mannalon a kadua ti baka

Naarado a Talon, ni James Taylor Harwood

Mayo 17–23

Doktrina ken Katulagan 51–57

“Ti Napudno, Nalinteg, ken Masirib a Mangaywan”

Malaksid kadagiti kapanunotan a naisingasing ditoy, mabalin a mangparikna kenka ti Espiritu tapno makaipokuska iti sabali a banag manipud iti Doktrina ken Katulagan 51–57 a nalabit a napateg kadagiti ubbing a sursuruam.

Isuratmo dagiti Impresionmo

icon iti panagbibinninglay

Yawis ti Panagbibinninglay

Bay-am dagiti ubbing nga aggusto a mangibinglay ti maysa a banag a nasursuroda a bumunot kadagiti numero manipud iti container tapno maammuan ti urnos a panangibinglaydanto.

icon iti panangisuro

Isuro ti Doktrina: In-inaudi nga Ubbing

Doktrina ken Katulagan 51:9

Makapagbalinak a napudno.

Adu ti in-inaudi nga ubbing ti agsursuro pay laeng no ania ti kaipapanan ti panagsao ti napudno. Ibilangmo no kasano a mapabilegmo ti kinapateg ti sipupudno a panagsao ken panagtignay.

Dagiti Mabalin nga Aktibidad

• Ibasam kadagiti ubbing manipud iti Doktrina ken Katulagan 51:9, “Ket bay-anyo a napudno ti tunggal tao iti pannakilangenna” (kitaen met iti Pagannurotan ti Pammati 1:13). Saludsodem kadagiti ubbing no ammoda ti kaipapanan ti napudno. Tapno nasaysayaat ti pannakaawatda, ikkam ida kadagiti pagarigan dagiti aramid a napudno.

• Ibinglaymo ti sumagmamano a simple nga estoria dagiti ubbing a naipasango kadagiti pangngeddeng maipapan iti panagbalin a napudno, kas iti pangngeddeng nga akuen no nakaaramidda iti biddut. Mangusar kadagiti ladawan, sock puppets, wenno papel a munieka a makapainteres kadagiti estoria. Saludsodem kadagiti ubbing no napudno wenno naulbod dagitoy a tao.

• Agkansion ti maysa a kanta maipapan iti napudno, kas iti “Stand for the Right” (Children’s Songbook, 159). Paneknekam ti maipapan iti no apay a napateg ti napudno.

Doktrina ken Katulagan 52:10; 53:3; 55:1

Maawat ti sagut ti Espiritu Santo babaen iti panangipatay kadagiti ima.

Nadakamat iti sumagmamano a daras ti panangawat iti Espiritu Santo babaen iti panangipatay kadagiti ima iti Doktrina ken Katulagan 51–57. Mabalin a naimbag a gundaway daytoy tapno maisuro kadagiti ubbing ti maipapan iti daytoy nga ordinansa.

Dagiti Mabalin nga Aktibidad

• Ipakitam ti ladawan ti maysa nga ubing a napatalgedan (kitaen iti Libro ti Arte ti Ebanghelio, num. 105). Awisem dagiti ubbing nga iladawan no ania ti mapaspasamak iti ladawan. Kiddawem kadakuada nga agpapalakpakda no mangngegda ti “panangipatay iti dakulap” wenno “panangipatay dagiti dakulap” bayat iti panangbasam ti maysa wenno ad-adu pay kadagiti bersikulo: Doktrina ken Katulagan 52:10; 53:3; 55:1.

• Ibagam kadagiti ubbing ti maipapan iti panakaawatmo ti sagut ti Espiritu Santo babaen ti panangipatay iti dakulap kalpasan a nabuniaganka. Tulongam dagiti ubbing a manginamnama nga awatendanto daytoy a sagut. Ilawlawagmo kadakuada dagiti wagas a mabalintayo nga awisen ti Espiritu iti biagtayo.

• Kansionen ti “The Holy Ghost,” (Children’s Songbook, 105) wenno maysa nga umasping a kanta. Ipakitam dagiti balikas ken ragup dagiti balikas a mangisuro ti maipapan iti sagut ti Espiritu Santo.

  ubing a lalaki a napatalgedan

  Ladawan ti maysa nga ubing a lalaki a napatalgedan ni Dan Burr

Doktrina ken Katulagan 54:4–6

Nasken a tungpalek dagiti inkarik.

Nakitulag ni Leman Copley a palubosanna dagiti Santo manipud iti Colesville, Nueva York, nga agnaed iti dagana iti Ohio. Ngem kalpasan a nakadanunda, di na tinungpal ti katulaganna ket pinagtalawna ida.

Dagiti Mabalin nga Aktibidad

• Ibinglay kadagiti ubbing ti napasamak kadagiti Santo nga immay nga agnaed iti daga ni Leman Copley (Kitaen iti paulo ti benneg para iti Doktrina ken Katulagan 54; kitaen met iti “Chapter 21: A Revelation to Settle in Missouri,” Doctrine and Covenants Stories, 81–83). Tulongam ida nga ibilangda no kasano ti mabalin a narikna dagiti Santo idi saan a tinungpal ni Leman ti inkarina.

• Gettengen iti kagudua ti maysa a sinanpuso a papel, ket ikkam ti tunggal gudua ti dua nga agsabali nga ubbing. Kiddawem kadakuada nga ingatoda ti kaguduada a sangsangkamaysa tapno agbalin a sibubukel a puso. Pagsisinnublatem dagiti ubbing a mangingato kadagiti paset ti puso. Tulongam dagiti ubbing a mangidilig ti daytoy kadagiti kari wenno katulagan nga ar-aramidentayo iti Dios. Kanayon nga ingato ti Dios ti pasetna iti katulagan no ingatotayo met ti pasettayo.

• Ipalagipmo kadagiti ubbing a no mabuniaganda, makitulagdanto, wenno mangikaridanto, a tungpalenda dagiti bilin ti Dios. Ibasam kadakuada manipud iti Doktrina ken Katulagan 54:6 no kasano a mabendisionan ti Apo dagiti tao a mangtungpal kadagiti katulaganda.

icon iti panangisuro

Isuro ti Doktrina: In-inauna nga Ubbing

Doktrina ken Katulagan 51:19; 55

Mabalinko nga usaren dagiti bendision nga inted kaniak ti Dios a mangbendision kadagiti dadduma.

Intalek ti Apo iti tunggal maysa kadatayo dagiti sagut ken bendision a mausartayo a mangbangon iti pagarianna.

Dagiti Mabalin nga Aktibidad

• Ilemmengmo dagiti balikas a “napudno,” “nalinteg,” ken “nasirib” iti aglawlaw ti siled. Awisem dagiti ubbing a mangsapul kadagiti balikas iti siled ken kalpasanna sapulenda dagitoy iti Doktrina ken Katulagan 51:19. Aggigiddan a mangbasa, ken pagsasaritaan ti kaipapanan ti agbalin a mangaywan. No kasapulan, aggigiddan a mangbasa ti umuna a parapo ti “Agaywan, Panagaywan” iti Pangiwanwan iti Nasantuan a Kasuratan (scriptures.ChurchofJesusChrist.org).

• Ibagam kadagiti ubbing ti maipapan ken ni William W. Phelps, a maysa nga agipabpablaak iti periodiko sakbay a nangngegna ti ebanghelio ken immakar iti Kirtland. Kiddawen kadagiti ubbing a mangbasa iti Doktrina ken Katulagan 55:1–4 ken mangilista iti no ania ti kayat ti Dios nga aramiden ni William. Ania kadagitoy a banag ti mayaplikar kadatayo amin, ken ania dagiti naipangruna a para ken ni William laeng gapu kadagiti talentona? Kiddawem dagiti ubbing a mangbigbig kadagiti talento a makitada ti tunggal maysa, ken pagsaritaanda no kasanoda a mausar dagitoy a talento tapno agserbida iti Dios ken dagiti annakna.

Doktrina ken Katulagan 52:14–19

Adda pagtuladan ti Dios tapno mangtulong kaniak a saan a maalilaw.

Kadagitoy a bersikulo, nangted ti Apo ti pagtuladan tapno “saan[tayo] a maallilaw” (Doktrina ken Katulagan 52:14.) dagiti palso a mannursuro ken mensahe.

Dagiti Mabalin nga Aktibidad

• Mangipakita kadagiti ubbing ti maysa a pagarigan iti pagtuladan (kas ti maysa a pagtuladan para kadagiti madait a bado wenno mangaramid ti maysa a banag), ket pagsaritaan ti maipapan iti no apay a makatulong dagiti pagtuladan. Tapno matulongan dagiti ubbing a makasursuro maipapan iti pagtuladan manipud iti Apo, isurat iti pisarra ti ragup dagiti balikas a kas iti No siasino ti , kasta met ti ,No siasino ti  agbalinto a , ken No siasino ti  saan a . Awisem dagiti ubbing a mangbasa iti Doktrina ken Katulagan 52:15–18 ken suratanda dagiti blangko. Apay a makatulong daytoy a pagtuladan kadatayo? (kitaen ti bersikulo 14, 19).

• Mangidrowing ti maysa a simple a banag, ket awisem dagiti ubbing a surotenda ti pagtuladam tapno makaaramid ti pada a drowing. Kalpasanna, kaduaem ida a mangsukisok iti pagtuladan ti Apo a naisurat iti Doktrina ken Katulagan 52:14–19.

Doktrina ken Katulagan 54

Nasken a kanayon a tungpalek dagiti katulagak.

Uray pay no personal dagiti katulagan, ti kinapudnotayo iti panangtungpal kadagitoy ket makaapekto iti biag ti dadduma. Ti estoria ni Leman Copley ken dagiti Santo manipud iti Colesville, Nueva York, ket mangiladawan iti daytoy a kinapudno.

Dagiti Mabalin nga Aktibidad

• Ibinglay kadagiti ubbing ti napasamak kadagiti Santo nga immay nga agnaed iti daga ni Leman Copley (kitaen iti section heading for Doctrine and Covenants 54; kitaen met iti “Chapter 21: A Revelation to Settle in Missouri,” Doctrine and Covenants Stories, 81-82). Ania kadi ti rikna ti agbalin a maysa kadagidiay a Santo ken maammuan a saan a tinungpal ni Leman ti katulaganna a mangibinglay ti dagana? Ania ti isuro kadatayo daytoy nga estoria maipapan iti panangtungpal kadagiti katulagantayo? Aggigiddan a basaen ti Doktrina ken Katulagan 54:6 tapno maammuan ti maipapan iti bendision nga ited ti Apo kadagiti mangtungpal kadagiti katulaganda.

• Ipalagipmo kadagiti ubbing dagiti katulagan nga inaramidda idi nabuniaganda (kitaen iti Mosiah 18:8–10). Tulongam ida a mangpanunot kadagiti wagas a tungpalenda dagitoy a katulagan, ken tulongam ida a mangkita no kasanoda a mangisagana nga agaramid ti mainayon a katulagan iti masakbayan.

icon iti panagsursuro

Yallukoy ti Panagsursuro iti Pagtaengan

No kasla kaay-ayo dagiti ubbing ti maysa kadagiti aktibidad ita, isingasingmo nga ulitenda dayta nga aktibidad iti pagtaengan kadagiti pamiliada.

Panangpadur-as iti Panangisurotayo

agbiagka a mayannurot kadagiti isursurom. Nabilbilegto ti panangisurom no makapaneknekka manipud iti bukodmo a padas maipapan kadagiti bendision iti panangtungpal ti ebanghelio. Bayat ti panangpilim kadagiti pagbatayan nga isurom kadagiti ubbing, utobem no kasano a matungpalmo dagitoy a pagbatayan a naan-anay. (Kitaen met ti Panangisuro iti Wagas ti Mangisalakan, 13–14.)

panid ti aktibidad: ti katulagan ket maysa a kari iti nagbaetanmi iti Dios