Buk blong Buk blong Momon we oli raetem

Kopi blong orijinol Buk blong Momon we oli bin raetem long han

1–7 Febwari

Doktrin mo Ol Kavenan 10–11

“Blong Yu Save Kamaot Olsem Man we I Win”

Wetem prea, ridim Doktrin mo Kavenan 10–11; stap tingting strong olsem wanem yu save helpem ol pikinini blong andastanem ol trutok long ol seksen ia. Ol aedia insaed long aotlaen ia—tugeta blong ol yang pikinini mo ol bigfala pikinini—i save help.

Raetemdaon Ol Filing mo Tingting blong Yu

serem pikja bokis

Invaetem Ol Pikinini blong Serem Wanem Oli Gat

Askem ol pikinini blong serem wanem oli tingbaot long las lesen abaot Martin Haris mo ol pej blong Buk blong Momon translesen we i bin lus. Serem eni smosmol pat we oli no tingbaot. Maet yu wantem gobak long “Japta 4: Martin Haris mo Ol Pej We Oli Bin Lus” (Ol Doktrin mo Kavenan Stori, 18–21).

tijing pikja bokis

Stap Tijim Doktrin: Ol Smol Pikinini

Doktrin mo Ol Kavenan 10:5

Taem mi prea oltaem, Papa long Heven bae i blesem mi.

Samtaem ol pikinini oli ting se oli save prea long sam spesel taem mo ples nomo, mo sapos nomo oli stap nildaon mo sarem ae blong olgeta. ?Olsem wanem yu save helpem olgeta blong lanem blong “prea oltaem”?

Samfala Aktiviti we Yu Save Mekem

• Soem ol pikja blong ol samting we yumi save mekem oltaem, olsem kakae, silip, o pleplei. ?Olsem wanem ol samting ia oli save helpem yumi? Soem wan pikja blong wan pikinini we i stap prea taem yu stap ridim ol toktok ia “prea oltaem” long Doktrin mo Ol Kavenan 10:5 . Askem ol pikinini blong ripitim ol toktok ia fulap taem. ?Olsem wanem nao blong stap prea oltaem i helpem yumi?

• Yusum aktiviti pej blong wik ia blong helpem ol pikinini blong tingting long fulap ples mo taem we oli save long hem.

• Invaetem ol pikinini blong droem ol pikja blong olgetawan o famli blong olgeta we oli stap prea long ol defren taem mo ples, olsem long jos, bifo skul, o long taem blong slip. Eksplenem se blong stap prea oltaem i save minim blong prea fulap taem truaot long dei. ?Olsem wanem yumi save prea iven taem i gat ol man raonem yumi, olsem long skul o taem yumi stap wetem ol fren blong yumi?

  ol boe oli stap pleplei

  Lod bae i helpem yumi taem yumi prea.

Doktrin mo Ol Kavenan 11:12–13

Tabu Spirit bae i lidim mi blong mekem gud.

Nomata long wan yang yia, ol pikinini oli save stat blong luksave taem Spirit i stap toktok long olgeta.

Samfala Aktiviti we Yu Save Mekem

• Haedem wan raon laet o toj mo wan pikja blong wan hapi fes samples insaed long rum. Askem ol pikinini blong faenem ol samting ia. Ridim Doktrin mo Ol Kavenan 11:13, mo helpem ol pikinini blong luksave ol toktok we i go wetem ol samting we oli faenem. ?Wanem nao ol toktok ia i tijim abaot wei we Tabu Spirit i helpem yumi?

• Givim sam situesen long ol pikinini we bae oli nid blong mekem joes bitwin raet mo rong—olsem wan joes blong talem trutok o blong giaman, o joes ia blong stap kaen o mekem nogud. ?Olsem wanem yumi save wijwan joes nao i raetwan? Ridim tugeta Doktrin mo Ol Kavenan 11:12, mo testifae se Tabu Spirit bae i helpem yumi blong mekem raet joes sapos yumi lisin long Hem.

• Singsing wan singsing abaot givhan blong Tabu Spirit, olsem “Listen, Listen” (Children’s Songbook, 107). Askem ol pikinini se wanem singsing nao i tijim olgeta abaot olsem wanem Tabu Spirit i stap helpem yumi.

tijing pikja bokis

Stap Tijim Doktrin: Ol Bigfala Pikinini

Doktrin mo Ol Kavenan 10:5

Taem mi prea oltaem, mi save winim ol temtesen blong Setan.

Yu save helpem ol pikinini blong andastanem se, blong prea oltaem, i givim paoa long olgeta blong winim temtesen.

Samfala Aktiviti we Yu Save Mekem

• Raetem ol sot sentens we oli stap long Doktrin mo Ol Kavenan 10:5 long ol defren pis pepa, mo askem ol pikinini blong putum long stret oda. Leftemap tingting blong olgeta blong lukaotem ves ia sapos oli nidim help. Folem ves ia, ?wanem blesing nao i kam taem yumi prea oltaem? ?Olsem wanem yumi save stap tingbaot blong prea truaot long dei blong helpem yumi, speseli taem yumi kasem temtesen blong mekem wan samting we i rong?

• Invaetem ol pikinini blong mekem wan lis blong ol taem mo ples we yumi save prea long hem. Blong gat sam moa aedia, leftemap tingting blong olgeta blong luk long Alma 34:17–27.

• Helpem ol pikinini blong mekem ol smol saen o pikja we bae i rimaenem olgeta blong prea oltaem. Invaetem olgeta blong hangem ol saen blong olgeta long ol hom blong olgeta long wan ples we bae oli luk oltaem.

Doktrin mo Ol Kavenan 11:12–13

Tabu Spirit bae i lidim mi blong mekem gud.

Fulap taem ol yangfala oli wantem save se bae oli filim olsem wanem blong save se Tabu Spirit i stap lidim olgeta. Yu save yusum Doktrin mo Ol Kavenan 11 blong tijim ol pikinini olsem wanem blong luksave “Spirit ia we i lidim man blong mekem gud” (ves 12).

Samfala Aktiviti we Yu Save Mekem

• Helpem ol pikinini blong mekem wan lis blong ol pipol we oli save go luk olgeta taem oli nidim, o gat wan kwestin. ?From wanem yumi trastem ol pipol ia blong helpem yumi? Invaetem ol pikinini blong ridim Doktrin mo Ol Kavenan 11:12 mo lukaotem wanem nao oli talem long Haeram Smit blong trastem. ?Wanem nao yumi lanem aot long ol ves ia abaot olsem wanem yumi mas gat tras long Tabu Spirit blong i gaedem yumi?

• Askem ol pikinini wanem nao bae oli talem long wan fren we i bin askem long olgeta se i fil olsem wanem taem Tabu Spirit i toktok long olgeta. Invaetem ol pikinini blong ridim Doktrin mo Ol Kavenan 11:12–13 blong faenem sam ansa.

• Serem wetem ol pikinini sam eksperiens we yu bin gat wetem Tabu Spirit taem Hem i stap gaedem yu blong mekem ol gud samting. Invaetem ol pikinini blong tingting strong long ol taem we maet oli bin gat ol eksperiens olsem ia mo serem ol eksperiens blong olgeta sapos oli filim gud blong serem. Testifae se Papa long Heven i wantem gaedem yumi tru long Tabu Spirit. Leftemap tingting blong ol pikinini blong luksave long wik we i stap kam, ol taem we oli filim ol filing ia olsem we oli tokbaot gud long Doktrin mo Ol Kavenan 11:12–13.

Doktrin mo Ol Kavenan 11:21, 26

Mi nid blong save gospel blong mekem se mi save helpem ol narawan blong faenem trutok.

Ol pikinini we yu tijim bae oli gat fulap janis blong serem gospel. O ves ia save tijim olgeta olsem wanem blong rere from ol janis ia.

Samfala Aktiviti we Yu Save Mekem

• Invaetem ol pikinini blong mekem wan rolplei long olsem wanem bae oli tokbaot gospel wetem wan man we no bin harem bifo. Eksampol, ?Olsem wanem bae oli ansarem ol kwestin abaot Buk blong Momon? ?Olsem wanem bae oli eksplenem huia Jisas Kraes? Ridim wetem ol pikinini Doktrin mo Ol Kavenan 11:21, 26. ?Wanem nao Lod i bin talem long Haeram Smit blong i nid blong mekem, mekem se bae hem i save tijim gospel? ?Hem i minim wanem blong “kasem” toktok blong God, mo olsem wanem yumi mekem hemia? ?Olsem wanem nao yumi “holem taet strong” toktok blong God long hat blong yumi?

• Invaetem ol pikinini blong serem wan skripja we oli laekem mo eksplenem from wanem oli laekem. Mekem olgeta i tokbaot olsem wanem ol skripja i blesem ol laef blong olgeta mo wanem nao oli stap mekem blong stadi ol tok blong God long hom. Leftemap tingting blong olgeta blong putum ol gol blong ridim tok blong God moa.

• Singsing tugeta wan singsing abaot wok blong serem gospel, olsem “I Want to Be a Missionary NowChildren’s Songbook,168). ?Wanem nao singsing ia i stap tijim abaot olsem wanem yumi save stap olsem ol misinari evri dei?

• Serem wan samting aot long “Hope of Israel” we i kam long Presiden Russell M. Nelson mo Sista Wendy W. Nelson (wol yut divosen, 3 Jun 2018, ChurchofJesusChrist.org) blong givim insperesen long ol pikinini blong help blong karem ol pikinini blong God i kam tugeta taem oli stap serem gospel.

stap lanem samting pikja bokis

Stap Leftemap Tingting blong Lanem Samting long Hom

Invaetem ol pikinini blong storian wetem wan memba blong famli abaot wan samting we oli bin lanem long Doktrin mo Ol Kavenan 10 o 11 tedei. Eksampol, oli save serem olsem wanem oli plan blong stap prea oltaem.

Stap Kam Antap long Fasin blong Yumi blong Stap Tij

Lukaotem blong kasem revelesen evri dei. Taem yu stap rere blong tij, prea mo tingting strong long ol skripja truaot long wik. Bae yu faenem se paoa blong Spirit bae i “givim laet long maen blong yu” (Doktrin mo Ol Kavenan 11:13). Ol aedia mo filing mo tingting abaot olsem wanem yu tij i save kam long yu eni taem mo eni ples—taem yu stap travel i go long wok, mekem ol wok blong haos, o toktok wetem ol narawan.

aktiviti pej: Mi save prea oltaem