Atake an Martin Harris

Atake an Martin Harris jān Al Rounds

Pāpode 22–28

Katak im Bujen Ko 18–19

“Aorōk eo an jetōb ko ad eļap”

Kajjitōk ippān Jemedwōj Ilan̄ n̄an jipan̄ eok pukot katak ko ilo Katak im Bujen Ko 18-19 ko im renaaj ļap meļeļeier n̄an ajri ro.

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Riiti Katak im Bujen Ko 18:2 im kōmeļeļeiki bwe Jetōb eo eaar jipan̄ Oliver Cowdery jeļā bwe jeje ko rekwojarjar rej m̧ool. Ba n̄an ajri ro kōn juon imminene eo me Jetōb eo eaar kam̧ool n̄an kwe bwe jeje ko rekwojarjar rej m̧ool. Kōtļo̧k bwe ren kwaļo̧k iminene ko aer kōn iien ko raar en̄jake bwe jeje ko rekwojarjar rej mool.

pija in katakin

Katakin Katak eo: Ajri ro Reddikļo̧k

Katak im Bujen ko 18:10–12

Kajjojo iaad eļap ad aorōk n̄an Anij.

Ne ajri rej jeļā bwe Jemedwōj Ilan̄ Ej iakwe er—im aolep ro Nejin— renaaj peranļo̧k im joujļo̧k n̄an ro jet

M̧akūtkūt ko Maron̄ Kōm̧m̧ani

• jipan̄ ajri ro aliji ippām Katak im Bujen Ko 18:10 jet kattan. Kōmeļeļeik bwe “jetōb ko” ej jiton aolep ajri ro nejin Anij. Aliji eoon 10 ippān ajri ro, kiiō pinej-jenkwaan “jetōb ko” kōn etan ajri ro. (Bar lale peij in m̧akūtkūt eo an wiik in.)

• Jipan̄ ajri ro ļōmņake men ko armej rej loe reaorōk. Innem katļo̧k bwe ajri ro ren kajjojo reiļo̧k n̄an juon kilaj, im ilo aer kōm̧m̧ane, ba nan kajjojo ajri bwe ej nejin Anij im ej lap an aorōk. Kam̧ool bwe n̄an Jemedwōj Ilan̄, rej lapļo̧k aer aorōk jān aolep men ko rekar ļōmņaki moktaļo̧k.

Katak im Bujen ko 18:13–16

Jaketo-jaketak Gospel eo ebōktok eļap lan̄lōn̄.

Elmen am̧ naaj kajjitōk ippān ajri ro n̄an itok n̄an Kraist im bok eļap lan̄lōn̄?

M̧akūtkūt ko Maron̄ Kōm̧m̧ani

• Kwaļo̧k n̄an ajri ro kōn juon men eo ej bōktok lan̄lōn̄ n̄an eok. Kōtļo̧k bwe kajjojo ajri ren ba n̄an kwe kake juon men eo ej bōktok lan̄lōn̄ n̄an e. Riiti Katak im Bujen Ko 18:13, 16 Ta ej bōktok n̄an lan̄lōn̄ n̄an Irooj? Ta eo Ej ba enaaj bōktok n̄an koj lan̄lōn̄?

• Al ippān doon juon al kōn jerbal in mijenede, āinwōt ”Ij Kōnaan Bwe in Juon Mijenede Kiiō” (Book in Al an Ajri 168), im jipan̄ ajri ro ļōmņak kōn wāween ko remaron̄ kwaļo̧k kōn gospel eo, kobaļo̧k ilo moko mweir. Kwaļo̧k juon tōre me kwaar kwaļo̧k kōn gospel eo, im kōtļo̧k bwe ajri ro ren kwaļo̧k iminene ko aer.

Katak im Bujen Ko 19:18–19, 23–24

Jisōs Kraist Eaar pokake Jemedwōj Ilan̄, mekarta ekar pen.

Monono eo an Rilo̧mo̧o̧r eo n̄an “idaak jān kap eo emeo, im [jab] dikļo̧k” (eoon 18) ej juon waan jonok n̄an koj aolep kōn pokake kilaan Anij. Ļōmņake ewi wāween am̧ maron̄ im̧we ajri ro n̄an ļoor waanjon̄ok eo an.

M̧akūtkūt ko Maron̄ Kōm̧m̧ani

• Kwaļo̧k juon pija in Jisos Kraist An entaan ilo Getsemane(lale unin tōl eo an wiik inilo Ļoor Eō—N̄an Kajjojo Armej im Baam̧le ko Kajjitōk ippān ajri ro n̄an jiron̄ eok ta eo rejeļā kōn ta eo ej waļo̧k ilo pija in. kokadudu ilo n̄an ko am make ta eo Rilo̧mo̧o̧r Eaar ba ilo Katak im Bujen Ko 19:18–19 Lukkuun kwaļo̧k ke wujlepļo̧k kake jerawiwi ko ad ej men eo epen tata juon armej emaron̄ kōm̧m̧ane, botaab kōnke Jisos ekar iakwe Jeman im koj, Eaar pokake kilaan Anij Ekōjkan ad maron̄ pokake Jemedwōj Ilan̄?

• Jipan̄ ajri ro ļōmņak kake makutkut ko remaron̄ kōm̧m̧ani me rekobaļo̧k ippān n̄an ko ilo Katak im Bujen Ko 19:23. Riiti eoon in jet attan ilo an ajri ro kommani makutkut ko. Jipan̄ er ļōmņak kake wāween ko jemaron̄ katak kōn Kraist im ronjake naan ko An.

pija ej bōk jikin katakin

Katakin Katak ko: Ajri ro Rerūttoļo̧k

Katak im Bujen ko 18:10–12

Kajjojo iaad eļap ad aorōk n̄an Anij.

Elon armej ro rej entaan kake en̄jake in aer jab aorōk; ro jet rejjab emman n̄an armej ro reoktak jān er. Ennaan eo ekajoor in Katak im Bujen Ko 18:10 emaron̄ ukot wāween ad loe koj make im armej ro ipelakid.

M̧akūtkūt ko Maron̄ Kōm̧m̧ani

• Kajjitōk ippān kajjojo ajri n̄an jeik etaer ilo juon peba im leto letak peba ko ilo room eo. Jiron̄ er bwe ren je ilo kajjojo peba ko rej boki juon men emman ippāer kake armej en. Rōjan̄ er bwe ren kolmenļo̧kjen kake im en emman men ko rej ba. Innem jipan̄ ajri ro riiti Katak im Bujen Ko 18:10–12, im jiron̄ er n̄an kwaļo̧k ta ko raar katak kōn wāween an Anij en̄jake kōn koj. Komeleleik bwe kajjojo iaad eļap ad aorōk n̄an Anij bwe kojwoj ej Nejin.

• Kwaļo̧k n̄an ajri ro juon men me elukkuun in aorōk n̄an kwe. Ewi wāween ad kejparok men ko rej aorōk n̄an koj? Kajjitōk ippān juon ajri bwe en riiti Katak im Bujen Ko 18:10. Ewi wāween ad maron̄ kwaļo̧k n̄an ro jet bwe “aorōk in jetōb ko [aer] ej lap” ilo mejad?

  Jisōs ej jibwe juon ļaddik

  Aorōkin juon Jetōb, jān Liz Lemon Swindle

Katak im Bujen Ko 19:16–19

Jisōs Kraist eaar en̄taan kōn eō.

Elmen am naaj karuwaineneik juon jetōb in nebar bwe Jetōb Kwojarjar eo en maron̄ kam̧ool n̄an ajri ro bwe Jisos Kraist eaar kollaik wōņāān jerawiwi ko aer?

M̧akūtkūt ko Maron̄ Kōm̧m̧ani

• Kwaļo̧k kake bwebwenato in wujlepļo̧k eo an Jisos Kraist kōn jerawiwi ko ad (lale “Jepta 51: Jisos ej Entaan ilo Kallib Getsemane,” Bwebwenato in Kallimur Ekaal, 129–32, ak pija eo ilo ChurchofJesusChrist.org). Jiron̄ ajri ro n̄an ba kōn bwebwenato bar juon alen ilo naan ko aer make, innem jiron̄ er bwe ren riiti wāween Riloomor komeleleik iminene eo ilo Katak im Bujen Ko 19:16–19 Ta ko jej katak jān meļeļe ko An?

• Jiron̄ ajri ro bwe ren kiil mejeir ilo am riiti Katak im Bujen Ko 19:16–19 im n̄an ļōmņak kōn wāween aer en̄jake kake Rilo̧mo̧o̧r eo. Jipan̄ ajri ro pukot ilo Bok in Al ak ilo Bok in Al an Ajri al ko me rej jipan̄ kwaļo̧k en̄jake ko aer kake Jisōs Kraist (lale topic index ilo bok kein). Karuwaineneik ajri ro bwe ren al al ko rekar kaaleti im kwaļo̧k naan in kam̧ool ko aer.

• Jipan̄ ajri ro kakilōklōke laajrak in tōmak kein kajilu.

Katak im Bujen Ko 19:26, 34–35, 38

Kōjeraam̧m̧an ko an Anij reļapļo̧k jān mennin aorōk ko an laļ in.

Eļap wōņāān kar buriini Bok in Mormon eo, im Josep Smith eaar jab maron̄ kollaik wōņāān. Irooj ekar kajjitōk ippān Martin Harris n̄an “leļo̧k mottan bwidej eo [an],” atake eo an ejeraam̧m̧an, n̄an kollaik ri-buriin eo (eoon 34). Emoj ad bok kōjeraam̧m̧an ko reļļap kōn wujlepļo̧k ko an Martin im elon ro jet.

M̧akūtkūt ko Maron̄ Kōm̧m̧ani

• Jeiki ilo boot eo kajjitōk ko āinwōt laajrak in n̄an jipan̄ ajri ro meļeļe Katak im Bujen Ko 19:26, 34–35, 38: Ta eo Irooj ekar kajjitōk bwe Martin Harris en kōm̧m̧ane? Etke ekar kajjitōk ippān bwe en kōm̧m̧ane? Ta eo ekar kallim̧uri e kake? Kajjitōk ippān ajri ro bwe ren jerbal ilo pea n̄an pukot uwaak ko ilo eoon kein. Kajjitōk ippāer eo wāween nej kar aer en̄jake ne enkar er Martin Harris.

• kwaļo̧k n̄an ajri ro juon kaape in Bok in Mormon, im kwaļo̧k juon men eo kwoj iakwe kake. Karuwaineneik er bwe ren kwaļo̧k aer en̄jake kake. Kōnono ilo kadu kake wujlepļo̧k eo an Martin Harris bwe Bok in Mormon eo en maron̄ buriin (Bwebwenato ko ilo Katak im Bujen Ko, 33 Ta eo Irooj ekar ba n̄an Martin ilo Katak im Bujen ko 19:38 me emaron̄ kar jipan̄ e tōmak im pokake? Jipan̄ ajri ro ļōmņake men ko remaron̄ wujlepļo̧k n̄an pokake Anij ak jipan̄ ilo jerbal in An.

pija ej bōk jikin ekkatak

Kōketak Ekkatak ilo M̧weo

Karuwaineneik ajri ro n̄an ļōmņak kōn juon eo me emaron̄ bok jipan̄ jān men ko raar katak jānKatak im Bujen Ko 18 ak 19—waan jonok, bwe eļap ad aorōk n̄an Anij. Kōketak er n̄an karōk eo wāween aer naaj kwaļo̧k men ko rekar katak ippān armej en.

Kōkōm̧anm̧anļo̧k Ad Katakin

Jipan̄ ajri ro katak jān jeje ko rekwojarjar. Jet ajri emaron̄ pen aer jeje ko rekwojarjar. Mije wōt juon eoon ak jet naan ko emaron̄ jipan̄ er.

peij in m̧akūtkūt: Na ij lukkuun aorōk.