija” jejjo kattōn. Kajjitōk ippāer bwer ren ron̄jake āt in ilo am̧ riiti Katak im Bujen ko 2:1. Kōm̧eļeļe bwe naan ko an Moronai kein n̄an Josep Smith, im raar katakin bwe Ilaija enaaj kar itok im kōjepļaaktok maron̄ eo an priesthood. Tokālik Ilaija eaar waļo̧k n̄an Josep Smith ilo Kirkland Temple im leļo̧k n̄an Rikanaan eo kajoor eo n̄an liāp e baam̧le ko indeeo.

• Kajjitōk ippān ajri ro n̄an kwaļo̧k ta eo rej iakwe baam̧le ko aer kake? Kwaļo̧k juon pija in an baam̧le pād turin juon tampeļ—baam̧le eo am̧ make, n̄e emaron̄ (ak lale Gospel Art Book, no. 120). Kam̧ool bwe Jemedwōj Ilan̄ ekōņaan bwe baam̧le ko ren pād ippān doon indeeo, im en̄iin juon iaan un ko eaar letok n̄an kōj tampeļ.

• Al ippān doon “Families Can Be Together Forever” (Children’s Songbook, 188). Ta eo al in ej ba jemaron̄ kōm̧m̧ane n̄an pād ippān baam̧le eo ad indeeo?

Katak im Bujen Ko 2

Ekkatak kōn ro jibū im jim̧m̧aō eboktok n̄an eō lan̄lōn̄.

Ajri ro redik remaron̄ bar lukkun m̧ōņōņō im en̄jake lan̄lōn̄ eo an menmenbwij.

M̧akūtkūt ko Maron̄ Kōm̧m̧ani

• Kūr juon jinen ak jemen an juon iaan ajri ro bwe en itok n̄an kūlaaj eo im kwaļo̧k juon bwebwenato kōn juon eo moktaļo̧k (im kwaļo̧k pija n̄e elōn̄). Kōnono kōn lan̄lōn̄ eo kwoj en̄jake n̄e kwoj ekkatak kōn menmenbwij eo am̧.

• Leļo̧k juon peba jekjek in bōro n̄an kajjojo ajri. Jipan̄ er je etaer im “N̄aij kalim̧m̧ur in keememej ro jibū im jim̧m̧aō” ņa ioon. Riiti Katak im Bujen Ko 2:2, im kōmeļeļe bwe Ilaija eaar itok im ukōt būruōd n̄an ro jibūd im jim̧m̧aad.

Katakin Katak ko: Ajri ro Rerūttoļo̧k

Josep Smith—Bwebwenato 1:28–29

Imaron̄ jar n̄an jeorļo̧k bwōd ko aō.

Ajri ro kwoj katakin jet iien remaron̄ en̄jake “eddo eo jān m̧ōjņo̧ eo [aer] im jab weeppān” (Josep Smith—Bwebwenato 1:29) āinwōt kar Josep Smith. Jipan̄ er jeļā bwe remaron̄ oktak n̄an Jemedwōj Ilan̄ n̄an jeorļo̧k bwōd.

M̧akūtkūt ko Maron̄ Kōm̧m̧ani

• Riiti ippān ajri ro Josep Smith—Bwebwenato 1:29. Ewi wāween an kar Josep Smith en̄jake kōn bwōd ko an? Ta eo eaar kōmm̧ane kōn bwōd ko an? Ta jemaron̄ ekkatak jān wanjo̧n̄o̧k eo an Josep me emaron̄ jipan̄ kōj n̄e jej kōmm̧an bwōd? Kajjitōk ippān ajri ro elmen aaer en̄jake ilo aaer jeļā ke Josep eaar kūr jān Anij mekarta eaar jab weeppān.

• Etke ej aorōk n̄an ļōmņak kōn ad “jutak imaan [Anij]”? (Josep Smith—Bwebwenato 1:29). Ba n̄an ajri ro ta eo kwoj kōm̧m̧ane n̄e kwoj ļōmņak kōn ia eo kwoj jutak ie ippān Anij.

Josep Smith—Bwebwenato 1:30–54

Josep Smith eaar kūr jān Anij n̄an kōm̧m̧ane juon jerbal eaurōk.

Ekkatak ennaan eo an Moronai n̄an Josep Smith emaron̄ jipan̄ ajri ro kōkajoor naan in kamool ko aaer kōn kūr eo ekwojarjar an Josep.

M̧akūtkūt ko Maron̄ Kōm̧m̧ani

• Kajjitok bwe ajri ro ren arin ak jin̄a pija kōn iien eo jān Josep Smith—Bwebwenato 1:30–54, āinwōt an kar Moronai waļo̧k n̄an Josep (eoon 30–47), an Josep kōnnaan ippān jeman (eoon 48–50), im an Josep kar loi pileij ko (eoon 51–54). Ta eo jej katak jān bwebwenato in kōn jerbal eo kar kūr Josep n̄an kōm̧m̧ane?

• Riit ippān ajri ro Josep Smith—Bwebwenato 1:33–35, im kajjitōk ippāer bwe ren ron̄jake ta eo Moronai eaar kōņaan bwe Josep en jeļā kōn jerbal eo kar kūr Josep n̄an kōm̧m̧ane. Elme ad jeram̧m̧an kōnke Josep Smith eaar kakurmool jerbal eo an āinwōt juon rukook n̄an Bok in Mormon? Karuaineneik ajri ro bwe ren riiti Bok in Mormon eo aolep raan.

Katak im Bujen Ko 2

Jemedwōj Ilan̄ ekōņaan bwe baam̧le ko ren liāp ilo tampeļ.

Moronai eaar ba n̄an Josep Smith ke Ilaija enaaj kar itok im “kwaļo̧k … Priesthood eo” (eoon 1) Mennin ej kōnono kōn kajoor in liāp eo an priethood me ej kōmelim baam̧le ko bwe ren koba ippān doon indeeo im komelim ad bōk kain̄i ko n̄an ro moktaļo̧k jān kōj ilo tampeļ.

M̧akūtkūt ko Maron̄ Kōm̧m̧ani

• Kajjitōk bwe ajri ro ren riiti kanaan in ilo Katak im Bujen ko 2:1. Kajjitōk ippāer bwe ren kappukōt wōn eo Irooj enaaj kar jilkintok ilo raan ko liktata im ta eo armej in enaaj kar kwaļo̧k. Kwaļo̧k juon pijaan Ilaija ilo Kirkland Temple (lale Gospel Art Book, no. 95), im kōnono kōn elmen an kanaan in kar kūrm̧ool 13 iiō ālkin loļo̧k eo an Moronai (lale Katak im Bujen Ko 110:13–15).

• Kōmeļeļe bwe Elija eaar kōjepļaaktok ki in priesthood eo me ej kōmelim an baam̧le ko liāp ippān doon indeeo. Kwaļo̧k jet kein jerbal ko me remaron̄ jipan̄ ajri ro melele kōn ta melelein n̄an liāp e juon men, āinwōt juon kuwat in m̧ōn̄a ak būļajtiik n̄an kakwonkwon me elōn̄ jiibōr ie. Elmen an kein jerbal kein jipan̄ kōj melele kōn ta melelein bwe baamle ko ren liāp?

• Kwaļo̧k juon pija in tampeļ, im jipan̄ ajri ro kwaļo̧k jet iaan men ko jej kōm̧m̧ani ilo tampeļ. Kōmeļeļe bwe peptaij kōn ro remej, marre indeeo, im liāp an baamle ilo tampel rej aolep melim kōnke kōn ki in priesthood eo Ilaija eaar kōjepļaaktok.

• Kūr juon likao ak jiron̄ ilo ward eo bwe en kwaļo̧k juon en̄jake me e eaar loe etan juon iaan ro moktaļo̧k im kar peptaij kake ilo tampeļ.

  

  Baam̧le ko rej liāp ilo tampeļ ko kōn kajoor eo kar jepļaaktok ippān Ilaija.

Kōketak Ekkatak ilo M̧weo

Kōketak ajri ro bwe ren kajjitōk ippān jineer im jemaer n̄an kwaļo̧k juon bwebwenato kōn juon iaan ro moktaļo̧k ak jipan̄ er kepooj juon m̧ōn̄ā enno ippān juon iaan ro moktaļo̧k im kōm̧mane.

Kōkōm̧anm̧anļo̧k Ad Katakin

Jipan̄ ajri ro katak jān jeje ko rekwojarjar. N̄an jipan̄ ajri ro katak jān jeje ko rekwojarjar, pedped wōt ioon juon eoon ilo jeje ko rekwojarjar ak juon naan. Komaron̄ kajjitōk ippān ajri ro n̄an jutak ak kajutak peier n̄e rej ron̄ naan eo ak eoon eo. (Lale Teaching in the Savior’s Way,21.)