Independence Missouri, iroun Al Rounds

Meei 24–30

Reirei ao Berita aika Tabu 58–59

“Ingainga ni Kan Karaoa Te Waaki Ae e Raoiroi”

Ngkana ko wareka Reirei ao Berita aika Tabu 58–59, korei am namakin n tamnei ake ko karekei . A konaa namakin aikai ni buokiko ni bairea am reirei aika kona reiakin nakoia ataei. Ko kona naba ni kakaei iango n te kamataata n te reirei aei, inanon Nakomai, Iriirai—Ibukiia Aomata n Tatabemaniia ao Utu, ke inanon ana maekatiin te Ekaretia.

Korei Am Namakin

Kaungaa te Tibwatibwa

Kaoiia tabeman ataei bwa a na tibwauai bwaai tabeua aika a karaoi inanon te wiiki aika a reiakin man koroboki aika tabu.

Reirei te Reirei: Ataei aika a Uarereke

Reirei ao Berita aika Tabu 58:27–28

E a tia Tamara are i Karawa n anganai te mwaaka n rineia.

Buokiia ataei bwa a na ataia ae Tamara are i Karawa e tangiriira bwa ti na karaoi rinerine aika raraoi are e uota te kukurei nakon maiura ao nakoia tabeman.

Waaki ni Kakukurei aika a Kona ni Karaoaki

• Wareki kibun taeka man Reirei ao Berita aika Tabu 58:27–28 ni buokiia ataei bwa a na ataia ae a kona n rineia ni karaoa ae raoiroi. Katuka te ubu ae kukurei n iteran te ruu are teuana ao te ubu ae nanokawaki n iterana are teuana. Tera aron ara namakin ngkana ti rineia bwa ti na karaoa ae raoiroi? Kabwarabwarai kaangaanga tabeua n raonaki ma te rinerine ae raoiroi ke ae buakaka ibukin temanna ma temanna. Imwiin kabwarabwarakin kaangaanga ao rinerine n tatabeua, tuanga te ataei bwa e na tei irarikin te ubu ae kukurei ngkana e raoiroi te rinerine ao irarikin te ubu ae nanokawaki ngkana e buakaka.

• Kaotia nakoia ataei te kaonteina ni kureiaon ae mwaiti kakaokoron ana kara. Kaotia nakoia te kauoua ni kaonteina ma te kureiaon ae ti teuana. Titirakiniia ataei bwa tera te kaonteina ae a na tangiria ni kabongana. Bukin tera? Kabwarabwara bwa te konabwai n rinerine bon te kakabwaia mairoun Tamara are i Karawa. Kakoaua ae Tamara are i Karawa ao Iesu Kristo a tangiriira ao a tangiriira bwa ti na karaoi rinerine aika raraoi.

• Tuangiia ataei te tai are ko karaoa te rinerine ae raoiroi, ao kabwarabwara am namakin imwiina. Kaoiia ataei bwa a na korea tamnein am karaki ke bon oin aia karaki. Ao tuangiia bwa a na tibwaua aia tamnei ma kaain te kiraati ao n taekina te bwai ae a reiakinna man te karaki.

Reirei ao Berita aika Tabu 59:7

Tamara are i Karawa e tangirai bwa n na kakaitau.

Ko na kanga ni buokiia ataei bwa a na ataa kakawakin kaitauakin Tamara are i Karawa bukin aia kakabwaia?

Waaki ni Kakukurei aika a Kona ni Karaoaki

• Tuangiia ataei te bwai ae ko kakaitau ibukina, ao tuangiia bwa a na tibwauai bwaai aika a kakaitau ibukina. Wareka Reirei ao Berita aika Tabu 59:7, ao buokiia ataei bwa a na iangoi kawai aika a kona ni kaitaua iai Tamaia are i Karawa ibukin aia kakabwaia. Tera ae a kona ni karaoia ae a na uotia nakon mweengaia bwa e na kauringiia ni kaitaua Tamara are i Karawa ibukin aia kakabwaia?

• Bootaki n anenea te kuna ibukin te burabeti, n aron “Follow the Prophet” (Aia Boki n Anene Ataei,21). Kaoiia ataei bwa a na onoi mwiin taeka n te anene ma bwaai tabeua aika a kakaitau ibukina.

• Kariaia ataei bwa a na korei tamnein bwaai tabeua ake a karabwarabwa ibukina.

Reirei ao Berita aika Tabu 59:9–12

Te Tabati bon ana bong te Uea.

Ngkana ko tibwaua te kimwareirei are ko a tia ni karekea man kawakinan tabun te bong ae te Tabati, ko kona ni buoka te ataei n taraa te Tabati bwa te bong ae ti neboa iai te Uea.

Waaki ni Kakukurei aika a Kona ni Karaoaki

• Uoti tamnei ke bwaai aika a tei ibukin bwaai aika raoiroi aika ti kona ni karaoi n te Tabati n neboa te Uea ao ni karekea te kimwareirei. Tabeua iango a kuneaki n Reirei ao Berita aika Tabu 59:9–12 ao “Kawakinan te Bong ae te Tabati” (Ibukin Kakorakorakiia Kairake, 30–31). Ibukin te katooto, n tei ibukin te toa, ko kona ni kaota te tamnei 108 in te Gospel Art Book ke te mwangko n toa ao te mwakoro ni kariki. A kanga bwaai aikai n tatabeua nako ni buokiira ni kaniira riki nakon Tamara are i Karawa ao Iesu Kristo n te Tabati?

• Katia te iteraniba iaon te waaki ni kakukurei n te wiiki aei ma ataei n anganiia iango ni karaoa te bong ae te Tabati bwa e na tabu.

  

  Kanakin te toa e buokiira ni karinea te bong ae te Tabati.

Reirei te Reirei: Ataei aika a Ikawai Riki

Reirei ao Berita aika Tabu 58:27–28

Te rinerine bon te mwaaka n rinerine.

E a tia te Atua n anganiira te mwaaka n rinerine, ao ma te mwaaka anne ti kona ni “kakoroa bukin te raoiroi ae e mwaiti” (te kibu 27). Ko na kanga ni buoka te ataei ae ko reireinna n taraia bwa e ngae ngke e mwaiti te buakaka n te aonaaba, “e mena te mwaaka irouiia” ni “karaoa te raoiroi”? (te kibu 28).

Waaki ni Kakukurei aika a Kona ni Karaoaki

• Kaotia nakoia ataei te mwakoro ni beeba are iai inanona te taeka rinerine ni koreaki n iterana are teuana ao te taeka mwiina ni koreaki n iterana are teuana. Kabwarabwara bwa iai mwiin rinerine, ke mwiia are e na rimwiiaki ma mwakuri. Kaoa te ataei bwa e na tabeka te beeba ni kaotia bwa ngkana ko tabeka te beeba, ko karekea te rinerine ao mwiin te rinerine anne. Tuanga te ataei bwa e na wareka Reirei ao Berita aika Tabu 58:27–28. Tera rinerine aika ti kona ni karaoi ae na “kakoroa bukin te raoiroi ae mwaiti” ke mwiina ae raoiroi? (te kibu 27). Ningai ae ti a tia ni karaoi rinerine aika raoiroi aika iai mwiia aika a kakabwaiaia tabeman?

• Koroi kibun taeka man Reirei ao Berita aika Tabu 58:27–28 iaon te mwakoro ni beeba, ao anganiia ataei n tatabemaniia teuana. Kaoiia bwa ana wareki kiibu ni karaurau ao iangoi taekaia. Kaoiia ataei bwa a na tekateka ao ni baireaki nakon te tabo are e kaoti iai aia kibu n taeka inanon kiibu 27–28ia ao n tibwaua ma ngaiia n tatabemaniia nako te bwai are a reiakinna. Tera ana rongorongo te Uea nakoira inanon kiibu aikai?

• Anenea te anene iaon taekan rinerine, n aron “Choose the Right” (Anene n Taromauri, nambwa 239). Titiraki n titiraki aika ana buokiia ataei n iangoa taekan te anene—te katooto, Antai ae buokiko ni kairiko ni karaoi rinerine aika eti? Antai ae kataia ni kairiko bwa ko na karaoi rinerine aika bure? E kanga rinean te eti ni karika am namakin?

Reirei ao Berita aika Tabu 59:9–16

Te Tabati bon ana bong te Uea.

E taku te Uea bwa kawakinan te Tabati e buokiira ni “[kawakiniira] raoi man barekan te aonaaba” (Reirei ao Berita aika Tabu 59:9). Ko na kanga ni buokiia ataei aika ko reireiniia bwa a na karinea te Tabati ao ni karaoia bwa kanikinaean aia tangira ibukin Tamara are i Karawa ao Iesu Kristo?

Waaki ni Kakukurei aika a Kona ni Karaoaki

• Kaoiia ataei bwa a na wareka Reirei ao Berita aika Tabu 59:9–16 ni kakauoman, ao tuangiia toaia ake kakauoman bwa a na korea te bwai ae a reiakinna n taekan te bong ae te Tabati man kiibu aikai. Imwiin tabeua miniti, titirakiniia ake kakauoman n tatabemania bwa ana tibwauaia ma te kiraati te bwai ae a koreia. Tera ae ti na karaoia ae kaokoro n te Tabati ibukin te bwai ae ti reiakinna?

• Katauraoa te takakaro ni kabotau ae bebete are ataei a na kabotaui iai kibun taeka man Reirei ao Berita aika Tabu 59:9–16 nakon te kibu ae eti. Rinei kibun taeka ake a reirei te bwai ae tangiria te Uea bwa ti na karaoia n te Tabati. Maroroakin bwaai aika a reireiniira kiibu aikai n taekan ana bong te Uea ao ti na kanga ni kona ni kaan riki ma Ngaia.

• Te bong ae Tabati bon “ana bong te Uea” (Reirei ao Berita aika Tabu 59:12)—te bong ni kaotia bwai ti uring ana mwakuri aika mwaiti te Uea ngkana ti Neboia (taraa Rikitinare n te Baibara, “Tabati”). Buokiia ataei n iangoi mwakuri aikai man kaoakiia bwa a na wareki kibun taeka aikai man Booki aika Tabu ao ni kaotia nakoia tamnei aika irekereke: Karikani Bwaai 2:1–3 (taraa Gospel Art Book, nambwa 3); Ioane 20:1–19 (taraa Gospel Art Book, nambwa 59). Tera ana mwakuri riki te Uea aika mwaiti aika ti kona n uring n te Tabati? Tera riki ae ti reiakinna ibukin te Tabati man Reirei ao Berita aika Tabu 59:9–16?

Kaungaa te Kamatebwai n te Mweenga

Kaoiia ataei bwa a na tibwauaia ma aia utu te bwai ae a kona ni karaoia ni kawakina te Tabati bwa te bong ae tabu.

Kanakoraoan Ara Anga Reirei

Karikirakea onimakinaia ataei i bon irouia. Tabeman ataei a kona n aki namakina te konabwai n reiakina te euangkerio i bon irouia. Berita nakoia ataei bwa e na buokiia n reireiniia te Tamnei ae Raoiroi.