armej ro rej jerbal ilo meļaaj eo

Iien Totak ilo France, jān James Taylor Harwood

Jānwōde 18–24

Katak im Bujen Ko 3–5

“Jerbal eo Aō Enaaj Wōnm̧anļo̧k”

Ilo am̧ ekkatak Katak im Bujen ko 3–5, komaron̄ bōk im̧we ko kōn ta eo ajri ro kwoj katak rej aikuj meļeļe. Makūtkūt ko ilo laajrak in enaaj bar lewaj ļōmņak n̄an eok.

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Kwaļo̧k pija in Josep Smith jān unin tōl eo an wiik in ilo Itok, Ļoor Eō—N̄an Kajjojo Armej im Baam̧le ko, im kōm̧m̧an bwe ajri ro ren jiron̄ eok ta eo rejeļā kōn bwebwenato eo. Jipan̄ er kakeememej bwebwenato in an kar Martin Harris luuji peij in ukook ko jiņoin an Bok in Mormon (lale “Jepta 4: Martin Harris and the Lost Pages,” Bwebwenato in Katak im Bujen Ko, 18–21; or Saints, 1:51–56).

pija ej bōk jikin katakin

Katakin Katak ko: Ajri ro Reddikļo̧k

Katak im Bujen Ko 3:7–10

Imaron̄ kālet jim̧we eo n̄e ro jet rej kajjieon̄ bwe in kōm̧m̧an bwōd.

Jipan̄ ajri ro jeļā ta eo Josep Smith eaar ekkatak: eļan̄n̄e rej ļōke Jemedwōj Ilan̄, Enaaj “pād [ippāer] ilo iien ko otemjej rōapan̄” (Katak im Bujen Ko 3:8).

M̧akūtkūt ko Maron̄ Kōm̧m̧ani

• Etale bwebwe in Martin Harris im peij ko raar jako (lale Bwebwenato in Katak im Bujen Ko, 18–21, ak pija eo āinļo̧k ilo ChurchofJesusChrist.org). Kwaļo̧k n̄an ajri ro jet iien ko me remaron̄ in pād ilo kapo n̄an kōm̧m̧an ta eo rejeļā ke ejjab jim̧we. Ewi wāween an Jemedwōj Ilan̄ jipan̄ kōj n̄an kālet jim̧we eo (lale Katak im Bujen Ko 3:8).

  Martin Harris

  Martin Harris, jān Lewis A. Ramsey

• Riiti naan kein jān Katak im Bujen Ko 3:8: “Enaaj kar erļo̧ke Pein im rejetake eok.” Kūr ajri ro bwe ren jutak im erļo̧ke peier ilo am̧ bar riiti naan in. Kwaļo̧k n̄an er jet wāween ko me Irooj ej erļo̧ke pein im jipan̄ er n̄e ro jet rej kajjieon̄ kōm̧man bwe ren kōm̧m̧ane ta eo ebōd. Kōtļo̧k bwe ren kajjojo erļo̧ke peier ilo aaer kwaļo̧k kōn bar jet wāween me Irooj ej erļo̧ke Pein n̄an jipan̄ kōj.

Katak im Bujen Ko 4

Irooj ej aikuji eō n̄an kōm̧m̧ane jerbal eo An.

Ajri ro remaron̄ “jino ilo jerbal in an Anij” (Katak im Bujen Ko 4:2) ilo elōn̄ wāween ko, im remaron̄ kōppopo kiiō n̄an iien em̧m̧an ko jet ilju im jōkļaj.

M̧akūtkūt ko Maron̄ Kōm̧m̧ani

• Riiti Katak im Bujen Ko 4:1 n̄an ajri ro. Boktok jet pija me rej kalikkar jerbal eo “eaibojooj” an Anij ilo raan kein āliktata (āinwōt pija in mijenede ro, tampeļ, im Bok in Mormon). Kōm̧m̧an bwe ajri ro ren kajjojo kālete juon pija im kwaļo̧k kake. Kwaļo̧k etke jerbal eo an Irooj eaibojooj n̄an kwe.

• Jipan̄ ajri ro ļo̧m̧ņak kōn m̧akūtkūt ak jin̄aik pija ko me rej kalikkar naan in “jerbal n̄an E kōn aolepān būruōmi, ami maron̄, ļōmņak im kajoor” (Katak im Bujen Ko 4:2). Kwaļo̧k juon wanjo̧n̄o̧k kōn juon eo kojeļā me ej jerbal n̄an Anij ilo wāween in.

• Al ippān doon juon al kōn kwaļo̧k kōn jerbal in mijenede “I Want to Be a Missionary Now” (Children’s Songbook, 168). Ekōnono kōn ta eo al eo ej katakin kōn ekōjkan an maron̄ jipan̄ Anij kōm̧m̧ane jerbal eo An.

Katak im Bujen Ko 5:10

Em̧ōj ad bōk naan eo an Anij jān Josep Smith.

Ewi wāween am̧ maron̄ jipan̄ ajri ro kōkajoor naan in kamool ko aaer ke Josep Smith im rikanaan ro jet rej katakin naan eo an Anij?

M̧akūtkūt ko Maron̄ Kōm̧m̧ani

• Ņooje e pija in Josep Smith ilo ruum̧ eo (lale Gospel Art Book, no. 87). Riiti Katak im Bujen Ko 5:10, im kajjitok bwe ajri ro n̄an kappukōt pija eo im bwe ren jeļā wōn eo naan eo “you” ej kōnaan kake. Kwaļo̧k am̧ naan in kam̧ool bwe em̧ōj ad bōk naan an Anij jān Josep Smith.

• Kwaļo̧k n̄an ajri ro kape in Bok in Mormon im Katak im Bujen Ko. Kōm̧eļeļe bwe Anij eaar letok n̄an kōj jeje kein rekwojarjar jān Josep Smith. Kwaļo̧k jet iaan eoon ko rem̧m̧an ippam̧ jān bok kein, im kwaļo̧k etke kojaam Kam̧oolol kaki.

pija ej bōk jikin katakin

Katakin Katak ko: Ajri ro Rerūttoļo̧k

Katak im Bujen Ko 3:5–10; 5:21–22

Ij aikuj kea eļapļo̧k kōn aō kam̧ōņōņō Anij ijelo̧kin ro jet.

Ilo an ajri ro ekkatak kōn ta eo eaar waļo̧k n̄an Josep Smith kōn peij in ukook ko an Bok in Mormon raar jako, remaron̄ bōk im̧we n̄an pād wōt ilo tōmak n̄e ro jet rej kapo er n̄an jab pokake.

M̧akūtkūt ko Maron̄ Kōm̧m̧ani

• Jejjo raan moktaļo̧k, kūr juon iaan ajri ro bwe ren itok n̄an class im kwaļo̧k bwebwenato in Josep Smith im Martis Harris ke raar luuji peij in ukook ko jinoin an Bok in Mormon (lale Bwebwenato in Katak im Bujen Ko 18–21; ak Saints, 1:51–56). Riit ippān doon Katak im Bujen Ko 3;5–8; 5:21–22, im kappukōt kōjeraam̧m̧an ko me rej itok n̄e jej m̧ool n̄an Anij.

• Leļo̧k jidik iien an ajri ro kōļmenļo̧kjen kōn juon jekjek me juon m̧ōttaer ej kajjieon̄ bwe ren kōm̧m̧ane juon men ebōd. Kūr ajri ro n̄an kappok eoon ilo Katak im Bujen Ko 3:3:5–8; 5:21–22 me emaron̄ jipan̄ er ilo jekjek rōt kein. Kamelmel kōn jet wanjo̧n̄o̧k.

Katak im Bujen Ko 4

Irooj ej aikuji eō n̄an kōm̧m̧ane jerbal eo An.

Katak im Bujen Ko 4 emaron̄ kaim̧we ajri ro bwe ren m̧ōttan “jerbal eo eaibojooj” an Anij (eoon 1).

M̧akūtkūt ko Maron̄ Kōm̧m̧ani

• Je ilo boot Jerbal n̄an Anij. Kajjitōk ippān ajri ro bwe ren etale Katak im Bujen Ko 4 im kōm̧m̧ane juon laajrak in jet men raar ekkatak kōn ta meļeļein jerbal n̄an Anij. Kajjitōk ippāer bwe ren kobaik waj ilo laajrak eo menko raar ekkatak jān al in “I Will Be Valiant” (Children’s Songbook, 162) ak bar juon al kōn jerbal n̄an Anij.

• Boktok kein jerbal (ak pija in kein jerbal) me juon emaron̄ kōjerbali ilo meļaaj ko. Ewi wāween an kein jerbal kein jipan̄ kōj. Jipan̄ ajri ro kappok jabdewōt ilo Katak im Bujen Ko 4:5–6 me emaron̄ āinwōt kein jerbal n̄an kōm̧m̧ane jerbal eo an Anij.

• Kūr mijenede ro ak ward mijenede ro n̄an kwaļo̧k juon men jān Katak im Bujen Ko 4 me eaar kaim̧we er n̄an kōm̧m̧ane jerbal eo an Anij. Ta eo jemaron̄ kōm̧m̧ane n̄an jipan̄ ilo jerbal eo an Anij?

Katak im Bujen Ko 5:1–7, 11, 16, 23–24

Imaron̄ juon rikam̧ool ke Bok in Mormon em̧ool.

Kar kallim̧uri Martis Harris ke enaaj kar juon iaan rikam̧ool ro an pileij ko̧o̧ļ ko eļan̄n̄e enkar tōm̧ak. Jeban loi pileij ko āinwōt kar Martin, bōtaab jemaron̄ bōk juon kam̧ool in jetōb kōn Bok in Mormon eo. Ekōjkan am̧ maron̄ jipan̄ ajri ro kōļapļo̧k im kwaļo̧k kam̧ool eo aer make kōn Bok in Mormon?

M̧akūtkūt ko Maron̄ Kōm̧m̧ani

• Jeje kajjitōk āinwōt kein ilo boot eo, im jipan̄ ajri ro kappok uaak ilo Katak im Bujen Ko 5:1–3, 7, 11: Ta eo Martin eaar ikdeelel in jeļā? Wōn ro Josep Smith emaron̄ kar kwaļo̧k pileij ko̧o̧ļ ko n̄ani? Etke loi pileij ko ebban lukkuun bwe n̄an kaim̧we juon ke Bok in Mormon em̧ool?

• Kajjitōk ippān ajri ta in rikam̧ool im etke juon rikam̧ool eaorōk? Ta eo Martis Harris eaar aikuj kōm̧m̧ane bwe en juon rikam̧ool kōn pileij kooļ ko? (lale Katak im Bujen Ko 5:23–24). Mekarta jejjan̄un kar loe pileij ko, ta eo jemaron̄ kōm̧m̧ane bwe ren kam̧ool kōn Bok in Mormon? (lale Katak im Bujen Ko 5:16; Moronai 10:3–5).

pija ej bōk jikin ekkatak

Kōketak Ekkatak ilo M̧weo

Kajjitōk ippān ajri ro n̄an je naan in kam̧ool ko aer kōn Bok in Mormon im kwaļo̧k n̄an juon eo rejeļā kajjeen.

Kōkōm̧anm̧anļo̧k Ad Katakin

Kajjim̧we m̧akūtkūt ko n̄an tōpar aikuj ko an ajri ro ewōr utam̧we ippāer. Kajjim̧we ko redik n̄an m̧akūtkūt ko emaron̄ kōm̧m̧an bwer aolep ajri ro ren ekkatak jāni. N̄an waanjon̄ok, n̄e juon m̧akūtkūt ej ba kwaļo̧k juon pija, komaron̄ al juon al ijjelo̧kin n̄an kobaik ajri ro ewōr jōrrāān in mej ippāer.

peij in m̧akūtkūt: Imaron̄ jipan̄ kōm̧m̧ane jerbal eo an Irooj