Susquehanna River

Pāpode 8–14

Katak im Bujen Ko 12–13; Josep Smith—Bwebwenato 1:66–75

“Ioomiro Ro Rikarejera”

Ajri ro kwōj katakin rej itok jān jekjek ko rellōn̄ im ewōr kajjojo aer aikuj. Ilo am̧ kōppopo, ļo̧m̧ņak kōn ekōjkan am̧ maron̄ jipan̄ er ekkatak m̧ool eo ilo Katak im Bujen Ko 12–13 im Josep Smith–Bwebwenato 1:66–75

Je En̄jake ko Rej Im̧we Eok

pija ej bōk jikin kwaļo̧k

Kajjitōk bwe ren Kwaļo̧k

Kajjitōk bwe ajri ro ren kwaļo̧k kōn jet iien me raar lo an juon peptaij ak bōk juon kōjeraam̧m̧an in priesthood. Ewi wāween an kar Josep Smith im Oliver Cowdery bōk priesthood eo?

pija ej bōk jikin katakin

Katakin Katak ko: Ajri ro Reddikļo̧k

Katak im Bujen Ko 13

Jon Ripeptaij ej kōjepļaak tok Priesthood eo an Aron.

Ilo Māe 15, 1829, Jon Ripeptaij eaar waļo̧k n̄an Josep Smith im Oliver Cowdery im leļo̧k n̄an er Priesthood eo an Aron. Elmen ekkatak kōn iien in kōjeraam̧m̧an ajri ro kwoj katakin?

M̧akūtkūt ko Maron̄ Kōm̧m̧ani

• Ba n̄an ajri ro kōn elmen an kar Priesthood eo an Aron kar ro̧o̧ltok (lale Josep Smith–Bwebwenato 1:68–70; bar lale “Jebta 6: Josep Smith im Oliver kar Bōk Priesthood eo,” Bwebwenato in Katak im Bujen Ko, 26–27). Ak kūr juon iaan em̧m̧aan ro ilo kūlaaj eo bwe en itok n̄an kūlaaj im kwaļo̧k bwebwenato eo āinwōt n̄e e Jon Ripeptaij, riiti ļo̧k n̄an ajri ro ta eo Jon eaar ba n̄an Josep Smith im Oliver Cowdery.

• Kwaļo̧k pija in an Jon Ripeptaij peptaiji Rilo̧mo̧o̧r eo im kōro̧o̧ltok Priesthood eo an Aron (Gospel Art Book, 35, 93; bar lale pija eo ilo laajrak eo an wiik in ilo Itok, Ļo̧o̧r Eō—N̄an Kajjojo Armej im Baam̧le ko). Kajjitōk bwe ajri ro en kwaļo̧k ta ko rejeļā ta eo ej waļo̧k ilo pija kein (lale Matu 3:13–17; Katak im Bujen Ko 13; Josep Smith–Bwebwenato 1:68–70).

• Jipan̄ ajri ro katake juon al kōn priesthood, āinwōt “The Priesthood Is Restored” (Children’s Songbook, 89). Kūr ajri ro bwe ren maaj ilowaan ruum̧ eo ilo aer al, kajjojo jibwe pija eo jān laajrak eo an wiik in ilo Itok, Ļoor Eō—N̄an Kajjojo Armej im Baam̧le ko.

Katak im Bujen Ko 13

Priesthood eo ej kajoor an Anij.

Katak ko kōn jepļaaktok eo an Priesthood eo an Aron ej juon iien em̧m̧an n̄an jipan̄ ajri ro meļeļe kōn ta in priesthood im elmen an kōjeraam̧m̧an er.

M̧akūtkūt ko Maron̄ Kōm̧m̧ani

• Boktok jet men n̄an kūlaaj, koba juon ki. Kwaļo̧ke kein jerbal ko, im kajjitōk ippān ajri ro bwe ren ron̄jake ilo am̧ riiti Katak im Bujen Ko 13 im kappukōt kein jerbal eo me kōnono kake ilo jeje ko rekwojarjar. Ta eo jemaron̄ kōm̧m̧ane kōn ki eo? Ekwaļo̧k pija in men ko jemaron̄ kōm̧m̧ane bwe kōnke em̧ōj an jepļaaktok Priesthood eo an Aron (lale peij in m̧akūtkūt eo an wiik in; bar lale Gospel Art Book, 103–4, 107–8). Kwaļo̧k n̄an ajri ro ewi wāween an kar priesthood eo kōjeraam̧m̧an mour eo am̧.

• N̄an jipan̄ ajri ro ekkatak eoon in Priesthood eo ej kajoor an Anij, im ba ren kabokbok ilo aer ba kajjojo bun̄tōn naan. Kwaļo̧k juon men me ej aikuj pāātre n̄an jerbal, im katakin bwe, āinwōt an pāātre kōmour men eo, priesthood eo ej boktok kajoor an Anij n̄an mour ko ad. Kwaļo̧k am̧ naan in kam̧ool kōn kōjeraam̧man ke rej itok n̄an eok kōn wōt priesthood eo.

Josep Smith—Bwebwenato 1:66–75

Imaron̄ peptaij.

Josep Smith im Oliver Cowdery raar ekkatak kōn peptaij ilo Bok in Mormon im kōņaan kar jeļā eļapļo̧k. Komaron̄ jipan̄ ajri ro kwoj katakin reim̧anļo̧k n̄an iien peptaij eo aaer im ekkatak eļapļo̧k kōn kain̄i in ekwojarjar.

M̧akūtkūt ko Maron̄ Kōm̧m̧ani

• Kwaļo̧k pija eo “Restoration of the Aaronic Priesthood” (ChurchofJesusChrist.org). Kakkutkut am̧ kōbojrak pjia eo bwe kwon kajjitōk kain kajjitōk kein ippān ajri ro “Etke Josep Smith im Oliver Cowdery raar ilo̧k n̄an wōjke ko?” im “Ewi am̧ ļōmņak kōn en̄jake eo an Josep Smith im Oliver ālkin aaer kar peptaij?” Kajjitōk ippāer bwe ren kwaļo̧k elmen aer nej ļōmņak renaj en̄jake n̄e em̧ōj aaer peptaij.

• Jiron̄ ajri ro kōn an kar Josep Smith im Oliver Cowdery kar peptaij (lale Josep Smith—Bwebwenato 1:68–74; bar lale “Jebta 6: Josep im Oliver Rej Bōk Priesthood eo,” Bwebwenato in Katak im Bujen Ko, 26–28). Bar kalikkar lan̄lōn̄ eo Josep im Oliver raar en̄jake, im jiron̄ ajri ro kōn kar peptaij eo am̧. Kajjitōk ippān ajri ro n̄an jin̄aik er make aer peptaij juon raan.

  ļaddik ej peptaij

  Imaron̄ in peptaij kōnke em̧ōj an jepļaaktok priesthood eo.

pija ej bōk jikin katakin

Katakin Katak ko: Ajri ro Rerūttoļo̧k

Katak im Bujen Ko 13; Josep Smith—Bwebwenato 1:66-72

Jon Ripeptaij eaar kōjepļaak tok Priesthood eo an Arōn.

Bwebwenato in jepļaaktok eo an Priesthood eo an Aron emaron̄ jipan̄ ajri ro kwoj katakin meļeļe kōn m̧ool ko kōn priesthood im ekkapit ko an priesthood.

M̧akūtkūt ko Maron̄ Kōm̧m̧ani

• Riiti ippān doon Josep Smith—Bwebwenato 1:66–72, im kajjitōk bwe ajri ro ren jin̄aik pija ko kōn ta ko eoon kein rej kōmeļeļe. Innem kōtļo̧k bwe ajri ro ren kōjerbal jin̄a ko aer n̄an kwaļo̧k bwebwenato eo. Kūr juon bwe en kwaļo̧k en̄jake eo ke eaar lo an juon ekkapit n̄an opiij eo an priesthood. Elmen an āinwōt juon n̄an wāween an kar Josep im Oliver kar ekkapit me ejkōmeļeļeiki ilo Josep Smith—Bwebwenato 1:66–72?

• Leļo̧k n̄an er jejjo minit ko bwe ren kōm̧m̧an juon laajrak in aolep men ko rejeļā kōn Jon Ripeptaij, innem kōtļo̧k bwe ren kwaļo̧k ta ko raar jeiki. Kajjitōk bwe ajri ro ren jerbal ippān bar juon im riiti juon iaan eoon kein im kakobaba ļo̧k n̄an laajrak eo aer: Matu 3:13–17; Katak im Bujen Ko 13; Josep Smith—Bwebwenato 1:66–72.

Katak im Bujen Ko 13

Em̧ōj aō bōk kōjeraam̧man ko jān Priesthood eo an Aron.

Jej bōk elōn̄ kōjeraam̧m̧an ko jān Priesthood eo an Aron. Ta eo komaron̄ kōm̧m̧ane n̄an jipan̄ ajri ro kwōj katakin meļeļe bwe kōjeraam̧man kein rej waļo̧k kōnke em̧ōj an jepļaaktok priesthood eo?

M̧akūtkūt ko Maron̄ Kōm̧m̧ani

• Lukūt pija in peptaij im kwojkwoj eo ilo juon nien eo me ej kōjerbal ki n̄an kōppeļļo̧ke. Kōnono ippān doon etke ki eaorōk, im kōtļo̧k bwe ajri ro ren kōjerbal ki eo n̄an kōppeļo̧k nien eo. Kajjitōk ippān ajri ro bwe ren riiti Katak im Bujen Ko 13 im kappukōt naan ak eoon me ej katakin er ta kōjeraam̧man rej itok jān Priesthood eo an Aron.

• Kwaļo̧k pija eo “Blessings of the Priesthood” (ChurchofJesusChrist.org), im kajjitōk bwe ajri ro ren jittōn̄ wāween ko armej ro ilo pija raar jeraam̧m̧an kōnke kōn priesthood eo.

Josep Smith—Bwebwenato 1:73–74

Jetōb Kwojarjar eo emaron̄ jipan̄ eō meļeļe kōn jeje ko rekwojarjar.

Ālkin an kar Josep Smith im Oliver Cowdery peptaij, Jetōb Kwojarjar eo eaar jipan̄ er m̧eļeļe ļo̧k wōt kōn jeje ko rekwojarjar. Menin emaron̄ rōjan̄ ajri ro me emaron̄ pen aaer meļeļe kōn jeje ko rekwojarjar.

M̧akūtkūt ko Maron̄ Kōm̧m̧ani

• Bōktok juon bajjōļ n̄an kūlaaj, im ba ajri ro ren bajjōļ e. Ilo aer kommane, kajjitok ippāer ewi waween an riiti jeje ko rekwojarjar einlok wot bajjol. Riiti ippān doon Josep Smith—Bwebwenato 1:73-74, im kajjitōk bwe ajri ro ren kwāļo̧k ta eo eaar jipan̄ Josep im Oliver meļeļe kōn jeje ko rekwojarjar. Ta eo jemaron̄ kōm̧m̧ane n̄an kappukōt jipan̄ eo an Jetōb Kwojarjar ilo ad ekkatak jeje ko rekwojarjar?

• Kajjitōk bwe ajri ro ren kōm̧m̧an juon kein kōkaļļe me remaron̄ lukūt ilo jeje ko rekwojarjar ko aer n̄an kakeememej er bwe ren kappukōt jipan̄ eo an Jetōb Kwojarjar n̄e rej riit. Bōlen remaro̧n̄ lo an kaim̧wem̧we eoon in ilo Josep Smith—Bwebwenato 1:74 me remaron̄ je ilo kein kōkaļļe eo aer.

pija ej bōk jikin ekkatak

Kōketak Ekkatak ilo M̧weo

Eļan̄n̄e ejeļak am̧ iien n̄an an ajri ro kam̧ōj peij in m̧akūtkūt eo ilo kūlaaj, lōm̧ņak in ļeļo̧k aer kape n̄an m̧weo m̧weer bwe ajri ro ren jerbali ippān baam̧le ko aer.

Kōkōm̧anm̧anļo̧k Ad Katakin

Kwon m̧ōņōņō in jenij im rōn̄jake Jetōb. Jab en̄jake ke kwoj aikuj kōjerbal aolep ļo̧m̧ņak ko ilo laajrak in. Kōjjeļā kajeen ajri ro kwoj katakin; kajjitōk ippān Jemedwōj Ilan̄ bwe en tōl eok ilo wāween ko em̧m̧antata n̄an jipan̄ er ekkatak katak ko an gospel im kaddōkļo̧k aer tōmak.

pein in m̧akūtkūt: priesthood eo ej kajoor eo an Anij