Pāpode 15–21

Katak im Bujen ko 14–17

“Jutak āinwōt juon rikam̧ool”

Ewi wāween am̧ maron̄ jipan̄ ajri ro jutak āinwōt rikam̧ool ro an gospel? Makūtkūt ko ilo laajrak in enaaj bar lewaj ļōmņak n̄an eok.

Je En̄jake ko Rej Im̧we Eok

Kajjitōk Bwe ren Kwaļo̧ke

Ļōmņak in karuwainene jejjo ajri ro bwe ren kwaļo̧ke jet men ko im rekar ekkatak wiik in, ilo m̧weo ak ilo Būraimere, me rej tōmak ej m̧ool.

Katakin Katak ko: Ajri ro Reddikļo̧k

Katak im Bujen Ko 14:1–7

Imaron̄ jipan̄ Irooj kōm̧m̧ane jerbal eo An.

Ļōmņak ewi wāween an naan ko an Irooj n̄an David Whitmer maron̄ jipan̄ ajri ro meļeļe ewi wāwween an maron̄ bōk koņaer ilo jerbal eo an Anij.

M̧akūtkūt ko Maron̄ Kōm̧m̧ani

• Ilo tukaduin, kwaļo̧k jidik meļeļe kōn baam̧le eo an Whitmer (lale Saints, 1:68–71 or this week’s outline ilo Itok, Ļoor Eō—N̄an Kajjojo Armej im Baam̧e ko). N̄an waanjon̄ak, kwaļo̧k wōn eo David Whitmer im ewi wāween an im baam̧le eo an kar jipan̄ Josep Smith ke ekar ukōte Bok in Mormon eo.

• Jipan̄ ajri ro meļeļe oktak ko ikōtaan jerbal ilo juon jikin kallib im bōk koņaer ilo “jerbal in eaorōk im” (eoon 1). N̄an waanjon̄ak, totake juon iien m̧admōd emaron̄ kōkkaļļein bōktok jetōb ko an Kraist. Komaron̄ kwaļo̧k juon pija in juon rikallib, ej bōktok nuknuk ko an rikallib ro n̄an ajri ro bwe ren kōņaki, ak ekōnono kōn jerbal ko aolep raan me rikallib eo ej kōm̧m̧ani. Kōmļeļeik bwe David Whitmer ekar juon rikallib eo ekar kōņaan jeļā ewi wāween an maron̄ jipan̄ Anij. Riiti Katak im Bujen Ko 14:3–4 n̄an ajri ro, im jipan̄ er loe ta eo Irooj ekar jiron̄ļo̧k David Whitmer. Ewi wāween ad jipan̄ jerbal eo an Irooj?

• Kōjerbale juon katak n̄an katakin ajri ro kōn menin letok eo an Anij an mour indeeo. N̄an waanjon̄ak, kwaļo̧k n̄an ajri ro ippān juon peba ilowaan, “Mour indeeo” (Katak im Bujen Ko 14:7). Kōtļo̧k bwe juon ajri ro rube mennin letok eo, im riiti Katak im Bujen Ko 14:7 ellaaj. Kwaļo̧k bwe mour indeeo meļeļe n̄an mour indeeo ippān Anij im erom̧ āinwōt E. Kwaļo̧k naan in kam̧ool eo am̧ kōn kōjeraam̧m̧an ko kōn am̧ kōjparok kien ko im bōk mour indeeo.

  

  Jerbal in mijenede ej wāween eo de eo jemaron̄ jipan̄ Irooj kōm̧m̧ane jerbal eo An.

Katak im Bujen ko 15: 6; 16:6

Emaron̄ jipan̄ ro jet itok im epaake Jisōs Kraist.

Jon Whitmer im Piter Whitmer Jr. rekar ro jatin David Whitmer. Āinwōt David, rekar kōņaan jeļā ewi wāween remaron̄ jipan̄ Irooj. Rekar kajjitōk ippāer n̄an jipan̄ “bōktok jetōb ko n̄an” E.

M̧akūtkūt ko Maron̄ Kōm̧m̧ani

• Kajjitōk ippān ajri ro bwe ren kōmļeļeiki juon men eo im eaorōk ak eļap tokjen n̄an er (āinwōt juon kein ikkure, bok, ak game). Riiti Katak im Bujen Ko 15:6 ak 16:6, im kajjitōk ippān ajri ro bwe ren kajutak peir eļan̄n̄e renej ron̄ ta eo Irooj ekar ba kōn “men eo eaorōktata.”

• Ilo an ajri ro, kōm̧m̧ane juon laajrak in wāween ko remaron̄ jipan̄ juon armej ej ļoor Jisōs Kraist, āinwōt maron̄ m̧ōttāiki ro jet, kwaļo̧k jeje ko rekwojarjar ippān juon m̧ōttam̧, ak jar kōn aikuj an bar juon armej. N̄an leļo̧k ļōmņak ko ko n̄an ajri ro, komaron̄ kwaļo̧k jet pija ko rem̧m̧an jān māākjiin ko ko Kabun̄ in ak Bok in Pija Ak ajri ro remaron̄ jipan̄ ilo pija ko aer make. Kajjitōk ippāer n̄an kajjieon̄e juon men ilo laajrak eo aer ilo wiik in.

Katak im Bujen Ko 17

Imaron̄ erom̧ juon rikam̧ool kōn men ko an Anij ekar kōm̧m̧ane n̄an eō.

David Whitmer ekar erom̧ juon iaan Rikam̧ool ro Jilu an Bok in Mormon eo, im emān iaan ļaddik ro jetin rekar ilubwilijin Rikam̧ool ro Ruwalitōk. Āinwōt David im ļaddik ro jatin, kōj kajjojo remaron̄ “jutak āinwōt juon rikam̧ool” an m̧ool eo (Katak im Bujen Ko 14:8).

M̧akūtkūt ko Maron̄ Kōm̧m̧ani

• Kwaļo̧k n̄an ajri ro kōn Rikam̧ool ro Jilu im Ruwalitōk (lale “Jebta 7: Witnesses See the Gold Plates” [Doctrine and Covenants Stories, 31–33], ak pija in alooj eo ChurchofJesusChrist.org). Kajjitōk ippān ajri ro n̄an jin̄aiki juon pija in rikam̧ool eo lale pileij eo.

• Kajjitōk ippān ajri ro ro n̄an kōļare peij in m̧akūtkūt eo an wiik eo, im kōjerbal n̄an kwaļo̧k bwebwenato eo an Rikam̧ool ro Jilu.

• Dāpij ņae ilōn̄ juon kape in Bok in Mormon eo, im riiti n̄an ajri ro ļain eo āliktata in Katak im Bujen Ko 17:6: “Āinwōt amijel Irooj im amijel Anij emour e em̧ool.” Ba n̄an ajri ro ewi wāween am̧ jeļā bwe Bok in Mormon em̧ool. Kajjitōk ippān ajri ro n̄an erom̧ rikam̧ool ro an Bok in Mormon eo jān aer riiti im jar kake n̄an jeļā eļan̄n̄e ej m̧ool innām kwaļo̧k naan in kam̧ool eo aer ippān ro jet.

Katakin Katak ko: Ajri ro Rerūttoļo̧k

Katak im Bujen Ko 14–16

Imaron̄ jipan̄ Irooj kōm̧m̧ane jerbal eo An.

Ilo am̧ ekōnono kōn revelesōn ko n̄an ro jatin Whitmer, komaron̄ kwaļo̧k jet iaan wāween ko Irooj ej kajjitōk ippād kajjojo n̄an jipan̄ ilo jerbal eo An.

M̧akūtkūt ko Maron̄ Kōm̧m̧ani

• Kwaļo̧k bwebwenato ko kōn David Whitmer im baam̧le eo an me komaron̄ en̄jake enaaj im̧we ajri ro (lale Saints, 1:68–71). Ewi wāween an Irooj kōjerbale Whitmer ro n̄an kalōk aelōn̄ in kiin̄ eo An?

• Ioon jet peba ko, je kajjitōk ko repidodo im rej iookļo̧k eoon ko jān Katak im Bujen Ko 14–16. N̄an waanjon̄ak: Ta naan eo an Anij āinwōt? (14:2). Ta mennin letok eo an Anij eļaptata? (14:7). Ta eo Irooj ej bwe bwe eaorōktata? (15:6; 16:6). Innem kōtļo̧k bwe membōr ro ren kāālet juon kajjitōk im kappukot uwaak ko ilo eoon ko.

• Je ruo heading ko ioon boot eo: Jerbal in Kallib im Jerbal eo an Irooj. Jipan̄ ajri ro etale Katak im Bujen Ko 14:3–4 n̄an naan ko me rejelet jerbal in kalib, im je ium̧win heading eo kein kajuon. Ta eo bwebwenato kein rej katakin kōn aorōk eo an jeje ko rekwojarjar? Jet uwaak ko an ajri ro ium̧win heading eo kein karuo. Ewi wāween aō maron̄ jipan̄ ilo jerbal eo an Irooj?

Katak im Bujen Ko 17

Imaron̄ erom̧ juon rikam̧ool kōn men ko an Anij ekar kōm̧m̧ani n̄an eō.

Ilo Katak im Bujen Ko 17, Irooj ekar ba n̄an Oliver Cowdery, David Whitmer, im Martin Harris bwe renaaj erom̧ Rikam̧ool ro Jilu an Bok in Mormon eo. Jipan̄ ajri ro ro ekkatak ewi wāween remaron̄ erom̧ juon rikam̧ool an m̧ool eo barāinwōt.

• Kajjitōk ippān juon ajri bwe pojaktok n̄an an kwaļo̧k kōn bwebwenato eo an Rikam̧ool ro Jilu (lale “Chapter 7: Witnesses See the Gold Plates” [Doctrine and Covenants Stories, 31–33], ak pija in alooj eo ChurchofJesusChrist.org). Ta eo jemaron̄ ekkatak jān bwebwenato in kōn wāween erom̧ rikam̧ool ro reperan? Komaron̄ barāinwōt kwaļo̧ke pija kāāleti jān pija in “A Day for the Eternities” (ChurchofJesusChrist.org; m̧ōttan eo kōn Three Witnesses ej jino enan̄in 15:00).

• Riiti ippān doon kallim̧ur eo an Irooj ilo Katak im Bujen Ko 17:1–3, im jipan̄ ajri ro pukot kakūrm̧ool eo ilo “Naan in Kam̧ool eo an Rikam̧ool ro Jilu” ilo Bok in Mormon eo.

• Riit ippān doon Katak im Bujen Ko 17:3–5 n̄an pukot ta eo Oliver Cowdery, Martin Harris, im David Whitmer rekar kajjitōk ālkin aer loe pileij kooļ ko. Ta jet iaan m̧ool ko jej kam̧ool kaki? Kwaļo̧k kōn ewi wāween am kar kwaļo̧ke naan in kam̧ool eo am̧ ippān ro jet, im kajjitōk ippāer n̄an kwaļo̧k jabdewōt en̄jake ko rekar būki.

Kōketak Ekkatak ilo M̧weo

Kajjitōk ippān ajri ro n̄an jutak āinwōt juon rikam̧ool kōn juon men im rekar ekkatak ilo kūlaaj rainin. Kajjitōk ippāer bwe ren kwaļo̧k ewi wāween aer kar kōm̧m̧ane ilo wiik eo tok.

Kōkōm̧anm̧anļo̧k Ad Katakin

Kōm̧m̧an bwe ajri ro ren niknik. Komaron̄ kalōk ioon m̧akūtkūt eo eo an ajri ro ilo am̧ kajjitōk bwe ren m̧akūtkūt ekkar n̄an juon bwebwenato ak kōm̧m̧an m̧akūtkūt ko rej iookļo̧k juon al ak juon eoon. (Lale Teaching in the Savior’s Way, 25–26.)