Meei 10–16

Reirei ao Berita aika Tabu 49–50

“Bwa Ane Mai Iroun te Atua e Bon Oota”

Ngkana ko wareka Reirei ao Berita aika Tabu 49–50, tarai rongorongo ke reirei ake ko taku bwa ana uaana nakoia ataei ake ko reireiniia. Tabeman aika katauaki n te kabwarabwara aei.

Korei Am Namakin

Kaungaa te Tibwatibwa

Kaota te tamnei man te kabwarabwara n te wiiki aio n Nakomai, Iriirai—Ibukiia Aomata n Tatabemaniia ao Utu, ao buokiia ataei n taekinna bwa e kanga Iesu Kristo n riki n ai aron te tibu te teei ae raoiroi.

Reirei te Reirei: Ataei aika a Uarereke

Reirei ao Berita aika Tabu 49:12–14

I kona n ira Iesu Kristo.

Buokiia ni kaotaia ataei bwa a na kona n ira Iesu Kristo man Kakoauakina, te rairannano, te bwabetito, ao karekean te Tamnei ae Raoiroi.

Waaki ni Kakukurei aika a Kona ni Karaoaki

• Katei ieta aua mwaneka ni wae aika beeba ao aua tamnei aika a tei ni kakoaua Iesu Kristo, rairannano, ni bwabetitoaki, ao ni karekea te Tamnei ae Raoiroi. Wareka Reirei ao Berita aika Tabu 49:12–14, ao tuangiia ataei bwa a na kotea etin te tamnei ngkana a bane n taekinaki inanon tenaan ni kibu. Tuangiia ataei bwa a na buokiko ni katikui mwaneka iaon tano ma tamnei irarikiia, ao tuangiia ataei bwa ana toana temanna ma temanna n nakonako iaon mwaneka. Kaota am koaua bwa ngkana ti karaoi bwaai inanon tamnei aikai, ti a ira Iesu Kristo.

• Kabongana te iteraniba n te waaki ni kakukurei n te wiiki aei ni karaoi maan ake a tau iaon te tabonibai ae titeuana are e kona ni buoka te ataei n reirei aron irirakin Iesu Kristo man reken te onimaki, te rairannano, tia ni bwabetitoaki, ao karekean ana bwaintituaraoi te Tamnei ae Raoiroi.

Reirei ao Berita aika Tabu 50:23–25

E kona otau n tamnei n rikirake n otamwaaka ao n otamwaaka riki.

Iango aika aki koaua n aron te koaua ao te tamnei a kona ni matoatoa ataakina irouia kairake n ataei, ma kabotauakina nakon te oota, n aron ae karaoia te Uea n Reirei ao Berita aika Tabu 50:23–25, e kona n ibuobuoki.

Waaki ni Kakukurei aika a Kona ni Karaoaki

• Kabongana te waaki ni kakukurei are e kamataata bwa e na kanga otara n tamnei n rikirake n otamwaaka ao n otamwaaka riki. Ko kona ni kaoti tamnein bwaai aika a anga te ota (n aron te taura te nenea, te taura te bunimoa, ao taai) ao tuangiia ataei bwa a na bairei raoi nakon karinanin otaia ni moa man ae otamwaaka riki. Ke kaoiia ataei n ae aongkoa a na riki bwa te oota ae a moanna n otamwaaka man kabaouaiia rikaaki i nano ao ni karaurau n teirake ao n taakin baia. Buokiia n iangoi bwaai aika raraoi aika a kona ni karaoia ni karaoi otaia n tamnei n rikirake n otamwaaka.

• Aneneia ma ataei te anene ibukin otaia n tamnei, n aron “Shine On” (Aia Boki n Anene Ataei, 144). Kakoaua bwa e kanga Tamara are i Karawa n tia ni buoka otam bwa e na rikirake n otamwaaka riki. Tuangiia ataei taekan te oota ae ko noori inanoia.

Reirei ao Berita aika Tabu 50:41–44

E tangirai Iesu Kristo.

Iesu Kristo bon te Tia Kawakin Tiibu ae Raoiroi. Ngaira bon Ana tiibu, ao E tangiriira ni kabane. Tera ae na buokiia ataei aika ko reiakiniia n namakina Ana tangira ibukiia?

Waaki ni Kakukurei aika a Kona ni Karaoaki

• Kaota tamnein Iesu Kristo ma ataei (taraa Gospel Art Book, nambwa 47, 84, ke 116), ao titirakiniia ataei bwa a kanga n ataia ae Iesu e tangiriia ataei. Tibwauaia bwa ko kanga n ataia ae Iesu e tangiriko ao ataei n tatabemaniia inanon te kiraati.

• Karaoi tiibu n te beeba, koroi iaoia araia ataei n te kiraati, ao karabai inanon te ruu. Kaota tamnein te Tia Kamaiu, ao wareka Reirei ao Berita aika Tabu 50:41–42. Buokiia ataei n ataia bwa tera ae a reireia kiibu aikai n taekan bwa e kanga ana namakin Iesu Kristo ibukiia. Kariaia bwa a na kakaea te tiibu inanon te ru ao katikui iaon te burakibooti irarikin tamnein Iesu bwa e aonga n ae “akea i buakoia … ae e na bua” (te kibu 42).

Reirei te Reirei: Ataei aika a Ikawai Riki

Reirei ao Berita aika Tabu 49:12–14

I kona n ira Iesu Kristo.

E kainnanoira te Uea bwa ti na reireiniia tabeman ae a kona n Nakoina man karekean te onimaki, te rairannano, te bwabetitoaki, ao karekean ana bwaintituaraoi te Tamnei ae Raoiroi.

Waaki ni Kakukurei aika a Kona ni Karaoaki

• Kaoiia ataei bwa a na kabotaua Reirei ao Berita aika Tabu 49:12–14 ma te bwai are e reirei Betero n Makuri 2:38 ao ma taekan te onimaki te ka aua. Tera bwaai aika a kunei aika ti tebo? Bukin tera a kakawaki koaua aikai?

• Kaoiia ataei bwa a na ikatoatoa ni mwakuri ao aongkoa temanna mai ibuakoia e tangiria ni kan ataia bwa e na kanga n ira Iesu Kristo. Temanna te ataei mai ibuakoia taan katoatoa e kona n reireina teuanne ke neienne man kabonganakin Reirei ao Berita aika Tabu 49:12–14.

Reirei ao Berita aika Tabu 49:15–17

Te mare imarenan te mwaane ao te aine e kakawaki ibukin Ana babaire te Atua.

Te ataei are ko reireinna e kona ni kamangaoaki ma rongorongo aika kamangaongao ibukin te mare. Reirei ao Berita aika Tabu 49:15–17 e kona ni buokiia n ata ana namakin te Uea n namakinan taekan te mare.

Waaki ni Kakukurei aika a Kona ni Karaoaki

• Kabwarabwara bwa tenaan Shakers bon te kurubu ake a kakoaua bwa aki riai ni mare aomata (taraa atuun te tiekition n Reirei ao Berita aika Tabu 49). Kaoiia ataei bwa a na kakai bwaai ae reirei te Uea ibukin te mare n Reirei ao Berita aika Tabu 49:15–17.

• Buokiia ataei bwa a na ataa nanon te kibun taeka “te mare e katabuaki iroun te Atua”. Kaoiia bwa a na mwakuri ni kakauoman ni kabotaua Reirei ao Berita aika Tabu 49:15–17 ma te moan barakarabe ake teniua n “Te Utu: Te Katanoata Nakon te Aonaaba.” Bukin tera te mare e kakawaki iroun Tamara are i Karawa?

• Bane anenea te kauoua ni kibu n “Families Can Be Together Forever” (Aia Boki n Anene Ataei, 188) ke te anene riki teuana ibukin te utu. Buoka te ataei n iangoi kawai aika ana kona ni katauraoi nakon te mare n te tembora n te bong teuana ao ni karekea aia utu ae akea tokina.

  

  Te mare imarenan te mwaane ao te aine e bon kakawaki iroun te Atua.

Reirei ao Berita aika Tabu 50:40-46

Iesu Kristo bon te Tia Kawakin Tiibu ae Raoiroi.

Reirei ao Berita aika Tabu 50:40–46 iai inanona katmneian bwaai aika a kona ni buokiia ataei aika ko reireiniia n ata aron ana namkin te Uea ibukiia.

Waaki ni Kakukurei aika a Kona ni Karaoaki

• Karaoa te takakaro ni kabotau ni kabonganai kibun taeka man Reirei ao Berita aika Tabu 50:40–46. Te katooto, ko kona ni korea “Tai maaku, ataei aika a uarereke” iaon te kaati teuana are e na ti tebo ma te kaati riki teuana ae taekina “bwa au bwai ngkami” (te kibu 41). Wareka Reirei ao Berita aika Tabu 50:40–46 ni kabane. Imwiina ao botii kaati ni kabane iaon tano, te taibora, ke te kairababa, ao tuangiia ataei bwa a na katomai kibun taeka. Teraa ae a reireiniira kibun taeka aikai ibukin taekan Iesu Kristo?

• Ni buokiia ataei n ataia bwa e kanga te Uea n titebo ma te tia kawakin tiibu ae raoiroi tuangiia bwa a na wareka Reirei ao Berita aika Tabu 50:40–46 ni kabane. Imwiina ao kaota te witeo “Jesus Declares the Parable of the Lost Sheep” (ChurchofJesusChrist.org), ao tuangiia bwa a na kakaea te bwai teuana n te witeo are e kauringiia n te bwai ae a warekia. E kanga ni kamaiuira Iesu? Ti na kanga n riki bwa taan kawakin tibu ae raoiroi nakoia tabeman?

Kaungaa te Kamatebwai n te Mweenga

Katauraoa te bwai ae na taraaki ibukiia ataei ma taeka aikai: Titirakinai taekan . Kariaia ataei bwa a na kanoai ake akea kanoaia ma te bwai ae a reiakinna n te kiraati (anganiia te ibuobuoki ngkana e kainnanoaki) ao kanimwa te taeka n aia kunikai ni kawaekoa te babaire n te mweenga.

Kanakoraoan Ara Anga Reirei

Kanakoraoi waaki ni kakukurei ibukin aia ririki ataei ake ko reireiniia. Ngkana a rikirake ataei, ao a na mwaiti riki aia tibwatibwa nakon te kiraati. A mwaiti riki aia taneiai ao a na rangin n nakoraoi riki n tibwuakin aia iango. Ngkana ko reireiniia ataei ake a uarereke riki, ko na bae n tangiria ni kabwarabwara ae mwaiti riki nakoia ataei ake a ikawai riki. Anganiia n taainako ataei aia tai n tibwatibwa i bon irouia, ao imwiina buokiia ngkana e kainnanoaki.