“Meei 17–23. Reirei ao Berita aika Tabu 51–57: ‘Te Tia Tararua ae e Kakaonimaki, n Raoiroi ao e Wanawana,’” Nakomai, Iriirai—Ibukin te Moanrinan: Reirei ao Berita aika Tabu 2021 (2020)
“Meei 17–23. Reirei ao Berita aika Tabu 51–57,” Nakomai, Iriirai—Ibukin te Moanrinan
First Furrow, iroun James Taylor Harwood
Meei 17–23
Reirei ao Berita aika Tabu 51–57
“Te Tia Tararua ae e Kakaonimaki, n Raoiroi ao e Wanawana”
N raonaki ma te iango are e taekinaki ikai, te Tamnei e na kona ni kairiko bwa kona boboto iaon te bwai teuana man Reirei ao Berita aika Tabu 51–57 ao anne e kona ni kakaawaki ibukiia ataei ake ko reireiniia.
Korei Am Namakin
Kaungaa te Tibwatibwa
Anganiia ataei ake a tangiria n tibwa te bwai are a reiakinna n anai nambwa man te kaonteina ni kataia ni katei n teina are a na tibwaia iai.
Reirei te Reirei: Ataei aika a Uarereke
Reirei ao Berita aika Tabu 51:9
I kona ni kokoaua.
A mwaiti ataei aika uarereke aika a bon reiakina naba tera nanon taekinan te koaua. Iangoia bwa kona kanga ni kakorakora riki kakaawakin tataekinan ao karaoan te kokoaua.
Waaki ni Kakukurei aika a Kona ni Karaoaki
-
Wareware nakoia ataei man Reirei ao Berita aika Tabu 51:9: “A riai aomata nako ni kokoaua” (taraa naba Taekan te Onimaki 1:13). Titirakiniia ataei ngkana a ataia bwa tera ae nanonaki n te kokoaua. Ni buokiia bwa a na mataata riki, anganiia te katooto n te mwakuri ae kokoaua.
-
Tibwai tabeua karaki aika a beebete irouia ataei aika a kaitara ma te babaire iaon te kokoaua, n aron ae te baire ni kaotia ngkana a karaoa te bwai ae kaairua. Kabonganai tamnei, bwabete n titaokin, ke taore aika a karaoaki man te beeba ni karaoi karaki aika a kakaongora riki. Titirakiniia ataei ngkana aomata aikai a kokoaua ke a kekewe.
-
Anenea teuana te kuna iaon rinean te eti, n aron “Stand for the Right” (Aia Boki n Anene Ataei, 159). Kaota am koaua iaon bukin tera e kakawaki te kokoaua.
Reirei ao Berita aika Tabu 52:10; 53:3; 55:1
Te bwaintangira n te Tamnei ae Raoiroi e reke rinanon te katokabai.
Karekean te Tamnei ae Raoiroi man te katokabai e taekinaki tabeua te tai inanon Reirei ao Berita aika Tabu 51–57. Aio e kona n reke iai am tai ae tamaroa n reireiniia ataei taekan te otenanti aei.
Waaki ni Kakukurei aika a Kona ni Karaoaki
-
Kaota tamnein te teei ae kamatoaki (taraa Bokin Tamnein te Euangkerio, nambwa 105). Titirakiniia ataei bwa a na kabwarabwara bwa tera ae e riki n te tamnei. Tuangiia bwa a na uboi baia ngkana a ongo “katoka bai” ke “katokaan baai” ngkai ko wareka teuana ke e raka riki man kiibu aikai: Reirei ao Berita aika Tabu 52:10; 53:3; 55:1.
-
Karakinna nakoia ataei ngke ko karekea te bwaintangira n te Tamnei ae Raoiroi man te katoka bai imwiin are ko bwabetitoaki. Buokiia ataei n ingainga ni karekea te bwaintangira aei irouia. Maroroakinna ma ngaiia kawai ake ti kona iai ni kaoa te Tamnei inanon maiura.
-
Anenea “The Holy Ghost” (Aia Boki n Anene Ataei, 105) ke te kuna ae titebo. Katereterei taeka ke kiibun taeka ake a reirei taekan te bwaintangira n te Tamnei ae Raoiroi.
Tamneite ataeinimwaane ae kamatoakiKabwarabwaraan tamnein te ataeinimwaane ae kamatoaki iroun Dan Burr
Reirei ao Berita aika Tabu 54:4–6
I riai n tainako ni kawakina au berita.
Leman Copley e a tia ni karaoa te berita ni kariaia Aika Itiaki mai Colesville, New York, bwa a na maeka i abana i Ohio. Ma imwiin rokoia, e urua ana berita ao e kanakoia.
Waaki ni Kakukurei aika a Kona ni Karaoaki
-
Tibwaia ma ataei te bwai are e riki nakoia aika Itiaki ake a roko ni maeka iaon aban Leman Cople (taraa atuun mwakoro n Reirei ao Berita aika Tabu 54; taraa naba “Mwakoro 21: Te Kaotioti ni Maeka i Missouri,” Reirei ao Berita aika Tabu Stories, 81–83). Buokiia n iangoa aroia aika Itiaki are a namakinna ngke Leman e urua ana berita.
-
Korea te aati ae te beeba ni uamwakoro, ao anganiia uoman ataei aika a kakaokoro iteran te aati. Tuangiia bwa a na taua i eta iteran te aati ni karaoia ni kabwaninna. Anganiia ngkanne ataei ake tabeman bwa a naa manga taua ngkanne mwakon te aati. Buokiia ataei ni kabotaua aei ma berita ake ti karaoi ma te Atua. Te Atua n tainako e na taua i eta Ana itera n te berita ngkana ti taua ara itera i eta.
-
Kauringiia ataei bwa ngkana a bwabetitoaki, a na berita, ke ni berita, n ongotaeka n ana tua te Atua. Wareware nakoia man Reirei ao Berita aika Tabu 54:6 bwa e kanga te Uea ni kakabwaiaia aomata ake a kawakin aia berita.
Reirei te Reirei: Ataei aika a Ikawai Riki
Reirei ao Berita aika Tabu 51:19; 55
I kona ni kabonganai kakabwaia ake e anganai te Atua ni kakabwaiaia tabeman.
Te Uea e a tia n onimakiniira n tatabemaniira n anganiira bwaintanigra ao kakabwaia ake ti kona ni katea iai Abanueana.
Waaki ni Kakukurei aika a Kona ni Karaoaki
-
Karaba te taeka ae “kakaonimaki,” “booraoi,” ao “wanawana” rinanon nako te ruu. Kaoiia ataei bwa a na kakaei taeka n te ruu ao imwiina a na kakaei n Reirei ao Berita aika Tabu 51:19. Wareki kibu n ikotaki, ao taetae iaon te bwai are e nanonaki n riki bwa te tia tararua. Ngkana e riai, warekia n ikotaki te moan barakurabu n “Steward, Stewardship” n te Guide to the Scriptures (scriptures.ChurchofJesusChrist.org).
-
Tuangiia ataei taekan William W. Phelps, are te tia boreetiia te nutibeeba imwain ae e ongo te euangkerio ao ni mwaing nako Kirtland. Tuangiia ataei bwa a na wareka Reirei ao Berita aika Tabu 55:1–4 ao korei rinanin bwaai ake e tangiria William bwa e na karaoi. Tera man bwaai aikai ake a kona ni kaeineti nakoira ni kabane, ao baikara aika a onoti nakon William ibukin ana tarena? Tuangiia ataei bwa a na atai tarena ake a noori imarenaia, ao maroroakinna bwa a na kanga ni kabonganai tarena akanne ni beku ibukin te Atua ao Natina.
Reirei ao Berita aika Tabu 52:14–19
Te Atua iai ana baeten ni buokiira bwa ti na aki kekeweaki.
Ni kiibu aikai, te Uea e anga te baeten “bwa [ti na] aki mwamwanaki” (Reirei ao Berita aika Tabu 52:14) irouia taan reirei ni kewe ao man rongorongo.
Waaki ni Kakukurei aika a Kona ni Karaoaki
-
Kaotia nakoia ataei te banna ni katooto n te baeten (n aron te baeten n ituan te kunnikai ke karaoan te bwai teuana), ao maroroakinna bwa bukin tera baeten aikai a ibuobuoki. Ni buokiia ataei n reiakina te baeten mairoun te Uea, koreia iaon te burakibooti kibu n aron Mangaia are ane , e bon , Ane e e na bon , ao Ane e bon tiaki . Kaoia ataei bwa a na wareka Reirei ao Berita aika Tabu 52:15–18 ao ni kanoai bwangabwanga. Bukin tera e ibuobuoki te baeten aei nakoira? (taraa kibu 14, 19).
-
Korea te bwai ae beebete, ao kaoia ataei bwa a na ira te baeten ni karea te tamnei ae titebo mangaia. Ngkanne kakaea ma ngaiia ana baeten te Uea ake a koreaki inanon Reirei ao Berita aika Tabu 52:14–19.
I riai n taainako ni kawakina au berita ae tabu.
E ngae ngke ara berita a onoti nakoira, ara kakaonimaki ni kawakini e kona n rooti maiuiia taeman. Rongorongon Lebman Copley ao Aika Itiaki mai Colesville, New York, e kaota te koaua aei.
Waaki ni Kakukurei aika a Kona ni Karaoaki
-
Tibwaia ma ataei te bwai are e riki ngke Aika Itiaki mai Colesville, New York, a maeka n aban Leman Copley (taraa atuun te mwakoro n Reirei ao Berita aika Tabu 54; taraa naba “Mwakoro 21: Te Kaotioti ni Maeka i Missouri,” Karaki man Reirei ao Berita aika Tabu, 81–82). Tera am namakin ngkana ngkoe temanna mai ibuakoia iAka Itiaki ao ko kunea bwa e urua ana berita Leman n tibwa abana? Tera ae e reireiniia te karaki aei iaon kawakinan ara berita? Ikotaki wareka Reirei ao Berita aika Tabu 54:6 n reiakina taekan te kakabwaia are e anga te Uea nakoia ake a kawakin aia berita.
-
Buokiia ataei bwa a na uring aia berita ake a karaoi ngke a bwabetitoaki (taraa Motiaea 18:8–10). Buokiia n iangoi kawai ake a kawakin iai berita aikai, ao buokiia bwa a na nooria bwa e kanga ni buokiia ni karaoi rakan berita aika a tabu n taai aika a na roko.
Kaungaa te Kamatebwai n te Mweenga
Ngkana a tara ni kukurei iai ataei n te waaki ni kakukurei n te bong aei, anganiia bwa a na manga karaoa te kakukurei anne ni mweengaia ma aia utu.
Kanakoraoan Ara Anga Reirei
Maiuakina are ko reireia. Am angareirei e na rang ni korakora riki ngkana ko kakoaua man am taneiai iaon te kakabwaia ni maiuakinan te euangkerio. Ngkai ko rinei reirei ake kona reireiniia ataei, iangoia bwa kona kanga ni maiuakin reirei akanne n ae bwanin riki. (Taraa naba Teaching in the Savior’s Way, 13–14.)